|
الى من يحب ... مصر
بسم الله الرحمن الرحيم كنت اريد كتابة هذا الموضوع منذ 6 شهور ولكنى كنت بكسل ولكن الان وانتخابات الرئاسة الاخيرة بعد اسبوع يجب ان اكتب شهادة حق لأوضح بعض الاشياء الغائبة عن العقول التى غسلها الاعلام والاعلامييون الى من يقول ان الاخوان كذابين ومنافقين !!!! الى من يقول انهم ركبوا الثورة ويريدون التكويش على السلطة !!!! الى من يقول انهم يريدون الدولة الدينية وانهم قتلة !!!! تعالوا معى لنتكلم بالمنطق والعقل انا مش هقول هذا قال وهذا لم يقل لاء بالمنطق والعقل فقط اولا : تاريخ الاخوان ممكن تدخل على موسوعة ويبيكيديا وتشوف حيث ان هذه الموسوعة هى الاكبر والاصدق بنسبة كبيرة على الانترنت او انك عندك بعض الكتب التاريخية لأكثر من كاتب اما من يأخذ التاريخ من جوجل او اليوتيوب فأنصحه ان لايأخذه من الاساس !!! وعموما اعتقد ان اى شخص لا يعرف عن الاخوان الا انهم جماعة مضطهدة منذ 1930 وحتى الان معتقلات وسجون ومحاكم عسكرية واعدامات !!!! هل تعلم او قرار طلع لحل الجماعة وسجنهم كان لماذا ؟ كان من النقراشى باشا لان الاخوان المسلمين وبشهادة العالم كانوا الشوكة فى ظهور وصدور اليهود فى حرب فلسطين وكانوا يقاتلون هناك ولهم اساطير وبطولات معروفة .... فضغط الانجليز على النقراشى لكى يبعدهم عن الحرب وعن اليهود فأمر بحل الجماعة وسجنها وكان السبب الاخير فى سيطرة اليهود على فلسطين بعد ان خانها الحكام العرب بالاسلحة الفاسدة من قبل وهنا تم قتل النقراشى على يد شاب دكتور من الاخوان ... ولكن هل تعلم ماذا قال حسن البنا ( مؤسس الاخوان ) عنه قاتل النقراشى بالرغم من استحقاقه على هذا .. ؟ قال : انهم ليسوا اخوانا وليسوا مسلمين ونحن نتبرأ منهم امام الله هذا جزء من تاريخ الاخوان الذى يحاول الان بعض الشباب على الانترنت ان يزوروه ومعتمدين فى هذا على ان شباب اليوم يأتى بالتاريخ من جوجل واليوتيوب !!!!! او من برامج التوك شو!!!!! ثانيا : الاخوان عند الثورة الاتهام الاول : منزلوش الثورة من اول يوم المرشد قال مش هننزل ولكن هل هذا منع شباب من الاخوان من النزول فى اول يوم !!!! الكنيسة قالت مش هننزل ولكن هل هذا منع شباب مسيحيين من الزول فى اول يوم بعض شيوخ السلفية قالوا مش هننزل والاباء والامهات قالوا لأبنائهم مش هتنزلوا والاخ الاكبر قال لاخوه الصغير مش هتنزل ..... ولكن هل منع من هذا وذاك من النزول حسنى مبارك قال نحن فى سلام مع اسرائيل وحبايبنا فهل معنى ذلك ان شعب مصر موافق وانه يتعامل مع اليهود !!!!! والسؤال هنا هل معنى ذلك ان كل هؤلاء ركبوا الثورة ؟!!!!! هل كل من لم ينزل فى الميادين فى اول يومين فقط من الثورة يعتبر ركب الثورة ؟!!!! اذن 50 او 100 الف اللى نزلوا الميادين همه اصحاب الثورة والباقى ركبوها !! اذن يوجد تقريبا 89 مليون والنصف ركبوا الثورة !!!!! لكن الاعلام والناس اختزلوا هؤلاء فى الاخوان والسلفيين فقط ولو اكملت بهذا المنطق اذن من حقى ان اقول ان الشعب المصرى باع الثورة بعد الخطاب الثانى لحسنى مبارك بعد ان تعاطف معه 90 % من الشعب وكاد ميدان التحرير ان يكون فاضى !!!! تبقى بعض الالاف من الثوار والكل يعلم ان كان معظمهم من الاخوان وان هم من تصدوا للبلطجية فى موقعة الجمل صباحا بعد الخطاب ... اذن من حق الاخوان ان يقولوا ان الثوار باعوا الثورة وتركهم لوحدهم فى الميدان .... اذن الاخوان شاركوا فى الثورة رسميا من جمعة الغضب ومش رسميا من اول يوم كان لهم الدور الاكبر فى موقعة الجمل والوقوف فى ميدان التحرير والذى اعتبره يوما فاصلا فى الثورة بعد تعاطف معظم الشعب بعد خطاب مبارك واستمروا فى الميادين حتى يوم تنحى مبارك فكيف تقولون بعد هذا انهم ركبوا الثورة !!!!! اصبح الاعلام وكارهين الاخوان يرددون الكلام ولا يعقلونه ... يقولك : الاخوان راحوا يتفاوضوا فى عز الثورة مع عمر سليمان جميع القوى الثورية والاحزاب السياسية بما فيهم الاخوان ذهبوا للجلوس مع عمر سليمان و كلهم رفضوا انتهاء