المشاركة الأصلية كتبت بواسطة nadmondo (المشاركة 138275)

بعد صباح الخير ا/سراج......
معلش بقى استحملنى.......باين عليك بالك طويل زى الاستاذ/سامى..:1 (21):

1-هل قيمة النقطة(بالنسبة لزوج معين) بتتغير بتغير الرافعة؟

-اناعارف ان لو رافعة 1/100...لعقد (1000)ميكرو..وحجم(0.01)...ب 10 سنت
-فهل لو رافعة 1/200...لعقد (1000) ميكرو..وحجم(0.01)..برضو ب 10 سنت؟
- ولو رافعة 1/400 ..............................................برضو ب 10 سنت؟

---انا عارف ان المارجن المستخدم بيقل-وده اللى انا عايزه-علشان ما يبقاش الحساب متقيد وخاصة لو صغيرو اقدر اعمل اكتر من صفقة فى نفس الوقت
--وانا هالتزم بوضع استوب لوس وامتاجرة بنسبة صغيرة من راس المال

2- هل قيمة العقد (1000 للميكرو-10000 للمينى-100000 للاستانرد) - دى ثابتة ولا بتتغير بتغير الرافعة؟
والف شكر على تعبك................ربنا معاك

المشاركة الأصلية كتبت بواسطة Tarek adel (المشاركة 138291)

انا ممكن اجاوبك لغايه ما يرجع الاستاذ سراج لانه شكله الضغط زاد عليه بعد مالاخوة فى الاردن انشغلوا عننا

*الرافعة تفرق فقط فى تحديد الهامش المستخدم والهامش المتاح"المارجن" ولكن قيمة النقطة ثابته
يعنى لو العقد مايكرو والعملة الرئيسية للعقد هو الدولار تكون النقطة ب 10 سنت مهما كانت الرافعة كبيرة او صغيرة وحجم النقطة لا يتأثر الا بحجم العقد (ونوع العقد طبعا زى ماحضرتك قلت)

*حجم العقد انت بتحدده يعنى لوت الميكرو ب 1000 ولكن ممكن تدخل باتنين لوت او تلاته مايكرو
لو 2 لوت مايكرو يعنى 1000*2=2000
وتصير قيمة النقطه 10 سنت*2=20 سنت
ولو 3 لوت تصبح قيمة النقطة 30 سنت
وطبعا كلما زاد اللوت زاد معه الهامش المستخدم ويقل المارجن
انت حر فى تحديد عدد العقود طبقا للوت فطبعا مينفعش تدخل بعقد لوت ونص ولكن تدخل باتنين لوت عادى
ولو المعلومة فيها اخطاء المشرفين يصلحولنا احنا الاتنين باه:1 (102):

المشاركة الأصلية كتبت بواسطة seragsamy (المشاركة 138305)

كلام سليم وشكرا لك على الاجابة

حجم النقطة (اللوت) لا علاقة له بالرافعة أنت تحدد حجم النقطة كما تشاء ولو حتى رافعتك 1 : 10 أو 1: 400

الذى يتغير هامشك المتاح فقط

كلما زادت الرافعة زادت قدرتك على فتح عقود متعددة وان تتحمل ارتدادات السعر بدون التعرض لخطر المارجن كول

ولكن الخطر هنا أن الخسارة فى حالة عدم الحذر تكون أكبر بالطبع

المشاركة الأصلية كتبت بواسطة hossam hassan (المشاركة 138328)