|
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
ايوة يا محمد هو دا اللى انا قولتلك عليه قبل كدا لازم يفضل 1000 جنيه فى الحساب عشان يفضل شغال وما فوق الالف تقدر تسحبه بالفيزا زى مانتا عاوز دا نظام حساب التوفير فى بيريوس بس انا شوفت دا اسلم حل عشان اخد مميزات الفيزا الكترون وكدا كدا الالف جنيه موجودة عندك فى الحساب لحد ماتقفله بس اهم حاجة دلوقتى لما تيجي تسجل فى الشركة اكتب اسمك بنفس الطريقة اللى على الفيزا بالظبط عشان يقبلوا التحويل تحياتى .. |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
الكلام ده غير صحيح 100 % اسحب المبلغ كله عادي ولا يهمك الحساب مش هيتقفل ولا حاجة المهم إنك فتحت الحساب واستلمت الفيزا انسى بقى الموظف ده شوية وخلي بالك يا محمد البنك لو بيعمل الحركات دي ماكنتش هجيب سيرته في الموضوع هنا ولا بخير ولا بشر حول المبلغ اللي انت عاوزه للشركة واتطمن |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
بس على فكرة يا احمد فعلا الكلام دا حقيقي وانا انهاردة استلمت الفيزا ولما جيت اشوفها في المكنة لقتها فعلا حاجزة 1000 جنيه ومينفعش اسحب غير اللي فوق ال 1000 :1 (1): |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
تأكيدا لكلامي وتطمينا لك اتصلت حالا بالبنك وأكد لي إن الحد الأدنى لفتح حساب التوفير هو 500 جنية ويمكن سحب المبلغ في اي وقت بدون شروط ولن يتم غلق الحساب أبدا ولما نقلتله كلامك طلب مني إني أبلغك بإنك تتصل بيهم وانت في الفرع عشان يتواصلوا مع مدير الفرع لتنفيذ طلبك ولما عرف إنك فتحت الحساب بالفعل قاللي ما فيش مشاكل إنك تسحب المبلغ عادي جدا عشان كده يا ريت تتصل بالبنك نفسه وتعرف أيه موضوع ان الفيزا حاجزة 1000 جنية دي 19322 ومنتظرين نعرف حصل أيه |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
الف الف الف شكر يا احمد على مجهودك وتعبك معايا وانا فعلا مكنتش عاوز اتعبك معايا والله وانا فعلا لسة مكلم الكول سنتر حالا واكدلي كلامك بس قالي انا لو سحبت من ال 1000 جنيه اللي هو حجم الايداع الاول هيفرض غرامة 10 جنيه في الشهر اللي فيه المبلغ اقل من 1000 جنيه واكدلي اني ينفع اسحب على الفيزا بالدولار ويتحول اوتوماتيك لمصري ومعلش يا ابو حميد انا عارف اني تعبتك معايا بقالي فترة كبيرة بس والله فعلا مكنتش اقصد اني اتعبك |
رد: الى كل من يواجة مشكلة فى التحويلات البنكية الان خطوات الايداع بالفيزا
السلام عليكم
مش عارف امول حسابى فيه مشكله مش عارف احلها رجاء المساعده |
رد: الى كل من يواجة مشكلة فى التحويلات البنكية الان خطوات الايداع بالفيزا
السلام عليكم
انا فتحت حساب في بنك بلوم و طلعت ديبت كارد اول امبارح و في نفس اليوم فتحت حساب في fxdd و عملت ايداع و النهاردة يكون عدى 48 ساعة و لسة الايداع ماتسجلش بعت ايميل امبارح كلموني قالولي بنعتذر بس علشان كان عيد العمال في امريكا امبارح و كان عطلة و هيتم العملية بكرة .. و مفيش حاجة تمت ! |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
والله ما في تعب ولا حاجة بالعكس ده يسعدني إني أقدم أي خدمة بالنسبة لموضوع الغرامة مافتكرش إن المعلومة صحيحة هو الموظف بتاع طنطا له قرايب في الكول سنتر ولا أيه :D اللي أعرفه إن لو المبلغ قل عن ال 500 جنية مافيش فايدة بتحتسب وخلاص على كده عموما أنت أعمل إيداع زي ماتحب واسحب براحتك لغاية ما بنك بلوم يفتح عندكم بالتوفيق يا صديقي :1 (58): |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
أيه نوع الفيزا اللي بتستخدمها في الايداع؟؟ والمشكلة فين بالظبط ؟؟ |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
ما تقلقش مادام الخطوات سليمة لما أنت عملت الايداع وقت العطلة الطلب بيتعلق لغاية مايتم مراجعته وتنفيذه من خلال قسم المحاسبة أنت وصلك إيميل من الشركة بعد ماعملت طلب الايداع؟؟ تابع مع خدمة العملاء لغاية مايتم ايداع المبلغ في حساب التداول |
| الساعة الآن 08:25 PM |
Powered by vBulletin® Copyright ©2000 - 2024
جميع الحقوق محفوظة الى اف اكس ارابيا www.fx-arabia.com