الثورة او الموافقة على ما أراده سليمان اليس هذا ما حدث !!!!! مجرد تلاكيك وكلام مكرر ولا احد يفكر !!!! بدأت مرحلة المظاهرات الفئوية والاعتصامات وكان الاخوان فى المليونات المهمة مثل وثيقة السلمى وجمعة المطلب الواحد وكان الشعب كله هناك اليس هذا صحيح ؟!!!! قرر الاخوان الابتعاد عن المظاهرات الفئوية وابتعد عن احداث محمد محمود ومجلس الوزراء ... طبعا هتقولوا انه كده باع الثوار والثورة !!!! اكثر من 85% من الشعب المصرى كان ضد هذه المظاهرات الفئوية والاعتصامات وكانوا يريدون الاستقرار ... اذن 85% من الشعب باع الثورة !!!! 77 % من الشعب قال نعم فى الاستفتاء فقلتهم الاخوان اخطئوا ... ماشى وأخطأ معهم 77% من الشعب فى الدستور الذى ثبت فيما بعد انه لم تكن لتفرق نعم او لا قرر الاخوان وغيرهم الدخول فى البرلمان والاستمرار فى الطريق الديمقراطى فقلتم انه باعوا الثورة !!!! 85% كانوا يريدون هذا الطريق ولم يكونوا يريدون المظاهرات اذن 85% من الشعب المصرى باع الثورة !!!!! معلش انت لو هتقول ان هذا اسمه خيانة وبيعا للثورة .... اذن هات معاهم كل الناس الذين وافقوهم على هذا .. ولا تأتى بالاخوان فقط ... صح ؟!!! فشل العصيان المدنى فشلا ذريعا وتقريبا لم يوافق عليه الا 5% من الشعب المصرى فقلتم ان الاخوان باعوا الثورة ... ماشى ومعاهم 95% من الشعب المصرى ... اصبح الاعلام يتلكك للاخوان واى خطأ من الشعب يستثنى من يلزقه فى الاخوان اى كارثة تحدث فى مصر من جرائم وحرائق اذن مجلس الشعب هو المسؤل !!!! ده على اساس انه مجلس الشعب من مهامه الداخلية والامن !!!!! او السيطرة على الحكومة والقرارات !!!!!! قلتم على المجلس ملهوش لازمة وهذا والله منذ اول اسبوع او اثنين !!! ولكن لكى تعرف انجازات مجلس الشعب فى خلال 4 شهور يجب ان تعلمها من شيئين الاعلام وهذا كاذب ومنافق ولايريد ان يظهر اى شىء ايجابى للمجلس او ان ترى الجلسان بنفسك وهذا طبعا صعب على اى شاب ان يجلس بال4 او 5 ساعات يوميا فأصبحنا نررد كالبغبغانات ما يقوله الاعلام ... المجلس ملهوش لازمة ومعلملوش حاجة طب حضرتك ممكن تخش على موقع مجلس الشعب وتنزل الفيديو الذى به انجازات مجلس الشعب فى 4 شهور وقولى ايه رأيك ؟ قلتم انهم كذابون لانهم قالوا لن نرشح رئيس او سنأخذ 30% فقط من المقاعد ؟ بالنسبة ل 30% من المقاعد فأكيد ان شخص بيفهم فى الحساب ومتابع لانتخابات مجلس الشعب انك علشان تخش على 30% اذن لازم تخش على 60% علشان تاخد ال 30% طبيعى يعنى انى استحالة اظبطها انى هكسب 30% وبس وبعدين انتوا نسيتوا ان مكنش فيه الا الاخوان وبس اصلا !!!!!! انتخابات الرئاسة : اخذوا قرار بعدم ترشيح رئيس وغيروا القرار بعد عام وهذا اكثر شىء تم تضخيمه ومهاجمة الاخوان به !!!! مع انه اكثر شىء طبيعى جدا ومن اخذ يردد انهم منافقون وكذابون فهو واحد من الاثنين اما جاهل سياسيا .... او كالعادة كاره للاخوان السياسة متغيرة والقرار السياسى يتغير كل دقيقة وكل ساعة وكل يوم والقرار يؤخذ على حسب المنظر السياسى الحالى وبعدين هل هذا القرار أضر بأحد !!!!! الاخوان كانوا يتوقعون شيئا ووجدوا شىء اخر تماما وقرروا ترشيح رئيس على حسب المتطلبات السياسية الجديدة هل يوجد انسان مصرى فى خلال السنة والنصف الماضية لم يغير أراؤه او قراراته اكثر من مرة !!!!!!! هل ترون ان المشهد السياسى فى مصر فى خلال عام ونصف كان ثابت ولم يتغير !!!! ألم ترون ان مجلس الشعب لا سلطة له وانه من الممكن ان يتم حله فى ثوانى من المجلس العسكرى ألم ترون ان مجلس الشعب فى معظم الاحداث كان يعمل لجان تقصى حقائق وفى الاخر كان بيطلع تقرير واضح بالمجرمين او الاخطاء وبعد ذلك يعطيه للجهة المسؤلة للتحقيق ولكنه كان يرمى فى ادراج المكاتب فى مليون سبب لتغيير القرار الذى هو فى الاصل ليس عيب او خطأ او جرم لأاغير قرار سياسى لم يضر بأحد ولكن كعادة الاعلام والبغبغانات من بعدة يرددون ولا يفقهون وتقولون فى اتهام اخر ان الاخوان سيطروا على المناصب فى