السلام عليكم ,, أعضاء وزوار منتدى أف اكس اربيا

بسم الله الرحمن الرحيم

انا هتكلم فى الموضوع دا عن أساسيات الفوركس الى انا اتعلمتها من المنتدى هنا أو من أى مكان أخر ,,,

وهتكلم عنها بشكل مبسط بحيث أى حد معندهوش خلفية عن سوق الفوركس يقدر يفهمها

,,, ويعتمد عليها فى أنه يبنى أساس جيد يعتمد عليه فى مشواره فى تعلم المجال

مع العلم أنى هستخدم بعض المصطلحات والتعبيرات المقتبسه من المحاضرات الخاصه بالدكتور أسامة عادل وبعض المصادر الاخرى ,

وهقدمها بشكل مكتوب ومصور بحيث تبقى مرجع صغير لأى مبتدئ .

أتمنى الفكرة تنال إجعابكم .

{ مقدمة عامة عن الفوركس }

لو أنت مبتدئ فى مجال زى الفوركس أو كنت ناوى انك تدخل الفوركس فانت اكيد مر عليك عشرات المرات إعلان من اعلانات جوجل سواء فى المواقع او اليوتيوب بيتكلم عن الفوركس وشركات بتعرض حسابات تجريبيه ومكافأت ماليه بمبالغ كبيرة ,, فبتكون النتيجة أنك بتقول ان الكلام دا كله نصب فى نصب ومش بتفكر أنك حتى تقرأ عن الفوركس ولو حتى معلومات تتأكد منها ان الفوركس مجال نصب ولا العكس .

لأن ببساطه دا كان نفس رأيى فى الفوركس أول ما قريت اعلان بيتكلم عن انك تقدر تبدا فى الفوركس دلوقت وتحقق ربح 1000 % فى أقل من اسبوع ,,, فكان لازم انى اقول الفوركس دا كلام فاضى وكله نصب ولكن حبيت أعرف الكلام دا بنفسى بدل ما أحكم على السوق ومن هنا عرفت المجال كويس وعرفت أنه فى الخير وفيه الشر وفيه المكسب وفيه الخسارة وفيه المصالح العامة وفيه المصالح الشخصية .

لذلك لازم ترسخ فى ذهنك أن الفوركس فعلا مجال مربح جدا وتقدر منه تعمل أرباح فوق ما تتخيل وأرباح متقدرش تعملها من أى مجال اخر ,, وكمان لازم تحط فى ذهنك أن الارباح دى مش هتيجى لوحدها بالساهل ولكن هى عايزه اجتهاد شخصى منك ومحدش هيقدم لك المعلومة على طبق من دهب ولكن لازم انت تبحث عن المعلومة وتتعب فى الحصول عليها علشان تلاقى ثمرتها بعدين ,,,

وفى الردود القادم إن شاء الله هنعرف يعنى ايه فوركس ؟ والسوق دا ماشى أزاى ؟ ومين المتحكم فيه ؟ وايه مميزات السوق دا وايه عيوبه ؟

والسلام عليكم ورحمة الله وبركاته

{ ما هو سوق الفوركس ؟ }

Forex هى اختصار لمصطلح انجليزى هو FOreign EXchage ودا معانه بالعربى " سوق تبادل العملات الاجنبية "
من السؤال عرفنا أن الفوركس دا عبارة عن سوق ,,, فهو فعلا سوق مثل اى سوق فى العالم , انت بتدخل أى سوق علشان إما تشترى او تبيع , نفس الفكرة فى الفوركس ولكن مع اختلاف السلع فسلعه الفوركس هى العملات الاجنبية , وبيكون الربح من السوق بناء على تغير سعر صرف العملات مقابل بعضها البعض وسعر صرف العملات بيتغير بناء على العرض والطلب عليها ,, ناخد مثال ,,, لو كان الطلب على الدولار الامريكى متزايد فدا بيدى الدولار قوة فيجعل الدولار الامريكى يصعد علشان الناس بتشترى الدولار بكمية كبيرة , والعكس فى حاله الين اليبانى لو كان الطلب عليه قليل والناس بتبيع الين اليبانى بكمية كبيرة فبكدا قيمة الين اليبانى بتقل وبالتالى سعره بيهبط .

واحنا فى الفوركس هدفنا أننا نحقق ربح من بيع وشراء العملات دى بناء على توقعتنا المستقبليه بصعود او هبوط هذه العملات .

فلو أنا توقعت ان الدولار الامريكى الفترة القادمة هيصعد وعملت صفقات شراء للدولار الامريكى فى الفوركس وفعلا بعد فترة الدولار صعد يبقى انا كدا حققت ربح من صعود الدولار ونفس الفكرة لو كان توقعى هو صعود الدولار ولكن الدولار بعد فترة هبط فكدا بتبقى صفقاتى خاسرة لانى اشتريت الدولار بسعر عالى ودلوقتى بقى سعر الدولار أقل ,, نفس فكرة السلع الى بيشتريها اى تاجر فى اى سوق فى العالم .


وبكدا بإختصار شديد احنا عبارة عن تجار عملة مثل تجارة العملات زمان ولكن الفرق بيننا وبينهم أننا تجار بشكل متقدم ومتحضر و بناء على علم وتحليل وخبرة .

تشرفت بردك يا اخى حمزة كأول رد فى الموضوع وشكرا ليك على كلامك الجميل ,, إنتظر المزيد إن شاء الله .

{ كيف يعمل سوق الفوركس }

سوق الفوركس هو سوق لا مركزى ,, ودا معاناه انه مفيش مكان محدد بتتم فيه عمليات التداول على العملات ودى تعتبر ميزة من مميزات الفوركس

, فأنت علشان تتداول فى الفوركس مش بتكون مضطر أنك تروح مكان معين علشان تتداول فيه ولكن التداول بيكون من خلال الكمبيوتر والانترنت فى منزلك

, ولكن السؤال هنا

,, من يحدد أسعار العملات والازواج فى الفوركس ؟

,, الإجابة عن السؤال دا بتكون ان أسعار العملات فى الفوركس هى عبارة عن متوسط لاسعار بيقدمها اكتر من 1100 بنك مركزى واستثمارى حول العالم بيتداولوا فى الفوركس ودا بيوضح ان الخسارة او المكسب فى الفوركس بيكون مع البنك يعنى لو انا كسبت يبقى كدا البنك خسر والعكس صحيح ودا النظام المتبع فى أغلب شركات الوساطة , وهى ان الشركة بتوصلك بالبنك وتاخد هى عمولتها وهى الفرق بين سعر الشراء والبيع وانت والبنك مع بعض إما خسارة احدكم ومكسب الاخر واسم الشركات دى هى ECN او STP ومش بيكون ليه اى مكسب من خسارتك فى السوق , ولكن هناك نوع اخر من الشركات ودا اسمه الماركت ميكر Market Maker او صناع السوق ودا بيكون هو بمثابه البنك والشركة فى نفس الوقت يعنى مكسبك وخسارتك معاه وبكدا بيكون فى الحاله دى هو الخصم والحكم فى نفس الوقت يعنى خسارتك هى مكسب للشركة ,, علشان كدا محدش بينصح بالتداول مع شركات الماركت ميكر .

