|
لمن سحب من fxdd مالطا
السلام عليكم ورحمه الله وبركاته
سئلت احد معارفى فى بنك مصر عن رسوم التحويل فسئلنى عن اسم البنك الذى سوف يرسل لى الاموال الى مصر ولذلك اردت السؤال ماهو البنك الذى سيرسل لى الاموال عند طلب السحب (مالطا) هل هو jpmorganchase ام bank of valletta وشكرا لكم |
رد: لمن سحب من fxdd مالطا
لو عرفت المصاريف كام فى بنك مصر
قلى |
رد: لمن سحب من fxdd مالطا
انا لما بطلب سحب بيوصلنى من جى بى مورجان تشيس بنك ( رغم ان حسابى فى مالطا) و انا حسابى فى الاهلى المصرى مش فى بنك مصر
المبلغ اللى بسحبه ايا كان قيمته بيوصلنى ناقص 15$ يعنى لو طلب سحب 100$ بيوصلنى 85$ و لو طلبت سحب 10000$ بيوصلنى 9985$ اتمنى تكون اجابتى افادتك بعض الشيئ تحياتى يا غالى |
رد: لمن سحب من fxdd مالطا
اقتباس:
|
رد: لمن سحب من fxdd مالطا
اقتباس:
والحمد لله على سلامتك اكيد افدتنى انا عارف ان البنك الاهلى المصرى بيخصم مصاريف 15 دولار وده مبلغ مناسب جدا وكنت عايز اعرف بنك مصر نفس الكلام ولا ايه خصوصا ان عندى حساب هناك وللاسف سمعت ان بعض البنوك الاخرى قد تخصم 40 او 50 دولار وده طبعا مبلغ كبير ليه بقى عند حضرتك سؤال اقل مبلغ يمكن تركه فى الحساب فى البنك اللاهلى المصرى كام؟ بمعنى انى لو فتحت حساب ب 500 دولار وحبيت اسحب فلوس منه ايه اقل مبلغ يجب تركه فى الحساب؟ |
رد: لمن سحب من fxdd مالطا
اقتباس:
اهلا ابوحميد اعتقد بنك مصر من النوع الثانى اللى بيخصم 40$ و لكن مش متاكد من كده و لكن السبب ان فى دايركت كونكشن بين الاهلى و جى بى مورجان عشان كده بيكون مفيش مصاريف بنك وسيط تانى سوال اقل مبلغ هو 10$ ممكن تسيبه فى الحساب و يفضل اكتف بس خد بالك ان مصاريف فتح الحساب سنويا هى 10$ كل سنة على ما اتذكر يعنى لو عدت سنة حيخصم ال 10$ اللى فى الحساب بس السنة اللى بعدها لو مفيش فلوس فى الحساب عشان يخصم مصاريفه السنوية فالحساب حيتقفل. تحياتى يا غالى و انا تحت امرك فى اى استفسار, الله كريم |
رد: لمن سحب من fxdd مالطا
اقتباس:
اعتقد ان فتح حساب فى الاهلى المصرى هو الحل المناسب جزاك الله كل خير يادكتور رمضان كريم |
رد: لمن سحب من fxdd مالطا
اقتباس:
ان شاء الله غدا هروح افتح حساب فى البنك واكيد الحساب هيكون جارى...صح؟ وصوره بطاقه + اثبات عنوان سكن(وصل نور-غاز) ممكن يطلبو حاجه تانى يادكتور؟ |
رد: لمن سحب من fxdd مالطا
و 500$ فى ايدك لفتح الحساب..
