|
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
أهلا بيك بالنسبة للايداع تقدر تعمل إيداع بالتحويل البنكي أو الفيزا لو إيداع بالتحويل البنكي يبقى البنك الاهلي المصري علشان مصاريف التحويل أقل وبتفتح فيه حساب بالدولار ترسل منه وتستقبل عليه ومش هتفرق توفير ولا جاري لو إيداع بالفيزا يبقى هتفتح حساب بالجنية المصري في بنك بلوم مصر أو بنك بيريوس مصر وهيطلعولك فيزا على الحساب وبتشتغل على النت تقدر تعمل بيها إيداع في الشركة وتسحب نفس المبلغ عليها وأي مبالغ أخرى هتسحبها بالتحويل البنكي لو في حاجة مش واضحة أنا في الخدمة |
رد: الى كل من يواجة مشكلة فى التحويلات البنكية الان خطوات الايداع بالفيزا
الف شكر ياباشا كتير خير طيب انا عاوز نصيحه منك اعمل حساب فى البنك الاهلى ولا فى بلوم او بيريوس ؟
صح معلش فى سؤال مصاريف التحويل فى البنك الاهلى وبنك بلوم او بيريوس كام ؟ ولو معايا فيرا البنك العربى الافريقى ينفع اعمل بيها ايداع و ان شاء الله لما احقق ربح احوله على حسابى فى البنك الاهلى واسحبه عادى ولا لازم يكون كلو من البنك الاهلى على طوول ؟ وسبنى من حوار البنك العربى الافريقى مع ان اسمع ان البنك ده بيحول الفلوس من غير مصاريف مش زى البنوك ؟ ومعلش انا طولت عليك والف شكر ياباشا ومستنى الرد بتاعك وياريت لو تبعتلى الميل بتاعك ونتعرف على بعض اكون سعيد تحياتى |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
لو هتشحن بالفيزا افتح حساب في بنك بلوم مصر أفضل حاجة وخليهم يفعلوها أون لاين للاستخدام على النت مصاريف التحويل في البنك الاهلي حوالي 20 دولار أو أقل حسب الفرع ومصاريف التحويل في بنك بلوم مصر وبيريوس حوالي 30 دولار أو أكتر فيزا البنك العربي الافريقي من نوع البطاقات المدفوعة مقدما والشركة لا تنصح بها الشركة عايزة فيزا تكون مرتبطة بالحساب البنكي ولو عملت إيداع بالفيزا ممكن تسحب على أي حساب بنكي براحتك مش شرط يعني نفس الحساب اللي شحنت بيه لأن في كل مرة بتسحب من الشركة بتكتب بيانات البنك اللي انت عايز تسحب عليه يعني بالمختصر المفيد افتح حساب في بنك بلوم مصر بالجنية المصري وخليهم يفعلوا الفيزا على النت واشحن بيها في الشركة ولما تيجي تسحب بعد كده ابقى اسحب على الفيزا نفس المبلغ اللي عملت بيه ايداع واي مبلغ عايز تسحبه بعد كده اسحبه بالتحويل البنكي زي مانت عايز وبنك بلوم مصر لما بيستقبل حوالة بالدولار بيفتح بيها حساب فرعي اوتوماتيك تحت حسابك اللي بالمصري بالتوفيق إن شاء الله |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
|
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
العفو يا صديقي وربنا يبارك فيك وبعدين أنا مش موسوعة ولا حاجة الحكاية كلها زي ماقولتلك هي الرابط المفقود عند موظفي الشركة وموظفي البنوك ومشرفي المنتديات الرابط اللي يقولك إن الخدمة الفلانية اللي بيقدمها البنك الفلاني تناسب الطريقة الفلانية اللي تخص الشركة الفلانية وده اللي كنت بوضحه في مشاركاتي بالتوفيق إن شاء الله |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
استفسار صغير يا ابو حميد .... انا لو فتحت حساب في بلوم مصر وفتحت عليه فيزا عشان احول الرصيد لــ اف اكس دي دي بتبقي مصاريف التحويل عن طريق الفيزا كام ؟ لان انا بفضل المعلومات اللي اخدتها منك تقريبا حسمت أموري اني هفتح حساب في بلوم مصر لانه متوفر منه فروع كتير كمان في اسكندريه ..... عارف تعبينك باستفسارتنا ...... بس انت حبيبنا |