وبكدا يتضح ان سوق الفوركس يعمل بالشكل دا ,,,

المتداول --------> شركة الوساطة ----------> البنك

{ من المتحكم فى سوق الفوركس ؟}

هو التعبير الأصح ,, من المحرك لسوق الفوركس لأن سوق الفوركس سوق كبير بيتداول فيه يوميا تقريبا 5 تريليون دولار فصعب إنك تلاقى جهه محددة متحكمة فى السوق وبتتلاعب فيه لأن دا يعتبر إقتصاد دول ومن الصعب إن أى حد يتلاعب فى إقتصاد الدول ,, ودى تعتبر ميزة من مميزات الفوركس أنه بتميز بالشفافيه المطلقة بخلاف أسواق المال الاخرى زى الاسهم وإنتشار الشائعات فيها .

ولكن من هم الفئات المحركة لسوق كبير زى الفوركس ؟
والإجابة تتلخص فى تلات حاجات وهما مصدر السيوله الكبيرة الى بنشوفها فى السوق يوميا وهم ,,

أولا : البنوك بجميع أنوعها ,, ويأتى فى المقدمة البنوك المركزية الخاصة بحكومات الدول ودا لأن سيولتها عاليه وبيكون ليها أهداف من التجارة فى سوق العملات وبتقدر تتدخل وتوجه السوق لأتجاه معين لهدف معين وليس بشكل عشوائى .

ثم تأتى فى المركز الثانى البنوك الأستثمارية وهى أقل اهمية من البنوك المركزية ولكن لها الفدرة أيضا على توجيه السوق إلى بعض المناطق ولكن ليس بقوة البنوك المركزية .

ثانيا : الشركات بجميع أنواعها ,, سواء كان الشركات دى إستثمارية كبرى او تجارية او محافظ عملاقة أو حتى شركات متوسطه وصناعة ,,, بيكون لها أهداف من التجارة فى سوق الفوركس وبيكون ليها سيوله أيضا فى السوق ولكن ليس بنفس سيوله البنوك .

ثالثا : المتاجرين الفرديين بجميع أنواعهم ومنهم على سبيل المثال المتاجر الفردى الذى يتعامل مع البنك ودا متداول يقدر انه يتدوال مع البنك مباشرة بدون الحاجة الى شركة وساطه علشان تمرر عقوده على البنك ولكن التعامل بينه وبين البنك بيبقى بشكل مباشر بدون وسيط .

والمتداول الثانى وهو المتداول بالتجزئة ودول هما المتاجرين التابعين لشركات الوساطه المختلفه ويعتبروا أقل فئة لها تأثير فى السوق وكمان فى السيوله ودا إن لم يكن لهم تأثير أصلا .

{ الفرق بين سوق تداول العملات الاجنبيه وبين سوق الأسهم }


يعتبر سوق الفوركس أكبر سوق مالى فى العالم لذلك لسوق الفوركس مجموعة من المميزات التى تجعل التداول فيه أفضل من التداول فى غيره

وبتظهر هذه المميزات عند مقارنة السوق مع سوق الأسهم والتى تتمثل فى :-

http://www.fx-arabia.com/vb/uploaded...1452255812.png

ورغم كل دا إلان ان سوق الفوركس فيه بعض العيوب إن شاء الله هذكر معظم مميزات السوق وعيوبه فى الرد القادم ,,, والسلام عليكم .

{ مميزات سوق الفوركس }

زى ما إتكلمنا قبل كدا وقلنا إن سوق الفوركس فيه الربح والخسارة وفيه الخير والشر كمان ليه مميزات وليه عيوب .

مميزات سوق الفوركس ,,,


1- يعمل سوق الفوركس على مدار 24 ساعة يوميا فى خلال خمسة أيام عمل فى الاسبوع وهى ( الأثنين - الثلاثاء - الأربعاء - الخميس - الجمعة ) مما يمكن المتداول من التداول فى أى وقت يراه مناسب له ولظروف حياته.

2- يتميز سوق الفوركس بأنه سوق لا مركزى حيث يمكنك التداول فى سوق الفوركس من أى مكان تريده بدون الذهاب الى مكان معين وكل ما تحتاجه هو جهاز كومبيوتر وشبكة إنترنت وحساب فى شركة وساطه ورأس مال للبدء .

3- يتميز سوق الفوركس بسيولة عاليه جدا تمكنك من فتح صفقات عند جميع الاسعار حيث تبلغ سيوله الفوركس تقريبا 5 تريليون دولار يوميا .

4- يتميز سوق الفوركس بالشفافيه المطلقة وهى تعنى أن كل الاخبار الاقتصادية المؤثرة على السوق تكون معروفة للجميع بدون اى تلاعب او محاولة خداع او أى محاولة لنشر الشائعات .

5- يتميز سوق الفوركس بإمكانية الربح فى الإتجاهين الصاعد والهابط فلو أنت توقع الصعود فى المستقبل تسطيع الشراء وإن توقع الهبوط تستطيع البيع ولو سار السوق فى نفس توقعك فانت تحقق مكسب فى هذه الحاله والعكس صحيح .

6- يتميز سوق الفوركس بإمكانية التعامل بالروافع الماليه وهى تعنى إمكانية المتاجرة بأضعاف رأس مالك وهذا يعنى أرباح أكثر .

7- تستطيع من خلال التداول فى الفوركس ربح مبالغ كبيرة وتحقيق أرباح لا يحققها لك أى مجال أخر ,,, على ارض الواقع او على الانترنت .

8- تسطيع من خلال تعلمك للفوركس بإن تصبح إنسان لديه القدرة على إتخاذ القرارات الصائبة سواء فى التداول او فى الحياة العملية فهو ينمى مهارة إتخاذ القرارات .