الدولة !!!!! ده على اساس ان 47% من مجلس الشعب الذى هو بدون سلطة بالاضافة الى بعض النقابات يجعلون الاخوان مسيطرون على البلد !!!!!!!! الاخوان حزب وطنى جديد .... وهل الحزب الوطنى كانت المشكلة فيه انه اغلبية !!!! ام انه فاسد مرسى رئيس ووراءة جماعة وليس بمفرده !!!! والمفروض ان ده حاجة عيب او غريبة .... فى امريكا المؤسسات من تحكم واوروبا كذلك والحزب الذى يأخذ الاغلبية هو من يشكل الحكومة وحزب الاغلبية معظم الاشياء القانونية او السياسية المعمول بها فى دول العالم عندما يعمل بها فى مصر تكون شيئا مرفوضا وغريبا !!!!! مثل الاشياء الغريبة التى سمعنا بها كرئيس توافقى !!!! مجلس رئاسى حاليا وطبعا لو حمدين من كان فى الاعادة لم نكن لنسمع به الاخوان يجعلون الدولة دينية !!! السلفيين لايحبون الاخوان لان الاخوان اصحاب طريقة الدين الوسطى وبعدين حد سمع ان الاخوان قالوا سنطبق الشريعة او هنعمل جزية على المسيحيين او .. او .. انتوا اكيد سمعتوا ده لكن من المذيعيين المنافقين وليس من الاخوان نفسهم ومعظم الاتهامات للاخوان لو لاحظتوا كلها افعال مستقبلية !!! هيعملوا وهيسوا وه ... وه ... الاخوان لهم اخطاء ؟ نعم لهم اخطاء سياسية ولكن كلها نتيجة خطأ واحد فقط وقع فيه الاخوان ومعهم معظم الشعب المصرى وهو انهم اعتقدوا ان الثورة نجحت خلاص !!! وانهم وثقوا فى المجلس العسكرى بانه لن يتدخل فى الانتخابات اعتقدوا انهم ظنوا انه من الممكن ان تسير العملية الديمقراطية السليمة بوجود المجلس العسكرى والنظام القديم هو من يحكم !!!!! اعتقدوا بان الشرعية اصبحت للبرلمان وليس للتحرير مع ان هذا صحيح فالشرعية للبرلمان ولكن ليس تحت حكم النظام القديم وعندما عرفوا انهم انضحك عليهم اعتذروا للشعب ويسيرون حاليا فى الطريق الصحيح نزلوا الميدان مع انهم حتى عندما نزلوا قيل علشان الانتخابات !!!! ولو لم ينزلوا سيقال علشان باعو الثورة !!!! هذه هى اخطاء الاخوان وهى سياسية ولكن لم يقتلوا لم يسرقوا لم يخربوا مصر وشعب مصر لم يكذبوا ولم يبيعوا الثورة بل خدعوا مثلهم كمثل معظم الشعب المصرى الخلاصة : يمكن فيه ناس كتير تعرفنى فى المنتدى وتعرف ان لى مواضيع كثيرة عن الاسلام ولكنى لم اكتب موضوع واحد عن الاسلاميين منذ انتخابات مجلس الشعب لانى صراحة زهقت ولكن لما يكون الموضوع ان الرئيس شفيق او مرسى اذن لازم اتكلم لما يكون الموضوع ان فيه ناس بتقول ان مفيش فرق بين الاثنين يبقى لازم اوضح اتق الله يامن تقول ان الاخوان أسوء من شفيق الاخوان لا يأتون ذرة فى ظلم او فساد النظام القديم ألم تأخذوا بالكم حتى الان من خطة المجلس العسكرى والنظام القديم من اشعل الثورة من الاول ؟ الشباب وبالذات 6 ابريل وكفاية من حماها واشعلها اكثر واكثر ؟ الاخوان والشعب المصرى من الذين اختارهم الشعب فى البرلمان ؟ الاخوان طب من اكثر من تم مهاجمته فى الاعلام وتشويه سمعته ؟ شباب الثورة وبالاخص 6 ابريل وطبعا الاخوان ومن الان فى صراع الرئاسة ؟ الثوار والاخوان ... والنظام القديم هل وصلت الان ام ان الاعلام سيطر على رؤسكم وغسلها تماما !!!! من هو صاحب الاعلام ؟ رجال اعمال مبارك والنظام القديم أتحدوا ولنسقط شفيق وحكم العسكر وبعدها اذا لم تجدوا فى الاخوان الا الظلم والسرقة فلتثوروا عليهم والموضوع ليس صعب لا تجعلوا الاعلام المنافق الكاذب والشخصيات الاعلامية الفاسدة ان يسيطر على عقولكم ويجعلكم تقولوا فى الاخر مش هتفرق اخوان او شفيق لا هتفرق وهتفرق قوى مش الاخوان اللى قتلوا ابناء مصر فى الثورة مش الاخوان اللى سمموا الشعب بالفساد مش الاخوان اللى قتلوا الشعب المصرى فى حوادث القطارت والعبارة والاكل المسمم مش الاخوان اللى سلبوا الشعب المصرى كرامته فى الاقسام وامن الدولة مش الاخوان اللى اخذوا المناصب وعملوا الكوسة و الوسطة مش الاخوان اللى اغلقوا المعبر امام اخواننا فى غزة ولم يوافقوا حتى على ارسال المعونات اليهم مش الاخوان الذى جعلوا الانسان المصرى بلا ثمن خارج مصر مش