|
رد: تاجر فوركس محترف ناجح مستعد لمشاركة خبرته مع الطامحين الذين يعانون من مشاكل في سوق الفوركس -
اخويا وحبيبى فى الله يسرى....خلينى اوضح شئ فى الاول ( انى ماحكمتش عليه) انا لو تلاحظ قولت انه عنده خبره ((( على حد قوله))) يعنى هو اللى بيقول مش انا...دورنا اننا نسمع منه او من غيره ونحكم بالعقل واللى يتوافق مع كلام العقل والمنطلق نعمله واللى لم يتوافق مانعملوش...بسيطه صح ؟....وللمره التانيه وانا اسف يعنى.....لكن ايه علاقه رقم عضويتك ( بمدى خبرتك) او ( خوفك على الاعضاء)....يعنى انا رقم عضويتى فى المنتدى 4671...دا يمثل ايه انا مش فاهم لو حضرتك لقيت تفسير ليها قولى لان انا مش عارف بصراحه ؟.
ههههههههههه.....انا اسف انى ضحتك بس فعلا كلامك جميل ومسلى ......بس سؤال بسيط...حضرتك علرفت منين ان انا عرضت عليه حسابى ؟؟؟ كنت قاعد معانا؟؟ انت اللى كنت بتكتب مكانى؟؟؟ ولا انت اللى كان بيقرأ الكلام مكانه؟؟؟....بص انا الحمدلله مابعرضش حسابى على حد ...وللعلم بس علشان ابينلك مدى فشلى الذريع ...مبدأ انا مش بفهم فى لغه البرمجه لكن ربنا اعطانى عقل اقدر اطور الحاجه اللى وصلها غيرى...( ولله الحمد من حوالى سنه دمجت اكتر من مؤشر مع بعض حتى وصلت الى استراتيجيه مفيده بالنسبه ليا) وعلى فكره المؤشرات كلها تقريبا فى متناول الجميع يعنى السر مش فى المؤشرات ولكن السر فى العقليه اللى بتولف المؤشرات وتلاحظ الفروق اللى بتحصل...المهم الغريب فى الامر ان بعد حوالى 3 شهور من عملى للاستراتيجيه دى...لاقيت اخى محترم هنا فى المنتدى عرضت استراتيجيه اشتراها من ( منتدى اجنبى ب 2500 دولار) وقال انها كويسه والناس كلها انبهرت بيها....الطريف انها كانت بتعمل بنفس طريقه عمل الاستراتيجيه بتاعتى الفرق بينهم فى الالوان فقط لا غير ...بل يمكن ان تكون استراتيجيتى حساسه اكتر لتغيرات السوق....لعد الكلام دا لو حضرتك عاوز تقول انى بيبع استراتيجيات وانى عاوز اانا كمان ادير حسابات قول براحتك انا مش بيفرق معايا كلام الناس الحمدلله...اخى الحبيب لو عاوز دليل على كلامى اطلب الدليل...وانا اوعدك انى مش هثبتلك حاجه على صدق كلامى نهائى لان (((مش محتاج ابرر معرفتى لحد اللى عاوز يستفيد انا تحت امره واللى عاوزه دليل مع نفسه )))...وبالنسبه للاسئلتك لمانجر ( كل واحد وله طريقه تفكير)...بس انا لو مكانه كنت قولت كلام كتيييير بصراحه....حبيبى فى الله التجربه خير دليل يعنى خليه يقول اللى عنده وياما يكون صحيح او لاء انما ماتستعجلش وتطلب كشف حساب والكلام دا دا كلام واحد عاوز حد يدير ليه حسابه....يعنى انا مثلا بروح اقول لاى حد من الاداره ورينى كشف حسابك هيقولى وانت مالك هقوله اصل انت بتنزل توصيات هيقول عاوز تعمل بيها اعمل مش عاوز ماحدش ضربك على ايديك ...صح ؟... عموما انا مش عاوز نفتح مواضيع غير مهمه ....لكن تذكر انى سألتك سؤال وانت مارديتش عليا فيه حضرتك منين؟ وعندك كام سنه؟ :) تحباتى ليك استاذ يسرى |
رد: تاجر فوركس محترف ناجح مستعد لمشاركة خبرته مع الطامحين الذين يعانون من مشاكل في سوق الفوركس -
اقتباس:
اقتباس:
رغم اني مابحبش اتوه الناس عن الموضوع الرئيسي للباب اجاوبك و من مداخالاتك وللمره التانيه وانا اسف يعنى.....لكن ايه علاقه رقم عضويتك ( بمدى خبرتك) او ( خوفك على الاعضاء)....يعنى انا رقم عضويتى فى المنتدى 4671...دا يمثل ايه انا مش فاهم العضو القديم مبيدخلشي يعمل سبوبه و يطلع زي ما حضرتك بتقول ممكن ترجع لمشاركاته السابقه و تعرف خبرته ايه ليه باب توصيات ناجحه مثلا باب للتحليل الفني ناجح و توصيات ناجحه اقدر اصدقه انما عضو لسه جديد ازاي حضرتك احكم عليه و علي مدي خبرته و حبه لزملائه منين اعرفه ملوش رصيد في المنتدي اما عن سؤال عرفت ازاي انك عرض عليه حسابك حضرتك بتنسي انت كتبت ايه معلشي خلتني اضحك هههههههه انا خليت اللي كتبته بالخط الاحمر وللعلم اخ يسرى انت وميسترى : كان قدام الاخ مانجر فرصه انه يدير حساب ليا ولكنه نصحنى بمنتهى الصدق هههههههههه يعني ايه الكلام ده الفرصه جت ليه ازاي سامحني انا مش هدخل في مداخلات جانبيه كتير الموضوع خاص بالاخ الفاضل مانجر و احنا نسأل و حضرته يجيب اما انا منين انا كتب ان انا من القاهره و سافرت الاسكندريه علشان احضر اول اجتماع لاعضاء المنتدي تفتكر اكون منين مش هقول حضرتك ممكن تعرف لوحدك :1 (83)::1 (83)::1 (83): و عن سني هذا امر شخصي و لكني سني بالفعل اكبر مما تتخيل و تقبل خالص تحياتي |
رد: تاجر فوركس محترف ناجح مستعد لمشاركة خبرته مع الطامحين الذين يعانون من مشاكل في سوق الفوركس -
ممكن يكون سوء منى فى التعبير عن اللى حصل.... لكن القصد ان حصل واتكلمنا عن شئ انا وهو ( غير انى اعرض عليه الحساب :) )....والراجل اول حاجه خطرت على باله هى ( النصيحه) مش انه يستغل الموقف ويعرض مثلا انه يدير الحساب...ووضحت بعدها انى مش هقدر اقول التفاصيل لان من ضمن الكلام اشياء خاصه به فانا ماقدرش اتكلم عن حاجه خاصه بغيرى :) .... بس برده خلينى اقول لحضرتك حاجه بالنسبه لرقم العضويه ...رقم العضويه برده مالوش دعوه بمدى ولاء الشخص وخوفه على المنتدى واعضائه لان بالفعل شخص ما من فتره وهو محترم وكفء فعلا فى المنتدى هنا وعرض عليا من فتره انه يدير حسابى لما انا كنت فى الجيش وبرده قولتله لاء :) ودا لا يقلل من الشخص دا فى شئ فهو محترم وفعلا كفء لكن من حيث المبدأ انا ارفض ان حد يدير ليا حساب بس ...وللعلم هو كان عاوز يساعد ويطلع برده بسببوه :)
عموما اخى الكريم ارجو ان الاختلاف فى الرأى يكون ايجابى وليس سلبى...وعلشن نحافظ على ايجابيه الاختلاف ياريت كفايه كلام لان احنا كده طلعنا عن الهدف الرئيسى للموضوع :) لك منى كل التقدير والاحترام ملحوظه: لو فى اى شئ حضرتك تحب تناقشنى فيه انا تحت امرك ولكن على الخاص حفاظا على النظام والاطار العام للموضوع |
رد: تاجر فوركس محترف ناجح مستعد لمشاركة خبرته مع الطامحين الذين يعانون من مشاكل في سوق الفوركس -
اقتباس:
بالظبط كدة يا استاذ محمد .... بص يا استاذ ياسر انا معرفكش ولا اعرف الاخ مانجر ... بس طريقه كلامك وردودك واضحة جدا عن طريقة كلام الاخ مانجر ( وصاحب العقل يميز ) وبعدين هو الراجل جاب سيرة ادارة حسابات ولا غيرة .. الراجل بيقول انا تاجر محترف بستخدم التحليل الاساسي وبيعرض مساعدته .. دورك انت بقي انك تسأله .. اسأله عن التضخم عن الاسهم عن البطالة.. ومن ردوده نقدر نميز هل هو محترف بجد (زي ما بيقولوا المية تكدب الغطاس ) ... انما تقعد تقوله