اف اكس ارابيا..الموقع الرائد فى تعليم فوركس Forex

اف اكس ارابيا..الموقع الرائد فى تعليم فوركس Forex (https://fx-arabia.com/vb/index.php)
-   الارشيف (https://fx-arabia.com/vb/forumdisplay.php?f=8)
-   -   الى كل من يواجة مشكلة فى التحويلات البنكية الان خطوات الايداع بالفيزا (https://fx-arabia.com/vb/showthread.php?t=15028)

MAMDOH111 05-11-2011 06:48 PM

رد: الى كل من يواجة مشكلة فى التحويلات البنكية الان خطوات الايداع بالفيزا
 
اقتباس:

المشاركة الأصلية كتبت بواسطة ahmdmhmd (المشاركة 228735)
ألف مبروك يا أستاذ ممدوح وإن شاء الله حساب رابح

والحمد لله إن مشكلتك اتحلت وأكيد الناس لازم تنتبه للأخطاء دي
علشان ماتحصلش معاهم أو يحصل تأخير أو رفض



ملحوظة :

مش هتقدر تسحب أي مبلغ على الفيزا دي ولا حتى نفس مبلغ الإيداع
لكن هتقدر تسحب الأرباح فقط وأي مبالغ زيادة على أصل المبلغ (رأس المال) عن طريق التحويل البنكي

وطبقا للقانون لا يمكن سحب أصل المبلغ (رأس المال) إلا بنفس طريقة الإيداع فالبتالي لن تستطع سحب المبلغ الذي اودعته
ولكن فقط سيظل رأس المال هذا للاستثمار فقط إلا إذا خالفت الشركة القوانين
ولا أعتقد أنه من مصلحة الشركة أن تخالف القوانين لإرضاء العميل (تريح الزبون) لأن ذلك سيفتح باب كبير من الشكوك
ولا من مصلحة العميل أن تخالف الشركة القوانين لأن ذلك مؤشر خطير على عدم التزام الشركة بالقوانين التي تحكمها


عموما حضرتك مش هتكون مضطر لسحب أصل المبلغ (رأس المال) إلا إذا توقفت عن التداول بصفة عامة أو مع هذه الشركة بصفة خاصة


ألف مبروك مرة تانية
وكل سنة وأنتم طيبين

تحياتي لك وبالتوفيق للجميع





أحمد باشا بما أنك ماشاء الله خبير فى معاملات البنوك عندى استفسار مهم جدا وهو

حضرتك بتتكلم عن فيزا debit card

طيب لماذا لا تكون فيزا الانترنت NSGB مثلها فى كل شىء

لأننى أعتقد أن هذه الفيزا مرتبطة بنفس حساب صاحبها بالبنك فتكون فى هذه الحالة مثلها مثل debit card

منتظر ردك ياباشا

وأيضا عندى تساؤل لحضرتك بناءا على ماجاء فى ردك فى هذا الاقتباس


اقتباس:

المشاركة الأصلية كتبت بواسطة ahmdmhmd (المشاركة 228735)

وطبقا للقانون لا يمكن سحب أصل المبلغ (رأس المال) إلا بنفس طريقة الإيداع فالبتالي لن تستطع سحب المبلغ الذي اودعته
ولكن فقط سيظل رأس المال هذا للاستثمار فقط إلا إذا خالفت الشركة القوانين
ولا أعتقد أنه من مصلحة الشركة أن تخالف القوانين لإرضاء العميل (تريح الزبون) لأن ذلك سيفتح باب كبير من الشكوك
ولا من مصلحة العميل أن تخالف الشركة القوانين لأن ذلك مؤشر خطير على عدم التزام الشركة بالقوانين التي تحكمها



هل اذا تم استثناءا فى قانون الشركة لصالح فئة من فئات العملاء نظرا لظروف خاصة ببلدهم