الاخوان همه اللى دفنوا مواهب الشاب المصرى وقتلوا حلمه سواء بالاهمال او بالمخدرات مش الاخوان همه اللى خلوا ابن الظابط ظابط وابن القاضى قاضى وابن الكلب مليونير مش الاخوان اللى خلوا لاعبين الكرة والراقصات والمغنيين هم نجوم المجتمع واغنياء مصر والدكاترة والمهندسين مش لاقيين ياكلوا مش الاخوان اللى اعطوا البراءة لجمال وعلاء مبارك ومساعدين وزراء الداخلية وباعوا دم الشهداء وقتلوا قلوب امهاتهم مش الاخوان اللى خلوا المصرى يستعر ويكره مصر ويكره يقول انه مصرى وبعد كل ده عايز تقولى مفيش فرق بين الاخوان ونظام مبارك !!!!!!!!!!! ملحوظة اخيرة : وانت شاب ولما كنت بتقعد على القهوة او بتقابل المزة بتاعتك كان شباب الاخوان يعذبوا فى المعتقلات لما كنت بتروح امتحاناتك كان الاخوان بيروحوها فى سيارة الترحيلات وانت قاعد بتشرب سيجارة الحشيش وبتتفرج على فيلم لامؤاخذة كان شباب الاخوان مخفى فى قبو امن الدولة علشان بيقول كلمة الحق وكان شباب السلفيين فى المسجد او امن الدولة ايضا بيدعوا على الفاسدين ويدعوا لاصلاح مصر والمصريين |
رد: الى من يحب ... مصر
im sorry i disagree with you 100%
|
رد: الى من يحب ... مصر
كنت اتمنى ان حمدين صباحي يكون فى الآعادة .
ولا شفيق ولا الآخوان مرغوب فيهم من معظم الناس . بالنسبة لملحوظتك الآخيرة ، كان فى شباب 6 ابريل و حركة كفاية و ناس كتير كانت شايله هم البلد ومش راضية بالى بيحصل مش الآخوان بس !!! مع العلم ان 6 ابريل و كلنا خالد سعيد هم من دعو اصلا لـ 25 يناير ومن بعدها جمعة الغضب فالأخوان زيهم زي ناس كتير ف بلاش تتكلم بمنطق ان الآخوان هم الناس الوحيدة الى اتبهدلت وكانت قلقانه على حال البلد و الباقي كان نايم فى العسل ! http://img13.imageshack.us/img13/768...8138977173.jpg |
رد: الى من يحب ... مصر
اتمنى ان يكون النقاش هادفا بعيدا عن الالفاظ التجريحية موفقين
|
رد: الى من يحب ... مصر
كلمات قليلة ستغني عن كثير من الكلام عندما تحرك الشباب بنية صافية لوجه الله تعالي لرفع الظلم عن الشعب و الوطن و الوقوف في وجهه الطاغية
استجاب الله لهم بمشيئتة و حقق ما يسعون الية ولكن ما فائدة نضال 80 سنة دون نية خالصة لوجه الله سوى ان تضيع هباءا دون اي مكاسب تذكر هل حقق الأخوان اي مكاسب للشعب المصري واقصد هنا فائدة عامة للشعب طوال تاريخهم قبل 25 يناير .. مجرد تسائل |
رد: الى من يحب ... مصر
اخى الكريم
تاريخ الاخوان لا يعنينا فى شئ الان دعنا نعيش الحاضر الواقع يقول ان حزب الحريه والعداله هو حزب سياسي طامع فى السلطه بلا شك وهذا حقه وانه قاب قوسين من ان يستحوذ على جميع السلطات ( برلمان ونقابات ورئيس ثم محليات) هو سيرث الحزب الوطنى بلا شك احب التنوع وكنت اتمنى محمد البرادعى وزويل وجميع القمم المصريه تتوج المناصب فى مصر لكن للاسف هناك من يريدون لمصر ان تفقد تنوعها وتصبح سعوديه اخرى وفى النهايه سأقول لك كما قال المعتمد بن عباد حين وقع فى الاختيار بين مهادنه الصليبيين وتركهم يستحوذون على باقى ممالك الاندلس بينما يدفع لهم الجزيه وبين الاستعانه بالمرابطين البدو فى ارض المغرب ومحاربه الصليبيين ( وقد حذره رجاله من طمع المرابطين فى ارض الاندلس) فقد قال لهم لأن ارعى الغنم فى صحراء المغرب خير من ان ارعى الخنازير فى حدائق قشتاله (ارض الصليبيين) انا ايضا سأختار ان ارعى الغنم فى ظل حزب الحريه والعداله وسأختار محمد مرسى وبعد اربع سنوات ان شاء الله سأختار المعتز بالله عبدالفتاح رئيسا |
رد: الى من يحب ... مصر
اقتباس:
اولا : ان 6 ابريل وكفاية هم من اشعلوا فتيل الثورة ثانيا : لم اقل ان الاخوان فقط هم من عذبوا وذكرت الاخوان فقط لانى موضوعى عنهم والدفاع عنهم !!! ثالثا : ياريت نسيبنا من الصور والبوستات بتاعة الفيس بوك علشان انا ممكن اعملك 100 واحد زيهم رابعا : انا المهم عندى اسقاط شفيق وليس انجاح مرسى والا كنت كتبت هذا الموضوع قبل الجولة الاولى من انتخابات الرئاسة او بعد انتخابات مجلس الشعب خامسا : انا ممكن اجيبلك 100 بوست عن حمدين وانت عارف كويس ان القناع سقط عن حمدين ولكن هدفى الان ان نتوحد لاسقاط شفيق وليس الهجوم على الاخرين |