رد: الى كل من يواجة مشكلة فى التحويلات البنكية الان خطوات الايداع بالفيزا
دا كان رد شركة اف اكس دي دي عليا لما راسلتهم بخصوص الايداع عن طريق الفيزا والارشادات اللي المفروض اتبعها قلت انشره ليستفيد الجميع رسالة من شركة اف اكس دي دي الاخ الفاضل السلام عليكم ورحمة الله تستطيع ان تودع حسابك عن طريق الفيزا ولكن اولا تاكد من بعض الامور من البنك عندك قبل الايداع كالتالي: 1- تاكد من ان الكارت قابل للتحويل الدولي. 2- العملة بالكارت بالدولار الامريكي. 3- الاسم بالكارت يطابق الاسم بالحساب. 4- تاريخ انتهاء الكارت 5- عنوان البنك صحيح عند ادخال المعلومات 6- لا تحاول اكثر من 3 مرات اذا لم يتم النجاح من اول مرة وهذا اللنك للتحويل بالفيزا وهناك ايضا كلك اند باي و بي بال تستطيع ايضا ان تودع من خلالم بالفيزا كالتالي: مع التقدير Kind regards, _____________ Yalchen Joma Sales and Support Arabic Department 7 World Trade Center 32nd Floor New York, NY 10007 T: 212.791.3492 F: 212.937.3845 YJoma@fxdd.com www.fxdd.com |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
ربنا يخليك يا باشا ومافيش تعب ولا حاجة أنا تحت أمرك في أي استفسار بالنسبة للايداع بالفيزا مافيش عليها مصاريف تحويل ولا حاجة وبالنسبة لبنك بلوم مصر فهو ممتاز جدا وأنا بعتبره من أفضل البنوك للتعامل مع الفوركس والموظفين بتوع البنك فاهمين كل حاجة بخلاف طبعا موظفي البنوك الحكومية حدث ولا حرج :1 (70): |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
بارك الله فيك فعلا دي ارشادات الشركة فيما يخص الايداع بالفيزا وده اللي كنت بحاول أوضحه في كلامي عن أنواع البطاقات وقبولها لدى شركات الوساطة والبنوك التي تقدم البطاقات المناسبة لسياسة الشركة وده طبعا تفاديا لحدوث اخطاء او تأخير لعملية الإيداع وأنا كنت اتكلمت مع الشركة من فترة ولما عرفت منهم إن في عمليات كتير بتفشل بالنسبة للفيزا وبتحصل أخطاء وتأخير وممكن رفض فوضحتلهم الاحتمالات اللي بتكون سبب في هذه الأخطاء وخصوصا من منطقة الشرق الأوسط مثل استخدام البطاقات المدفوعة مقدما او تلك المخصصة للانترنت فقط أو بطاقات الخصم المرتبطة بالحساب البنكي ولكن غير صالحة للاستخدام على الانترت.. ده غير طبعا انتهاء البطاقة او اختلاف الاسماء اللي هما ذكروها في الارشادات بالتوفيق للجميع |
رد: الى كل من يواجة مشكلة فى التحويلات البنكية الان خطوات الايداع بالفيزا
طيب ليه يا غالى انته بتفضل بلوم عن باريوس فى فتح حساب وربطه بفيزا مدينة هل لسرعة تفعيل الكارد على النت ولا لامور اخرى وجزاك الله خيرا |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
الفيزا في بنك بلوم مصر وبنك بيريوس مصر زي بعض من ناحية الصلاحيات والاستخدام على النت اما عن تفضيلي لبنك بلوم مصر هو إني لما بفتح حساب بالجنية المصري هطلع عليه فيزا صالحة للاستخدام على النت وهذا الحساب هيغنيني عن إني افتح أي حسابات أخرى في حالة استقبالي لعملات مختلفة يعني لو هستقبل عليه مبلغ بالدولار هيفتحوا حساب فرعي بالدولار بشكل تلقائي وبدون أي مصاريف ولو استقبلت بعد كده باليورو هيفتحوا حساب فرعي تاني باليورو وهكذا مع أي عملة بستقبلها ولكن بنك بيريوس مصر هتكون محتاج إنك تفتح حساب بالدولار علشان تستقبل عليه حوالة بالدولار يعني ببساطة بنك بلوم مصر بيجمع بين الصفات والخدمات كلها اللي مش متوفرة في بنك واحد بذاته يعني بيريح بالك وبص كده على لوجو البنك وهتعرف إنه أسم على مسمى راحة البال http://www.fx-arabia.com/vb/uploaded...1319812921.png تحياتي لك وبالتوفيق للجميع |
