|
رد: الى كل من يواجة مشكلة فى التحويلات البنكية الان خطوات الايداع بالفيزا
للاسف عندى حساب بالدولار فى البنك الاهلى المصرى رحت عشان اعمل ديبيت كارد فى البنك قالولى الديبت كارد هو (atm )ولا يمكن استخدامه على النت دلوقتى ايه افضل بنك افتح فيه حساب واحصل على بطاقه ديبيت عشان عايز اعمل ايداع قبل يوم 30 |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
عن نفسي فاتح مع العربي الافريقي و في كريدي أجريكول أسمع أنة كويس |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
سلمت يمناك اخى احمد انا بتكلم عن الديبت كارد عشان اقدر اسحب عليه وليس الكارت مسبوق الدفع |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
اقتباس:
آسف للتأخر في الرد عليك الديبت كارد هي الأفضل وهي المقبولة من جميع الشركات وبتقدر تسحب عليها وسيبك من البنك الأهلي المصري ده خالص والبنوك الحكومية مالهمش لازمة أنت دلوقتي قدامك بنكين مافيش غيرهم 1- بنك بيريوس مصر وده هتفتح فيه حساب توفير بالجنية المصري وهتستخرج الفيزا وانت قاعد يعني لو عايز يكون الرصيد في حسابك في شركة الوساطة بكره يبقى تفتح حساب في البنك ده أسرع 2- بنك بلوم مصر وده هتفتح فيه حساب توفير بالجنية المصري والفيزا هتستخرج خلال 4 أو 5 أيام وتخلي البنك يفعلها اون لاين. وأنا أفضل للسرعة علشان ماتتأخرش افتح حساب في بنك بيريوس مصر بس أهم حاجة وخلي بالك منها - إنك تكتب أسمك بالانجليزي في البنك بنفسك ويكون مشابه للي هتكتبه في الشركة علشان مايحصلش تأخير - إنك ماتركزش مع موظفي البنوك لأنهم مش عارفين حاجة وعند الايداع في الشركة هتلاقي الرصيد في حسابك خلال ثواني لو عندك أي استفسار آخر أنا في الخدمة |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
تسلم ايدك اخى بالفعل النهارده كلمت خدمه العملاء للبنكين بنك بيريوس ردت عليه الموظفه وقالتلى اه ينفع تستخدمها على النت بس شكلها مش فاهمه قوى لانى قولتلها البطاقه اقدر اسحب عليها بالدولار قالتلى لا جنيه مصرى ههههه بس الموظف بتاع بلوم كان فاهم كويس قوى قالى تقدر تسحب عليها بس الفلوس هتتحول بالجنيه المصرى قبل ماتدخل حسابك انا لسه ادامى 9 ايام على الايداع ايه رايك انا مستريح اكتر مع بلوم لان خدمه العملاء عندهم فاهمين عندى سؤال بقى معلش هتعبك معايه انى بنك فيهم اعرق وسمعه اطيب؟ معلش اصلى بركز فى الحاجات دى قوى كل الود والاحترام :1 (58): |
رد: الى كل من يواجة مشكلة فى التحويلات البنكية الان خطوات الايداع بالفيزا
سؤال تانى مهم بخصوص السحب من شركه دى دى كده الارباح اقدر اسحبها عادى على الفيزا حتى لو تعدت المبلغ المودع؟ بمعنى لو اودعت مثلا 250 دولار وعملت ارباح 500 دولار اقدر اسحب ال 500 دولار على الفيزا؟ ولا 250 كحد اقصى؟ |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
|
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