هل ذلك يعتبر خروجا عن القانون أم العمل ب ( روح القانون ) ويكون استثناءا لظرف معين وعند ازالة السبب ترجع الأمور كما كانت

MAMDOH111 05-11-2011 07:20 PM

رد: الى كل من يواجة مشكلة فى التحويلات البنكية الان خطوات الايداع بالفيزا
 
للعلم فقط

انتوا عارفين أنا نفسى شركة FXDD تعتمد فيزا الانترنت المربوطة بحساب بنكى للأيداع والسحب لسببين :

1- مش عشان التحويل البنكى صعب بس عشان التحويل البنكى مصاريفه كتير وبتأثر على من يقومون بايداع وسحب مبالغ صغيره

2- سهولة الاستخدام لأنك فى دقائق معدودة وأنت على النت تقوم بالايداع والسحب من حسابك ب FXDD بدون مصاريف

وساعتها ستكون الحياة مع الفوركس سهلة وجميلة

هههههههههههههه


وكل عام وحضراتكم بخير وسعاده

karimfotouh 05-11-2011 08:37 PM

رد: الى كل من يواجة مشكلة فى التحويلات البنكية الان خطوات الايداع بالفيزا
 
لو سمحت يا استاذ ممدوح ممكن تعرفى ان الموضوع بتاع بنك NSGB صح فى الفيزا الانتر نت بعنى مافهوش اى مشكله بالنسبه للشركه وممكن اسحب عادى اى مبالغ حتى لو كانت مكسب ليه يعنى مش الميلغ الى عمله ايداع بالفيزا ؟
عن طريق الفيزا ولا لازم اصل المبلغ فقط الى انا عملتله ايداع ؟

MAMDOH111 05-11-2011 08:53 PM

رد: الى كل من يواجة مشكلة فى التحويلات البنكية الان خطوات الايداع بالفيزا
 
اقتباس:

المشاركة الأصلية كتبت بواسطة karimfotouh (المشاركة 229031)
لو سمحت يا استاذ ممدوح ممكن تعرفى ان الموضوع بتاع بنك NSGB صح فى الفيزا الانتر نت بعنى مافهوش اى مشكله بالنسبه للشركه وممكن اسحب عادى اى مبالغ حتى لو كانت مكسب ليه يعنى مش الميلغ الى عمله ايداع بالفيزا ؟
عن طريق الفيزا ولا لازم اصل المبلغ فقط الى انا عملتله ايداع ؟

كريم باشا

أعتقد والله أعلم أن من يقدر على اجابة سؤالك هو

الدكتور اسامه وكيل شركة FXDD

بعد أن يتناقش مع الأستاذ امجد عطية رئيس القسم العربى بشركة FXDD

ونعرف منه آخر ما توصلا اليه فى حل مشكلة الايداع والسحب على فيزا الانترنت


وأى فيزا هى التى ستكون معتمدة عندهم للأيداع والسحب

وفى انتظار الرد من الدكتور اسامه

karimfotouh 05-11-2011 08:54 PM

رد: الى كل من يواجة مشكلة فى التحويلات البنكية الان خطوات الايداع بالفيزا
 
الف شكر با استاذ ممدوح فى انتظار رد الدكتور ان شاء الله

ahmdmhmd 06-11-2011 01:09 AM

رد: الى كل من يواجة مشكلة فى التحويلات البنكية الان خطوات الايداع بالفيزا
 
اقتباس:

المشاركة الأصلية كتبت بواسطة MAMDOH111 (المشاركة 228967)


أحمد باشا بما أنك ماشاء الله خبير فى معاملات البنوك عندى استفسار مهم جدا وهو

حضرتك بتتكلم عن فيزا debit card

طيب لماذا لا تكون فيزا الانترنت NSGB مثلها فى كل شىء

لأننى أعتقد أن هذه الفيزا مرتبطة بنفس حساب صاحبها بالبنك فتكون فى هذه الحالة مثلها مثل debit card

