اف اكس ارابيا..الموقع الرائد فى تعليم فوركس Forex - ★ الشمعة المنحرفة (scalping) ★ (ملخص)

صفحة 5 من 6

عرض 40 مشاركات من هذا الموضوع لكل صفحة

اف اكس ارابيا..الموقع الرائد فى تعليم فوركس Forex (https://fx-arabia.com/vb/index.php)

- ارشيف الاستراتيجيات (https://fx-arabia.com/vb/forumdisplay.php?f=44)

- - ★ الشمعة المنحرفة (scalping) ★ (ملخص) (https://fx-arabia.com/vb/showthread.php?t=36321)

م.جوزيف ايهاب

08-04-2012 08:55 PM

رد: ★▒▓◄ استكمال لموضوع الشمعة المنحرفة (السكالبينج) ►▓▒★

اقتباس:

المشاركة الأصلية كتبت بواسطة tamer_taher22 (المشاركة 306954)

السلام عليكم

انا اقصد لماذا تخرج الشمعة عن البولينجر و لماذا تدخل مرة اخرى

وعليكم السلام
تفضل يا غالي من هنا فيديو:احترف المتاجرة بالسكالبينج.. Scalping الجزء (4)..البولنجر باند
فيديو الدكتور اسامة . ستجد الشرح بالضبط

م.جوزيف ايهاب

09-04-2012 03:11 AM

رد: ★▒▓◄ استكمال لموضوع الشمعة المنحرفة (السكالبينج) ►▓▒★

اقتباس:

المشاركة الأصلية كتبت بواسطة rezo91 (المشاركة 307122)

ما شاء الله تبارك الله

والله انا كنت مفتقد المنتدى عشان موضوعين
موضوعى اللى انا منزله فى قسم خدمة العملاء
وموضوع حضرتك يا استاذ يوسف
انا عموما نفسى اتابع استراتيجية اسكالبينج تكون ناجحه ومنضبطه
وبتحقق مجموع نقاط كويس وتكون ممتعه فى شغلها
ووالله مش مجامله كل الكلام ده لقيته هنا
انا كنت بصراحه الى الان لم اقرأ الموضوع من اوله لاخره
لكن الصور المرفقه على مدار الاسبوع الماضى وامس
الخاصه بالصفقات كافيه لشرح الاستراتيجيه
ولكن انا برضو فى حاجه مازلت مش فاهمه الصفقات
اللى حضرتك بتخرج منها من عند سعر الدخول بيكون مثلا الخروج لايف
ولا انت بتكون حركت الاستوب عند سعر الدخول لان التارجت مش كبير
يعنى مثلا لو السعر اتحرك فى اتجاهم خمس نقط لو افترضنا ان ده نص الهدف
لو حضرتك حركت الاستوب فى اللحظه دى عند سعر الدخول
اعتقد المفروض معظم الصفقات هتضربه وهتخرج من عند سعر الدخول
لان الخمس نقاط دى فى حركة السوق ولا حاجه
ولا الخروج من عند سعر الدخول بيكون لايف مثلا لو حضرتك مش مطمن للصفقه
يدون ما تحرك الاستوب ولا حاجه ... وكمان بالنسبه للهدف
على اساس حضرتك بتحدده لان استاذ اسامه على ما اتذكر فى الفيديو
قال ان الطمع هيجرنى من 5 نقاط لــ 10 نقط لــ 15 نقطه
حضرتك بتحدد مثلا خروجك من الصفقه على حسب سرعة تحرك السوق فى اتجاهك
وعلى اساسها بتعلى الهدف يعنى لو السوق حركته سريعه وانت شايف انه يجيب اكتر من كده
او مثلا بطئ مش هايجيب اكتر من كده ... اسف لو طولت عليك فى استفساراتى
طلب اخير ياريت لو حضرتك ترسلى ايميلك فى رساله خاصه
لانى مش قادر اراسلك لانى اقل من 50 مشاركه ... اكون شاكر لحضرتك جدا