وريني كشفك حسابك ووريني شهادتك الجامعية ووريني ووريني ... طب وانت مالك ... وهو حد طلب منك كشف حسابك او شهادتك الجامعية ... انا شايف ان ردودك كانت زيادة شوية ... وطريقتك دي ممكن تزعل الاخ مانجر وبصراحه الانسان محترم ومشوفناش منه حاجة وحشة ... واحنا الحمد لله عندنا مشرفين افاضل سواء الاستاذ معاذ او الاستاذ ابو بشار .. او الخلوق الدكتور اسامة ... ولو حسوا في اي وقت ان موضوع الاخ مانجر مش مفيد اعتقد انهم كانوا هيتدخلوا ... تحياتي للخلوق د/اسامه عادل ومشرفين واعضاء اف اكس ارابيا |
رد: تاجر فوركس محترف ناجح مستعد لمشاركة خبرته مع الطامحين الذين يعانون من مشاكل في سوق الفوركس -
اعتذارى لمناجر صاحب الموضوع لكثره الردود الخارجه عن هدف الموضوع الرئيسى
تقبل اعتذارى.....ومتابعينك يا ريس :) |
رد: تاجر فوركس محترف ناجح مستعد لمشاركة خبرته مع الطامحين الذين يعانون من مشاكل في سوق الفوركس -
يا جماعة لا يوجد اى اختلاف ما بين الزملاء و لكن جائز يكون سوء الفهم موجود و اتمنى ان يزول سوء الفهم و الاهم ان احنا نرجع بالموضوع لاصله اللى هو النصح و الارشاد فى سوق الفوركس فيا ريت نبتعد عن اى مناقشات خارج الموضوع و شكرا لكم جميعا اخوكم محمد |
رد: تاجر فوركس محترف ناجح مستعد لمشاركة خبرته مع الطامحين الذين يعانون من مشاكل في سوق الفوركس -
موضوع فى بدايته جميل جدا ومشجع جدا
بس بصراحة تحول الى موضوع غريب بعض الاشخاص يدافع عن شخص لا يعرفه اصلا و البعض الاخر يهاجم شخص لا يعرفه غريب جدا الموضوع تحول الى فرد عضلات كل واحد بيقول انجزاته وهو مين وعمل ايه و تحول اصدقاء المنتدى الى اعداد البعض يدافع عن الشخص و الاخر يهاجمه وكل شخص ينتظر غلطه او كلمه ويسمكها يعلق عليها للشخص التانى وصلنا لمستوى غريب و طريقه اغرب فى الحوار والله الواحد بيقراء الردود وهو زعلان و الشخص صاحب الموضوع يسمى الموضوع بالاسم الا هو عايزه له مطلق الحرية يقول انه خبير هو حر بيدير محافظ كبيرة بردو هو حر مش محتاج يقدم اثبات لحد ولا اى حد يقدر يجبرة انو يعمل ورشة ويساعد الاعضاء و بردو من الجهه الاخرى هو لا يجبر احد ان يقراء نصاحة اعضاء تسال شخص وهو يجيب ايه المشكله الا شايف انو غلط او حتى صح ومش مقتنع بيه مفيش مشكله يبعد عنه الا شايف انو خبير و شخص عظيم وبيتعلم منه ومن ردوده بدو مفيش مشكله انما الموضوع و الحوار ميوصلشى للاسلوب ده اعتقد ان هذا الشخص الان يشاهد ردودك ان كان محترف بالفعل سيتعجب وسيحزن من هذا المستوى من الردود ان كان صاحب شهره فهو سعيد بهذا الجدل الذى يتم بينكم هذا الشخص له منى كل تقدير واحترام بس ارجوكم بلاش تخسرو بعض علشان شى هيضيع وقتكم وخلاص وبلاش كل واحد يتكلم بلغه الانا لان ده غلط و فى النهايه جميعنا اخوه ولكن نحن كعرب مش بنحب الخير لبعض " انا اسف على الجمله دى " الا ما رحم ربى طبعا و هناك كثير من الاعضاء المحترمين هنا فى المنتدى اللذين يفضلون الابتعاد عن هذا المجادلات ويساعدون الاعضاء بدون شى وبدون فرد عضلات و بالطبع منهم من وصل الى درجه كبيرة من الاحتراف والخبرة يسلام بقا لو احنا وضعنا استراتجية معنيه ونقعد نتناقش فيها وكل واحد يقول راية وكلنا نصلح لبعض والكل يتقبل وجه النظر الاخرى بجد الموضوع ده هو الا هيكون مفرح فعلا مش ان احنا نختلف حول شخص هو محترف او غير محترف كل شخص ليه عقله يستوعب ما يستوعب و يستطيع ان يقيم الاشخاص جيد ربنا يهدينا كلنا و الله الموفق |