9- تسطيع من خلال تعلمك للفوركس أن تصبح إنسان مثقف بسبب إطلاعك على أخبار الدول من حولك سواء على المستوى العربى او العالمى .

10- الفوركس هو المشروع الوحيد الذى يمكنك من تحقيق ربح مادى بدون الحاجة إلى عملاء فأنت غير مطالب بتسويق منتجاتك مثلا لكى تحقق ربح .

{ عيوب سوق الفوركس }


1- يعتبر سوق الفوركس سوق خطر جدا على رأس المال لانك من الممكن انك تخسر رأس مالك كله فى صفقة واحدة .

2- يسبب الفوركس بعض الاحيان ارهاق زهنى وعقلى ونفسى بسبب الخوف من الخسارة أو الخوف على رأس المال .

3- التعامل بالرافعه الماليه يعتبر عيب وميزة فى الفوركس حيث أن استخدامك للرافعه الماليه من الممكن ان يسبب لك خسائر فادحة .

5- ينمى سوق الفوركس الطمع لدى المتداول ودا لان الطمع فطرة فى الأنسان فلازم يتحكم فيها .

ربنا يخليك أخى ,,, هو حاليا أنا مش عندى المقدرة أعمل شروحات فديو ولكن سوف أجعل المشاركات مدعومة بالصور فى المواضيع التى تغطى التحليل الفنى والجزء التطبيقى فى السوق ولكن فى البداية أنا جعلت المحتوى مكتوب لأنه محتوى نظرى و غير ضرورى فيه الصور .

ملخص لعيوب ومميزات سوق الفوركس .


http://www.fx-arabia.com/vb/uploaded...1452340075.png

ههههههههههههه فعلا معك حق أ\نادر وانا فعلا بقضى فى الفوركس يوميا ما يفوق 9 ساعات وأخر مرة شوفت فيها أحد أصدقائى كان تقريبا من 20 يوم :D والواحد فعلا لازم ينظم وقته ويعطى كل حاجة حقها .

{ إدارة رأس المال }

مقدمة عامة



ادارة راس المال فى سوق الفوركس هى تقريبا 80 فى المية من الربح فى السوق ودا بيوضح مدى اهمية ادارة راس المال ومدى اهمية الالتزام بيها والنتائج الوخيمة الى ممكن تحصل لو اهملت ادارة راس المال .

يمكن راس المال تاخد مننا وقت شويه ودى علشان هيه مهمة فعلا فى السوق .

وراس المال عبارة عن علم مستقل بذاته فلازم انت تتعلمه كله بشكل متكامل ومتهملش اى جزء منه علشان تقدر تحقق اعلى استفادة من راس مالك وتكون الخسائر اقل ما يمكن .

وفى الردود القادمة سوف نتعرف إن شاء الله على معلومات هامة عن رأس المال , مبادئ وقواعد إدارة راس المال , نصائح لإدارة راس المال بطريقة صحيحة .

سلام عليكم ,,

{ إدارة رأس المال الجزء الأول }


http://www.fx-arabia.com/vb/uploaded...1452409514.jpg

معلومات هامة لازم تعرفها عن رأس المال قبل ما تبدأ فى ادارة راس مالك

1 - ادارة راس المال هى عبارة عن حياة حسابك فى الفوركس لو اتبعت القوعد الصح فى ادارتها فهى هتكبر وتنمو يوم بعد يوم ويكون عمر حسابك طويل والعكس صحيح لو انت اهملت ادارة راس المال هيكون عمر حساب صغير وممكن تخسره كله فى صفقة واحدة .

2 - اغلب الخسارين فى الفوركس الذين يتعدوا 90 فى المية من اجمالى المتداولين هما متداولين لا يديرون راس مالهم فى الفوركس بطريقة صحيحة ؟

3 - عدم جعل الفوركس مصدر دخلك الاول يعتبر نوع من ادارة راس المال ودا لان الفوركس سوق متقلب وغير ثابت وانت بتبحث عن دخل ثابت فهيكون صعب انك تحصل عليه من الفوركس .

4 - لا تتوقف عن التعلم فى المجال وتعرف كل يوم على الجديد فى المجال وطرق ادارة راس المال المشهورة بين التجار والحديثه .

5 - مستحيل تعمل ارباح كبيرة فى الفوركس من راس مال صغيرة فلازم تكون انسان واقعى فى اختيار راس المال المناسبة للبدء فى الفوركس وكمان تكون انسان واقعى فى تحديد نسبة الربح المراد تحقيقها فى الشهر . فلا تكون قليله جدا ولا تكون كبيرة جدا فوق طاقة الحساب .

6 - لازم قبل فتح اى صفقة تعرف انت لو كسبت هتكسب كام ولو خسرت هتخسر كام ودا يعتبر جزء كبيرة من ادارة راس المال .

{ إدارة راس المال الجزء الثانى }


http://www.fx-arabia.com/vb/uploaded...1452420831.jpg


مبادئ وقواعد عامة لادارة راس المال


دى بعض المبادئ والقواعد التى يجب عليك ان تتبعها علشان تعرف تدير راس مالك بطريقة صحيحة فى عالم الفوركس

اولا : الطمع ... يجب عليك ان تقتل الطمع فى شخصيتك وخصوصا لان الطمع يعتبر فطرة الانسان اتخلق بيبها فلازم تتغلب عليه لان اغلب الصفقات الخاسرة بيكون سببها اما الطمع فى ربح اكثر او الطمع فى انك تقلل الخسارة الى نقطة البداية فبتقوم بزويد الاستوب لوز على أمل ارتداد السعر مرة اخرى .

ثانيا : الدخول بما يتناسب مع راس مالك : فلو كان راس مالك مثلا فى الفوركس 1000 دولار كبداية فانت لو دخلت الصفقة بقمية 10 دولار للنقطة الواحدة وعكس عليك السعر 10 نقاط وضرب استوب لوز فانت كدا خسرت 10 × 10 = 100 دولار فى لحظات وال100 دولار دى تعتبر 10 فى المية من راس مالك فمبالك لو عكس السعر عليك 100 نقطة فقط يبقى انت كدا خسرت كل راس مالك من الممكن فى لحظات قليله جدا .فيجب ان يكون قيمة العقد مناسبة لراس مالك بحيث لا يكون قليل جدا ولا كبير جدا .