رد: الى من يحب ... مصر
اقتباس:
ولا اعرف كيف حكمت على نيتهم !!!!! والنية بين الله والعبد وتقول مافائدة نضال لمدة 80 سنة دون مكاسب وكيف سترى المكاسب من غير صوت او سلطة فى يد الاخوان وهم طوال ال80 عاما فى المعتقلات والسجون وممنوعون من الامساك بأى سلطة حتى ولو عمدة قرية !!!! طب مالشعب المصرى ناضل الانجليز 82 عاما وتوجد شعوب ناضلت الظلم بالسنين والقرون والشعب الفلسطينى مازل يناضل حتى الان فهل استطيع ان اقول له توقف عن النضال فأنت لم تأتى بأى مكسب !!!!!! |
رد: الى من يحب ... مصر
اقتباس:
لكن لى رأى شخصى فى موضوع ان حزب الحرية والعدالة يريدون التكويش على كل السلطات وهو الاخوان لهم مشروع معين لاصلاح البلد ولكى يبدأوا فيه يجب ان يكونون ممسكين بالسلطات التى تمكنهم من السير فى مشروعهم بدون عقبات او مصادمات او خناقات فتخيل نفسك تعمل فى مصنع كبير كل رؤساء الادارة فاسدين او معظمهم وانت لديك فكر اصلاحى لكى يقوم هذا المصنع على قدمية ويقدم الكثير للبلد وللمستهلكين وللعمال ... فكيف ستفعل هذا اذا لم تمسك بقيادات وادارات المصنع الفاسدة وتطهرها .... الاخوان ايضا يريدون تطهير القيادات والوزارات واى سلطة فى مصر وصدقنى لو يوجد فكر اصلاحى وغير فاسد بالطبع سيتركونه بل سيجعلونه اقوى واكبر واجعلنى اسألك سؤالا اخيرا : هل لو الحزب الوطنى كان عادلا ومنتجا ونظيفا وليس عليه اى شبه فساد ... هل كنت ستتضايق من انه اغلبية ؟ طبعا لاء وكنت ستدعمه ليكون اغلبية اكثر واكثر فالتنوع احيانا يكون تدمير وليس اصلاح ويكون تعطيل وليس انتاج فلماذا حكمت على التنوع انه الافضل ولم تفكر فى العكس واخيرا ما يهمنى فى رأيك هو اسقاط شفيق:1 (105)::1 (105): حتى لو انت قرفان من الاخوان |
رد: الى من يحب ... مصر
اقتباس:
ليكتشف مدي التناقض الذي يتمتع بة هذا الفصيل .... ثانيا هل حينما اطلق البردعي حملتة لنزول 2 مليون شخص لاسقاط النظام كان لدية سلطة او نفوذ وعلي الرغم من انني اختلف معة تمام الأختلاف فلا انكر انة هو السبب الأول في شرارة الثورة و رغم ذلك خونة الأخوان واتهموه بالعمالة والسبب معروف انا لا ادخل في نويا الناس ولكن رب العباد يظهر لنا نويا الناس بنصرتة لكل نية خالصة من كل مصلحة هل الشباب المتواجد في التحرير يوم 25 يناير والي 28 يناير كان يبحث عن عضوية مجلس الشعب او الرئاسة او اي منصب او منفعة ولماذا اختلف الوضع بعد 11 فبراير بعد ان تغيرت النوايا واخذ بعض الأطراف يلمم الغنائم بل و تمنع الأخرين من الأقتراب من الغنائم ان ماحدث بعد 11 فبراير يذكرني بما فعلة ضعاف النفوس في غزوة احد ولكي تعرف الفرق بين النية الخالصة لوجه الله و النية الغير خالصة او يشوبها غرض دنياوي دنئ اسئل من حارب في 1967 و من حارب في 1973 ولماذا انهزمنا في 67 علي الرغم من ان امكنياتنا و تسليحنا في 67 كانت تفوق امكانيتنا 3 اضعاف ما كان لدينا في 1973 الفرق ياعزيزي هنا النية الصادقة التي تؤيدها مشيئة الله |
رد: الى من يحب ... مصر
ها اقولك
شوف راي جمال عبدالناصر شوف راي انور السادات هااقولك شوف راي الناس الان في الاخوان بعد انتخابات مجلس الشعب |
رد: الى من يحب ... مصر
اقتباس:
ذبح الاخوان والثوار والناس الغلبانة اللى ممكن يفكروا انهم يثوروا !!! زيادة عد المعتقلات والكرابيج بنسبة 800% شفيق يمسك الحكم وبعديها ب6 شهور يموت مسموم قضاء وقدر !!!! الغاء التلفزيون تماما وجعل اذاعة الشرق الاوسط هى المنفذ الاعلامى الوحيد لكل المصريين وبث اغنية احنا انتصرنا طول اليوم بالنسبة للسادات طبعا شفيق يحكم لانه راجل عسكرى اعطاء الحرية للاخوان والثوار ثم الزج بهم فى المعتقلات ملحوظة قتلة السادات هم الجماعات الاسلامية المتطرفة و ليس الاخوان وانا أرى ان السادات احسن بكتير جدا من عبد الناصر ومبارك |
