|
رد: الى كل من يواجة مشكلة فى التحويلات البنكية الان خطوات الايداع بالفيزا
السلام عليكم تحية لأعضاء المنتدى الكرام أكتب لكم هنا ما توصلت اليه فى موضوع السحب والايداع بالكروت من خلال تجاربى معها بصفة عامة وكذلك تجربتى مع بنك بيريوس (فرع الزقازيق) على مدار الاسبوعين الماضيين أولا : على حد علمى فإن اغلب بنوك مصر تقوم بفصل الكروت الخاصة بالانترنت عن الحسابات البنكية الحقيقية وذلك لتحقيق الأمان من وجهة نظرهم . فأنت تتوجه للبنك وتفتح مثلا حساب توفير و يقوم البنك باستخراج كارت صراف آلى ATM Card مرتبط بالحساب ، ويستخدم هذا الكارت فى سحب الكاش من الصراف الآلى وفى الشراء من المحلات ولكنه لا يعمل على الانترنت . ولكى تقوم بأى عمليات مالية على الانترنت فعليك التقدم بطلب للحصول على كارت آخر مستقل للانترنت .وكارت الانترنت المستقل هذا يكون به عيبين هامين : 1- انه ليس له علاقة بحساب التوفير اطلاقا وغير مرتبط به ، ولكنه يعمل بنظام شحن الرصيد (يعنى انت مثلا عايز تعمل حاجة على النت بمبلغ 100 دولار ، فبتتوجه للبنك وتقول للموظف عايز اشحن كارت النت وبتدفع ما يعادل هذا المبلغ بالجنيه المصرى على حسب سعر الدولار وليكن مثلا 700 جنيه ) . وبعد ماتقوم بالعملية على الانترنت يصبح رصيد كارت الانترنت صفر ، ففى هذه الحالة تنقسم الكروت الى نوعين : - كروت تسمح بإعادة الشحن مرة أخرى Rechargeable وبالتالى اعادة استخدامها بشكل متكرر (وطبعا عشان تشحن مرة اخرى لازم تروح للبنك تانى وهكذا). -كروت تستخدم فقط مرة واحدة ولا تسمح بإعادة الشحن Non-Rechargeable وهذه بمجرد انتهاء رصيدها تصبح عديمة الفائدة ولابد من استخراج كارت جديد برقم جديد وشحن جديد للقيام بمزيد من العمليات على الانترنت 2- انه اذا تبقى فى رصيد الكارت مبلغ ما وتريد استرداده كاش فهذا غير ممكن ولكى تسترده كاش فلابد ان تلغى الكارت تماما (ربما يوجد عند بعض البنوك استثناءات فى هذا النظام ولكن هذا هو النظام المتبع فى اغلب البنوك المصرية) ثانيا : على حد علمى لا يوجد اى كارت انترنت من اى نوع يقبل "السحب" عليه ، لأن مصطلح السحب هنا غير صحيح ، السحب هو عملية تحويل Transfer وهذه تكون للحسابات البنكية وليس للكروت . ولكن ما يحدث فى الكروت هو مايسمى ب"استعادة مبلغ الشراء" Refund . ودى خاصية موجودة فى الكروت لعدة اهداف زى مثلا ان بعض المواقع بيكون عندها سياسة ال satisfaction guarantee بمعنى انها بعد اشتراكك مع الموقع ودفعت فلوس الاشتراك او الخدمة بالفعل ، فالموقع بيديك امكانية انك فى خلال اول 30 يوم بعد اشتراكك لو مش عاجبك خدمة الموقع ممكن تلغى اشتراكك والموقع بيرجعلك على الكارت جزء او كل الفلوس اللى دفعتها وبتسمى العملية دى Refund. او مثلا انك اشتركت فى موقع ولسبب ما الموقع مثلا حصل فيه مشكلة او عطل والموقع عايز يعوضك فبيرجعلك جزء من مبلغ الاشتراك اللى دفعته قبل كده فى شكل Refund -ولذلك حتلاحظوا ان معظم شركات الفوركس بتقولك انه اذا تم الايداع بالكارت فالسحب (اللى بيكون فعليا Refund) بيكون على نفس الكارت وبمبلغ يعادل او اقل من المبلغ اللى تم ايداعه بالكارت (لأنه فعليا زى ما يكون بيرجعلك الفلوس اللى انت عملت لها ايداع ، فمنطقى انه مينفعش يرجع اكتر من مبلغ الايداع ) ، وما يزيد عن هذا (الربح ان وجد) هو ده اللى ممكن يتسحب كتحويل بنكى على حساب بنكى |
رد: الى كل من يواجة مشكلة فى التحويلات البنكية الان خطوات الايداع بالفيزا
ثالثا : للتغلب على عيوب كروت الانترنت المستقلة بيكون الحل هو الحصول على كارت خصم Debit Card يكون مرتبط بحساب التوفير ويكون فى نفس الوقت صالح لعمليات الانترنت ، وبكده يكون فيه عدة مزايا: 1- انه لا يحتاج الى شحن واعادة شحن بل هو مرتبط بحساب التوفير ويخصم منه مباشرة قيمة عمليات الانترنت 2- ان رصيده هو رصيد حساب التوفير وبالتالى عندما يحدث Refund عليه فالفلوس بتضاف لحساب التوفير وممكن تسحبها كاش عادى من الصراف الآلى زى مابتسحب فلوس حساب التوفير العادية وعلى حسب ما قريت فى مشاركات هذا الموضوع الرائع فإن هذا النظام غير موجود الا فى بنوك قليلة منها بنك بلوم وبنك بيريوس ، وللأسف بنك بلوم ليس له فروع فى الشرقية ولذلك توجهت لبنك بيريوس فرع الزقازيق ، وما وجدته مع بنك بيريوس حتى الآن هو كالآتى : 1- الحد الادنى لفتح حساب التوفير هو 2000 (الفين) جنيه ، وممكن تانى يوم تسحب