رد: الى كل من يواجة مشكلة فى التحويلات البنكية الان خطوات الايداع بالفيزا
ماشاء الله عليك مستر احمد بجد انت كده نورت المحكمة :1 (105): والله من غيرك مش عارفين كنا عملنا ايه :1 (27): حضرتك موسوعه فى البنوك :1 (67): بس ياخوفى لا تطلع فى الاخر رئيس مجلس ادارة بنك بلوم ههههههههههه :1 (82): |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
هههههههههه العفو يا ناني دا نورك والله:1 (18): وبعدين ينفع كده تكشفي السر إن أنا رئيس مجلس إدارة البنك :D خلاص تعالي افتحي حساب عندي وأنا أعمل معاكي أحلى واجب :1 (77): هاخد منك عمولة 50% فقط على الإرسال والاستقبال :1 (2): :1 (58): |
رد: الى كل من يواجة مشكلة فى التحويلات البنكية الان خطوات الايداع بالفيزا
من واقع اليوم الأليم اللي مريت بيه النهارده ... أحب أنقل لكم كل اللي حصل
طبعا بعد الكلام الحلو الجميل عن (الديبت كارت) بتاعة بنك (كريدي أجريكول مصر) وإنها مش مرتبطة بحساب وإن إحنا ممكن تستخدمها في (الإيداع) و (السحب) فقررت وصممت وعزمت إني أروح لبنك (كريدي أجريكول) وأطلع (الديبت كارد) فلما رحت لقيت إن (الكارد) اللي هو مش مرتبط بحساب هو كارت البريبيت (الخاص بالنت) مش الديبت (اللي هو المدفوع مقدما) ولقيت إن (الخاص بالنت) إيداع فقط وأي سحب من عليه غير قانوني وإن لو فلوسه جرى لها حاجة لا يحق له مساءلة البنك قانونيا ... لأن قوانين البنك (واللي المفروض العميل يكون عارفها) لا تجيز (السحب) عليها. أما الديبت (المدفوع مقدما) فلازم يكون مرتبط بحساب بنكي ... وأقل إيداع فيه يكون (500) جنيه لأول مرة. وبردو ما ينفعش إنك تسحب عليه. أما الحل عندهم في (السحب) فهو (الكريدت كارد) وبردو هو مرتبط بحساب بنكي، وأقل حد للإيداع فيه لأول مرة (2000) جنيه مصري ... والميزة فيه إنك يمكن الإيداع والسحب عليه... ده كان بالنسبة لبنك (كريدي أجريكول) أما بالنسبة لــــ (البنك الوطني المصري) فعنده (إيداع) فقط ولا يوجد سحب ... رحت لبنك (بلوم مصر) فلقيت الميزة الموجودة في بنك (كريدت أجريكول مصر) بتاعة (الكريدت كارد) بس الميزة الزيادة في (بلوم) إنك بتعمل إيداع في الحساب لأول مرة (1000) جنيه مصري أو ما يعادلها بالعملات الأخرى فقط وليس (2000) جنيه ... وفيه ميزة تانية في (بلوم) وهي لو أنت عاوز (العملات التانية) تتحول مصري ... يحولوها في حسابك ... لو عاوزها زي ما هي بيفتحولك حساب فرعي بالعملة اللي وصلت لحسابك. ورجعت دلوقت من غير ما أعمل حاجة خالص .... عشان آخد التفكير بالهداوة الأول والحمد لله ربنا هداني إني أريح بالي وأعمل حساب (كريدت كارد) في بنك بلوم مصر ... (أقل إيداع) (تعامل آمن) (تعامل قانوني) وكل ده بالبطاقة الشخصية بس الكلام ده كله منقول عن (المسئولين) اللي اتكلموا معايا. إن شاء الله هارجع لبنك (بلوم مصر) وأفتح حساب فيه في أقرب وقت أتمنى يكون التجربة بتاعتي أفادتكم ... ومنتظر دعواتكم |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
|
رد: الى كل من يواجة مشكلة فى التحويلات البنكية الان خطوات الايداع بالفيزا
الف شكر على المشوار الطويل بتاعك ده واشكرك لانك فتنى بجد وياريت لما تعمل ايداع ان شاء الله فى الحساب ونعمل ديداع فى الشركه تعرفنا ان الرصيد وصل بامان ان شاء الله فى شركه الى انت هتتعامل معاها وان شاء الله مستنى الرد بتاعك ؟
|
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