رد: الى من يحب ... مصر
مضي علي الثورة سنة ونصف
نظرتي من الوجه السياسي والاحداث الدائرة وهي وجهة نظر شخصية ان الثورة لن تكتمل ولن تنال مرادها كاملا..............الثقل السياسي الخارجي لن يدع الثورة تسير حسب افكار الثوار .........السياسة الخارجية ستنظر لحماية مصالحها عبر وسيطها........... والايام القادمة ستثبت ............. اختلافات الاحزاب السياسية ادت الي التدخل الخارجي الغير مرئي................ الموضوع كبير والمصالح لن تذهب سدي ولن تضيع النجاح لن يكون الا بالعودة الي الله والتمسك بكتابه الكريم وتطبيق سنة نبيه عليه افضل الصلاة والسلام وهو ليس بالقول ولكن بالفعل الحقيقي.............................. |
رد: الى من يحب ... مصر
اقتباس:
]ملحوظة قتلة السادات هم الجماعات الاسلامية المتطرفة و ليس الاخوان وانا أرى ان السادات احسن بكتير جدا من عبد الناصر ومبارك[/QUOTE] [/COLOR][/SIZE] اكمل الجملة يا اخي الفاضل وقل بمباركة ومساعدة من الأخوان و اتحداك لو اي واحد من الصف الأول من الأخوان يستطيع ان يدين هؤلاء القتلة والأهم من ذلك ياريت تبحث عن من مولهم و لمصلحة من تم قتل بطل الأبطال و قاهر اسرائيل ومن ايدة الله بنصره ارجو ان تبحث عن ذلك في منطقة محايدة |
رد: الى من يحب ... مصر
[[/QUOTE]
[/COLOR][/SIZE] اكمل الجملة يا اخي الفاضل وقل بمباركة ومساعدة من الأخوان و اتحداك لو اي واحد من الصف الأول من الأخوان يستطيع ان يدين هؤلاء القتلة والأهم من ذلك ياريت تبحث عن من مولهم و لمصلحة من تم قتل بطل الأبطال و قاهر اسرائيل ومن ايدة الله بنصره ارجو ان تبحث عن ذلك في منطقة محايدة [/QUOTE] والله يا اخى الفاضل انا لم أقرأ يوما فى كتب التاريخ ان الجماعات الاسلامية قتلت السادات بمساعدة ومباركة الاخوان فلو لديك دليل او فيديو على احد الاخوان من الصف الاول كما تقول لا يدين القتلة فياريت نشوفه |
رد: الى من يحب ... مصر
اقتباس:
اكمل الجملة يا اخي الفاضل وقل بمباركة ومساعدة من الأخوان و اتحداك لو اي واحد من الصف الأول من الأخوان يستطيع ان يدين هؤلاء القتلة والأهم من ذلك ياريت تبحث عن من مولهم و لمصلحة من تم قتل بطل الأبطال و قاهر اسرائيل ومن ايدة الله بنصره ارجو ان تبحث عن ذلك في منطقة محايدة [/QUOTE] والله يا اخى الفاضل انا لم أقرأ يوما فى كتب التاريخ ان الجماعات الاسلامية قتلت السادات بمساعدة ومباركة الاخوان فلو لديك دليل او فيديو على احد الاخوان من الصف الاول كما تقول لا يدين القتلة فياريت نشوفه [/QUOTE] من هم الجماعات المتطرفة واين نشأتهم و من زرعهم ومن ومن ومن ومن ومن ومن ووووووووووووووو حديث لا ينتهي وقصة لاتنتهي ونقطة لن نلتقي حولها ابدا وسنري بعد الجولة الثانية من الأنتخابات واذا كانت نتيجة الأنتخابات ليست علي هواهم سنرى عجبا نسئل الله الأمن و السلامة لمصر وليذهب للجحيم كل من اراد بها سوء او مكر لاهلها او خطط ل................................................. ........................................ |
رد: الى من يحب ... مصر
والله انا اتمنى مصر دوله مدنيه يحكمها رجل يتقى الله وان لاتكون دينيه او يحكمها حد من الفلول ومع كامل احترامى للاخوان المسلمين وجهه نظرى البسيطه يبدؤن بالكلام المعسول وينتهون بما لايحمد نتائجه نصل فى النهايه الى ماتختزنه الاذهان عنهم من تعصب فكرى وتطبيق الاسلام بطريقه عمياء انا لم ارى احد من الاخوان يتحدث عن الشاب ايلى مش لاقى شغل ولا لاقى شقه يتجوز فيها ولا عن الاب ايلى مرتبه على قده وعنده كومه عيال والمفروض انه يسرق عشان يصرف عليهم لكن اغلبهم يتحدث عن حرمانيه الغناء وحرمانيه الخمور والسياحه لابد ان تكون مشروعه هذه هى اهم الاشياء طبعا مهمه ولكن متى تاتى هذه الاشياء هى دى القضيه وبالمناسبه لم ارى نتائج لمجلس الشعب حتى الان مع ان الاغلبيه الكاسحه منه اخوان؟؟؟؟
اتمناها مدنيه برئيس غير شفيق وشكرا ع الموضوع الجميل |
رد: الى من يحب ... مصر
