اف اكس ارابيا..الموقع الرائد فى تعليم فوركس Forex

- الارشيف (https://fx-arabia.com/vb/forumdisplay.php?f=8)

- - تحذير هااام (https://fx-arabia.com/vb/showthread.php?t=15796)

رد: تحذير هااام

الله يحمي مصر .. وشعب مصر... يا شباب المشكلة مش في شباب الميادين او شباب التحرير ... المشكلة في الشرطة واي بلطجي فهو من الشرطة او من بلطجية الحزب الواطي ..ربنا ينتقم منهم .... هي الشرطة لسه فاكرة انها في عهد المخلوع ولا ايه .. المشاكل كلها من الشرطة اللي ربنا يخسف بيها الارض ونشوف الزل فيهم يوم..

اصلهم مش ولاد ناس دول اهلهم بلطجية وعلشان كده بيعاملو الشعب انه عبد وهو سيد .. يجب تأهيل شرطة مصر من جديد .. هذا هو الحل .. الشرطة في قتل الشعب

الشرطة في تدمير أقتصاد مصر.. الشرطة شوية بلطجية الله يلعنهم في كل كتاب .. الشرطة حامية لنظام المخلوع ابن المخلوعه ..وحامية لفلول النظام يعني نستنتج

ان سبب كل المشاكل الان هي ... شرطة مصر ... عايزين تغير دماء جديده .. واطالب أقصى العقوبة على رجال الشرطة المنحطين . فيها ايه لو يتركوا الشعب يعبر عن رأية وقسم بالله لو تركوا الشباب في ميدان التحرير بدون ضرب ما كان حصل اي شىء وماصارت مليونيه .. الحاكم في مصر الشعب .. وليس شرطة وفلول ..

اللهم العن كل من يستغل هذه الظروف في ركوب الموجه من احزاب لنيل كرسي الرئاسة .. كلهم مصالح ولاد ....... عايزين بطل راجل يحس بالشعب اي ان كان هذا الرجل ...اهم شىء ميكون طكعان في الكعكه ... ياويلك لو ما طلعت راجل ياللي هتمسك مصر وقسم الله انا اللي بغتالك .. كل واحد عايز يركب الموجه منكم لله
الحل .. اعدام حسني وأعوانه في اسرع وقت ... تأهيل الشرطة المصرية من جديد أو التغيير بالكامل ...

التسريع في الرئاسة . وحكم مصر وأختيار واحد يكون طيب مع الشعب داخليا و شرس في الخارج مع اي دولة اي كانت.. حماية المصريين داخليا وخارجيا ..

عايزيين واحد عادي وبلاش التيارات اللي عايزه تركب الموجه ..وكل حزب عايز يطلع رئيس عايزين واحد يحس بالشعب وقلبه مع الشعب كفانا زل كفانا مهانا عايزين نسترد كرامة المصري اللي راحت من زمان .. من يوم الثورة وارتفعت الرؤوس حسينا بكرامة كنا فقدين فيها الامل ..الحمد لله على كل حال.... لا تخافوا على مصر ولا علي شعب مصر .. الثورة هتنجح وهتنجح وهتسترد مصر الكرامة والقيادة للامه العربيه من جديد رضيت او ابيت محمية يا ارض الكنانة ..

رد: تحذير هااام

اقتباس:

المشاركة الأصلية كتبت بواسطة hakem (المشاركة 237241)

اتصف تعليقى بانه خائب ومحبط وتجعل من يتوافقون مع رأيك اساتذه

اولا : انا حريص على الرد للايضاح ولست حريصا على الرد عليك لوضوح مستوى التواصل معك و على رضاك لست بحريص

ثانيا : انا كتبت مواضيع كثيره قبل الثوره وليس بعدها وعلى سبيل المثال موضوع يوم 2/2 فور فتح النت

ومواضيع كثيره اخرى ضع اسمى فى جوجل لتعرف من مشاركته خائبه

ثالثا : ارجو ان تقرأ جيدا قبل الرد ليكون ردك عن تفكير دون تهجم بدون ادراك

لانك لو قرأت مشاركتى جيدا ولاحظت كلماتى الكبيره اختلافا مع باقى الكلمات لتفهمت المعنى

رابعا : كنت على صله بالشباب الثورى وللمشوره فى الايام الاولى ومابها وانت اين كنت

ولدت وعشت واعيش فى منطقة الاحداث تواجدت فى كل شبر من محيط الاحداث الجاريه

ليس اليوم بل طوال عمرى منذ عبد الناصر والسادات ومبارك اين كنت انت

كنت فى تأبين ناصر يوم 28/9/1970 بميدان التحرير اين كنت انت

خامسا : ضرب ضباط الشرطه والامن المركزى بالرصاص الحى من ضربهم ( هل ضربوا انفسهم )