ثالثا : استعمال استراتجية عمل واحدة .. كتير من المتداول وخاصه فى بداية التعامل مع الفوركس نجدهم يتعلمون جميع استراتجيات العمل فى المنتديات ودا بيسبب تشتت كبير وفى الاخر بتلاقيهم مش عارفين برضو يحددوا اهم المناطق للدخول فى الصفقة واهم المناطق للخروج لذلك لازم تعرف ان كل الطرق تؤدى الى نفس الغرض ولكن لو اتقنت واحدة فيهم بنسبة كبيرة .

رابعا : استعمل الTake Profit والStop loss يعتبران اهم امرين فى منصه التداول المياتريد وكمان يعتبران اهم حاجة فى ادارة راس المال فتحديد الهدف والاستوب لوز يعتبر بمثابه شطى البحر . فلازم تستخدمهم علشان تعرف تحسب ارباحك وخسائرك قبل الدخول فى الصفقة وكمان علشان تحمى نفسك من تحركات السوق العنيفه . وللعلم أن المتداول المحترف فى الفوركس هو الذى يضع اقل استوب لوز ولا يضرب بسهوله .

خامسا : السحب المتكرر من الارباح : يجب عليك ان تسحب ارباحك بشكل دورى ومتكرر ولا تجعل الطمع يقودك فى انك تريد ان تزود راس مالك لانه من الممكن ان يعكس عليك السوق بشكل مفاجئ فتخسر كل ارباحك التى جمعتها فى شهر فى يوم واحد .

سادسا : يجب ان تراعى النسبة بين الاستوب لوز والتيك بروفيت فلو كان الاستوب لوز ثلاث اضعاف التيك بروفيت فانت هنا مقابل كل ثلاث صفقات رابحه يوجد صفقة خاسرة واحدة هتاكل ربح الثلاث صفقات لذلك كن واقعى وعلى الاقل يجب ان يكون الاستوب لوز = التيك بروفيت ولا يقل عنه فمثلا لو كان التيك بروفيت 100 والاستوب 50 وانت عملت ارباعه صفقات وكان
اتنين كسبانين واتنين خسرانين يبقى مجلمل الصفقات فى الاخر هيكون هو 100 + 100 -50 -50 = 100 ودا يعتبى اجمالى الربح الصافى .

{ إدارة راس المال الجزء الثالث }


http://www.fx-arabia.com/vb/uploaded...1452432014.png

نصائح لادارة راس المال بطريقة صحيحة . (المجموعة الأولى)

1- أبدا براس مال مناسب يلبى احتياجاتك .

2- لا تخاطر باكثر من 5 فى المية راس مالك فى الصفقة الواحدة .

3- لا تكن طماع وحاول ان تقتل الطمع بداخلك .

4- اجعل التيك بروفيت اكبر من الاستوب لوز.

5- تعلم كل شئ يخص ادارة راس المال وحاول ان تربط الاشياء بضعها .

6- استخدم دائما اوامر وقف الخسارة لانها سبيل النجاة الوحيدة من تقلبات السوق .

7- لا تتداول بشكل زائد فيجب ان تكون معتدل فى التداول .

8- استخدم افضل طرقك فى التداول .

9- لا تحاول الانتقام من السوق .

10 - ألتزم بالاستوب لوز والتيك بروفيت ولا تغيره بناء على خوفك من ضياع الربح او زيادة الخسارة .

أ\نادر :) نورت الموضوع ,, إن شاء الله الموضوع يعجبك وأكون عند حسن ظنك وظن باقى الاعضاء .

{ إدارة رأس المال الجزء الرابع }

http://www.fx-arabia.com/vb/uploaded...1452438124.png

نصائح لادارة راس المال بطريقة صحيحة . (المجموعة الثانية)

1 - إعرف الفرق بين أجحام العقود وحدد ما هو العقد المناسب لك ولرأس مالك وقم بتقسيم العقد على الصفقات بدل من الدخول بالعقد كله فى صفقة واحدة " مثلا لو كنت سوف تدخل بعقد 1 دولار للنقطة الواحدة فلا تدخل به كله مرة واحدة فى صفقة واحدة وإنما قسم ال1 دولار على مجموعة صفقات لكى تحقق أعلى إفادة منه وفى نفس الوقت لو خسرت بعض الصفقات فمن الممكن ان تربح البقية " .

2 - لا تتداول عكس الاتجاه العام .

3 - احمل مفكرة دائما وسجل فيها المعلومات المهمة التى تساعد على إدارة راس مالك بطريقة صحيحة .

4 - لا تدخل صفقة لو كنت شاكك فى تحليلك ,, وإنما تريث واعد ترتيب افكارك مرة اخرى وقرر بهدوء .

5 - أختار رافعه ماليه مناسبة لرأس مالك بحيث لا تكون كبيرة جدا ولا تكون صغيرة جدا ,, أنا افضل استخدام رافعه 1:100 او 1:200 .

6 - اعرف ما المقصود بالمارجن المحجوز والمارجن المتاح ونداء المارجن ومدى تأثيرهم على رأس المال .

7 - تحقيق أرباح قليله ومستمرة خير مائة مرة من تحقيق ارباح كبيرة ونادرة .

8 - إحرص على وضع الاستوب لوز فى مناطق جيدة بحيث لا يكون كبير وفى نفس الوقت لا يضرب بسهولة .

9 - أصبر على تحقيق الهدف مثل صبرك على ملاحقة الخسارة .

10 - وأخيرا ... إلتزم , إلتزم , إلتزم , , , السر كله فى الإلتزام .

{ إدارة رأس المال الجزء الأخير }


ملخص لأهم نقاط إدارة راس المال .


http://www.fx-arabia.com/vb/uploaded...1452451914.png

ومش معنى كدا إننا خلصنا إدارة راس المال ,,, بالعكس إدارة راس المال هى الحاجة الوحيدة فى الفوركس الى هتكون مستمرة معاك طول حياتك فى المجال دا وهنتكلم عنها تانى إن شاء الله فى الشروحات القادمة بس بشكل منفصل ,,

إنتظروا المزيد والسلام عليكم ورحمه الله وبركاته .

بعض الفديوهات المفيدة فى طريقة إدارة رأس المال فى الفوركس بشكل صحيح .