اخي الكريم هل تعرف من هو سيد قطب
|
رد: الى من يحب ... مصر
اخى فاروق دائما رائع وكلامك رائع
بارك الله فيك واتفق معك تماما |
رد: الى من يحب ... مصر
اقتباس:
اخى الغالى هيثم على فكرة اخى الاخوان عاملين لنفسهم اغانى وفيها موسيقى ودائما يقولون ان الاسلام لايوجد به ما يمسى بالدوله الدينيه ويقولون انهم يريدون مصر تتقدم مثل تركيا ويحبون ما انجزة رجب طيب اردوغان فى فترة قصيرة هذا فقط للتوضيح واتفرج على قناة مصر 25 فهى ملك الاخوان حسب علمى والله اعلم احلى تحيه ليك يا غالى |
رد: الى من يحب ... مصر
طيب اخوانى شوفتوا شفيق بيذم فى الاخوان ازاى دلوقتى وبيقول كلام توفيق عكاشه الغير حقيقى بعد طبعا ما حمله محمد مرسى رفت قضيه ضد توفيق عكاشه علشان بيزور التاريخ والحاضر
بالرغم ان احمد شفيق كان قبل كدا بيمدح فى الاخوان وبيشكر فيهم شوفوا طيب الفيديو دة وقولوا سبحان الله http://www.youtube.com/watch?v=uUbgQyubHGs |
رد: الى من يحب ... مصر
اقتباس:
اولا : الدولة المدنية يعنى مرسى اما شفيق عسكرية انما الدولة الدينية هيه الدولة التى تحكمها الكنيسة او الجامع ويكون اسمها الدولة الثيوقراطية اى ان رجال الدين هم من يحكموها وهذا شكل من اشكال الدولة الذى حتى لم يطبق اثناء عصر الاسلام والخلفاء بل طبق فى العصور المظلمة فى اوروبا ثانيا : الاخوان بعيدين عن هذا الموضوع والسلفيين هم الاقرب لهذا ثالثا : بعد انتخابات مجلس الشعب اصبح جميع المذيعيين عندما يستضيفوا الاسلاميين لا يسألوهم الا عن الخمور والسياحة حتى ان كثير من الاخوان السلفيين قاطعوا هذه البرامج لهيافتها واكثر من مرة ان يقول احدهم : انا جاى ومعايا مشروع لاصلاح كذا وكذا وانت بتسألونى عن الخمرة والمايوهات !!!! لذلك يا اخى ستجد ان الاعلام هو من ادخل فى عقول الناس ان الاسلاميون لا يتحدثون الا عن الخمور والمايوهات وعموما اتحداك ان تأتى بأحد الاخوان المسلمون انه قال ان الغناء او السياحة حرام او انه قال انه سيمنع الخمور فاذا كنت لا تسمع كلامهم عن باقى احوال البلد اذن فأنت لا تستمع اليهم اصلا !!!! وبالنسبة لنتائج مجلس الشعب فأنت لو تتابع الجلسات فلن تقول عنه ماقلت وعموما تفضل هذا الفيديو فيه انجازات مجلس الشعب فى 100 يوم والذى لم يتحقق فى 10 سنوات ماضية !!!! http://www.youtube.com/watch?v=_e42r...&feature=share |
رد: الى من يحب ... مصر
اقتباس:
اقتباس:
|
رد: الى من يحب ... مصر
اقتباس:
ستراه فى جميع المخلوقات ، الانسان والطير والوحش والحشرات والنباتات والالوان التنوع يعنى وجود سلمان الفارسى الذى حفر الخندق وبلال الحبشى صاحب الصوت العذب صهيب الرومى التنوع يعنى الاستفاده من جميع الافكار والرؤى وضخ دماء جديده فى الشرايين التنوع يعنى ان نجد من يزرع ومن يصنع ومن يحفر ومن يتاجر اذا اردت ان تعرف ايهما افضل ؟ التنوع ام التقولب فدقق النظر وافتح قلبك وعقلك تحياتى |
رد: الى من يحب ... مصر
رئيس لجنة الفتوي بالأزهر الشريف : شفيق سكران ولا يدري ما يقول ولا يحترم سنه
صرح الشيخ جمال قطب الرئيس الأسبق للجنة الإفتاء بالأزهر، أن شفيق "يقول كلاما وهو سكران لا يعرف ما معناه، وأنه وضع نفسه تحت المفرمة على حد قوله ، فهو يخطئ كثيرا فى الدين وفى أحكام الشريعة الإسلامية. وأضاف الشيخ جمال قطب : أن هذا "الرجل من المفروض أن يحترم سنه لأنه رجل كبير فى السن لكنه يهين نفسه بكلامه الكثير الذى يصدر عنه وهو شبه سكران"، على حد تعبيره. وجاءت تلك التصريحات في معرض رفضه لتصريحات شفيق حول حذف آيات كتاب الله عزوجل (القرآن الكريم) من المنهاج التعليمية والتي وصفها بالمشينة. |
رد: الى من يحب ... مصر
يا شباب