والله انا بفضل بنك بلوم برضو وعندي حساب فيه الاتنين ممتازين على فكرة بس قولتلك على بنك بيريوس أسرع خفت تتأخر انت لو هتفتح حساب في بلوم بكره يبقى 5 أيام عمل ويومين اجازة يبقى بعد 7 أيام هتستلم الفيزا ولو شايف إن ده يناسبك خلاص أوكي بس اتأكد من الفرع اللي هتروحه لبنك بلوم مصر إنه هيفعل الفيزا على النت وانت بتستخرجها وماياخرش التفعيل وكمان أسمك في البنك لازم يكون مشابه لأسمك في الشركة بالحرف اقتباس:
بالنسبة للسحب من الشركة فأنت مش هتقدر تسحب على الفيزا أكتر من المبلغ اللي أنت أودعته بيها أي مبالغ أخرى عايز تسحبها هيكون بالتحويل البنكي (قانون) بالتوفيق |
رد: الى كل من يواجة مشكلة فى التحويلات البنكية الان خطوات الايداع بالفيزا
معلومات قيمه جدا وانا مكنش عندى اى خلفيه عن نظام البنوك
بس انا عندى استفسار انادلوقتى هفتح فىبنك بيريوس مصر وهفتح حساب فيه وهطلبمنهم بطاقه الديبيت كارد ويفعلوها اونلاين طبعا لازم اضع مبلغ 1000 دولار فى حسابى البنكى علشان لما اجى احول الفلوس عن طريقالديبيت كارد يتحول اوتوماتيك ويتخصم من حسابى البنكى يعنى للتأكيد بعمل ايداع فى حسابى البنكى الف دولار وارجع احولهم عن طريق الديبيت كارد للشركه كده تمام ولا فيه حاجه غلط؟ واعذرونى كونى مبتدأ وان شاء الله اكون احد عملاء اف اكس ارابيا بدايه الشهر القادم |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
الديبت كارد بتاعة بنك بيريوس مصر صالحة للاستخدام أون لاين على النت بشكل طبيعي هتفتح حساب توفير بالجنية المصري عادي مش لازم بالدولار وأصلا الفيزا مابتطلعش غير على الحساب المصري وهتعمل إيداع بالمبلغ اللي أنت عايزه يعني زي مابتقول كده لو 1000 دولار مثلا يبقى هتعمل إيداع بمبلغ 6000 جنية وأعمل حساب 100 جنية زيادة علشان مصاريف فتح الحساب واستخراج الفيزا وهتستلم الفيزا وانت قاعد وهيتم تفعيلها بعد الساعة 12 بالليل وطبعا زي ماقولت قبل كده لازم اسمك في البنك يكون زي اسمك في الشركة بالظبط ولما تيجي تعمل إيداع في الشركة لمبلغ 1000دولار الفيزا هتحول ال 6000 الاف جنية مصري الى 1000 دولار وتلاقيهم في حسابك لدى الشركة خلال ثواني اقتباس:
لو لسه مبتدئ حديث يبقى الأفضل عدم التسرع بفتح حساب حقيقي لغاية ماتتعلم بما فيه الكفاية أو على الأقل ماتفتحش حساب بمبلغ كبير افتح حساب بمبلغ صغير علشان تتعود على السوق وفي نفس الوقت ماتخاطرش بمبالغ كبيرة تحياتي لك وبالتوفيق للجميع |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
حبيبى مشكووووووووووووووووور جدا جدا انا كده عرفت ازاى هفتح الحساب وازاى احول الفلوس ممكن اخد رأيك فى كونى مبتدأ بعد اذنك انا بدأت من 7 اشهر طبعا شاهدت دوره الدكتور اسامه اكثر من مره وشغال ديمو بقالى 3 شهور بس مش بدخل فى صفقه غير لما يكون فيه توصيه وفى نفس الوقت انا بحللها تحليلى البسيط اللى على قدى والحمد لله بربح واحيانا طبعا بخسر بس خايف بصراحه بس حابب المجال جدا وملتزم بأداره رأس المال انته شايف ايه يا ريت تنصحنى بعد اذنك انتظر شويه كمان ولا اتوكل على الله انا فى ترتيباتى خلال الشهر القادم وانا بتعلم من اساتذتىفى المنتدى وانته واحد منهم ومشكور مره تانيه على اهتمامك |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