(1)

https://www.youtube.com/watch?v=0p13VyuXCRQ


(2)

https://www.youtube.com/watch?v=LLec2LHNPxw


(3)

https://www.youtube.com/watch?v=Lk9998r7S3U

{ نقاط مهمة }


http://www.fx-arabia.com/vb/uploaded...1452492659.jpg

السلام عليكم أعضاء وزوار منتدى اف اكس اربيا ,, أتمنى تكونوا بخير

إحنا كدا تقريبا خدنا فكرة عامة عن الفوركس وبعض الحاجات الأساسية التى لازم تكون معاك قبل ما تبدأ فى التداول الفعلى وفى المشاركة دى انا هكتب بعض النقاط الهامة قبل البدء فى موضوع التحليل الفنى ,,,

لأننا كدا يعتبر خلصنا الجزء النظرى من الفوركس والى لازم تكون عارفه علشان تقدر تستمر فى المجال وكمان لازم تكون مطلع على اى جديد من طرق إدارة راس المال او نصائح لمتداولين اخرين أو تجارب متداولين عندهم خبرة فى السوق ,, يعنى بإختصار متبقاش منغلق على نفسك لازم تكون مطلع على كل جديد ,, ويكون فيه تفاعل مع الاعضاء فى المنتدى هنا او فى اى منتدى اخر وكمان على صفحات التواصل الاجتماعى ,, لان المناقشة مع متاجرين أخرين هتكسبك معلومات جديدة وكمان المناقشة يعتبر إسلوب تعليمى ممتاز .

المهم ,,, إننا هنبدأ فى المشاركات القادمة فى الجزء العملى من الفوركس والى أسمه التداول ,, لأننا اصلا دخلنا الفوركس علشان نتداول ونحقق ربح مش نتعلم وخلاص .

ولكن فيه بعض النقاط المهمة لازم نتكلم عليها قبل البدء فى التداول او تعلم التحليل الفنى والنقاط دى لازم تكون عارفها علشان تعرف تنظم أفكارك فى الفوركس وتحدد طريقك كويس ... وهنبدأ نتكلم فيها بتتابع إن شاء الله ,,, نبدأ على بركة الله


أولا : كيف يتم التداول فى سوق الفوركس وما هى متطلبات العمل فى الفوركس ؟

التداول فى الفوركس بيتم من خلال شراء وبيع ازواج من العملات , يعنى أنت بتتوقع اتجاه زوج من العملات فى الفترة القادمة وبناء على التوقع دا بتدخل اما تبيع الزوج دا او تشتريه وبطبيعه الحال لو اشتريت بضاعة وسعرها قل فى السوق يبقى انت كدا خسرت والعكس صحيح وهى دى تعتبر فكرة الفوركس العامة ,, ولكن توقعك لسعر الزوج مش بيكون بالحظ كدا وإنما بيكون بناء على تحليلات وخبرات وإستراتجيات هنتكلم عنها بالتتابع فى المشاركات القادمة ولكن بشئ من التبسيط .

التداول فى الفوركس بيحتاج منك 4 حاجات أساسية ( جهاز كمبيوتر - وصله إنترنت - حساب فى شركة الوساطة - رأس مال ) ودا لأنك هتحتاج جهاز الكمبيوتر علشان تنزل عليه حاجة اسمها منصه التداول ودى عبارة عن برنامج ديسك توب يعنى بتنزله من موقع الشركة الى انت مشترك فيها وبتسطبه على الجهاز عندك سواء كان كمبيوتر او موبايل ومن خلاله بتتم عمليات التداول من بيع وشراء والكلام دا كله , وطبعا البرنامج دا مش أف لاين وإنما هو أون لاين يعنى لازم علشان يشتغل يكون فيه إنترنت متوصل بالجهاز علشان تقدر تعمل عمليات التداول , بالنسبة لشركة الوساطة فدى عبارة عن شركة بتوصلك مباشرة بالبنك علشان تتداول ودا لأن انت راس مالك صغير فالبنك مش هيرضى يتعامل معاك ,, لأن اقل حاجة بيتعامل معاها البنك مباشرة بدون شركة وساطة هى تقريبا 50000 دولار فشركة الوساطة بتفتح مجال كبير لأى متداول صغير انه يبدا فى الفوركس بأقل راس مال وتصل الى 1 دولار بس ( مع العلم انه كلما كبرت راس المال طبعا ارباحك هتكبر معاها ) يعنى من الأفضل انه يكون رأس المال مناسبة علشان تحس بربح فى الفوركس ودا إتكلمنا عنه فى جزئية رأس المال .

ثانيا : ما هى العملات والازواج التى يتم التداول عليها فى سوق الفوركس ؟

جميع العملات الاجنبيه بيتم التداول عليها فى الفوركس ولكن فى بعض العملات بيكون التداول عليها أكتر من التداول على غيرها لذلك بنلاقى ان العملات دى مشهورة فى السوق ودا بسبب إن اغلب التجار بيستخدموا العملات دى فى تداولهم يوميا .

ودى صورة بتوضح العملات الأكثر تداول فى السوق ,,

http://www.fx-arabia.com/vb/uploaded...1452495609.png

وتصنف هذه العملات إلى عملات رئيسية وعملات فرعية طبقا لهذه الصورة ,,

http://www.fx-arabia.com/vb/uploaded...1452495693.png

لكن ماذا عن الازواج , ؟
العمل فى الفوركس بيتم عن طريق التداول على ازواج من العملات وليس عملات وحيدة ,, يعنى انت فى الفوركس بتقول انا هبيع اليورودولار وليس هبيع اليورو او ابيع الدولار فقط .

ولكن معنى الكلام دا إنك لو قلت هبيع اليورودولار >> إنك هتبيع اليورو وتشترى الدولار .

مثال أخر لو قلت أنا هشترى الدولار فرانك >> دا معناه إنك هتشترى الدولار وتبيع الفرانك .

وأى زوج من العملات بيتكون من عملة الأساس والعملة المقابلة مثل http://www.fx-arabia.com/vb/uploaded...1452495962.png

فعمله الأساس هنا هى : الEUR والعملة المقابلة هى USD ,, وقيس كدا على كل الازواج .

