رد: 223 صفقة رابحة خلال شهر أبريل - مافيش صفقة واحدة خسرانة - هو ده التحدى
 

فكرة التدبيلات المضاعفة أنا معنديش مشكلة فيها و مصدقها بشكل عام
أنا عن نفسي مرة فى أسبوع عملت 1300 من 130 يعنى 900% ( خسرتهم بعد كدة هههه )

لكن النقطة الى مش واضحا هو عدد الصفقات الكبير بدون خسارة تمت بواسطة شخص
لا يعرف مباديء التحليل الفنى أو الأساسي !! أنا مش بكذبك بس مستغرب قوي

و برضة مش فاهم نقطة ازاى انت بتابع التحليلات طالما انت مش فاهم التحليل الفني ؟!

رد: 223 صفقة رابحة خلال شهر أبريل - مافيش صفقة واحدة خسرانة - هو ده التحدى
 

خلاص يا عرب قلبك ابيض الموضوع مش مستاهل كل ده...احنا كلنا اخوات

رد: 223 صفقة رابحة خلال شهر أبريل - مافيش صفقة واحدة خسرانة - هو ده التحدى
 

+1
انا معاك وبالحساب الحقيقي والله

رد: 223 صفقة رابحة خلال شهر أبريل - مافيش صفقة واحدة خسرانة - هو ده التحدى
 

كشف الحساب حقيقى ولا يوجد به تزوير
ياجماعة دى اخطاء منصة والاخ بيستغلها والله اعلم
المنصة بتتاخر فى الحركة وبيتم متابعة منصة اخرى والدخول معها

لو لم يكن وضع روابط خارجية مخالف كنت وضعت لكم رابط موضوعى
وانا حاتط فيه كشف حساب ودبلت الحساب فى 5 دقائق
لكن استحرمت الموضوع وسحبت راس مالى بس
واعرف شخص حول 15 دولار ل 700 دولار بدون مايخسر ولا صفقة

دان ذنجر نفسه مايعملش 50 صفقة رابحة ورا بعض هههه
كبرو دماغكم بقى وشوف شغلكم .. ربنا يوفقنا

الدليل والمقارنة (صفقات الاخ وصفقاتى)

عايزكم تلاحظو الدخول المتكرر من نفس النقطة واكثر من عقد فى نفس الوقت
هذه النقطة التى توقفت فيها المنصة ... ولكن السعر تحرك على بقية المنصات
لذلك هو ضامن انه كسبان ويدخل بعقود كثيره ويتابع المنصة الاخرى

دى عقود الاخ
http://www8.0zz0.com/2014/05/01/12/414694402.png

عقودى
http://www13.0zz0.com/2014/05/01/12/562144702.png

هتلاحظو انى استخدمت نفس طريقة الاخ ...

لذلك سألته عن اسم الشركة وكنت اعلم انه لن يجاوب ابدااااا

اسأل نفسك هى هتفرق مع شخص انه يقول انا محقق ارباح مع شركة مثل انستافوركس
طيب اخفاء اسم الشركة ليه ؟؟؟؟ لان ده بالنسبة ليه كنز وسر نجاجة ...
واذا قال لناس هتشاركة الربح ... والشركة هتعرف وهتصلح المنصة .. وهو يخسر

ولكن هل عرض الامر على نفسة او على اهل الدين ؟؟؟ وهل هو يربح حلال ام حرااام ؟

بالتوفيق

رد: 223 صفقة رابحة خلال شهر أبريل - مافيش صفقة واحدة خسرانة - هو ده التحدى
 

مبرووووك يا غالى انا مصدقك طبعا سوق الفوركس مفيهوش مستحيل ممكن تضاعف حسابك فى يوم وممكن تخسرة فى يوم الف مبروووك الارباح

رد: 223 صفقة رابحة خلال شهر أبريل - مافيش صفقة واحدة خسرانة - هو ده التحدى
 

وجهة نظر مقنعة بصراحة، وهذا مايجعله يخفي اسم الشركة لحساسية الموضوع لو صح الكلام

ولكن السؤال الأهم هل الشركة التي يتعامل معها يمكن ان يغفل عليها خطأ واضح وضوح الشمس كهذا في او على الاقل متابعة اسعار اخرى مثلا لتصحيح اي ثغرة بالمنصة