ربنا يخليك واحنا كلنا بنتعلم من بعض مادام اتدربت على الديمو فترة وملتزم بإدراة رأس المال يبقى ربنا يوفقك إن شاء الله أنا كنت خايف بس من حاجة واحدة إنك تكون لسه بادئ الأيام دي مثلا بمعرفة الفوركس وعايز تفتح حساب حقيقي على طول :1 (114): بالتوفيق إن شاء الله |
رد: الى كل من يواجة مشكلة فى التحويلات البنكية الان خطوات الايداع بالفيزا
أخى ELSHARKI ,
ثق تماما , مادام انته هاتبعد عن الطمه وستدير رأس مالك صح + لديك استراتيجيه للتداول ثق تماما انك ستنجح فى هذا السوق ,, ولكن نصيحه لاتيأس وتعلم من أخطاءك ,, واتمنى توفيقك فى الحساب ونحن هنا فى المنتدى فى الخدمه فى اى وقت ,, |
رد: الى كل من يواجة مشكلة فى التحويلات البنكية الان خطوات الايداع بالفيزا
أخى ELSHARKI ,
ثق تماما , مادام انته هاتبعد عن الطمه وستدير رأس مالك صح + لديك استراتيجيه للتداول ثق تماما انك ستنجح فى هذا السوق ,, ولكن نصيحه لاتيأس وتعلم من أخطاءك ,, واتمنى توفيقك فى الحساب ونحن هنا فى المنتدى فى الخدمه فى اى وقت ,, |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
شكرا اخى على المعلومات خلاص طالما الاتنين بنوك محترمه انا هفتح ان شاء الله حساب فى بيريوس عشان سيرع وهتسلم الفيزا بسرعه والحق اعمل ايداع تسلم اخى اقتباس:
ماشاء الله تبارك الله معلوماتك جيده جدا بخصوص البنوك بارك الله فيك اخى عندى سؤال مهم ممكن بعد الايداع بفيزا بنك بيريوس اسحب (حواله بنكيه) عن طريق بنك اخر؟ كمثال البنك الاهلى سوستيه ولا لازم يكون السحب على حسابى فى بنك بيريوس بما انى اودعت عن طريق الفيزا الخاصه به؟ معلش انا تعبك معايه |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
وانا سعيد جدا انى احد اعضائكم واتمنى مكنش ضيف تقيل بسبب استفساراتى الكتيره |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
مافيش تعب ولا حاجة اهلا بيك في أي وقت طبعا تقدر تستقبل حوالة بنكية من الشركة على حسابك في البنك الأهلي سوسيتيه جنرال والبنك هيفتحلك حساب فرعي بالدولار بشكل تلقائي تحت حسابك المصري مش شرط خالص إنه يكون نفس البنك اللي عملت عن طريقه إيداع يعني هتسحب على الفيزا نفس المبلغ اللي أودعته وأي مبالغ اخرى تسحبها على الحساب البنكي اللي أنت تحدده بس ماتنساش حاجة مهمة أسمك في البنك لازم يكون زي الاسم اللي هتسجل بيه في الشركة لو اكتشفت إن في اختلاف في الاسماء راسل الشركة لتعديل الاسم طبقا لما هو موجود في البنك وإن شاء الله يتم الايداع بكل سهولة وسرعة تحياتي |
رد: الى كل من يواجة مشكلة فى التحويلات البنكية الان خطوات الايداع بالفيزا
طيب بالنسبه لبنك فيصل ممكن برضه استخرج منه ديبيت كارد واحول الارباح عليه ولا مينفعش
|
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
أكيد بنك فيصل مش هيفرق كتير عن بنك مصر او البنك الاهلي المصري لو تقصد إنك تعمل إيداع في الشركة بالديبت كارد بتاعه فده طبعا ماينفعش خليك مع البنوك اللي بتقدم خدمات أفضل وتعامل أسهل وأسرع زي بيريوس مصر وبلوم مصر مش هتلاقي بنوك في مصر أفضل من البنكين دول للتعامل مع الفوركس وغير الفوركس تحياتي |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
|