منهم 1500 لكن لازم تسيب 500 جنيه فى الحساب ثابتين ولا يمكن سحبهم الا بإغلاق الحساب 2- مصاريف الحساب والكارت تقريبا 35 جنيه 3--استخراج الكارت يتم فى نفس اليوم وبتاخده وانت قاعد ، وعليه الاسم 4-الكارت بيتم تفعيله فى خلال 24 ساعة العيوب حتى الآن: 1-عند القيام بأى عمليات على الانترنت بعملات اجنبية ، فالبنك بياخد عمولة 4% فوق سعر الصرف الرسمى . يعنى مثلا لو اشتريت حاجة من الانترنت ب 100 دولار. فما يتم خصمه من حساب التوفير هو 100 x سعر بيع الدولار يوم العملية (6.81 مثلا) = 681 جنيه وتزود عليهم 681 * 0.04 = 27.24 يبقى مجموع مايتم خصمه = 681 + 27.24 = 708.24 يعنى كأنك شارى الدولار ب 7.08 !! بصراحة عمولة كبيرة جدا بس على حسب كلامهم 2% من العمولة دى بتروح للبنك المركزى 2- صعوبة متابعة العمليات التى تمت على الكارت ، حيث ان ال Phone Banking ومركز البطاقات مسؤولين عن كروت ال Credit فقط وملهمش دعوة بكروت الخصم Debit. فالطريقة الوحيدة لمتابعة العمليات هى اما انك تستنى تقرير الكارت الشهرى ، او انك تروح للبنك كل شوية عشان تشوف العمليات على سيستم البنك ، او الاشتراك فى ال online banking . فطبعا الطريقة الوحيدة العملية هى ال online banking. -تيجى بقى تشترك فى ال online banking تلاقى العجب. حضراتهم الاشتراك فيه بيكون من خلال ورق مخصوص بيكون فيه ال username/password جاهز مقدما . الورق ده بييجى من اليونان مخصوص !!! بكميات قليلة وكل فرع بياخد منه كمية معينة ، ولسوء الحظ ان فرع الزقازيق الورق ده فيه خلصان لكن موجود فى فروع تانية زى فرع الاسماعيلية. الطبيعى ان حضراتهم يسهلوا على العميل والفرع اللى عنده ورق يدى للفرع الخلصان ، لكن بسلامتهم مبيعملوش كده ويقولك انك انت كعميل اللى تسافر لفرع الاسماعيلية او فرع القاهرة عشان تاخد من هناك ورقة ال username/password. ولاحظوا ان متابعة عمليات الكارت ده هام جدا لأن الكارت مرتبط بحساب التوفير وكل فلوس حساب التوفير متاحة عليه !! يعنى لو هاكر او حاجة خد بيانات الكارت ممكن يسحب فلوس حساب التوفير كلها |
رد: الى كل من يواجة مشكلة فى التحويلات البنكية الان خطوات الايداع بالفيزا
مشكورررررررررر على المعلومة
|
رد: الى كل من يواجة مشكلة فى التحويلات البنكية الان خطوات الايداع بالفيزا
فى طربقه اﻻيداع عن طريق الفيزا ﻻزم احط رقم cvv وﻻ رقم الكارت بس
|
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
طبيعى عند اى استعمال لأى كارت لازم يطلبوا منك ال cvv اللى هيا ال 3 ارقام اللى على ضهر الكارت |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
تحديث : بعد التقدم بشكوى لإدارة بنك بيريوس من خلال خدمة العملاء الحق يقال الادارة تحركت بسرعة و اتصلوا بمدير فرع الزقازيق والذى تدخل بنفسه وحل المشكلة وتم توفير ال username/password الخاص بال online banking فى اقل من 3 ايام . واتضح ان ال online banking متوافر بسهولة ومفيهوش مشكلة بس هو الموظف اللى كان مسؤول عنه الظاهر كان "مأنتخ" شوية ومش عايز يشتغل ، بس بالاتصال بالادارة من خلال خدمة العملاء الصراحة الادارة تدخلت بنفسها وتم توفير username/password فى أقل من 3 ايام. |
رد: الى كل من يواجة مشكلة فى التحويلات البنكية الان خطوات الايداع بالفيزا
انا عند حساب توفير فى البنك الاهلى المتحد ويتم سحب العائد باستخدام كارت ATM مكتوب عليها فيزا هل ممكن يتم الايداع والسحب بهذا الكارت الرجاء سرعة الرد
من الاخوة اللى عندهم خبرة كبيرة فى هذا الموضوع او من السادة مشرفى الموقع وشكرا |
رد: الى كل من يواجة مشكلة فى التحويلات البنكية الان خطوات الايداع بالفيزا
1 مرفق
احد يفيدني ؟
لاني بسوي ايداع لشركة FXDD وين احط المعلومات هذي ؟
يعني عندي بالبنك ماكو مكان اكتب فيه special instruction وابي بنك kebank اي دولة وأي ولايه ؟ لان في معلومات ناقصه ابي كل شي بالضبط الصورة بالمرفقات |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
|
رد: الى كل من يواجة مشكلة فى التحويلات البنكية الان خطوات الايداع بالفيزا
ارجو المساعدة ارجوك , اريد تحويل مال لبدء العمل في مجال الفوركس .. كيف؟ و فد تم حظر البنوك المصرية من ايداعات الفوركس .اشكرك
|
| الساعة الآن 12:47 AM |
Powered by vBulletin® Copyright ©2000 - 2024
جميع الحقوق محفوظة الى اف اكس ارابيا www.fx-arabia.com