تسلق بعض الافراد من المتظاهرين على العمائر المحيطه وصعدوا فوقها وهم الان يضربون بالرصاص الحى الشرطه والمتظاهرين

من هم والان الان هذا الكلام اتستطيع ان تقول لى من هم

سادسا : الوضع الاقتصادى المنحدر والخطير وتراجع رصيد العملات الحره للنصف

مما يجعلنا بعد ثلاثة اشهر على هذا الوضع لانجد ما نأكله ؟

ان العقل والطريق القويم لصالح الشعب المصرى بكل فئاته الانتظار لخوض الانتخابات وامامها 5 ايام

لصالح من تلك الاحداث لوقف الانتخابات والاتيان بالخراب الكامل

هل هناك طريق غير طريق الانتخابات ؟؟؟؟؟؟؟؟؟؟

ان ارد ان تفهم مايحدث بالفعل عليك بقرأت مشاركتى جيدا لتعرف من الذى يقوم بالتخريب الان

اسأل نفسك من الغير مستفيد من الهدوء والانتخابات ووجود شرعيه نحن فى الطريق اليها

اكتفى بهذا القدر للانشغال وانتظر ردودك ولتعرفنى كيف هى الحياه بدون انتخابات ؟؟؟؟؟؟؟؟؟

يا استاذي انا مقصدكش انت تحديدا .... انا بقصد اي حد بيهاجم الشباب الطاهر اللي في التحرير وميادين مصر دلوقتى ..... اما موضوع التخريب والانتخابات .... اكيد محدش بيحب التخريب واكيد بردو العقل بيقول ان مكنش يجب الاحداث تطور للدرجه دي واحنا داخلين علي المرحله الاولي للانتخابات .... بس يا تري هما الشباب دول اللي سبب في الازمه الحاليه .... متهيألي اي عاقل بردو عارف مين السبب الحقيقي في الازمه الحاليه ومين اللي حب يولع الدنيا عشان يأجل الانتخابات .... انا عايز اعرف لما الداخليه جامده اوي كدا ليه منزلوش فضو ميدان التحرير من الــ 2 مليون اللي كانو فيه يوم جمعة تسليم السلطه ...... ليه استنو لما صفصفو علي 200 ولا 300 واحد معتصمين وفي حالهم ودخلو دورو الطحن فيهم .... وبعدين لحد امتى هنفضل نقول اقتصاد ومش هنلاقي ناكل .... انا كنت من الناس اللي بتفضل التهدئه وكنت بقول زي حضرتك كلها اسبوع ولا اتنين وهيبقي فيه انتخابات وملهاش لازمه المليونيات .... بس بعد معاملة الكفرة اللي شفناها من الداخليه اللي ضحكو علينا وقالولنا انها اتكسرت وبعد الشباب اللي استشهد واللي فقد عنيه .... انا واحد من الناس لا يفرق معايا اكل ولا شرب ولا اقتصاد ولا زفت انا اللي يفرق معايا دلوقتى ان البلد دي تنضف .... وبعدين ما كان ايام حسني الاقتصاد فل وعال العال ..... كنت بتشوف منه حاجه يا بيه ؟ انا اللي بيحصل دلوقتى حركني اكتر من ايام الثورة ... مش عارف انا وصلتلك اللي انا عايز اقوله ولا لاء .... اكيد انت بتحب بلدك واكيد بردو اللي راح واستشهد في الميدان بيحب بلده واكيد بردو اللي فقد نور عنيه الاتنين ولسا بينزل الميدان بيحب بلده .... كل واحد فينا بيحب بلده من وجهة نظره .... المهم منخونش بعض ... وعلي فكره انا مش بقول ان كل اللي يوافقني الراي اساتذه ... انا احترم وجهة نظرك .... لكن محترمش اي حد يغلط في شباب الميادين كلها مش التحرير بس .... انا زي ما قولت انا منزلتش التحرير قبل كدا لا ايام الثورة ولا عشان اتصور مع الدبابات في الهيصه اللي بعد الثورة ولا دلوقتى .... بس انا علي الاقل مبصدرش طاقه سلبيه للي حواليا :1 (30): ............ اشكر حضرتك علي ردك ولو انى عاتب عليك نبرته الحاده وياسيدي انا مش عايزك ترضيني اهم حاجه تبقي حاسس ان ربك راضي عنك :)