رد: الى كل من يواجة مشكلة فى التحويلات البنكية الان خطوات الايداع بالفيزا
كل الشكر للاخ الفاضل ahmdmhmd تم عمل حساب اليوم واستلام الفيزا بعد ربع ساعه بالضبط والموظف قالى هتشتغل تانى يوم ان شاء الله غدا الجمعه هعمل بيها ايداع وربنا يستر وكله يمشى تمام |
رد: الى كل من يواجة مشكلة فى التحويلات البنكية الان خطوات الايداع بالفيزا
سؤال بقى عشان مش عايز ارتكب اى خطاء اول مره استخدم فيزا على النت الحقيقه دلوقتى انا استلمت الفيزا يوجد عليها 16 (وش البطاقه) ده رقم البطاقه (تمام)؟ طيب فى ظهر البطاقه بقى موجود نفس ال 16 رقم ولكن يوجد 3 ارقام زياده هل اكتفى بكتابه (ال 16 رقم فقط)؟ وبالنسبه للايداع بيطلب كود الامان هل الكود ده هو (الاربع ارقام الى استلمتهم من البنك)؟ والا ال 3 ارقام الزياده على ظهر الكارت اسف بحب اسئل بالتفصيل عشان مش اغلط شكرااا |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
العفو يا صديقي ألف مبروك على الحساب والفيزا على فكرة هتكون شغالة بعد الساعة 12 منتصف الليل إن شاء الله ياريت بقى يكون أسمك في الشركة مشابه لأسمك في البنك وكله هيمشي تمام اقتباس:
اسأل كما تشاء أولا : الرقم اللي انت استلمته من البنك ده (4 أرقام) هو الرقم السري اللي هتستخدمه عند السحب من ماكينات الصرافة أو الدفع والشراء من المحلات وهكذا ثانيا : في حالة الشراء أو الدفع أو الإيداع عن طريق النت فالعملية بتعتمد على 3 حاجات 1- رقم البطاقة : وهو ال 16 رقم اللي موجودين في وش البطاقة زي مأنت قولت. 2- تاريخ انتهاء البطاقة (expiry date) : الشهر والسنة بيكون موجود في وش البطاقة. - الشهر بيكون الرقم اللي على الشمال -السنة بتكون الرقم اللي على اليمين مثلا لو مكتوب 11/16 معناها إن تاريخ إنتهاء البطاقة هو شهر 11 سنة 2016 3- كود الأمان : وهو ال 3 أرقام اللي موجودين في ظهر البطاقة على اليمين وطبعا الأرقام دي ماتخليش حد غيرك يعرفها لو في أي استفسار أنا في الخدمة تحياتي |
رد: الى كل من يواجة مشكلة فى التحويلات البنكية الان خطوات الايداع بالفيزا
واللهي يا ابو حميد الله يكرمك بقدر ما تفيد اخوانك هنا من معلومات ..... انا ان شاء الله الاسبوع القادم هفتح حساب في بنك بلوم مصر ... ياريت بقي تراجعلي مراجعه سريعه علي اللي هيتم في البنك ... يعني هيبقي حساب جاري ولا توفير اتاكد واستفسر من الموظف عن ايه قبل ما افتح الحساب وهل ممكن اطلب منهم يفعلو البطاقة الديبيت علي النت ومتتفعلش لانك قبل كدا قلت انهم سعات بيقلو لازم يفوت علي تاريخ اصدارها 6 شهور .... انا فضلت بنك بلوم بعد وصفك وشكرك ليه ودا لاني واثق جدا فيك ان شاء الله وربنا يكرم
|
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
السلام عليكم ورحمه الله وبركاته الحمد لله تم اتباع التعليمات بالضبط وتم التحويل والفلوس تم ايداعها بعد دقيقه واحده ياعينى على الفيزا وشغل الفيزا شكرا استاذ احمد وجزاك الله كل خير على مساعده اخوانك |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