وإن شاء الله عند أقرب إيداع والوصول بأمان هيكون فيه تواصل |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
وأكيد ده كان معروف للناس اللي اتعاملت مع البنوك قبل كده هو إن البنوك بتخاف من (القرصنة) ... وإن ده فيه مخاطرة عالية على العميل وعلى البنك وردي على الكلام ده: (لو كل دولة خافت من القرصنة تعمل زي ما دولتنا بتعمل ... كان حل بنوك النت كلها قفلت). |
رد: الى كل من يواجة مشكلة فى التحويلات البنكية الان خطوات الايداع بالفيزا
أنا أحب أشكر الأستاذ أحمد محمد على المعلومات اللي هو قدمها سابقا ... علشان هي بالفعل أفادتني ... ولما عملت رحلة النهارده دي ... استفدت أكتر ... وربنا ما يحرمناش من التواصل مع الناس الصادقة
(ربنا يجعلنا من الصادقين إن شاء الله) |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
شكرا يا SHAWIS ياغالى ,, على شرحك بالتفصيل لرحلتك انهارده ,, واكيد فــ ناس هاتستفيد من مشاركتك ,, والحمد لله الذى اهداك لبنك بلوم ,, بالتوفيق ان شاء الله فـ حسابك ياغالى ,, |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
وشكرا لمرورك الطيب |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
أهلا بيك وربنا يبارك فيك لحرصك على نقل تجربتك ليستفيد منها غيرك وربنا يكون في عونك عارف إنه مشوار صعب :1 (114): لكن أنا ليا تحفظات على بعض المفاهيم المختلطة والمعلومات المتداخلة اللي حضرتك ذكرتها ويمكن يكون السبب في كده هو كلام موظفي البنوك لأن أغلبهم مابيكونش عنده معرفة كاملة أو من كتر المعلومات فالأمور اختلطت معاك واسمح لي أن أعلق على كل جزء بشكل منفرد اقتباس:
مين قال كلام حلو وجميل عن بطاقة الخصم debt card بتاعة بنك كريدي أجريكول مصر ؟؟ ومين قال إنها مش مرتبطة بالحساب البنكي ؟؟ ومين قال إن أحنا ممكن نستخدمها في الإيداع والسحب مع الشركة ؟؟ أولا البطاقة دي مرتبطة بالحساب البنكي ولكن المشكلة إنها غير صالحة للاستخدام على النت ولكن فقط تستخدم للسحب من ماكينات الصرافة ATM والشراء من المحلات.... وعلشان كده ماينفعش نستخدمها في الإيداع والسحب اقتباس:
البطاقة اللي مش مرتبطة بحساب بنكي هي البطاقات المدفوعة مقدما prepaid ودي معمولة للاستخدام على الانترنت والشراء من المحلات وللهدايا البطاقة اللي مرتبطة بالحساب البنكي أسمها بطاقة الخصم debt card ودي بتخصم من حسابك عند استخدامها أما بطاقة الائتمان credit card فهي مالهاش علاقة بالحساب البنكي دي عاملة زي القرض بتسحب منها وبعد كده تسدد المبلغ اللي سحبته ودي طبعا لها شروط وضمانات وفترة سماح وعمولات كتيرة وفوائد كبيرة وأنا كنت قولت بلاش منها في أول مشاركة ليا اقتباس:
:1 (47): اقتباس:
مش شرط تعمل بطاقة ائتمان credit card على فكرة لأنها بتحتاج ضمانات ولها شروط وفترة سماح بطاقة الخصم debt card اللي هتعملها على الحساب هتنفع إن شاء الله بس خليهم يفعلوها على النت اقتباس:
اسمحلي استدعي مشاركة سابقة ليا اقتباس:
اقتباس:
أكيد طبعا التجربة هتفيد الكثيرين وربنا يكرمك ويجزيك خيرا على هذا المجهود وهذه التجربة :1 (58): |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
على فكرة يا محمد مش شرط يعني إن الفيزا تكون ماجنتيك أو سمارت شيب او فيها تقنية 3d لأن دي كلها تقنيات الشركات بتطورها لزيادة الأمان وسهولة نقل البيانات أهم حاجة الفيزا تتوفر فيها الشروط والخدمات اللي تخليها صالحة للتعامل مع الشركة بالإيداع والسحب |
رد: الى كل من يواجة مشكلة فى التحويلات البنكية الان خطوات الايداع بالفيزا
الاخوة الكرام..