رد: تحذير هااام

اقتباس:

المشاركة الأصلية كتبت بواسطة unknown (المشاركة 237248)

الموجه الان هى موجه المظاهرات والبقاء فى التحرير
يعنى الى بيقول كده غلط ماشى عكس الموجه :D
90% من الشعب يؤيد مايحدث من التحرير
وقله ترفضه (الناس الى بتفكر صح)
بصراحه مافيش اى مشهد للضحايا (ولن اقول شهداء) اثر فيه
بالعكس الى اثر فيه صبر رجال الشرطه والرصاص ينهال عليهم
بالتوفيق

شكلك كدا بتتفرج علي التليفزيون المصري كتير .... بصراحه ربنا يكون في عون ضباط الشرطه المحترمين غلابه ودايما مظلومين ولا بيقتلو حد ولا بينشنو في العيون ولا جدع يا باشا جت في عين الواد .. ابن دين ......... ولا بيسحلو البنات في الشارع ولا اي حاجه ............... بجد مش عارف اقولك ايه .... بس رايي مدمت متعاطف اوي معاهم كدا ما تنزل تحميهم .... ونشلك علي كام عين بالمره

رد: تحذير هااام

اقتباس:

المشاركة الأصلية كتبت بواسطة unknown (المشاركة 237255)

ارجو انك تقول كلام واقعى
الغلطه الان غلطه الجيش والشرطه؟
المفروض الجيش والشرطه يأمنو المتظاهرين ازاى؟
الوووووووف من المتظاهرين كيف يفرق الجيش بين المتظاهر والبلطجى؟
ومن يعطى البلطجيه الفرصه لفعل ذلك؟ اليس المتظاهرون فى التحرير؟http://www.fx-arabia.com/vb/images/s...20%2845%29.gif
بلدك بتنهار بسبب الى بيحصل ..ومين السبب فى ده؟ اليس المتظاهرين؟http://www.fx-arabia.com/vb/images/s...20%2845%29.gif
فى حد بيقول مصر؟ لا طبعا كله بيقول مرتبات شقق
طيب ازاى والبلد بتوقع؟
مصر فى ازمه وكل متظاهر فى التحرير سبب فى هذه الازمه
كان الله فى عون الجيش والشرطه
اللهم احمى الجيش والشرطه من غدر متظاهرى التحرير

دا علي اساس ان المتظاهرين موتوا 30 عسكري وظابط واصابو اكتر من 1000 صح ........ انت غريب بجد

رد: تحذير هااام

شوفو الفيديو وهما بيفتخرو ان الملازم بتاعهم جاب الطلقه فى عين الواد

http://www.youtube.com/watch?v=jQu3ewsuzl0

خللى اللى بيدافع عن الشرطه وبدعلهم ينبسط

حسبى الله ونعم الوكيل

رد: تحذير هااام

اقتباس:

المشاركة الأصلية كتبت بواسطة spedoboy (المشاركة 237395)

مرحبا اخى الكريم اسلوبك المحترم فى الرد جعلنى

ولابد من ان نكمل حديثناولا نريد غير الخير للجميع

اخى الكريم ندرك جميعا ما كنا نعانيه وانا من المضارين جدا من العهد البائت

فقد دمرت تماما من الحزب الوطنى و زمرة المنتفعين

وجائت ثورة يناير المباركه لتحيى الاراده الشعبيه بعد ظلم رهيب

دام حوالى 67 عام ودفع شباب المستقبل من بينه

ثمن الحريه كانت البلد ممسوكه بيد من حديد سبحان من اسقط هذا النظام الظالم كنا نأمل نجاح الثوره

باسقاط كل قادتها وحمدا لله تم الخلاص من اهم اثنين مبارك والعادلى

اما الباقى وهم كثيرون فلابد من الصبر

لآستطاعة ابعادهم بالوقت والاجرائات التشريعيه والبدايه من انتخابات مجلسى الشعب والشورى

الاسبوع القادم وتلك الانتخابات ستنهى الفلول وتضع كلا فى حجمه الطبيعى

ونبدا مسيرة حساب الماضى وضبظ المستقبل

ولكن حدث ما يعكر هذا الصفو من قله قليله ليسوا هم شباب الميدان

لاء هم الشباب الذى يحاول مستميتا اقتحام

وزارة الداخليه ماذا يريدون منها يريدون مهاجمة الشرطه ليوقفوا الانتخابات

وذلك لآسباب لديهم واضحه لمن يقرأ الوضع

وللاسف الشديد هم المفضوحون والذين فضحوا انفسهم على الانترنيت عرايا ارجو ان تكون عرفت من هم