رد: 223 صفقة رابحة خلال شهر أبريل - مافيش صفقة واحدة خسرانة - هو ده التحدى
 

انا صراحة مستمتع بالنقاش

GO ON

:1 (27)::1 (27)::1 (27):

رد: 223 صفقة رابحة خلال شهر أبريل - مافيش صفقة واحدة خسرانة - هو ده التحدى
 

دة بقى الكلام المنطقى فعلا
وانا عارف دى من زمان
ولو استغلتها من السنة ال فاتت كان زمان دلوقتى مليونير

رد: 223 صفقة رابحة خلال شهر أبريل - مافيش صفقة واحدة خسرانة - هو ده التحدى
 

أحييك على فراستك وذكاؤك وبُعد نظرك .. بس عرفتها إزاى يا أروبة أنت :)

أو ليه مش 4444 صفقة مثلاً :) .. رابعاوى وأفتخر :)

يا أخى بس لو مش مصدق الموضوع ليه تغلط فى الناس من غير سبب ... الإخوان المسلمون أنضف وأشرف ناس ممكن تقابلهم فى حياتك وياريت متحولش الموضوع للكلام عن الإخوان المسلمون بعد إذنك لإن ده مش موضوعنا ولا هايفيد الناس فى حاجة .. وعلى فكرة أنا مش إخوان :)

ما هو يا ذكى لو الموضوع كده ومشرفيين المنتدى عايزين يملوها صفحات وخلاص يبقى خليك إنت ناصح وكبر دماغك من الموضوع وخليك تقيل كده وماتدخلش تعمل مشاركات عشان المشاهدات ماتكترش ولا الصفحات تزيد

وبعدين هو أنا يعنى عملت ايه؟؟ .. أنا معملتش جريييييمة يعنى :) :)

بجد .. الله يسامحك .. الله يسامحك .. الله يسامحك

ماعنديش تعليق تانى .. وانا فعلا مسامحك أدام ربنا مش كلام وخلاص

نفسى أفهم بس تحدى ليه .. ده السؤال الكبير اللى أنا مش فاهمه .. أنا قلت الكلام ده وهاقوله تانى .. أى بنى أدم "طبيعى" و "سوى" لو شاف كلام فارغ بيتقال أدامه بيسيبه ومش بيعمله إعتبار لإنه كلام فارغ وهو أكبر من الكلام الفارغ ده - أو المفروض كده - .. أما بقى إنه يكون عارف إنه كلام فارغ ويدخل يرد ويشارك ويتحدى .. يبقى أسمه ايه ؟؟ .. اللى بيدخل يتحدى كلام فارغ ويعمل عقله بعقل كلام فارغ ده يبقى أسمه أيه؟ :) :)

********************

تعليق عام على كل المشاركات من "الأخوة" الأعضاء

فعلاً وعلى رأى حزلئوم .. إحنا كده العرب فى الغربة بناكل بعضينا :1::1:

بجد بقى ومش هزار ..

طلعوتنى كذاب .. وقلته إن حد بعتنى أعمل الموضوع ده عشان أعمل مشاهدات ومش عارف ايه والكلام العبيط ده .. وطلعوتنى حرامى ودعيتوا ليا بالهداية - كتر خيركم والله :) - وطلعوتنى مزور .. والله وحده يعلم الحقيقة إنى لا كذاب ولا حد بعتنى ولا زورت ولا كذبت ولا سرقت .. انا يمكن برد بالمشاركة وبهزر بس والله زعلان جداً .. بالذات موضوع إنى حرامى أو بسرق الشركة اللى بتاجر معاها ..

أقسم بالله العظيم .. وربنا وحده يعلم مدى صدق كلامى عمرى ما هاحلف كذب عشان حاجة عبيطة زى دى وأعلم إننا هانقف أدام ربنا يوم القيامة وهانتحاسب على كل كلمة بنقولها .. أنا مدخلتش عملت الموضوع ده غير للسببين اللى قلتهم .. الاول انى فرحان - ولسه فرحان :1: - والتانى عشان ادى امل للناس اللى فعلا بتخسر وانا كنت واحد منهم ودايماً مش بيشوفه غير كلام من نوعية 70% من اللى بيتاجروا فى الفوركس خاسرين والبعض بيقول 95% والكلام ده وانا احينا كنت بقول عمرى ما هاكون منهم .. حبيت اعمل الموضوع ده بس عشان اقول للناس لا ممكن تكسب وكنت هاعمل موضوع تانى عشان اقول رأى ووجهة نظرى فى الفوركس بشكل عام وازاى تقدر تستفيد منه وتتجنب خسائره وهل الفوركس وهم ولا حقيقة وكل حاجة .. كل حاجة عن الفوركس من وجهة نظرى