ربنا يخليك ويكرمك إن شاء الله بالنسبة لبنك بلوم مصر هتروح فرع البنك وتقولهم عايز أفتح حساب توفير بالجنية المصري واستخرج بطاقة الخصم debit card وتفعيلها للاستخدام على النت وتأكد عليهم إنها تتفعل على طول وانت بتستلمها الحد الأدنى لفتح الحساب هو 1000 جنية مصاريف فتح الحساب 30 جنية مصاريف استخراج البطاقة 30 جنية وهتستلم الديبت كارد بعد 4 أو 5 أيام وهتقدر تستخدمها بعد التفعيل (تاني يوم) طب لو الفرع مش هيفعلها على النت ؟؟!! قدامك حلين : - تتصل بالكول سنتر بتاع البنك 19233 وتقولهم إن الفرع مش عايز يفعل الديبت كارد على النت وإنك محتاج لتفعيلها ضروري - أو تروح أي فروع اخرى للبنك وتشوف إذا كانوا هيفعلوها على طول ولا لأ وأنت قولتلي قبل كده إن فروعه كتير في إسكندرية بالتوفيق إن شاء الله |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
ألف مبروك وربنا يوفقك وحساب رابح إن شاء الله مافيش أحسن من شغل الفيزا طبعا :1: وتحيا مصر :1 (58): |
رد: الى كل من يواجة مشكلة فى التحويلات البنكية الان خطوات الايداع بالفيزا
استاذ احمد جزاك الله خيرا على كل ما تقدمه للاعضاء من معلومات وفيره عندي سؤال بعد اذنك بالنسبة لبنك بلوم مصر هل يشترط ان الحساب يكون توفير ماينفعش يكون حساب جاري |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
يا أهلا بيك لأ مش شرط أبدا إنه يكون حساب توفير تقدر تفتح الحساب اللي انت عايزه توفير او جاري والديبت كارد هي نفسها في الحالتين الحد الأدنى لفتح حساب توفير هو 1000 جنية الحد الأدنى لفتح حساب جاري هو 5000 جنية وفي الحالتين أيضا تقدر تسحبهم بعد فتح الحساب تحياتي |
رد: الى كل من يواجة مشكلة فى التحويلات البنكية الان خطوات الايداع بالفيزا
شكرا على الجواب الوافي يا استاذ أحمد |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
|
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
لأ مافيش داعي أبدا للقلق وطبعا هتعرف قبل فتح الحساب إذا كان الفرع هيفعلها على طول ولا لأ والطبيعي إنه يفعلها عند استخراجها حسب رغبتك بالنسبة بقى للمعاملة فهي المفروض طبعا تكون واحدة في جميع الفروع بس اوقات بتلاقي بعض الفروع بتتصرف من نفسها وده في جميع البنوك زي المعاملات الائتمانية والحد الأدنى لفتح الحساب وهكذا بس من حقك كعميل إنك تفرض على الفرع سياسة البنك إذا حب الموظفين في الفرع إنهم يستهبلوا أو يقصروا في تقديم خدمة معينة وهقولك على موقف حصل معايا رحت أفتح حساب في بنك NSGB وفي حساب أسمه توفير بلس تقدر تفتحه بأي مبلغ حتى لو جنية واحد لما طلبت افتح الحساب الموظفة قالتلي الحد الادنى 500 جنية قولتلها لأ مافيش حد ادنى واقدر افتح حساب بجنية واحد لقيتها اندهشت وقالت مافيش حاجة زي كده ومين اللي قالك كده قولتلها لأ أنا مابجيبش كلام من عندي والبنك هو اللي قاللي كده فقالتلي بسخرية روح خلي البنك يفتحلك حساب بجنية رحت متصل على الكول سنتر وسألتهم ممكن أفتح حساب توفير بأي مبلغ قالولي اه يا فندم ..