منتظر ردك ياباشا




على فكرة فيزا نت NSGB يتم استخراجها إذا كان لديك حساب بنكي لديهم
ولكنها ليست مرتبطة بهذا الحساب لأنها لا تخصم منه بشكل مباشر
الفيزا الوحيدة اللي بتكون مرتبطة بالحساب هي بطاقة الخصم المباشر debit card

أنا عندي حساب في بنك nsgb ومعايا فيزا الكترون بتاعتهم debit card ومعايا فيزا نت
لما احب ادفع فواتير او اشتري حاجة من على النت بدخل على النت بانك واحول من حسابي إلى الفيزا نت المبلغ اللي انا محتاجه
يعني الفيزا نت يتم شحنها اولا ثم استخدامها وبالتالي هي ليست بطاقة خصم مباشر debit card
ولكنها من نوع البطاقات المدفوعة مقدما prepaid card
وهذ النوع من البطاقات لا يقبل السحب عليه (قانون بنوك)
ولو حد فيكم تعامل مع البنوك الالكترونية قبل كده هيعرف إنه لما بيتعامل مع بنك زي alertpay ما ينفعش البنك ده يحولك الفلوس عليها
ولكن بيعمل حاجة أسمها Refund علشان يقدر يرجعلك الفلوس وده مش موضوعنا على الاطلاق

خلاصة القول : ماينفعش نسحب على الفيزا نت





اقتباس:

المشاركة الأصلية كتبت بواسطة MAMDOH111 (المشاركة 228967)
وأيضا عندى تساؤل لحضرتك بناءا على ماجاء فى ردك فى هذا الاقتباس

" وطبقا للقانون لا يمكن سحب أصل المبلغ (رأس المال) إلا بنفس طريقة الإيداع فالبتالي لن تستطع سحب المبلغ الذي اودعته
ولكن فقط سيظل رأس المال هذا للاستثمار فقط إلا إذا خالفت الشركة القوانين
ولا أعتقد أنه من مصلحة الشركة أن تخالف القوانين لإرضاء العميل (تريح الزبون) لأن ذلك سيفتح باب كبير من الشكوك
ولا من مصلحة العميل أن تخالف الشركة القوانين لأن ذلك مؤشر خطير على عدم التزام الشركة بالقوانين التي تحكمها "

...................

هل اذا تم استثناءا فى قانون الشركة لصالح فئة من فئات العملاء نظرا لظروف خاصة ببلدهم

هل ذلك يعتبر خروجا عن القانون أم العمل ب ( روح القانون ) ويكون استثناءا لظرف معين وعند ازالة السبب ترجع الأمور كما كانت






في حقيقة الأمر لا يوجد أي ظروف استثنائية خاصة ببلدنا تمنع اننا نتعامل بشكل طبيعي في عملية السحب والايداع بالفيزا
ولكن المشكلة خاصة بالتحويل البنكي لأن عملية التحويل بيتم موافقة البنك المركزي والمجلس العسكري عليها أولا
وعلشان كده ممكن تاخد أسبوع لغاية ماتوصل الحساب في الشركة وده أيضا مش موضوعنا

ولا أعلم ما الذي دفع الدكتور أسامة لمخاطبة الشركة بشأن الايداع والسحب بالفيزا رغم أنه لا توجد مشكلة على الاطلاق
بالعكس اللي فهمته من كلامه إن أي حد بعد كده يشحن بالفيزا ويسحب بالبنك (طب ما هو ده أصلا كده كده موجود ونقدر نسحب الارباح بالتحويل البنكي عادي... أيه الجديد ؟؟)
لو يقصد إن اللي هيشحن بالفيزا هيقدر يسحب أصل المبلغ أيضا بالتحويل البنكي (ده خطأ ومخالف للقانون ومش من مصلحتنا لأننا مش مضطرين لكده وأعتقد ان الكثيرين بيتمنوا إنهم يسحبوا بالفيزا ..ومافتكرش إن في حد هيشحن النهاردة بالفيزا وتاني يوم يعوز يسحيهم تاني علشان اقوله أوكي مافيش مشكلة تقدر تسحبهم بالتحويل البنكي.. ده غير منطقي أبدا)