رد: تاجر فوركس محترف ناجح مستعد لمشاركة خبرته مع الطامحين الذين يعانون من مشاكل في سوق الفوركس -
احيك استاذ mkh720
فعلا معاك حق....غلطه منى انى رديت ودخلت فى مواضيع ليس لها اى علاقه بالموضوع ارفع لك القبعه على كل كلمه انت قولتها فعلا...ويمكن اللى انت بتتكلم فيه دا سبب فى انى ( نادرا لما بكتب مشاركه) مع العلم انى مسجل فى المنتدى من فتره طويله لكن بسبب الطريقه دى أثرت الصمت ولما اتكلمت انهارده ...( انت خليتنى اندم على كلامى ) :) تحياتى ليك مره تانيه :) اخوك محمد |
رد: تاجر فوركس محترف ناجح مستعد لمشاركة خبرته مع الطامحين الذين يعانون من مشاكل في سوق الفوركس -
اقتباس:
وبالفعل سعيد لمعرفة حضرتك ومعرفه جميع اعضاء المنتدى الجميل ده وبعتبرهم كلهم اخواتى اخوك محمد |
رد: تاجر فوركس محترف ناجح مستعد لمشاركة خبرته مع الطامحين الذين يعانون من مشاكل في سوق الفوركس -
اقتباس:
http://www.babypips.com/school/forex...s-and-you.html 2.أولاً، عليك أن تعرف تمام المعرفة وقع ومدى تأثير هذا الخبر على العملة، فبعض الأخبار قد لا تكون مهمة بقدر أخبار أخرى، ومعظم التجار لا يعيرونها أهمية، ثانيا عليك أن تعرف ما هي التوقعات لهذا الخبر ، فالتجار الكبار، لا ينتظرون الخبر الإقتصادي للقيام بصفقتهم بل هم يعرفون أو يتوقعون بأكمن محدد ما سيكون الخبر، سأعطي مثلاً ،لانقل أنك تريد المتاجرة حسب خبر البطالة في اوروبا، فإذا تحسنت نسبة البطالة ستشتري اليورو وإذا ساءت العكس ، ف لنقول أنه في شهر السابق كانت نسبة البطالة 20%, وصدرت نسبة البطالة هذا الشهر 17%, فتسرع لشراء اليورو على هذا الخبر الجيد، لتتفاجأ أن اليورو يهبط، وهذا لأن التجار كانوا ينتظرون أن تهبط نسبة البطالة ل-15% وهذا حسب دراسات شركات مختصة ,فكان ال-17% بمثابة خبر سيئ لهم، لذا يتهافتون إلى شراء اليورو لتصحيح الخطأ الذي ارتكبوه عندما ظنوا أن نسبة البطالة ستكون 15%, لذا إنتبه دائماً على الرقم الذي يتوقعه السوق ولا فقط الرقم الأخير . 3.تأثير الأخبار على العملة سريع جداً ، وسرعان ما يستقر السوق بعض الخبر، ويعود هذا لأن السوق ملأن بالتجار مثلي الذين يتاجرون بالأخبار ، ففي لحظة حدوث الحدث أو صدور الخبر، يتهافتون للشراء أو للبيع فيتحرك السعر مئة النكت في غضون ثوانٍ ،ولكن سرعان ما يقوم هؤلاء الناس بأخذ ربحهم ، فيرجع السوق لمكانه ويستقر السعر نوعاً ما، فتكون الحركة الأولى عنيفة ، ومن ثم يصحح السعر بعد أن يخرج التجار الذين يبغون الربح السريع من السوق 4.سهل جداً، إذا كان خبر يتعلق باوروبا، إذا العملة المختصة هي اليورو، إذا الخبر يتعلق بالإنجلترا فالعملة المختصة هي الباوند سترليني ، إذا خبر أمريكي فالدولار هو المختص، وعند صدور الخبر تباشر إلى شراء أو بيع العملة المختصة مقابل أي عملة أخرى حسب ما إذا كان الخبر إيجابياً (شراء) أو سلبياً (بيع) |
| الساعة الآن 10:46 PM |
Powered by vBulletin® Copyright ©2000 - 2024
جميع الحقوق محفوظة الى اف اكس ارابيا www.fx-arabia.com