احب ان ازف اليكم خبر اننا استطعنا اخير اقناع الشركة بقبول السحب على الحساب البنكى من الايداعات بالفيزا و هذا للعملاء المصريين فقط تيسيرا عليهم بسبب صعوبات الايداع البنكى فى الوقت الحالى. ساقوم بنقل الصياغة القانونية للشركة بعد استلامها فى الاسبوع الجديد ان شاء الله و الان لا يوجد اى مشكلة فى الايداع بالفيزا و لا السحب و يمكن السحب بنكيا للمصريين فقط.. بالتوفيق للجميع |
رد: الى كل من يواجة مشكلة فى التحويلات البنكية الان خطوات الايداع بالفيزا
أنا ما قصدتش إن حضرتك اللي قلت عن (الديبت كارد) بتاعة أجريكول (حلوة وجميلة)
هناك بعض المشاركات ذكرت ذلك قبل ما حضرتك تدخل بتعليقاتك المفيدة أما عن المعلومات اللي أنا نقلتها فأنا نقلتها عن (المسئولين) وليس لي تدخل فيها ... أما عن كلامك عن (بلوم) فأنا بالتأكيد قد قرأته ... وبارك الله فيك لأني بالفعل قد استفدت منه ... لي سؤال وهو: حضرتك جربت (الديبت كارد) بتاعة (بلوم) في (الإيداع) و(السحب)؟ لو كان كذلك فلي تعديل على (الخطة) بتاعتي ... وجزاك الله خيرا على كل حال |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
كلام سليم 100% وعلشان كده أنا قولت بنك بيريوس مصر وبنك بلوم مصر |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
|
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
نسر العرب للفوركس دكتورنا الغالى أسامه باشا فى انتظارك ياغالى بفتح موضوع جديد تشرح فيه كل ما توصلت اليه بفضل الله من خدمات جديده للمصريين فى FXDD للأيداع والسحب عن طريق فيزا الانترنت |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
أيوه أنا فاهم قصدك طبعا والاستفهام بتاعي كان غرضه الاستنكار لتوضيح إن بطاقات الخصم debt card اللي غير صالحة للاستخدام على النت (زي بتاعة بنك كريدي اجريكول مصر ) ماتنفعش نستخدمها للتعامل مع الشركة ولا بالسحب ولا الإيداع وكمان البطاقات المدفوعة مقدما prepaid card ماتنفعش يعني البطاقة إما تكون بطاقة ائتمان credit card أو بطاقة خصم debt card مفعلة على الانترنت وبعد كده اشحن بيها في الشركة زي ماأنت عايز وتقدر تسحب عليها نفس المبالغ اللي عملتلها إيداع والأرباح اسحبها بالتحويل البنكي بالنسبة لكلام الموظفين بتوع البنك هو فيه كلام صحيح وبرضو فيه كلام مش دقيق أما عن استخدامي لبطاقة الخصم debt card بتاعة بنك بلوم مصر فهي معايا بالفعل وجاهزة للاستخدام لكن للأسف الشركة اللي بتعامل معاها ما بتقبلش غير بطاقة الائتمان credit card :1 (75): أما شركة fxdd فهي بتقبل بطاقة الائتمان credit card وبطاقة الخصم debt card :1 (114): ................................... طب هي أيه خطتك الحالية وأيه هي الخطة البديلة ... قولي وأنا اساعدك مش عارف ليه حاسس إنك عايز تعمل بطاقة الائتمان credit card بتاعة بنك بلوم مصر صدقني ابعد عنها أحسن أنت مش عارف اللي فيها هههههههههههه صحيح انت هتفتح حساب ب 1000 جنية مصري لكن علشان تطلع بطاقة الائتمان credit card هيكون كالتالي : - لازم يكون في حسابك مبلغ 3000 جنية - بيكون الحد الائتماني 80% يعني