المشكلة ماكنتش في الفيزا ولا البنوك ولا الشركة ولا ظروف مصر
احنا هنحمل الثورة مشكلة الفيزا كمان؟؟؟!!! ههههههههه ده يبقى ظلم
المشكلة هي انكم كنتم ومازلتم تستخدمون فيزا نت رغم ان جميع الشركات لا تنصح بها ولا تفضلها


عرفت بقى حضرتك إن مافيش أي سبب يخلي الشركة تعمل استثناءات قانونية ضررها أكبر من نفعها (من وجهة نظري)

أما عن سؤال حضرتك ليا بخصوص مخالفة القانون وروح القانون ؟

على فكرة القوانين دي مش بتكون بمزاج الشركة دي قوانين مفروضة عليها
وأنا بحب دايما التزم بالقانون وأحب الشركة اللي اتعامل معاها تكون ملتزمة أيضا بالقانون لأن ده الضامن ليا
حتى لو هكون مضطر للذهاب إلى امريكا لعمل إيداع بشكل مباشر في حساب الشركة



كل عام وانتم بخير




ahmdmhmd 06-11-2011 01:41 AM

رد: الى كل من يواجة مشكلة فى التحويلات البنكية الان خطوات الايداع بالفيزا
 
اقتباس:

المشاركة الأصلية كتبت بواسطة MAMDOH111 (المشاركة 228978)
للعلم فقط

انتوا عارفين أنا نفسى شركة FXDD تعتمد فيزا الانترنت المربوطة بحساب بنكى للأيداع والسحب لسببين :

1- مش عشان التحويل البنكى صعب بس عشان التحويل البنكى مصاريفه كتير وبتأثر على من يقومون بايداع وسحب مبالغ صغيره

2- سهولة الاستخدام لأنك فى دقائق معدودة وأنت على النت تقوم بالايداع والسحب من حسابك ب FXDD بدون مصاريف

وساعتها ستكون الحياة مع الفوركس سهلة وجميلة

هههههههههههههه


وكل عام وحضراتكم بخير وسعاده





اقتباس:

المشاركة الأصلية كتبت بواسطة karimfotouh (المشاركة 229031)
لو سمحت يا استاذ ممدوح ممكن تعرفى ان الموضوع بتاع بنك NSGB صح فى الفيزا الانتر نت بعنى مافهوش اى مشكله بالنسبه للشركه وممكن اسحب عادى اى مبالغ حتى لو كانت مكسب ليه يعنى مش الميلغ الى عمله ايداع بالفيزا ؟
عن طريق الفيزا ولا لازم اصل المبلغ فقط الى انا عملتله ايداع ؟




يا أستاذ ممدوح حكاية السحب على الفيزا نت ده مش بمزاج الشركة ومالهاش دعوة بيه


ولو فعلا عايز الحياة مع الفوركس سهلة وجميلة فأنا قولتلكم الحل قبل كده أكتر من مرة

الحل هو بطاقة الخصم المبااااااااااااااااااااااااشر debit card وتكون مفعلة على النت
زي بتاعة بنك بلوم مصر

بس واضح إن كل الكلام اللي قولته قبل كده مالوش أي لازمة
عموما مشاركاتي موجودة وانا مافتكرش إن في كلام تاني ممكن أقوله أكتر من كده
ويقدر أي حد يشوفها لو عايز يوصل لأفضل الحلول
واخونا الفاضل SHAWIS يقدر يفيدكم أيضا إن شاء الله