سألتهم تاني يعني أقدر افتح حساب حتى لو بجنية واحد قالولي أه طبعا زي ما أنت عايز قولتلهم الفرع اللي انا فيه مش راضيين يفتحولي الحساب وبيقولوا مافيش حاجة زي كده فقالوا ازاي يعني أيه سبب رفضهم قولتلهم مش عارف المهم أخدوا أسمي وبيانات عني وراحوا متصلين على الفرع وفهموهم إني أقدر افتح حساب بأي مبلغ بدءا من جنية واحد وبعتولهم طلب بأسمي لفتح حساب علشان كده دايما بقول في فرق بين البنك (اللي بيوفرلك خدمات من حقك تستفيد بيها) وبين الموظفين اللي شغالين في البنك فأنت ماتقلقش من أي حاجة خالص عموما بنك بلوم مصر وبنك بيريوس مصر الاتنين ممتازين والبنكين تم الايداع بواسطة الديبت كارد بتاعتهم الأيام دي من قبل أكثر من عضو هنا في المنتدى تحياتي لك وبالتوفيق إن شاء الله |
رد: الى كل من يواجة مشكلة فى التحويلات البنكية الان خطوات الايداع بالفيزا
أنا فتحت حساب الأسبوع اللي فات في بنك بلوم مصر وطلعت الديبت كارد والحمد لله شغال معايا تمام دلوقت
بعد (3) أيام استلمت (الديبت كارد) وطلب مني إني أتصل بـ (19233) علشان يفعلها لي على المكنة ... وفي نفس الوقت ملالي طلب التفعيل على النت بالمدة اللي أنا طلبتها ... واداني ظرف مقفول فيه الرقم السري بتاع (الديبت) والحمد لله أنا شغال بيها دلوقت في الفوركس. بس اللي لسه ما جربتوش إني أسحب عليها ... ادعولي أرباحي تزيد وأنا أقول لكم إذا كنت هاعرف أسحب عليها ولا لا. |
رد: الى كل من يواجة مشكلة فى التحويلات البنكية الان خطوات الايداع بالفيزا
الشكر موصول لك يا أستاذ أحمد
وتحياتي لك |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
اقتباس:
|
رد: الى كل من يواجة مشكلة فى التحويلات البنكية الان خطوات الايداع بالفيزا
موضوع شيق وضرورى جدا لبداية الدخول فى الفوركس
بس فى شركات مثل اف اكس سوليوشن لا تعتمد الديبت كارد وتحتاج اما تحويل بنكى او ماستر كارد او فيزا كارد ارجو ممن تعامل مع هذه الشركة توضيح التعامل معها فى الايداع والسحب وكيفية استخراج الفيزا والماستر كارد؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
والله أعلم أما عن كيفية استخراج (الفيزا أو الماستر) اللي هي من نوع (الديبت) بتفتح حساب في واحد من البنوك المشهود لها من أهل الفوركس (أنا فاتح حساب في بنك بلوم الأسبوع اللي فات) وبعد ما بتفتح الحساب بتطلب منه إنه يعملك (ديبت كارد)... وبعد ما بتطلع (الماستر كارد - اللي هي من نوع الديبت) بعد (حوالي 3 أيام) بتفعلها على المكنة... وبتطلب منه تفعيلها على النت (الفترة اللي أنت عايزها .. أسبوع .. شهر .. شهرين) زي ما أنت عايز. بتتفعل تقريبا بعد (24 ساعة) وبتشتغل بيها يا رب أكون أفدتك دعواتك |
رد: الى كل من يواجة مشكلة فى التحويلات البنكية الان خطوات الايداع بالفيزا
ملحوظة: بنك بلوم مصر ... فروعه مش منتشرة بصورة كبيرة ... فلو أنت ما فيش فرع قريب منك ممكن تتوجه لبنك (بيريوس مصر) على أساس توصية الأستاذ (أحمد محمد) بإن مميزاته زي مميزات بنك بلوم مصر
|
رد: الى كل من يواجة مشكلة فى التحويلات البنكية الان خطوات الايداع بالفيزا
انا اقصد كريدت كارد فقط التى يتم التعامل من خلالها
|
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
والله أعلم |
| الساعة الآن 02:22 AM |
Powered by vBulletin® Copyright ©2000 - 2024
جميع الحقوق محفوظة الى اف اكس ارابيا www.fx-arabia.com