هيجمدوا من رصيدك 2400 جنية ويحطوها في البطاقة - أول ما تسحب مبلغ هيكون مطلوب منك سداده خلال 55 يوم - عمولة 10 % على السحب - لو ماسددتش المبلغ خلال 55 يوم هيبدا يحسب فوائد 1.5 % شهريا مع دفع مبلغ لا يقل عن 5 % من المبلغ المسحوب - مصاريف استخراج البطاقة 50 جنية طب أنت ليه تضغط نفسك وتخسر عمولات وفوائد مادام الشركة بتقبل بطاقات الخصم debt card اللي مش محتاجة ولا عمولات ولا فوائد ولا أي مصاريف وأي استفسار أنا في الخدمة |
رد: الى كل من يواجة مشكلة فى التحويلات البنكية الان خطوات الايداع بالفيزا
1 مرفق
اقتباس:
[IMG]file:///C:/Users/Malek0/Downloads/images.jpg[/IMG] (فليقل خيرا أو ليصمت) |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
تمام يا دكتور وان شاء الله منتظرين الخبر اليقين الاسبوع القادم اقتباس:
|
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
بالتوفيق إن شاء الله |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
الحمد لله إن الأمور بقت واضحة قدامك وفهمت الحكاية ماشية ازاي أولا في معلومة أنا كتبتها من غير تركيز وهعدلها ( - عمولة 10 % على السحب ) العمولة هي 2% على السحب بحد أدنى 10 جنية ...................... بالنسبة بقى لكلامك عن الشحن بالفيزا وإن مافيهوش مشاكل مع معظم او كل البنوك المصرية بخلاف السحب فأنا حابب اوضحلك حاجة مهمة شركة fxdd من الشركات الأمريكية المسجلة في nfa http://www.fx-arabia.com/vb/uploaded...1320067973.png وجميع الشركات الأمريكية المسجلة في nfa لا تقبل فيزا نت ولا أي بطاقة مدفوعة مقدما prepaid card ولكن تقبل فقط بطاقات الائتمان credit card وبطاقات الخصم debit card وزي ما قولنا طبعا لازم بطاقة الخصم تكون صالحة للاستخدام على الانترنت يعني : - أي فيزا نت في أي بنك ماتنفعش ولا إيداع ولا سحب مع الشركة وكذلك البطاقات المدفوعة مقدما prepaid card - بطاقات الخصم debit card في جميع البنوك ماتنفعش إلا بطاقة الخصم بتاعة بنك بلوم مصر وبنك بيريوس مصر وفي بنك كمان أسمه بي أن بي باريبا مصر (خلونا في بلوم وبيريوس أفضل) - بطاقات الائتمان credit card كلها تنفع في أي بنك ( بس قولنا بلاش منها علشان البنوك بتستهبل جاااااامد في العمولات والفوائد والمصاريف) ولازم تخلوا بالكم إن كلامي كله عن الشركات الامريكية المسجلة في nfa لأن الشركات غير الأمريكية وغير المسجلة في nfa بيكون لها ظروف تانية ممكن تقبل الشحن بأي كارت حتى لو كارت ميناتل ههههههههههه بس في جميع الأحوال لا يمكن السحب إلا على بطاقة ائتمان credit card أو بطاقة خصم debit card حتى لو كانت الشركات غيرالمسجلة دي بتقبل الايداع بفيزا نت ...................... بالنسبة لسؤالك عن إن قوانين بنك بلوم مصر بتسمح بالسحب على الديبت كارد مافيش أي مشاكل خااااالص في السحب عليها مادام متفعلة أون لاين على النت لأنها في الحالة دي بتكون عاملة زي الكريديت كارد وفي ناس كتير بتستخدمها إيداع وسحب والدنيا زي الفل :1: واعتقد إنك بفضل الله عرفت الطريق الأفضل اللي هيريح بالك وهيغنيك عن أي حاجة تانية ....................... خلاصة القول 1- افتح حساب بنكي في بنك بلوم مصر او بنك بيريوس مصر. 2- استخرج بطاقة خصم debit card على الحساب وخليهم يفعلوها أون لاين على النت. 3- تأكد أن الأسم على الفيزا مشابه لأسمك في الشركة. 