و بس كده :) تحياتى يا غالى |
رد: لمن سحب من fxdd مالطا
اقتباس:
هديهم مصرى وهما يحولو بقى 3000 جنيه تقريبا |
رد: لمن سحب من fxdd مالطا
اقتباس:
مفيش دولارات فى البنوك دلوقتى و بيحافظوا عليها زى عينيهم :) انت مش عايش فى البلد ولا ايه . :1 (47): |
رد: لمن سحب من fxdd مالطا
و اكيد الحساب حيكون جارى او توفير مش حتفرق كده كده الفائدة صفرية على الدولار و انت عارف :)
|
رد: لمن سحب من fxdd مالطا
الدولارات مالية البنوك يا دكتور واللى عايز يروح اى بنك اهلى وياخد الكميه الى عايزها
|
رد: لمن سحب من fxdd مالطا
اقتباس:
اقتباس:
انا عايش فى البلد يادكتور بس ديما بتابع الى يفيدنى بس والله مش هتصدق لو قولتلك انى مانزلتش التحرير من بعد 25 يناير المهم.... بالنسبه للحساب الجارى او التوفير المصاريف واحده؟ وحضرتك شايف ايه افضل (توفير / جارى) انا محتاجه فقط لارسال واستلام الاموال لشركه اف اكس دى دى وبالنسبه للفائده انا عامل حساب توفير فى بنك مصر وبستلم الفوائد ولكن بخرجها عن طريق المسجد لانى عارف انها ربا بس بستخسرها فى البنك الصراحه ويعنى ايه اتكعبل يادكتور ط§ظ„ط¨ظ†ظƒ ط£ظ„ط£ظ‡ظ„ظٹ ط§ظ„ظ…طµط±ظٹ :: ط£ط³ط¹ط§ط± ط§ظ„ط¹ظ…ظ„ط§طھ دى معلومات تغير العمله |
رد: لمن سحب من fxdd مالطا
سلام عليكم
هو لازم اسحب على الحساب البنكى المسجل فى شركة اف اكس دى دى ولا اى حساب |
رد: لمن سحب من fxdd مالطا
اقتباس:
الاولى بك ان تجعل حسابك بدون فوائد او لا تأخذ مبلغ الفائده افضل بكثير من ان تستخرجها وتضعها في المسجد لانها ربا بتوفيق يا رب |
رد: لمن سحب من fxdd مالطا
أنا بستخدم بنك مصر والحمد لله بيخصم 10 $ فقط مع العلم ان حسابى جارى بالدولار وبتشترى دولارات عادى ما فيش أى مشكلة لأن انت كده كده بتعمل بيهم ايداع يعنى مش بتاخدهم فى ايدك بصراحة لو هتعمل ايداع سيبك من كل ده واعمل بطاقة 4u فى البنك العربى الأفريقى ومش هياخد منك غير 20 جنيه والمصاريف بتاعت التحويل صفر( ايداع فقط ) البنك الأهلى بيستهبل فى موضوع ال 500 $ ده وتقدر تسيب أى مبلغ حتى لو 1 $ ما حدش يقدر يقولك حاجة بس كل الفكرة زى ما قال الدكتور لو جه وقت المصاريف السنوية ومافيش ال 10 $ قيمة المصاريف السنوية الحساب هيتقفل وده كلام واحد اشتغل فى البنك مدة |
رد: لمن سحب من fxdd مالطا
اقتباس:
بس انا حسابى بالمصرى هل هاتفرق . .؟؟ وهل من الممكن افتح واحد تانى بالدولار ؟؟ |
رد: لمن سحب من fxdd مالطا
اقتباس:
(هايل) بس ايه هى شركه الوساطه بتختلف حسب البنك الذى تتعامل معه شركه الوساطه |
رد: لمن سحب من fxdd مالطا
اقتباس:
|
رد: لمن سحب من fxdd مالطا
البنك الأهلى سوستيه أحسن كتييييييير
بيخصم 3 دولار بس ومش محتاج يكون معاك 500 دولار عشان تفتح حساب بالدولار انت تفتح حساب بالمصرى وتحط فيه 100 جنيه وخلاص..وده هيفتحلك ID وتحته حساب بالمصرى لما يجيلك تحويل من بره بالدولار اتوماتيك هيتفتحلك حساب بالدولار تحت الاى دى والتحويل ينزل فيه لو جالك تحويل باليورو اتوماتيك برضه هيفتحوا حساب باليورو تحت الاى دى والتحويل ينزل فيه وهكذا |
رد: لمن سحب من fxdd مالطا
والله ياشباب الصراحة انا اتلغبط يعني انهي الاحلي واللي مش بياخود فوايد كبيرة انا اصلي بردو متعاملتش خالص مع حسابات البنوك دي او سحب من شركات قبل كده