موضوع إنى مش عايز أقول أسم الشركة .. أنا هاربطه بمشاركة "صحفى إقتصادى" إنه بيتحدانى أعمل موضوع فيه توصيات وإنى أربح حتى 20 نقطة فقط .. بس أولا عايز أقولك وأنا بكلمك دلوقت داخل بيع على اليورو دولار وعامل ربح 37 نقطة (4 صفقات) ومش عايز أقفلهم لحد دلوقت :) .. ثانياً وربنا شاهد على الكلام اللى بقوله إذا كان صدق أو كذب .. أقسم بالله العظيم سبب عدم ذكرى لأسم الشركة يا UNKNOWN هو إنى مش عايز أعمل لها دعاية وحد يدخل وهو واثق فيها بشكل كبير وبعدين يطلعوا ناس مش كويسة "معاه" انا فى أحد ردودى على الأخ "على يوسف" قلتله "حتى الأن" معاملتهم معايا فوق الممتازة .. ممكن الشركة تتغير وممكن الإدارة اللى فيها تتغير او مدير حسابه يطلع انسان مش كويس وعلى فكرة انا كان مدير حسابى حد تانى غير اللى معايا دلوقت وكنت مش مرتاحله وقعدت معاه حوالى شهرين وأتغير واللى معايا دلوقت بقاله معايا اكتر من سنة وهو إنسان ودى كلمة وشهادة ادام ربنا انسان محترم جدا "حتى الآن" وفى الوقت اللى كنت بعمل فيه ايداعات بـ 50 دولار بس والكلام العبيط ده كان بيقف معايا وبيحولى بونص على الترادنج عشان اتاجر وكنت أخسر وأرجعلوا تانى واطلب منه بونص تانى على الترادنج وغالباً كان بيساعدنى ولما كان مايقدرش كان يبعت للإدارة وكانوا احيانا بيقبلوا واحيانا بيرفضه هو انسان متعاون جدا ومحترم جدا ومش زى ما بسمع ان مديرين الحسابات عايزينك تعمل صفقات وخلاص عشان همه يكسبوا هو دايما كان بيقولى انت لو خسرت انا هاخسر معاك "شو الإستفاددة" - حلوة شو دى :) - .. انا مش عايز حد يضر بسببى ولا عايز أفتح مواضيع فيها توصيات وحد يدخلها ويخسر بسببى .. أقسم بالله العظيم أنا مش هاسامح نفسى ابداً لو حد خسر بسببى حتى مهما قلت قبلها ان كل واحد مسئول عن حسابه والكلام ده .. وبالفعل أنا فكرت من شهرين أحط توصيات الشركة اللى بتعامل معاها والموجودة على الويب سيت هنا لأعضاء المنتدى بس برضه قلت ممكن حد يكسب منها فى الاول ويثق فيها وبعدين يخسر بسببها وأكون أنا السبب بلاش أحسن

حاجة أخيرة .. الرجاء من الجميع وده طلب بجد مش هزار .. بلاش ذكر جماعة الإخوان المسلمون .. لإن بالإضافة إن ده مش موضوعنا .. ياريت تحترم رأيى إنى بحترمهم وبثق فيهم وبحبهم كمان .. أكيد لو ليك حد بتحبه مش هاتقبل حد يتكلم عليه وحش .. وقسماً بالله العظيم وبرضه ده بجد مش هزار أقسم بالله العظيم انا مش إخوان ولا عمرى كنت إخوان ولا حتى ليا صحاب أو اقارب إخوان مسلمون .. والله على ما أقول شهيد ووكيل

ربنا يسامح كل واحد غلط فى حقى .. والله بجد مسامحه مش كلام وخلاص

رد: 223 صفقة رابحة خلال شهر أبريل - مافيش صفقة واحدة خسرانة - هو ده التحدى
 

اخى انا استنتجت وقولت الله اعلم ... سامحنى لو اخطأت فى حقك
وربنا يوفقك يااخى .... السلام عليكم