رد: هل يوجد اكسبيرت ناجح
 

الالعاب النفسية : انا بالنسبة الي بحكيلك عن تجربتي مع السوق طبعاً ولو كنت من اسبوعين بس مشتغل عالحقيقي بس كسبت معلومات من ورا الاسبوع الماضيي ما فتح ورزق هههههههه

اولاً : دير بالك الخوف يستولي على قراراتك وبس تدخل صفقة و "متاكد" منها بس حط ستوب لوز معين حسب الاستراتيجية وسكر كلشي وكل ساعة ساعتين افتح الشارت مشان تعرف المستجدات وتنتبه من رتداد السعر
تانياً : لما بدك تدخل استراتيجية شوف مثلاً الاسبوع الماضي اذا حققت ربح الاستراتيجية معناتا من سابع المستحيلات الاستراتيجية تنكسر هالاسبوع لانو مافي مدة انتهاء الصلاحية
تالتاً : التخبط ... مو يعني السعر انكسر كم نقطة هادا يعني خالص عليك العوض ومن الله العوض والترند انكسر والدنيا راحت وانتا فاشل انا عبحكيلك بواقع تجربة انا سميت حالي الفاشل لانو بعدما يرتد السعر الشيء البسيط اقول عن نفسي فاشل بس ما اكتشف فشلي الا لما السعر يتابع واكون خارج بكسر تكسب الصفقة مئات النقاط بعد الكسر البسيط
رابعاً : الطمع ... انا بحكي عن انواع الطمع بالسوق لانو الطمع بهاد السوق انواع ...انا بالنسبة لنوع طمعي: كتير اوقات اكون داخل بصفقة وحسب كثرة المعطيات ولو كان السعر قريب ما يقارب 25 نقطة و بتكون المؤشرات اهم المعطيات الموجودة ادخل صفقة تعزيز .... و يا ويلااااااااااااااه
ماذا حدث............؟؟؟؟؟؟؟؟ بيرتد السعر لمنطقة دخول الصفقة الاولى فبتشكك من تحليلي الاول بسكر الصفقتين وشو بتكون النتيجة ؟؟؟ كسر الصفقة التانية مع 000 بالصفقة الاولى طيب ليش؟؟؟؟؟؟؟؟؟؟؟ نتيجة الطمع والخوف والتخبط
الطمع التاني : دخول مليار زوج بنفس الثاتية .... بيعكس علي الاول والتاني فبتضطر اسكر الازواج كلها مع صديقتي الخسارة نتيجة التخوف والطمع
الطمع التالت : الحمدلله ما جربتو بس هو اللوت ... انا صراحة قمت بايداع 50$ طيب... انا راعيت المبلغ وصرت ادخل ب 0.01 لوت يعني عشرة سنت للنقطة بدي اخسر 500 نقطة عداً وجهاراً لحتى يجي المارجن كول ... بس غيري كتير بيدخل بصفقة 0.1 لوت طيب الحساب ما بيتحمل يعني 10 نقاط مع المارجن المحجوز بكون الحساب طار
رابعاً : المارجن ... اهم شي تحسب المارجن المحجوز شقد رح يكون وكم صفقة معك واذا دخلت صفقة تانية شقد بتحسن تقاوم اذا عكس السعر شوي
خامساً : التحليل انحيازاً للصفقة يلي داخلها من قبل .... مثلاً اليوم انا دخلت شراء على الدولار ين وكل المعطيات بتشير انو رح ينعكس السعر بس بالله من دون ضحك ما حدا يضحك شو عملت ...؟؟ كانت عندي مقاومة عند 118.46 لما افتتحت الساعة 2 اليوم وش الصبح قلت معقول تكون المقاومة تحت بشوي صغيرة من الافتتاح ... يعني صار الافتتاح فوق المقاومة يلي حركتها انا فاالنتيجة حاولت اتذاكا على السوق طلع السوق اذكا مني وكان حسابي 12 $ صار 23 بس ما سكرت الصفقات هلق صار 5$ اساس المشكلة من التاجر
وصدقاً خدا مني نصيحة لا تعتمد على رب العالمين وتقول يا رب ساعدني وكون معي وانتا الكريم وتصلي وتقيم شعائر الله وتصير ورع وما بعرف شو وانتا بالاساس دخولك غلط ،،،، رب العالمين بساعد بس يلي بياخد بالاسباب مجملاً رب العالمين وليّّ المتوكلين مو المتواكلين
ويمكن هلق تقول بينك وبين نفسك هاد شخص خسران ما بيفهم شي انا بس مشيت عكلامو رح اخسر..... بس قارن قولي مع اقوال الاساتذة هون او بغير منتدى رح تلاقي نفس الحكي
واخر دعوانا ان الحمد لله رب العالمين

رد: هل يوجد اكسبيرت ناجح
 

ههههههه صراحة عم افكر افتح موضوع بكلشي بعرفو عن هادا السوق بس بخاف ما الاقي اقبال من الاخوة لانو بجوز بسبب خسارتي اعُتَبَر فاشل وما حدا ياخد كلامي من محمل تجربة

رد: هل يوجد اكسبيرت ناجح
 

اخي اذا لهلق عم تدخل عالموضوع وما اظن هالشي ههههههههههههههه بس حبيت اقلك انسا كل شي معقد وباعتبارك عندك شغل على ما اعتقد مارح تحسن تلاحق الشارت بس يشهد الله ما كنت بعرف بهل الاستراتيجية لحد اليوم طبعاً برجع بعيد... امسح كل كلامي السابق ما عدا الحالة النفسية وتعلم هالاستراتيجية بتفيدك مع ظروفك اياً كانت
KISS THE MARKET
والله ولي التوفيق

رد: هل يوجد اكسبيرت ناجح
 

السلام عليكم
لاء ماعم فوت لانو النت ضعيفة عندي انا متابع معك

رد: هل يوجد اكسبيرت ناجح
 

[QUOTE=asdaln;752342]السلام عليكم
لاء ماعم فوت لانو النت ضعيفة عندي انا متابع معك[/QUOTE
وعليكم السلام
اوكي اخي انتا بس ركز على هل مشاركة


وهل موضوع
KISS THE MARKET

بتوقع انتا ببلدنا الحبيبة سوريا كمان مو مشكلة هدول االموضوع المشاركة يعني انا بعتبرن ثمرة اللي تعلمته من المنتدى الطيب هاد

رد: هل يوجد اكسبيرت ناجح
 

يعني بس اقرا هي اخر شي وبس انت بتعرف استراتيجية القاهرة
جزاك الله خيرا

رد: هل يوجد اكسبيرت ناجح
 

والله لا ما بعرف استراتيجية القاهرة
تفضل اخي هاد موضوع تاني الصراحة هو كان مفتاحي لكل الاستراتيجية جزاه الله الخير صاحب الموضوع وفيو المؤشر يعني ما رح تحتاج ترسم مناطق العرض والطلب يدوياً

هنا الحل باذن الله عز وجل ارباحxارباح

وفي فيديو ارفقو الاخ بيشرحلك الاستراتيجية كمان يعني حدك ساعة ساعة وشوي بتكون توب بالاستراتيجية بس بدك تنتبه كتير منيح انا برايي تستخدم مؤشر البولينجر باند وتعتمد البرايس اكشن وبإذن الله بتاخد احسن نقطة وبتتاكد انو الاتجاه ماشي تمام معك وكمان حط مؤشر الRSI بفيدك