هؤلاء يدركون تماما ان الانتخابات لم تعطيهم كراسى فى المجالس النيابيه

ولذلك لايريدون انتخابات يريدونها فوضى

ومعهم ايضا فصيل أخر اترك لك التفكير من هو وعلى فكره رئيس الحزب الاخر

يتلون ويغير وجهه دوما وتباعا ولكن صفاره واضح للعيان

ارجو ان تكون قد عرفت من المخربون الذين يحاولون اقتحام الداخليه املا فى وقف الانتخابات

وقد تم القبض على ثلاثه انريكان يتبعوهم ومعهم بنزين

وقنابل المولوتوف ليضربوا بها الشرطه والمتظاهرين

يضربوا الشرطه ليحركوهم لضرب المتظاهرين ويضربوا المتظاهرين ليحركوهم ضد الشرطه

ولذلك يوجد مصابين بالرصلص الحى والدليل وجود 51 ضابط شرطه مصاب + 160 امن مركزى

ولاتنس ان هولاء ابنائنا ايضا ولكنهم فى السابق كانوا ينفذون الاوامر الصادره اليهم

وطبعا هناك اصابات فى المتظاهرين بنفس الاسلوب وهم ايضا ابنائنا واخواننا

ولاتنس ايضا ان هناك هجوم منظم على كل المديريات ومعظم الاقسام لمحاولة سرقة السلاح

واتساع رقعة الفوضى انظر للسرقه والنهب الحادث الان فى اسيوط

وغيرها الكثير ومعهم أسلحه بيضاء و بنادق اليه ويحاولون سرقة اسلحة الداخليه

وايضا ينادون دون وازع من ضمير لمليونيه غدا لنفس الاسباب

لترى من يطالب بمظاهرات الغد لتعرف من يريدون الخراب "

وادعوك لقرأه متأنيه لمشاركة الاخ الفاضل سامى وتفهم كلماته بارك الله فيه

على فكره انا مع الكرامه المصريه والحريه لشعب مصر ولست مع احد معين نهائيا

وعلى فكره الجميع دون استسناء يحبون مصر فهو الوطن للجميع والحضن الدافئ لكل ابنائه

ارجو ان اكون اوضحت لك الامور ولندعو جميعا ان يحرس الله شعب مصر من اى مؤامرات

داخليه او خارجيه ولتعش مصر حره " تحياتى اخى الكريم

رد: تحذير هااام

اقتباس:

المشاركة الأصلية كتبت بواسطة hakem (المشاركة 237479)