اهلا بيك يا غالي
اسأل براحتك في اي وقت
بالنسبة للهدف والستوب: انا لا اضع اي منهما . انا لما بافتح صفقة سكالبينج لازم افضل قدامها. عشان طبعا خطر اسيبها واقوم. بالنسبة للستوب انا باقول للاخوة 15 نقطة . انا عن نفسي بخليه 20 واحيانا 25 وده طبعا مخاطرة عالية. الاغلاق بيكون يدوي.
بالنسبة للهدف كما قلت ان الدكتور تكلم علي الطمع وده طبعا كلام صحيح.. في بعض الازواج باكتفي ب5 نقاط واغلق الصفقة في الحال مثل الباوند واليورو
ازواج الين وخاصة المجنون احيانا بستني فيها لحد ال20 نقطة. لا احرك ستوب علي الدخول عشان زي ما قلتلك مش باحطه اصلا. اذا حسيت بارتداد باخرج في الحال واقول الحمد لله
انا دائما اقول البوفيت انت وقناعتك
يعني لو انا دخلت مثلا بلوت 3$ للنقطة باخرج بعد 5 نقاط مباشرة. مينفعش الطمع خالص

جرب الطريقة ديمو لفترة الي ان تتقنها

بعتلك رسالة فيها الايميل. تقدر ترد عليها عادي
تحياتي

م.جوزيف ايهاب

09-04-2012 05:07 PM

رد: ★▒▓◄ استكمال لموضوع الشمعة المنحرفة (السكالبينج) ►▓▒★

فرصة قبل قليل علي الدولار فرنك
ولكن لم تصل لدرجة التشبع علي الستوكاستيك
http://www.fx-arabia.com/vb/uploaded...1333980224.jpg
http://www.fx-arabia.com/vb/uploaded...1333980224.jpg
بصراحة كانت مخاطرة ان تصعد شمعة اخري خارج البولينجر عشان كده مكتبتهاش
بس بصراحة انا طمعت ودخلتها :D
الصفقة حققت معي 10 نقاط ولكن لم احسبها ضمن احصائيات الاسبوع

م.جوزيف ايهاب

10-04-2012 10:42 AM

رد: ★▒▓◄ استكمال لموضوع الشمعة المنحرفة (السكالبينج) ►▓▒★

اقتباس:

المشاركة الأصلية كتبت بواسطة rezo91 (المشاركة 307813)

السلام عليكم ازيكم يا جماعه يارب تكونوا بخير

شكرا يا استاذ يوسف على اهتمامك وصلتنى الرساله وهاضيف حضرتك حالا
لكن كان عندى استفسار بخصوص الصفقه اللى منزلها اخونا ايوب
هل هذه الصفقه تعتبر مثاليه لان الاستوكاستك لم يخترق مستوى الــ 20
هو مجرد لمسه وارتد منه فقط هل تعتبر اشاره صادقه ولا من الافضل ان لا ندخل معاها
كذلك برضو بتحصل حاجه شبيهه بدى فى البولنجر بتكون الشمعه نصها خارج البولنجر
والنص التانى ملامس ليه هل هذا يعتبر اختراق واشاره صادقه ولا برضو لا يفضل
الصفقات اللى حضرتك بتنزلها فى الاحصائات وبتخش عليها فعليا
بيكون الاختراق واااااااااضح سواء فى البولنجر والاستوكاستك ولا حتى لو بالملامسه
كده تكون اشاره صادقه وصفقه صحيحه ... اسف بجد على الاستفسارات الكتير
بس عشان نبدء مع حضرتك بقوه زى ما قولتلك قبل كده
وشكرا جزيلا على اهتمام حضرتك وانك متحملنا

اهلا يا غالي
انا قلت لحضرتك اسأل براحتك :1 (114):
بالنسبة للصفقة بتاعة استاذ ايوب. اولا هي مثالية عشان الشمعة المنحرفة فتحت واغلقت خارج البوليجنر
وبالنسبة للستوكاستيك . ملامسة ال20 تعطي اشارة التشبع البيعي
اذا الصفقة مثالية و صحيحة 100% ونسبة الخسارة فيها قليلة جدا
بالنسبة للشمعة اللس بتلامس البوليجنر. اهم حاجة اغلاقها يكون خارجه بس برضه دي فرصة ليست بقوة الشمعة اللي بتفتح وتغلق بره

مدير الموقع

10-04-2012 07:28 PM

رد: ★▒▓◄ استكمال لموضوع الشمعة المنحرفة (السكالبينج) ►▓▒★

اهلا اخى جوزيف..
معلش انا قصرت فى الرد فى الموضوع من بدايته و لكن كويس انى الحق اكمل معاك و اديك خبرتى فى موضوع الشمعة المنحرفة.