وفي دلوقتي اكتر من رأي اتقال مش عارف البنك الاهلي المصري ولا بنك مصر ولا بنك الاهلي سوستيه ولا العربي الافريقي ولا ايه ياريت شويت توضيح عشان ده موضوع يهمنا كلنا ياشباب شكرا ليكم |
رد: لمن سحب من fxdd مالطا
اقتباس:
هوا البنك اللى انا اعرفه البنك الاهلى فعلا مش بياخد غير 15 دولار فعلا تحياتى يا غالى |
رد: لمن سحب من fxdd مالطا
اقتباس:
مع احترامى ليك ياغالى انا سألت اكتر من حد ف سوستيه وقالولى ان التحويل بيخضم من 35 الى 45 دولار ف الحدود دى وبالنسبه للتحويل مش شرط يكون بالدولار . . التحويل بالدولارات هوه بيحولهملك بالعمله المصريه وينزل حسابك . . |
رد: لمن سحب من fxdd مالطا
انا عن نفسى مجرب البنك الاهلى المصرى و زى ما قال الدكتور 15 دولار مهما كان قيمة التحويل اعتقد هو الاحسن
|
رد: لمن سحب من fxdd مالطا
انا بقى حسابى فى البنك الاهلى سوستية حساب بالجنية المصرى وحولت من يومين بالمصرى ما قيمته 1100 دولار وسألت عن الفيز الى بيخدوها على التحويل قالولى 35 دولار فعلن زى ما قال الاخ geniusssman بس طبعا لسا ماعرفش لما هاتتحولى دولارات من بره هايخدو مصاريف كام وسالت هل ممكن استقبل دولار على حسابى الى بالجنية قالولى اول ما بتوصل الفلوس بتتحول لجنية مصرى بسعر السوق وتتحط فى حسابى المصرى عادى بس قالولى حاجه دايقتنى ان التحويل بياخد 5 ايام عمل يعنى بدون الجمعه والسبت الجديد بقى ان كمان يوم الاحد مافيش تحويل دولارى فى البنك |
رد: لمن سحب من fxdd مالطا
يبقى كده وصلنا للخلاصه ان افضل بنك لفتح حساب واقل مبلغ ايداع لفتح حساب هو بنك الاهلى سوستية جنرال وافضل بنك فى مصاريف التحويل هو البنك الاهلى المصرى |
رد: لمن سحب من fxdd مالطا
يبقي خلينا مع الاهلي المصري
|
رد: لمن سحب من fxdd مالطا
هو فى نقطة بسيطة بس يمكن تفرق معاكم.
البنك الاهلى المصرى له حساب خاص فى بنك جى بى تشيس مورجان و ده بيخلى التحويل سرييييييييع جدا.. للعلم فان اى تحويلات تصلنى سواء من دى دى او من اى بنوك اخرى فى العالم فانه تصلنى فى خلال يومين فقط مع البنك الاهلى المصرى و بخصم القيمة نفسها 15$ فقط من اى استلام.. لاحظ انك لو مسجل فى بنك تانى ممكن يتاخد منك مصاريف تحويل بنك وسيط و دى انت اللى حتشيلها و لكن الاهلى المصرى مفيش بنك وسيط و ده افضل ليك. الاخ ابوعافية و زوجتى يعملون فى البنك الاهلى و يمكننا المساعدة فى اى وقت. الافضل فتح حساب بالدولار لانه لو بالمصرى كل مرة حيدخلك فلوس امامك حل من اتنين. 1- اما انك تسيب رسالة فى بياناتك بفتح حساب دولارى تلقائيا مع وصول اى تحويلات بالدولار. 2- ستصلك حوالة بنكية تستلمها من البنك و لا تدخل على حسابك المصرى اعتقد الاخ ابو عافية يعرف هذه المعلومات جيدا.. افضل فتح حساب بنكى بالدولار مع البنك الاهلى لانه اقل مصاريف سنوية فى حين البنوك الخاصة مثل سوسيتيه او عوده او التجارى الدولى او اتش اس بى سى مصاريفهم السنوية لفتح الحساب حوالى الضعف.. المشكلة الوحيدة فى الاهلى المصرى هو الزحام فوق العادة لكن انا عندى واسطة هناك :1 (63): تحياتى يا حلوين. |
رد: لمن سحب من fxdd مالطا
اقتباس:
طيب بعد الكلام الى زى الفل ده يا دكتور انا بفكر افتح حساب بالدولار فى البنك الاهلى هل هايبقى سهل مع شركة FXDD تحويل الحساب بتاعى او لما اجى اطلب سحب من الشركة ممكن اطلب منهم التحويل على حسابى الجديد فى البنك الاهلى |
رد: لمن سحب من fxdd مالطا
اهلا يا غزال..