وهذا فراق بيني وبينكم

دمتم في خير

والسلام عليكم ورحمة الله وبركاته





MAMDOH111 06-11-2011 04:14 AM

رد: الى كل من يواجة مشكلة فى التحويلات البنكية الان خطوات الايداع بالفيزا
 
اقتباس:

المشاركة الأصلية كتبت بواسطة ahmdmhmd (المشاركة 229133)


بس واضح إن كل الكلام اللي قولته قبل كده مالوش أي لازمة
عموما مشاركاتي موجودة وانا مافتكرش إن في كلام تاني ممكن أقوله أكتر من كده
ويقدر أي حد يشوفها لو عايز يوصل لأفضل الحلول
واخونا الفاضل SHAWIS يقدر يفيدكم أيضا إن شاء الله
وهذا فراق بيني وبينكم
دمتم في خير
والسلام عليكم ورحمة الله وبركاته

اقتباس:

المشاركة الأصلية كتبت بواسطة ahmdmhmd (المشاركة 229133)



تصور أننى زعلت جدا منك ياغالى
لأننى قلت كذا مره انك بفضل الله خبير بمعاملات البنوك
ومش مجرد نقاش معك تقوم ضارب كرسى فى الكلوب ههههههههههههه
وربنا مايجيب فراق ياباشا
وارجع تانى يا أحمد عشان بقية الأعضاء اللى عايزين يستفيدوا منك
اما أنا فخلاص شحنت الحساب وان شاء الله حعيش مع الفوركس فتره

ومش منتظر أى ارباح أو سحب على الفيزا لأن موضوع السحب ده مش وارد على بالى فى هذه الفتره
لأننى ياما شحنت قبل كده عن طريق التحويل البنكى بمبالغ أكبر من شحن الفيزا
وكنت عايش فى قصة الأرباح وخسرت كل الحساب والحمد لله

ولكن هذه المره شحن الحساب بالفيزا قليل ولكن الحمد لله هذه المره
أقول لك الصراحة عايز أغير من خطة عملى فى المضاربة فى الفوركس
وادعيلى ياغالى وساعتها اذا شاء المولى سبحانه وتعالى وحققت أرباح
حنادى عليك بأعلى صوتى واقولك الحقنى يا أحمد مش عارف اشيل الارباح من كترها وقولى اسحبها ازاى
خلاص انتهى كلامى ولو ما شاهدت مشاركات تانية لك والله حزعل جدا من نفسى
لأن ساعتها حكون انا السبب فى عدم معرفة الأعضاء بخبرتك وعلمك بفضل الله فى التعامل مع البنوك
وتقبل منى كل تحية وتقدير ياغالى
وكل عام وحضرتك والأسرة الكريمة بخير وسعاده

ahmdmhmd 06-11-2011 11:54 PM

رد: الى كل من يواجة مشكلة فى التحويلات البنكية الان خطوات الايداع بالفيزا
 
اقتباس:

المشاركة الأصلية كتبت بواسطة MAMDOH111 (المشاركة 229162)
[FONT="Arial"][COLOR="Red"][SIZE="3"][B]

تصور أننى زعلت جدا منك ياغالى
لأننى قلت كذا مره انك بفضل الله خبير بمعاملات البنوك
ومش مجرد نقاش معك تقوم ضارب كرسى فى الكلوب ههههههههههههه
وربنا مايجيب فراق ياباشا
وارجع تانى يا أحمد عشان بقية الأعضاء اللى عايزين يستفيدوا منك
اما أنا فخلاص شحنت الحساب وان شاء الله حعيش مع الفوركس فتره

ومش منتظر أى ارباح أو سحب على الفيزا لأن موضوع السحب ده مش وارد على بالى فى هذه الفتره
لأننى ياما شحنت قبل كده عن طريق التحويل البنكى بمبالغ أكبر من شحن الفيزا
وكنت عايش فى قصة الأرباح وخسرت كل الحساب والحمد لله