الشمعة المنحرفة كنا نتاجر بها مع الاخ فتحى النجف منذ فترة طويلة و و كانت تعطى نتائج ايجابية لفترة و لكن هناك فلاتر كنا جربناها و كانت مفيدة و خلينى اذكر ما هى من وجهة نظرى الشخصية.

1- كلما كانت الشمعة على فريم اكبر زادت مصداقيتها اكثر و اكثر و الشموع الصغيرة غالبا ما تكون مخالفة.
2- توقيت الدخول ايضا قد يكون له عامل مهم فالدخول فى شمعة منحرفة فى بداية اليوم قد يكون عرضة للخسارة اكثر و الدخول الخاص بك هو دخول للتفريغ اى عكس الاتجاه الذى قام بانفراج البولنجر و هو وقت مهم و خطر التداول عليه و عليك ان تكون اكثر حرصا فى التداول عكس اتجاه السيولة و يفضل اختيار الشموع فى اوقات متاخرة من اليوم لان الارتداد يكون اكثر واقعية بتفريغ يوم كامل و ليس بالمزيد من العزم فى بداية اليوم.
3- لا تتداول على ازواج سريعة الحركة و ان كانت قليلة مع هذه الطريقة لانها اكثر الطرق ضربا للستوب و خاصة مع ازواج الين.

هذه هى اقتراحاتى للطريقة التى اراها ناجحة لو تم الالتزام بهدف و ستوب مناسب.
و يعيبها فرصها القليلة على الشروط السابقة و فرصها القليلة اصلا.

تحياتى يا غالى

م.جوزيف ايهاب

11-04-2012 06:20 PM

رد: ★▒▓◄ استكمال لموضوع الشمعة المنحرفة (السكالبينج) ►▓▒★

اقتباس:

المشاركة الأصلية كتبت بواسطة tamer_taher22 (المشاركة 308287)

السلام عليكم

1- انا رأى ان الاستوب لوز يكون هو اعلى سعر للشمعة المنحرفة او اعلى منها بخمس نقاط فقط بحد اقصى 15 نقطة
2- يفضل الدخول قبل بداية او نهاية السوق الاوروبى او السوق الامريكى
3- الربح من 5 الى 10 نقاط باستخدام الرتلنج ستوب

هذا تقريبا ما قاله الدكتور عن التوقيت
وبالنسبة للستوب والهدف هي فكرة جيدة
ان شاء الله نجربها مع بعض
اشكرك يا غالي

م.جوزيف ايهاب

15-04-2012 05:45 AM

رد: ★▒▓◄ استكمال لموضوع الشمعة المنحرفة (السكالبينج) ►▓▒★

اقتباس:

المشاركة الأصلية كتبت بواسطة bodda.2011 (المشاركة 310979)

السلام عليكم ورحمة الله وبركاته
اولا اهلا وسهلا بيكم جميعا ويسعدنى ويشرفنى انى انضم لهذا الموضوع
موضوع مميز للغايه وفعلا انا خسرت حساب فى الفوركس بسبب بعدى عن هذى الطريقه فى المضاربه
يعنى يبقى الواحد ادامه السهل الممتنع ويروح يدور على الصعب اللى فيه الكثير من الربح
عموما محدش بيتعلم ببلاش خلينا فى موضوعنا
اولا الطريقه ناجحه نقدر نقول بنسبه 6/2
يعنى لو فى 6 صفقات اللى بيربحوا فى الغالب منهم 4
بس خلينا نضع حد اكتر لمصداقيه هذى الطريقه من حيث التيك بروفيت والاستوب لووز
اولا انا جاتنى فكره شديده الاهميه على فريم الربع ساعه
نضيف الموفنج افريدج 13 وعندما يصل لها السعر نقفل الصفقه سواء حققت 5 نقاط او حققت 20 نقطه
ودا لو نجح يبقى استطاعنا اننا نصل لحل فى التيك بروفيت
ويكون ناقصلنا الاستوب لووز
انا مسجل متابعه معاكم علشان نشوف مدى المصداقيه للموفنج 13
وياريت التجربه على حسابات ديمو عشان محدش يدعى عليا :D
بس ان شاء الله خير ونشوف مصداقيه الموفنج 13 ولو نجح بذكر طريقه اخرى فى الاستوب لووز علشان نخليها ناجحه 99%
مستنى ردكم وتجربتكم معايا