4- أعمل إيداع لحسابك في الشركة عن طريق موقع الشركة. 5- إن شاء الله ربنا يوفقك وتحقق أرباح. 6- تقدر تسحب بالفيزا نفس المبلغ اللي عملتله إيداع. 7- أي مبالغ أخرى تقدر تسحبها بالتحويل البنكي. 8- عند استقبال أي مبلغ على حسابك البنكي البنك هيفتحلك حساب فرعي بالدولار تحت حسابك الأساسي. اتمنى أكون وضحتلكم الأمور بشكل بسيط ونوفر الوقت اللي بيضيع في البحث عن أفضل فيزا وأفضل بنك وأفضل شركة وأفضل طريقة ونستفيد بالوقت ده في مزيد من التعلم مع خالص حبي وامنياتي الطيبة بالتوفيق للجميع والسلام عليكم ورحمة الله وبركاته |
رد: الى كل من يواجة مشكلة فى التحويلات البنكية الان خطوات الايداع بالفيزا
مشكور يا ابو حميد بجد مجهود رائع و معلومات تمام و كل حد استفاد من الموضوع دة هيدعيلك بجد
|
رد: الى كل من يواجة مشكلة فى التحويلات البنكية الان خطوات الايداع بالفيزا
السلام عليكم و رحمة الله أنا أستفدت كتير من متابعتي للموضوع و انا شاكر جدا علي المعلومات الغزيرة المفيدة من كل الناس و خاصة أ / أحمد محمد علي اللي باستفيد كتير من متابعة معلوماته و ربنا يجعله في ميزان حساناته و كمان أخي shawis و كلامه عن الموضوع و تجربته مع البنوك مفيد جدا ليا و لكل الاعضاء أنا بس كان ليا استفسارات بسيطة عن بعض الأمور : 1- هل ممكن افتح حساب بالجنيه المصري في بنك بلوم مصر و لما اعمل عليه بطاقة debit card مفعلة بالنت ممكن أفتح حساب مع شركة اف اكس دي دي علي النت بمبلغ الجنيه المصري اللي موجود في البطاقة علي النت و هما يحولوه لي دولار عندهم عشان افتح حساب لديهم و لا لازم تكون بطاقة الديبت كارد بالدولار ؟ و انا اللي فهمته ان بطاقة الديبت كارد بأقدر استخرجها من البنك لما باكون فاتح حساب في البنك و اعتقد الرصيد فيها حيكون بقيمة حسابي صح كدة ؟ - أرجو التوضيح و انا شاكر جدا - 2 - الحد الأدني لفتح حساب في بلوم مصر بالجنيه المصري كام و بالدولار كام ؟ عشان كمان اطلع علي الحساب الديبت كارد 3 - هل لما شركة اف اكس دي دي تحول لي ارباح من حسابي علي بنك بلوم هل البنك بيطالبني بمصاريف تحويل و لا اف اكس دي دي بتخصم مصاريف التحويل من ارباحي ؟ و أنا شاكر جدا جدا و باتمني التوفيق للجميع . |
رد: الى كل من يواجة مشكلة فى التحويلات البنكية الان خطوات الايداع بالفيزا
الف شكر يا ابو حميد امال انت فيين ياعم قولى مش هتفرق حساب جارى من حساب توفير صح ؟
وتفضل انت ايه ؟ على ما اعتقد ان الحساب الجارى بيخدو عليه مصاريف كل 3 شهور |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
اللهم إنا نعوذ بك من البخل |
رد: الى كل من يواجة مشكلة فى التحويلات البنكية الان خطوات الايداع بالفيزا
أحب أوجه نفس السؤال بتاع الأستاذ (ميدو) إلى الأستاذ (أحمد محمد) وهو: لو إني بعد ما عملت إيداع في البنك (1000) جنيه أو ما يعادلها ... وجيت بعد كده استخدمت (الألف جنيه) دول ... سواء سحبتهم أو بعتهم لأي شركة فوركس ... هيحصل إيه؟