نعم بكل سهولة اطبع ورقة سحب و فيها بيانات حساب بنكك و سلمها للشركة و سيتم ارسالها لك اى حساب مش مشكلة فى اى بنك فى اى مكان فى العالم حتى لو فى كوستاريكا المهم الوحيد ان يكون الحساب باسمك.. تحياتى يا غالى |
رد: لمن سحب من fxdd مالطا
شكرا يا دكتور كده يبقى البنك الاهلى يكسب |
رد: لمن سحب من fxdd مالطا
اقتباس:
تحياتى |
رد: لمن سحب من fxdd مالطا
اقتباس:
|
رد: لمن سحب من fxdd مالطا
يا جماعة فتح الحساب فى البنك الاهلى ايداع 500 دولار ومصاريف الفتح حوالى 8:7 دولار والمصاريف السنوية كذلك والفلوس ممكن تسحبها تانى يوم واهم حاجه قبل اول شهر 7 من كل عام يكون فى الحساب 8 دولار
اما بالنسبه للتحويل فالبنك بيخصم 15 دولار ده فى حاله لو اللى هايتحولك منه والى شركه الفوريكس بتحول منه لحسابك عنده حساب مع جى بى مورجان شيس اما لو البنك الى الشركه بتحول منه لحسابك ماعندهوش حساب عند جى بى مورجان يبقى مصاريف التحويل هاتزيد عن 30 دولارالى 40 دولار ده لو امبلغ اقل من 10000 دولار واما بالنسبه للتحويل لشركه الفوريكس فالبنك الاهلى عنده حساب عند جى بى مورجان ولكن لابد ان يكون الحساب البنكى بتاع الشركة مرتبط مع جى بى مورجان ايضا عن طريق البنك المفتوح به حساب شركة الفوريكس يارب اكون قدرت اوصل المعلومة والله المستعان |
رد: لمن سحب من fxdd مالطا
اقتباس:
ودى صورة من النيتا بنك عندى...مع كل تحويل بيتخصم 3 دولار http://i56.tinypic.com/90u4uv.png ومع اول تحويل جالى اتفتح ليا حساب بالدولار اللى انا واخد منه الصورة اللى فوق دى والفلوس بتيجى بالدولار وانا اسحبها بالدولار او اعمل طلب والبنك يحولها لحسابى اللى بالمصرى...زى مانا عاوز يعنى عشان كده سوستيه يكسب :1 (87): |
رد: لمن سحب من fxdd مالطا
وللعلم الأهلى سوستيه فروعه كتييييير جداااااااااااااااااااااااااااا
وانا حسابى حساب الشباب لأنى مكملتش 23 سنة..يمكن عشان كده عمولة التحويل قليلة |
رد: لمن سحب من fxdd مالطا
شكرا لكل الاخوه بارك الله فيكم ماشاء الله كله بيساعد وكما قال الكبير قوى جزره وقطمها ......... البنك الاهلى المصرى ان شاء الله |
رد: لمن سحب من fxdd مالطا
طب ياجماعة لو حد عنده فكرة او جرب HSBC أنا بصراحة بحترم البنك ده جدا وحسابى هناك ومع انى لية حساب فى الأهلى بس أفضل احول على HSBC عشان محترمين أخر حاجة والانترنت بانك بتاعهم تحفة وأنا بستخدمه فى التحويل لى الفيزا بتاعتى ثم اف اكس دى دى وبيوصل التحويل فى خلال 10-20 دقيقة بالكتير وزيرو مصاريف ايداع وبيبعتلى رسالة على الموبايل لما بيحصل اى حركة فى حساباتى عندهم وحاجات تانية كتير بس لسة ماجربتش مصاريفهم فى التحويل والسحب عليه ياريت حد يفيدنى
|
رد: لمن سحب من fxdd مالطا
انا اعتقد كده من الردود ان والله اعلم فى فرق كبير فى المصاريف بتاعة سوسيتية لو بتبعت فلوس للخارج من حسابك و لو بتستلم فلوس من الخارج على حسابك |
| الساعة الآن 09:01 PM |
Powered by vBulletin® Copyright ©2000 - 2025
جميع الحقوق محفوظة الى اف اكس ارابيا www.fx-arabia.com