اقتباس:

المشاركة الأصلية كتبت بواسطة bodda.2011 (المشاركة 310987)

نسيت اضيف ارشاد
ان الموفنج افريدج 14 مهم جدا لان لو الصفقه محققه ربح 10 نقاط وبعدها وبعدها ارتفع الموقنج لاعلى ليلامس السعر
سوف تصبح ال10 نقاط 8 او 7 لابد من قفل الصفقه على هذا الربح لان الصفقه سوف تسير عكس الاتجاه
وياريت نلاحظ الموضوع دا من خلال التجربه
لان الموفنج 13 مهم جدا لكونه برضه احد اساليب الاستوب للصفقه وبيعرفك احتمال فى ارتداد ولابد انك تقفل حتى لو على -5
ياريت تلاحظوه هذا المؤشر ساحر بالنسبه لهذه الطريقه فى المضاربه
هذا اجتهاد منى ويحتمل الصدق والصواب خلينا نجرب ونشوف مع بعض

اهلا يا غالي
اشكرك علي هذه الطريقة وان شاء الله نجربها معا مع بداية الاسبوع
تقبل تحياتي

cupid19

17-04-2012 08:43 PM

رد: ★▒▓◄ استكمال لموضوع الشمعة المنحرفة (السكالبينج) ►▓▒★

اقتباس:

المشاركة الأصلية كتبت بواسطة hassan ebaid (المشاركة 312482)

السلام عليكم و رحمه الله و بركاته كل اخوانى رواد المنتدى
انا لسه جديد جدا فى الفوركس و فيه مصطلاحات انا معرفهاش بس انا كان لى تسؤال من فضلكم انا ناوى افتح حساب فى اف اكس سوليوشن ان شاء الله السؤال هو انا ممكن افتح صفقه و اغلقها بعدها بدقيقه او اتنين لو حققت ربح او خساره قليله و هل لو ممكن هل ده موجود فى اف اكس سوليوشن
وجزاكم الله خيرا

السلام عليكم اخي الكريم
اولا بالنسبه للمصطلحات متقلقش هاتتعلمها بكل سهوله من المتاي=بعه وقراءه المواضيع فالقسم التعليمي
بالنسبه للصفقات اه طبعا تقدر تفتح وتغلق الصفحه في اي وقت ولو بعد ثانيه مادام السوق شغال مع مراعاه ان السوق بيغلق من مساء الجمعه حتي مساء الاحد

بس ليا ملحوظه ياريت تتقبلها
مينفعش تفتح حساب حقيقي وانت لسه متعرفش المصطلحات
ركز فالتعليم والتجربه علي حساب ديمو حتي تتقن المتاجره واكيد محدش ضامن المكسب والخساره بس علاقل لما تتعلم تبقي اخدت بالاسباب

واختصارا عليك
اتفضل دا موضوع مجمع لدروس تعلم الفوركس للرائع د/اسامه
اعتقد مافيش حاجه عالنت هاتفيك اكتر من الموضوع ده
دروس فيديو دورة تعليم الفوركس مجمعة كاملة

م.جوزيف ايهاب

22-04-2012 01:06 AM

رد: ★▒▓◄ استكمال لموضوع الشمعة المنحرفة (السكالبينج) ►▓▒★

اقتباس:

المشاركة الأصلية كتبت بواسطة rezo91 (المشاركة 315475)