ولكن هذه المره شحن الحساب بالفيزا قليل ولكن الحمد لله هذه المره
أقول لك الصراحة عايز أغير من خطة عملى فى المضاربة فى الفوركس
وادعيلى ياغالى وساعتها اذا شاء المولى سبحانه وتعالى وحققت أرباح
حنادى عليك بأعلى صوتى واقولك الحقنى يا أحمد مش عارف اشيل الارباح من كترها وقولى اسحبها ازاى
خلاص انتهى كلامى ولو ما شاهدت مشاركات تانية لك والله حزعل جدا من نفسى
لأن ساعتها حكون انا السبب فى عدم معرفة الأعضاء بخبرتك وعلمك بفضل الله فى التعامل مع البنوك
وتقبل منى كل تحية وتقدير ياغالى
وكل عام وحضرتك والأسرة الكريمة بخير وسعاده




وأنا ماقدرش على زعلك ولا زعل أي حد بيحب الخير لغيره

وعلى فكرة انا ماكنتش زعلان ولا حاجة لأن حضرتك ماقولتش حاجة تزعل

ولكن انا كنت حريص إني اسهل عليك الموضوع علشان تقدر تشحن وتسحب براحتك

والفكرة كلها إني حبيت أنهي الجدل بخصوص موضوع الفيزا ده

وربنا يوفقك إن شاء الله ويرزقك بالخير الكثير من فضله وكرمه

وساعتها هتقدر تسحب بالتحويل البنكي على حسابك في NSGB
والبنك هيفتحلك حساب فرعي بالدولار تحت حسابك اللي بالجنية المصري



وأي استفسار انا في الخدمة

تحياتي لك وبالتوفيق للجميع




epic 07-11-2011 12:39 AM

رد: الى كل من يواجة مشكلة فى التحويلات البنكية الان خطوات الايداع بالفيزا
 
اقتباس:

المشاركة الأصلية كتبت بواسطة ahmdmhmd (المشاركة 229127)
المشكلة ماكنتش في الفيزا ولا البنوك ولا الشركة ولا ظروف مصر
احنا هنحمل الثورة مشكلة الفيزا كمان؟؟؟!!! ههههههههه ده يبقى ظلم
المشكلة هي انكم كنتم ومازلتم تستخدمون فيزا نت رغم ان جميع الشركات لا تنصح بها ولا تفضلها


عرفت بقى حضرتك إن مافيش أي سبب يخلي الشركة تعمل استثناءات قانونية ضررها أكبر من نفعها (من وجهة نظري)

أما عن سؤال حضرتك ليا بخصوص مخالفة القانون وروح القانون ؟

على فكرة القوانين دي مش بتكون بمزاج الشركة دي قوانين مفروضة عليها
وأنا بحب دايما التزم بالقانون وأحب الشركة اللي اتعامل معاها تكون ملتزمة أيضا بالقانون لأن ده الضامن ليا
حتى لو هكون مضطر للذهاب إلى امريكا لعمل إيداع بشكل مباشر في حساب الشركة



كل عام وانتم بخير




اعتقد ان معظم الناس دلوقتى بتفكر فى الفيزا علشان
معظم البنوك الحكوميه دلوقتى بترفض التحويل لخارج مصر و الموظفين لما تعمل تحويل بيعمل معك تحقيق ليه ولمين و اصل و فصل :1 (30): .. خصوصا لو الملبغ فوق 2000 دولار
ثانيا فى احتمال اننا نبقى زى الجزائر يعنى يمنع التحويل البنكى مطلقا لخارج (فى حاله وصل الاحتياطى النقدى الى مرحله خطره ) .. وسعتها ضربه قاسيه للمضربين لانك سعتها مش هيكون امامك الا شركات المركت ميكر ..


الساعة الآن 10:33 AM

Powered by vBulletin® Copyright ©2000 - 2024

جميع الحقوق محفوظة الى اف اكس ارابيا www.fx-arabia.com