اف اكس ارابيا..الموقع الرائد فى تعليم فوركس Forex - الى كل من يواجة مشكلة فى التحويلات البنكية الان خطوات الايداع بالفيزا

- الارشيف (https://fx-arabia.com/vb/forumdisplay.php?f=8)

رد: الى كل من يواجة مشكلة فى التحويلات البنكية الان خطوات الايداع بالفيزا

اقتباس:

المشاركة الأصلية كتبت بواسطة sherif mahmoud (المشاركة 387202)

شكرا اخى الكريم.. هروح بكره بنك بيريوس واجرب .. انا بفضل بيريوس لانه بيعمل الفيزا فى نفس الوقت انما بلوم بعد اسبوعين وعلى حسب ممكن يعقدو الموضوع

العفو يا صديقي وإن شاء الله تخلص الموضوع على خير

أه أجمل حاجة في بيريوس هي إنك بتاخد الديبت كارد وأنت بتفتح الحساب

بالنسبة للديبت كارد بتاعة بلوم الاستلام بعد 4 أيام عادي

أهم حاجة دلوقتي لما تفتح الحساب البنكي تكتب للموظف أسمك بالانجليزي زي اللي هتكتبه في الشركة

لو الموظف قالك إن الحد الادنى لفتح الحساب أكتر من 500 جنية وانت مش عاوز تفتح بأكتر من كده
اتصل على الكول سنتر 19322

رد: الى كل من يواجة مشكلة فى التحويلات البنكية الان خطوات الايداع بالفيزا

انا روحت بيريوس وفعلا بقى الحد الادنى للايداع 1000 جنيه
ولما سألتهم ينفع اسحب على الفيزا بالدولار ويدخل حسابي بالجنيه المصري قالولي مينفعش ولازم افتح حساب فرعي بالدولار واقل ايداع 5000 جنيه !!؟

رد: الى كل من يواجة مشكلة فى التحويلات البنكية الان خطوات الايداع بالفيزا

اقتباس:

المشاركة الأصلية كتبت بواسطة Mohamed Ahmed Mohamed (المشاركة 387450)

تمام هو دا فعلا اللى حصل معايا فى فرع بيريس بطنطا بس قولت عادى لما نيجي وقت السحب يبقي يحلها حلال

رد: الى كل من يواجة مشكلة فى التحويلات البنكية الان خطوات الايداع بالفيزا

اقتباس:

المشاركة الأصلية كتبت بواسطة Mohamed Ahmed Mohamed (المشاركة 387450)

أولا الحد الأدنى للإيداع بالنسبة لحساب التوفير هو 500 جنية
الفروع هي اللي بتزود بمزاجها

أنت لو عاوز تفتح الحساب ب 1000 خلاص زي ماتحب
لو عاوز تفتحه ب 500 جنية من حقك واتصل بالكول سنتر

بالنسبة للجزء التاني فكلامهم غلط طبعا
لأنك تقدر تسحب على الفيزا والمبلغ هيدخل حسابك بالجنية المصري

أنت مش مضطر أبدا إنك تعمل حساب مخصوص للدولار للاستقبال عليه

لو مش عاوز تتعامل مع بنك بيرويوس يبقى مافيش قدامك غير بنك بلوم مصر

وفي بنك بلوم مصر هما 1000 جنية بس هيعملولك كل حاجة حساب شامل وفيزا شاملة

رد: الى كل من يواجة مشكلة فى التحويلات البنكية الان خطوات الايداع بالفيزا

اقتباس:

المشاركة الأصلية كتبت بواسطة ENG93 (المشاركة 387462)

تمام هو دا فعلا اللى حصل معايا فى فرع بيريس بطنطا بس قولت عادى لما نيجي وقت السحب يبقي يحلها حلال

المهم إنك فتحت الحساب واستلمت الفيزا دورهم انتهى كده خلاص وأنسى كلامهم

طيب هما فتحوا الحساب ب 500 ولا 1000 ؟؟

رد: الى كل من يواجة مشكلة فى التحويلات البنكية الان خطوات الايداع بالفيزا

اقتباس:

المشاركة الأصلية كتبت بواسطة ahmdmhmd (المشاركة 387526)

المهم إنك فتحت الحساب واستلمت الفيزا دورهم انتهى كده خلاص وأنسى كلامهم

طيب هما فتحوا الحساب ب 500 ولا 1000 ؟؟

هما قالوا لو هتفتح حساب جارى الحد الادنى 3000 جنيه ولو الرصيد نزل عن كدا بيكون فيه كومشن وكدا عشان كدا انا فتحت حساب توفير الحد الادنى لفتحه 1000 جنيه مش بتقدر تسحبهم عشان يفضل الحساب مفتوح يعنى بتسحب اللى فوق ال1000 جنيه اذا كان رصيدك يسمح

رد: الى كل من يواجة مشكلة فى التحويلات البنكية الان خطوات الايداع بالفيزا

اقتباس:

المشاركة الأصلية كتبت بواسطة ENG93 (المشاركة 387550)

مين اللي قالك الكلام ده؟
يعني ده كلام موظف الفرع ولا كلمت الكول سنتر؟

أصل الكلام ده غريب

ده لو النظام اتغير وبقى كده يبقى بنك بلوم مصر هو اللي هيكون في المقدمة معانا على طول

بس انا طبعا مش مصدق كلام الموظف ده

رد: الى كل من يواجة مشكلة فى التحويلات البنكية الان خطوات الايداع بالفيزا

اقتباس:

المشاركة الأصلية كتبت بواسطة ahmdmhmd (المشاركة 387165)

أنت لما هتعمل إيداع بالفيزا هيكون بدون مصاريف وهتقدر تسحبهم تاني بدون مصاريف بنفس الطريقة
يعني فلوسك رجعتلك تاني بدون مصاريف زيادة غير إنها حققت أرباح

وأي مبالغ زيادة هيبقى بالتحويل البنكي

الحد الأدنى لفتح حساب في بنك بلوم مصر 1000 جنية
والحساب ده بيكون شامل أي عملة يعني كل عملة أجنبية هتدخل حسابك هيتعمل لها حساب فرعي
وبيطلع عليه فيزا صالحة لكل الاستخدامات

الحد الادنى لفتح حساب في بنك بيريوس مصر 500 جنية
وفي حالة استقبال أي عملة اجنبية عليه بتتحول للجنية المصري وتدخل الحساب
والفيزا صالحة لجميع الاستخدامات وبتستلمها وانت قاعد

بالنسبة للبنوك الالكترونية
هتلاقي في عمولات ومصاريف كتير

أولا : بطاقة نتلر بيكون في مصاريف للايداع في حسابها
ومصاريف للسحب عن طريقها من ماكينات الصرافة
ورسوم التحويل بين العملات
وهيكون في عمولة للتحويل الى بنك باي بال
وفي عمولة من بنك باي بال لما ييجي يبعت تاني لنتلر
هتلاقي كل خدمة بتحصل مقابل عمولة ومصاريف

ثانيا : بنك باي بال مابيدعمش مصر
وعشان تتعامل معاه بيكون من خلال تحايلات كتير ولف ودوران
وممكن الحساب يتقفل منك لو اكتشفوا انك داخل من مصر
يعني حوار كبير ومتاهة

ثالثا : وده الأهم إنك إذا أودعت عن طريق بنك باي بال
هتقدر تسحب نفس المبلغ اللي أودعته فقط
وأي مبالغ أخرى يكون بالتحويل البنكي

يبقى إذن الفيزا أفضل وأسرع وأرخص
حتى لو افترضنا انه السحب عن طريق بنك باي بال كان مفتوح
وجيت تحسبها هتلاقي إن الايداع بالفيزا هو الأفضل والأوفر

تمام كدة, بس في نقطة نسيتها, هم مش كانوا بيقولوا ان لازم تكون طريقة السحب هي نفسها طريقة الايداع؟

امال ازاي الناس بتودع عن طريق الفيزا انترنت لبنك كريدي اجريكول مثلا, وبعدين لما تيجي تسحب بتسحب عن طريق تحويل بنكي بالدولار لبنك تاني

ما كدة الطريقتين مختلفتين

رد: الى كل من يواجة مشكلة فى التحويلات البنكية الان خطوات الايداع بالفيزا

اقتباس:

المشاركة الأصلية كتبت بواسطة canister (المشاركة 387568)

تمام السؤال ده

طريقة سحب المبلغ الاصلي اللي اودعته بيكون بنفس طريقة الايداع
طريقة سحب الارباح بيكون بالتحويل البنكي

يعني لو أنت عملت إيداع مبلغ 200 دولار بالفيزا وأصبح رصيدك بعد الارباح 1000 دولار
هتقدر تسحب 800 دولار عادي بالتحويل البنكي
أما المبلغ الاصلي عشان تسحبه لازم بالفيزا

رد: الى كل من يواجة مشكلة فى التحويلات البنكية الان خطوات الايداع بالفيزا

اقتباس:

المشاركة الأصلية كتبت بواسطة ahmdmhmd (المشاركة 387569)

تمام السؤال ده

طريقة سحب المبلغ الاصلي اللي اودعته بيكون بنفس طريقة الايداع
طريقة سحب الارباح بيكون بالتحويل البنكي

يعني لو أنت عملت إيداع مبلغ 200 دولار بالفيزا وأصبح رصيدك بعد الارباح 1000 دولار
هتقدر تسحب 800 دولار عادي بالتحويل البنكي
أما المبلغ الاصلي عشان تسحبه لازم بالفيزا

تمام يا ريس, حاجة اخيرة تعرف بقي ايه فروع بنك بلوم مصر داخل القاهرة؟