وازواج العملات فى الفوركس بتصنف إلى ثلاث أنوع زى ما فى الصورة كدا ...

http://www.fx-arabia.com/vb/uploaded...1452496191.png

الازواج الرئيسية : هى الازواج التى يكون الدولار الامريكى طرفا فيها , والطرف الاخر هو عملة رئيسية ,, مثل

http://www.fx-arabia.com/vb/uploaded...1452496310.png

الأزواج الثانوية : هى الازواج التى يكون الدولار الامريكى طرفا فيها والطرق الاخر عملة ثانوية او فرعية ,, مثل

http://www.fx-arabia.com/vb/uploaded...1452496408.png

الأزواج التقاطعية : هى الازواج التى لا يكون الدولار الامريكى طرفا فيها ,, مثل

http://www.fx-arabia.com/vb/uploaded...1452496584.png

ملخص لأزواج العملات فى الفوركس

http://www.fx-arabia.com/vb/uploaded...1452496687.png

وفى النهاية لا تشغل بالك كثيرا بموضوع ازواج العملات لأنك فى بداية التعامل مع الفوركس المفروض تركز على زوج واحد فقط او اتنين علشان تتعلم عليه ومع كثرة التداول والإطلاع هتبقى الأمور كلها تمام وهتكتسب الخبرة مع الوقت

والسلام عليكم .. :)

#الصور مقتبسه من كتاب تعلم الفوركس خطوة بخطوة

جميع أزواج عملات الفوركس الموجودة فى أى شركة وساطة ,, بأسعارها الحاليه يوم 11\1\2016


http://www.fx-arabia.com/vb/uploaded...1452501036.png

أخيرا : كيف يتم توقع حركة الازواج فى المستقبل ؟

http://www.fx-arabia.com/vb/uploaded...1452506967.jpg

لكى تتوقع حركة الازواج والاسعار فى الفوركس هناك الكثير من الطرق التى يمكن الاعتماد عليها ولكن فى أشهر اتنين فى السوق كله ونسبة كبيرة جدا من متداولين الفوركس المحترفين بيعتمدوا على الطريقتين دول ... وهم .

اولا : التحليل الفنى Technical Analysis >> والتحليل الفنى يعنى بكل بساطة دراسه حركة السعر الماضية على الرسم البيانى لكى تستنبط منها حركة السعر فى المستقبل حيث يقوم التحليل الفنى على ثلاء مبادى وهى :

1 - حركة السوق تحسم كل شيء (Market action discounts everything).

2 - الأسعار تتحرك في إتجاهات (Prices move in trends).

3 - التاريخ يعيد نفسه (History repeats itself).

وهنتكلم كتيير عن التحليل الفنى لما نبدا فى شرحه من المشاركة القادمة إن شاء الله .


ثانيا : التحليل الأساسى Fundamental Analysis >> هو التحليل الذى يدرس الأوضاع الاقتصادية والاجتماعة والسياسية للدولة وبناء عليه بيحدد العرض والطلب على العملة الخاصة بتلك الدولة بناء على بيانات وإحصائيات ومؤشرات إقتصادية وبيقوم على مبدأ واحد وهو :

1 - الأحداث الجارية فى الاقتصاد تؤثر على العرض والطلب وهما بدورهما يؤثران على سعر العملة .

ولكن

أيهما أفضل التحليل الأساسى أم التحليل الفنى ؟

هناك بعض المتداولين الذين يعتمدون فقط على التحليل الأساسى وهناك البعض الاخر الذى يعتمد على التحليل الفنى فقط
ولكن من وجهه نظرى ومن خلال رأى متداولين محترفين فى المجال ان الدمج بين التحليلين هو أفضل طريقة تقدر بيها تحدد اتجاه السوق ,, ودا بيتفق مع ان سوق الفوركس منظمة كاملة لازم تدرسها كلها على بعضها وتربط جوانبها ببعض علشان فى الاخر تطلع بقرار صح .

ونقابل فى التحليل الفنى بدأ من المشاركة القادمة إن شاء الله . . .

{ التحليل الفنى } , , , الجزء الأول


http://www.fx-arabia.com/vb/uploaded...1452521024.jpg

بسم الله الرحمن الرحيم

النهاردة هنتكلم عن التحليل الفنى او ال Technical Analysis الذى قمنا بتعريفه بشكل سريع فى الرد السابق .

ولكن قبل ما نتكلم عن التحليل الفنى فى الفوركس لازم نعرف ,,, مبادئ التحليل الفنى ,, وهى عبارة عن ثلاث مبادئ يدور فيهم التحليل الفنى ,, وهى كالتالى :-


1 - حركة السوق تحسم كل شيء (Market action discounts everything) >> ودا معاناه ان حركة السوق هم المتحكم الأول فى تحديد سعر واتجاه اى عملة من عملات الفوركس بناء على كمية العرض والطلب على العملة دى .

2 - الأسعار تتحرك في إتجاهات (Prices move in trends) >> ودا معناه ان الأسعار لما تكون فى حاله إرتفاع فدا مؤشر على انها هتستمر فى الاتجاه دا لفترة تانى لحد ما يحدث ما يغير ذلك الاتجاه . واحنا فى الفوركس بنسميه الاتجاه العام او الترند العام .

3 - التاريخ يعيد نفسه (History repeats itself) >> ودا معناه ان فى مناطق السعر لما يصل اليها بيحترمها ويرتد منها زى ما ارتد قبل كدا سواء بالصعود او الهبوط ودا بيكون بناء على سلوك التجار فى المناطق دى وطبعا سلوك التجارة يعتبر مشاعر والمشاعر الإنسانية تعتبر شئ متكرر يعنى زى مشاعر الخوف والفرح والقلق وكدا بالتالى المناطق دى بتسطير عليها نفس المشاعر مرة اخرى ويكون رد فعل السعر مقارب لنفس الرد قبل كدا وهى دى الفكرة ببساطة .

{ التحليل الفنى } , , , تابع الجزء الأول


هنتكلم فى البوست دا عن أشكال الرسم البيانى فى الفوركس , , , أو بمعنى أصح أشكال الرسم البيانى فى برنامج التداول .

يوجد فى الفوركس ثلاثة أشكال للرسم البيانى وهم كالتالى :-

1- الرسم البيانى بالأعمدة Bar Charts

ودا شكله , , ,

http://www.fx-arabia.com/vb/uploaded...1452530461.png

ودا شكل حركة السعر فيه . . . عبارة عن عمود Bar
http://www.fx-arabia.com/vb/uploaded...1452530730.png




2 - الرسم البيانى الخطى Line Charts

ودا شكله , , ,

http://www.fx-arabia.com/vb/uploaded...1452530928.png
ودا شكل حركة السعر فيه . . . عبارة عن خط Line

http://www.fx-arabia.com/vb/uploaded...1452530967.png




3 - الرسم البيانى بالشموع اليابانية Candlesticks
ودا شكله , , ,

http://www.fx-arabia.com/vb/uploaded...1452531020.png

ودا شكل حركة السعر فيه . . . عبارة عن شمعة Candle

http://www.fx-arabia.com/vb/uploaded...1452531060.png


وإحنا إن شاء الله هنعتمد على الشموع اليبانية Candlesticks فى التحليل لأنها اشهر حاجة وليها مميزات كتير جدا . . .