للأسف فاتتنى انا الصفقه دى :(

جو عندى اقتراح بعد اذنك وياريت تفكر فيه
وهو اقتراح مش جديد ورش كتير فعلا عاملاه
خصوصا لو كانت الاستراتيجيه صفقاتها سريعه فى الدخول
وكذلك فى الخروج وزيد على ذلك بالنسبالنا هنا
الهدف والاستوب غير محددين فأعتقد احنا فعلا فى امس الحاجه
للأقتراح ده لانه هيسهل علينا كتير ... اننا نكون مع بعض على الميل
وبمجرد اختراق البولينجر والاستوكاستك يصل لمرحلة التشبع
حضرتك تبعتلنا كونفرنس يخش فيه كل متابعين الورشه اللى يكونوا اون لاين
قدام حضرتك وتقولنا يا شباب فيه صفقه بتتكون ونركز كلنا معاك على الشارت
واذا اكتملت شروط الصفقه ندخل كلنا سوا ووقت الخروج برضو هتقولنا نخرج يا شباب
من سعر الدخول او نخرج حالا يا شباب ونكتفى بالخساره او الربح ده ربنا ما يجيب خساير ابدا
ويكون الموضوع هنا لتوثيق الصفقات وكذلك لو فى اى متابع جديد ينضم لينا على الميل
جو مافيهاش ابدااااااااا احراج اذا كنت شايف ان الاقتراح ده هيعطلك ليك كامل الحريه ترفضه طبعا
انا الحمد لله الحساب اتفتح اخيراااااااا وهاحول الفلوس الاسبوع ده واتابع معاكم على الحقيقى من اول الشهر
وبغض النظر بقى عن كل الكلام ده ... لازم نشوفك يا جو فى الميتينج ان شاء الله لو قدرت تيجى
انا متابع الموضوع وشوفت الكومنت بتاعك والله كنت منتظر اشوفك جاى ولا لا ... هنتقابل باذن الله لو جيت

منتظر ردك يا جو واجازه سعيده واسبوع اخضر باذن الله :)

اهلا بيك يا باشا
اشكرك علي كلامك الرائع
بالنسبة للميل انا ليس لدي مانع اطلاقا خصوصا اني نفسي الكل يستفيد
المشكلة اني بكون في الشغل طول النهار وبتابع الشارت قليل اوي واحيانا من الموبيل عشان مش ببقي في المكتب كتير
والفترة دي عندي ضغط غير طبيعي بيخليني مش قادر اتابع خالص
انا عندي حل مؤقت الي ان تهدي الامور عندي
تقدر تشغل الابلاغ الفوري عبر البريد وساعتها هتوصلك التوصية في لحظة وانا شخصيا باعمل كده في كثير من الورش لعدم متابعتي الدائمة

بالنسبة للميتينج ان شاء الله جاي يا باشا عشان اتعرف عليكم واتشرف بيكم جميعا :1 (114):

م.جوزيف ايهاب

24-04-2012 02:26 AM

رد: ★▒▓◄ استكمال لموضوع الشمعة المنحرفة (السكالبينج) ►▓▒★

اقتباس:

المشاركة الأصلية كتبت بواسطة ahmad2012 (المشاركة 317043)

السلام عليكم
انا اول يوم اسجل معاكم
واسمحولي كصديق جديد
فيه فرصه وابي اسالكم هل هي اتاكدت؟؟
فريم الديلي ,, العمله الباوند مع الدولار
افتتاح واقفال يومي اعلى (( شمعه منحرفه ))
وتشبع على الستوك؟؟
هل الفرصه 100%

وعليكم السلام
اهلا بيك يا غالي معانا
http://www.fx-arabia.com/vb/uploaded...1335223412.jpg

هي فرصة جيدة ولكن ليست صحيحة 100% عشان الشمعة اغلقت داخل البولينجر ب3 نقاط
يفضل الا يكون الفريم كبير خاصة اننا ندخل سكالبينج
احنا بنشتغل معظم الصفقات علي فريم الربع ساعة
لو عايز فريم كبير ممكن الساعة او ال4 ساعات افضل من الديلي

الساعة الآن 11:11 AM

صفحة 5 من 6

عرض 40 مشاركات من هذا الموضوع لكل صفحة