انا اشكرك يا استاذ حكيم علي مقدمة حديثك ..... وانا معنديش شك انك من مؤيدين الثورة سواء انت او الاستاذ سامي او الاساتذة الكرام اللي تفضلو بالتعليق ولو انى بعضهم مستغرب تعليقاته .... وانا بردو متفق معاك جدا ان فيه حد بيحرك الاحداث بس انا عايز اعرف هو ليه كل الشهداء من المتظاهرين وفقط ؟ يعني حضرتك ذكرت اصابات في صفوف الداخليه .... بس انا عايز افهم ليه مفيش شهداء ... للاسف الاختلاف الجوهري مبينا هو الداخليه ... مينفعش نقول عليهم حمام السلام واللي بيكتفو بدور رد الفعل هو مين اساسا اللي بدء الاحداث من الاول هل هما المتظاهرين ؟ راجع الاحداث منذ انتهاء المخلوع ... هتلاقي ان كل مليونيه كانت بتحصل كانو بيجو تاني يوم تلاقي 100 ولا 200 واحد معتصمين تدخل عليهم عساكر الداخليه تعدم ابوهم العافيه وتلم 10 ولا 20 واحد اعتقال وهكذا حصلت اكتر من مره زي ما حصلت المرادي بردو ... ودا طبعا بحجة قانون تجريم الاعتصام اللي المجلس السمكري اصدره .... معني كدا ان الداخليه هي اللي بدأت بالشر مش المتظاهرين او الاصابع الخارجيه يعني لو فعلا حدثي وحدثك صح هتلاقي برده الداخليه هما اللي غلطانين اللي باحتكاكهم بالمتظاهرين ادو فرصه للعب و التسخين في النص .... بص انا هقولك علي حاجه ... اللي في التحرير دول ستات ورجاله ولاد سيتن كلب كلهم بلطجيه وحراميه دا فرضا يعني هل هي دي طريقة التعامل مع البلطجيه .. السحل والضرب وغازات ممنوعه وتصفية عيون وقتل والقاء الجثث فوق بعض في الزباله زي الكلاب والقطط الميته ؟ اخر نقطه حضرتك طبعا بتلمح علي حركة 6 ابريل عشان يعني لقو نفسهم ملهمش اصوات مضمونه في الانتخابات قالك نضرب كرسي في الكلوب ونبوظها علي الكل تمام كدا .... انا مش عضو في الحركه دي ولا بحبهم بس معتقدش ان دا منطق للحكم عليهم والا كنا قولنا الاخوان كمان بتوع مصلحتهم وعايزين انتخابات علي جثث المتظاهرين وكنا هنقول نفس الكلام علي الوفد وباقي الاحزاب والقوي السياسيه اللي منزلتش الميدان الايام دي ... وكدا مش هيتبقي حد مش هيطلع خاين :1 (30): .... دا مش منطق للحكم علي اي حد .... انا متفق معاك ان فيه حد بيلعب في النص والحد دا هو 90 % فلول لكن الغريب هو موقف الجيش والداخليه اللي جايين يتحركو ويهدو بعد 5 ايام كامله سقط فيها اكتر من 30 شهيد واكتر من 1000 مصاب ... موقف الداخليه والجيش ملوش غير مبرر واحد انهم حلفاء للفلول :1 (75):
حاجه اخيره بخصوص موضوع الاجانب اللي مسكوهم دول ..... انا باكدلك ان دا فيلم هندي هابط كالعاده من افلام التليفزيون المصري ... لان ببساطه دول طلبه امريكان في الجامعة الامريكية ومكتبة الجامعة الامريكية قريبه جدا من الاحداث ودول كان نازلين يتفرجو .... ودا مش كلامي انا دا كلام زمايلهم في الجامعة .... وبصراحه اول مره اشوف ملوتوف في ازايز مايه معدنيه بلاستك يعني .... حتي في الكدب والتلفيق بهايم .... وعشان تبقي عارف الطلبه دول زمانهم في بيوتهم دلوقتى :1 (38):

رد: تحذير هااام

اقتباس:

المشاركة الأصلية كتبت بواسطة Hema (المشاركة 237451)

شوفو الفيديو وهما بيفتخرو ان الملازم بتاعهم جاب الطلقه فى عين الواد

http://www.youtube.com/watch?v=jQu3ewsuzl0

خللى اللى بيدافع عن الشرطه وبدعلهم ينبسط

حسبى الله ونعم الوكيل

هذا الشخص يدعى قناص العيون ,
وبالفعل تم القبض عليه بالامس ,,

الله المنتقم ,,
وربنا يستر علينا

رد: تحذير هااام

اقتباس:

المشاركة الأصلية كتبت بواسطة احمد صلاح (المشاركة 237531)

هذا الشخص يدعى قناص العيون ,
وبالفعل تم القبض عليه بالامس ,,

الله المنتقم ,,
وربنا يستر علينا

قناص العيون !!
لا حول ولا قوة الا بالله
الله يصلح الحال

رد: تحذير هااام

اقتباس:

المشاركة الأصلية كتبت بواسطة spedoboy (المشاركة 237399)

دا علي اساس ان المتظاهرين موتوا 30 عسكري وظابط واصابو اكتر من 1000 صح ........ انت غريب بجد

انا مش غريب انا واقعى
انت بس الى مش عارف النتائج المترتبه على المظاهرات دى
وبعدين انت فاكر ان رجال الشرطه قعدين يموتو الناس ويكلو ايس كريم :1 (62):
الى مايعرفش يقول عدس
اغلب اقربائى رجال شرطه وبتصل بيهم والناس مطحونه
وبيضرب عليهم نار
اعتدائات عليهم من شويه ..... متظاهرين
ولسه بقولها المتظاهرين فى التحرير يرتكبون اكبر جريمه فى حق مصر
سواء فى انهيار اقتصدها ومساعده البلطجيه بالتخفى بينهم
كل متظاهر فى التحرير هو مساعد لبلطجى
وان لم يكن بطريق غير مباشر
الله المستعان

اقتباس:

المشاركة الأصلية كتبت بواسطة Hema (المشاركة 237451)

شوفو الفيديو وهما بيفتخرو ان الملازم بتاعهم جاب الطلقه فى عين الواد

خللى اللى بيدافع عن الشرطه وبدعلهم ينبسط

حسبى الله ونعم الوكيل

اللهم ثبت اقدام رجال الشرطه البواسل الشرفاء
وانتقم من الظلمه سواء شرطه او متظاهرين