التحليل الفنى , , , الجزء الثانى


http://www.fx-arabia.com/vb/uploaded...1452602170.png



بعد ما أخدنا فكرة عن التحليل الفنى وعلى أشكال الرسم البيانى فى برنامج التداول ميتاتريدر 4 وهو أشهر برنامج تداول بيستخدمه جميع المتداولين ومدعوم من جميع الشركات

النهاردة هندخل فى التحليل الفنى ونتكلم عن أول حاجة فيه وهى الشموع اليبانية أو الCandlesticks ومن إسمها كدا فهى نشأت فى اليابان فى القرن ال19 تقريبا , , , وتقدر تعرف أكتر عنها من خلال ويكيبيديا، الموسوعة الحرة , , , وإحنا طبعا مش هنتكلم عن تاريخ الشموع اليبانية ولكن هيكون تركيزنا على معرفة أشكال وأسماء ووظائف كل شمعة من الشموع دى وإزى نطبقها على الرسم البيانى فى السوق علشان نخلق فرصه جيدة نسبيا ونحقق منها ربح كويس . . .

ولكن قبل البدء لازم نعرف حاجتين مهم جدا وهما

1 - أن التحليل الفنى مفهوش حاجة ثابته , , , ودا معناه إنك ممكن تعمل تحليل فنى ممتاز ولكن الصفقة تتحرك فى إتجاه اخر ودا لأن سوق الفوركس أصلا مبنى كله على التوقع وبيكون في حاجات تانية بتأثر فى سعر العملة زى التحليل الأساسى مثلا وفى أسباب تانية مجهوله إحنا منعرفهاش ولكن , , , دا مش معناه أن التحليل الفنى ملهوش لازمة بالعكس ودا لأن التحليل الفنى هو عصب تجارة الفوركس او العمود الفقرى للتجارة بمعنى أصح , , , ولكن أنا حبيت انوه على أن سوق الفوركس فى الاول والاخر مبنى على التوقع الى ممكن يصيب فى بعض الأحيان ويخيب فى أحيان أخرى .

2 - لازم يكون إتجاه صفقاتك مع الأتجاه العام للسوق , , ,والأتجاه العام > > > فى بعض الناس بتكون انه حركة السعر لمدة لا تقل عن 10 أيام وفى ناس تانية بتقول مدة لا تقل عن شهر ولكن الأغلبيه إتفقوا انه كلما كانت مدة الاتجاه العام كبيرة كلما كان اتجاه صادق , , , ودا لأن الدخول عكس الاتجاه العام بيكون خطر جدا ونسبة الخسارة بتكون أكبر

ودى بعض الصور الى بتوضح الاتجاه العام لبعض الازواج


إتجاه عام صاعد .

http://www.fx-arabia.com/vb/uploaded...1452601292.png

إتجاه عام هابط .

http://www.fx-arabia.com/vb/uploaded...1452601331.png

إتجاه عام متذبذب .

http://www.fx-arabia.com/vb/uploaded...1452601771.png


ونتقابل فى المشاركة القادمة ومع الشموع اليبانية Candlesricks

{ الشموع اليبانية }

مقدمة , , ,

1 - هى أحد نظم الرسم على الشارت .
2 - ظهرت فى اليابان فى القرن ال19 .
3 - تستخدم لتحديد صعود وهبوط السوق ومعرفة كمية العرض والطلب على سلعه معينة .
4 - أكثر الادوات استخداما فى سوق الفوركس .


الشمعة > > تمثل افتتاح واغلاق وحركة السعر خلال فترة معينة , , , وتتكون من زيل علوى وجسم وزيل سفلى .

http://www.fx-arabia.com/vb/uploaded...1452604106.png

------------------------------


http://www.fx-arabia.com/vb/uploaded...1452604654.png

ال High > > يمثل أعلى سعر وصلت اليه الشمعة خلال فترة معينة .

ال Low > > يمثل أقل سعر وصلت اليه الشمعة خلال فترة معينة .

ال Open >> يمثل سعر إفتتاح الشمعة .

ال Close >> يمثل سعر إغلاق الشمعة .

ودى رسمة بتوضح أنواع الشموع اليبانية فى الفوركس بإختصار , , ,

http://www.fx-arabia.com/vb/uploaded...1452601211.png

وهنبدأ من المشاركة القادمة نستعرض الشموع الفردية وهنبدأ بشموع الأتجاه .

{ الشموع الفردية - شموع الاتجاه }


شموع الأتجاه > > هى شموع تخدم الإتجاه العام يعنى لو جاءت فى اتجاه عام صاعد فهى تدل على المزيد من الصعود والعكس فى حاله الاتجاه العام الهابط .

وشموع الاتجاه فى الفوركس هم 6 شموع وهم كالتالى :-

1 - الشمعة الصاعدة العادية .
2 - الشمعة الهابطة العادية .
3 - شمعة تسريع القمم الخضراء .
4 - شمعة تسريع القمم الحمراء .
5 - شمعة الدوجى الحائرة .
6 - شمعة الليموزين .

___________________________

1 - الشمعة الصاعدة العادية .

تتكون من : زيل علوى قصير وزيل سفلى قصير وجسم صاعد .

شكلها : http://www.fx-arabia.com/vb/uploaded...1452610114.png

تدل على : إستمرار السعر فى الصعود الفترة القادمة .

http://www.fx-arabia.com/vb/uploaded...1452609801.png

http://www.fx-arabia.com/vb/uploaded...1452609801.png

لاحظ : قد تتكون شمعة صاعدة عادية ومع ذلك يحدث هبوط فى السعر بعدها ودا بيوضح انه مفيش ثوابت فى سوق الفوركس وكله مبنى على التوقع ولكن بناء على العلم والخبرة .

http://www.fx-arabia.com/vb/uploaded...1452609801.png



2 - الشمعة الهابطة العادية .

تتكون من : زيل علوى قصير وزيل سفلى قصير وجسم هابط.

شكلها : http://www.fx-arabia.com/vb/uploaded...1452610502.png

تدل على : إستمرار السعر فى الهبوط الفترة القادمة

http://www.fx-arabia.com/vb/uploaded...1452610613.png

http://www.fx-arabia.com/vb/uploaded...1452610613.png

لاحظ : قد تتكون شمعة هابطة عادية ومع ذلك يحدث صعود فى السعر بعدها ودا بيوضح انه مفيش ثوابت فى سوق الفوركس وكله مبنى على التوقع ولكن بناء على العلم والخبرة .

http://www.fx-arabia.com/vb/uploaded...1452610613.png

3 - شمعة تسريع القمم الخضراء .