سؤال تاني: هل الأفضل إني أفتح الحساب في (بلوم) ... (بالجنيه المصري) أو (بالدولار)؟ ولا مش هتفرق؟ |
رد: الى كل من يواجة مشكلة فى التحويلات البنكية الان خطوات الايداع بالفيزا
السلام عليكم ورحمة الله وبركاته تنويــــــــه لابــــــــــد منــــــــــــه أحب الفت نظر الناس لحاجة مهمة وهي إني بتكلم عن شركات الوساطة بصفة عامة وخاصة الشركات الأمريكية وانا لما اتكلمت عن شركة fxdd كان مجرد مثال لهذه الشركات ولأن معظم الاستفسارات كانت بخصوصها لأن في ناس فهمت من كلامي إني بشجع على التعامل مع شركة fxdd او بفضلها عن غيرها وده غير صحيح على الاطلاق فأرجوا منكم العذر إذا كان قد وصلكم هذا المفهوم الخطأ وأرجوا أن تتحققوا من أي شركة سوف تتعاملون معها ومن سياستها والقوانين التي تحكمها من خلال الهيئات الرقابية ولا تنخدعوا في اي شركة او أشخاص لهم مصالح مع هذه الشركات فليست كل تسهيلات تقدمها شركة ما هي ميزة وليست كل تشديدات تفرضها شركة ما هي عيب ولكن العيب فينا إذا سلمنا عقولنا لأشخاص يتاجرون بها ويتاجرون بأحلامنا أرجوكم خدوا بالكم وأقبلوا عذري ................................................ نيجي بقى للاستفسارات الخاصة بالبنوك والبطاقات وبعد كده ردي هيكون على اي استفسار متعلق بالمعاملات البنكية بصفة عامة وبصرف النظر عن شركة وساطة بعينها اقتباس:
أهلا بيك يا ميدو 1- مافيش بطاقة بتتعمل غير بعملة البلد اللي البنك فيها .. يعني بطاقة الخصم debit card مابتطلعش غير على الحساب المصري ولما تيجي تستخدمها في الدفع او السحب أو أي حاجة بيتم التحويل للعملة المطلوبة حسب سعر الصرف وبطاقة الخصم دي بتخصم من حسابك البنكي يعني اللي موجود في حسابك هتقدر تسحبه زي ماأنت قولت بالظبط 2- الحد الأدنى لفتح حساب هو 1000 جنية مصري ومش محتاج إنك تفتح حساب بالدولار خالص لأن البنك بيفتحلك حسابات فرعية بأي عملة مختلفة واردة إلى حسابك مصاريف فتح الحساب 30 جنية مصاريف استخراج بطاقة الخصم 30 جنية 3- البنك ما بيخصمش أي مصاريف او عمولات في حالة استقبال مبلغ على حسابك البنكي ولا اعتقد ان هناك مصاريف تخصمها هذه الشركة عند السحب اقتباس:
أهلا كريم أنا موجود اهو :1 (114): لأ مش هتفرق حساب توفير ولا جاري أنا أفضل حساب التوفير الحساب الجاري مصاريفه كتير وشهريا اقتباس:
لما تفتح حساب في بنك بلوم مصر وعملت ايداع ب 1000 جنية تقدر تسحبهم بعد فتح الحساب على طول زي مأنت عايز ومن غير مشاكل لأن مش شرط تسيب مبلغ في الحساب علشان يفضل شغال والأفضل إنك تفتح حساب بالجنية المصري علشان تقدر تستخرج عليه بطاقة خصم وفي جميع الاحوال مش هتكون محتاج إنك تفتح حساب بالدولار خااااااااااااالص تحياتي لكم وبالتوفيق للجميع |
رد: الى كل من يواجة مشكلة فى التحويلات البنكية الان خطوات الايداع بالفيزا
مشكور يا أستاذ أحمد على كرمك وسعة صدرك
|
| الساعة الآن 11:15 PM |
Powered by vBulletin® Copyright ©2000 - 2024
جميع الحقوق محفوظة الى اف اكس ارابيا www.fx-arabia.com