تتكون من : ذيل علوى متوسط وذيل سفلى متوسط وجسم صاعد واضح ولكنه أصغر من جسم الشمعة الصاعدة العادية .

الشكل : http://www.fx-arabia.com/vb/uploaded...1452618016.png

تدل على : إستمرار السعر فى الصعود الفترة القادمة.

http://www.fx-arabia.com/vb/uploaded...1452618016.png

http://www.fx-arabia.com/vb/uploaded...1452618016.png




4 - شمعة تسريع القمم الحمراء .

تتكون من : ذيل علوى متوسط وذيل سفلى متوسط وجسم هابط واضح ولكنه أصغر من جسم الشمعة الهابطة العادية.

الشكل : http://www.fx-arabia.com/vb/uploaded...1452618241.png

تدل على : إستمرار السعر فى الهبوط الفترة القادمة

http://www.fx-arabia.com/vb/uploaded...1452618241.png

http://www.fx-arabia.com/vb/uploaded...1452618241.png

5 - شمعة الدوجى الحائرة .

تتكون من : ذيل علوى طويل وذيل سفلى طويل وجسم صغير جدا وفى بعض الاحيان ينعدم الجسم .

الشكل : http://www.fx-arabia.com/vb/uploaded...1452624590.png



تدل على : حيرة فى السعر بين الصعود والهبوط ولا تكون مفيدة إلا فى حاله تكون شمعة تأكيدية بعدها .

http://www.fx-arabia.com/vb/uploaded...1452624590.png

http://www.fx-arabia.com/vb/uploaded...1452624590.png




6 - شمعة الليموزين .

تتكون من : ذيل علوى صغير وذيل سفلى صغير وجسم كبير جدا سواء صاعد او هابط .

الشكل : http://www.fx-arabia.com/vb/uploaded...1452624944.png

تدل على : إستمرار السعر فى نفس اتجاه شمعة الليموزين .

http://www.fx-arabia.com/vb/uploaded...1452624944.png

http://www.fx-arabia.com/vb/uploaded...1452624944.png

السلام عليكم , , , للأسف تم حذف المشاركات الخاصة بشرح الشموع الأنعكاسية علشان المنتدى كان فيه تحديثات والأمر دا خارج عن إرادة الإدارة ! ولكن الحمد لله أنا معايا الماتريال الى كنت شغال بيها وإن شاء الله هضيف الردود دى تانى من أول وحديد وكمان أنا لقيت إن دى فرصه مناسبة جدا علشان نتوسع شويه فى شموع الإتجاه وخاصة إن فيه مجموعة من الشموع متكلمناش عنها .

{ الشموع اليابانية الفردية - الإنعكاسية }


أنا لقيت إننا هنكمل الشموع اليابانية الإنعكاسية الأول وبعدين نبقى ناخد بقية الشموع الاقل أهمية فى السوق وهى مش منتشرة بين التجار بشكل كبير .

هنتلكم فى الشموع الإنعكاسية عن :

1- شمعة الشهاب الساقط .
2- شمعة الرجل المشنوق .
3- شمعة الهامر .
4- شمعة الهامر المقلوب - المعكوس .





1- شمعة الشهاب الساقط .

الشكل : http://www.fx-arabia.com/vb/uploaded...1453031994.png

تتكون من : ذيل علوى طويل وذيل سفلى قصير وجسم صغير مع مراعاه أن يكون طول الذيل العلوى أكبر من الجسم الصغير .

تدل على : تحول الإتجاه من صاعد إلى هابط (تأتى فى نهاية الاتجاه الصاعد لتحوله إلى اتجاه هابط )

http://www.fx-arabia.com/vb/uploaded...1453031994.png

http://www.fx-arabia.com/vb/uploaded...1453031994.png

http://www.fx-arabia.com/vb/uploaded...1453032181.png

http://www.fx-arabia.com/vb/uploaded...1453032181.png

> لاحظ .

> من الافضل الدخول فى الصفقات مع الاتجاه العام فقط فلو كان الاتجاه العام صاعد تدخل صفقات شراء , وإذا كان الاتجاه العام هابط تدخل صفقات بيع فقط .

> ليس من الضرورى تحول السعر من صاعد الى هابط بعد تكون شمعة الشهاب لأنه من الممكن أن يكون فيه بعض المعطيات الاخرى المؤثرة على السعر مثل الترندات وبعض الاشياء التعلقه بالتحليل الأساسى وغيرها .

> يمكن وضع الأستوب لوز فوق High شمعة الشهاب .

http://www.fx-arabia.com/vb/uploaded...1453032181.png

الله يعافيك يا أ\Samer وإن شاء الله يعجبك باقى الموضوع , , , وأكون عند حسن ظن الجميع .

2- شمعة الرجل المشنوق .

الشكل : http://www.fx-arabia.com/vb/uploaded...1453039549.png

تتكون من : ذيل علوى قصير وذيل سفلى طويل وجسم صغير مع مراعاه أن يكون طول الذيل السفلى أكبر من الجسم الصغير فهى تعتبر عكس شمعة الشهاب فى الشكل ولكن نفسها فى الوظيفة .

تدل على : تحول الإتجاه من صاعد إلى هابط (تأتى فى نهاية الاتجاه الصاعد لتحوله إلى اتجاه هابط )

http://www.fx-arabia.com/vb/uploaded...1453039549.png

http://www.fx-arabia.com/vb/uploaded...1453039549.png

http://www.fx-arabia.com/vb/uploaded...1453039679.png

http://www.fx-arabia.com/vb/uploaded...1453039679.png

> لاحظ .

> من الافضل الدخول فى الصفقات مع الاتجاه العام فقط فلو كان الاتجاه العام صاعد تدخل صفقات شراء , وإذا كان الاتجاه العام هابط تدخل صفقات بيع فقط .

> ليس من الضرورى تحول السعر من صاعد الى هابط بعد تكون شمعة الرجل المشنوق لأنه من الممكن أن يكون فيه بعض المعطيات الاخرى المؤثرة على السعر مثل الترندات وبعض الاشياء التعلقه بالتحليل الأساسى وغيرها .

> يمكن وضع الأستوب لوز فوق High شمعة الرجل المشنوق .

http://www.fx-arabia.com/vb/uploaded...1453039679.png