احنا بنتكلم علي الاخوان اية اللي جاب دلوقتي شفيق احنا بنتكلم علي الاخوان اللي ادو وعود الي الناس ان احنا مش ها نرشح حد لرئيس الجمهورية وبعدين رشحو اتنين وقال اسباب ترشحهم لرئيس مصر ودا انهم مش في ايدهم السلطلة التنفذية وقالو كتير تفتكر يااخي غير رايهم في الموضوع دا تفتكر ازاي اصدقهم تاني في الوعود الحالية بس يا اخي انا راي جاي الاخوان جاي شفيق لازم اي واحد يجي نقف معا عشان البلد تتحرك خطوة همسة : عماد الدين اديب سال الكتور مرسي انت لو نجحت قال يبقي الصندوق عايز مرسي ساله تاني ولو مجتش يبقي الثور لسه مستمر وينفعش حد من النظام ياتي تاني المفرود انه يحترم الراي والراي الاخر حضرتك احنا مش عايزين تاني نرجع لفكرة الاقصاء ان راي واحد بس هو اللي موجود حضرتك المفرود انك اقتنعت ان الانتخابات مجلس الشعب سليمة وانتخابات رئيس الجمهورية سليمة يبقي الاعادة لو جات بالدكتور مرسي تكون سليمة ولو مجاش مرسي تكوني غير سليمة والله مصر ما عملتش حاجة عشان نعمل فيها كدة والله حرام |
رد: الى من يحب ... مصر
اقتباس:
اولا : هذا الموضوع لاسقاط شفيق لان نجاح شفيق معناه ارجاع النظام مرة ثانية وهذه كارثة كبرى ثانيا : انت ذكرت ان سبب عدم تأييدك للأخوان انهم رجعوا فى كلامهم وانا اظن انى شرحت هذه النقطة فى اول الموضوع وعموما اذا كان هذا هو السبب فاظن ان شفيق ايضا رجع فى كلامة وتفضل الفيديو الذى قال فيه انه استحالة ان يتقدم للترشح بسبب كبر سنة http://www.youtube.com/watch?v=lTPEVuSi4Ok ثالثا : مرسى قال لو جاء شفيق بالتزوير فتكون الثورة |
رد: الى من يحب ... مصر
اقتباس:
لو نجاح الدكتور مرسي حضرتك ها تعمل اية ولو نحاج شفيق ها تعمل اية علي فكرة دا نقاش بدون زعل احنا اخوات |
رد: الى من يحب ... مصر
اقتباس:
يا غالى كنت اتعب نفسك شوية و راجع ارشيف المصري اليوم على موقعهم قبل اتهامك انها كلها فبركة !!! http://today.almasryalyoum.com/artic...8&IssueID=1965 ثم قناع ايه الى سقط عن حمدين ؟ ياريت تفاصيل وتوضحلنا بأدلة |
رد: الى من يحب ... مصر
اقتباس:
شفيق حصل على 6 مليون صوت تقريبا والمفروض ان منهم على الاقل 2 او 3 مليون مزورين سواء باسماء المتوفين او عساكر الداخلية وهذا ليس كذب او اشاعة بل كله موثق بمحاضر ودلائل ولكن القى بها فى ادراج النيابة والشرطة الفاسدة يعنى العقل والمنطق بيقول ان شفيق لو هيزيد يبقى مش اكتر من كمان مليون او اتنين يعنى اخره مابين 7 و 8 مليون صوت مرسى ضامن فى جيبه على الاقل 10 مليون بتوعه وبتوع ابو الفتوح وكمان 4 على الاقل من حمدين والعوا والباقى اذن النتيجة المنطقية هى فوز مرسى وباكتساح اما لو جائت النتيجة بفوز شفيق ب15 او 16 مليون صوت يبقى باين قوى انها مزورة بالاضافة الى انه اكيد هنرى مظاهر للتزوير اكثر من المرة الاولى والخطأ هو خطأنا نحن لاننا سمحنا للمجلس العسكرى الفاسد ان يحكم مصر فى هذه الظروف ولاتقل لى اننى سأقول انها مزورة لخسارة مرسى فانتخابات مجلس الشعب كانت نظيفة ولم نسمع اى شبهة فيها واخيرا ايضا لاتقل اننى هكذا لا احترم الديمقراطية لان الديمقراطية تحت النظام القديم فاسدة واذا كان النظام القديم لم يحترم دماء الشهداء ولم يأتى بحقهم ولا بحق مصر من سارقيها فلن احترم الديمقراطية الخاصة بهم انا الاخر |
رد: الى من يحب ... مصر
اقتباس:
حضرتك قولت ان في اصوات من اصوات شفيق مزورة طيب بدل دا كله موثق حضرتك مجلس شعب الاخوان ما عملش وقفة لية وطلب التحقيق السريعة وكان استبعاد شفيق ونجاح حمدين انا كنت بتمنا حمدين يكون في الاعادة صدقني كان الدكتور مرسي ما حصلش الا علي اصوات الاخوان سوال تاني لحضرتك هو مين كتب برنامج الدكتور مرسي حضرتكم بتقوله ان الدكتور مرسي كان عالم في ناسا هل دي صحيح |
رد: الى من يحب ... مصر
اتفضل خبر انه اصوات الانخابات مزورة
كشفت تحقيقات شريف توفيق رئيس نيابة الدقى عدم وجود بلاغ بما نشر بأنه تقدم النقيب عبد الرحمن منصور النشار من قوات الأمن المركزى للنائب العام ويتهم فيه مجموعة من ضباط الشرطة لقيامهم باصدار بطاقات رقم قومى لأمناء وعساكرشرطة امن مركزى تجاوز عددهم 900 ألف بطاقة رقم قومى من محافظة الجيزة كما كشفت التحقيقات عدم وجود ضابط بهذا الإسم والذى نشر انه تقدم بالبلاغ. وقررت النيابة استدعاء المحررالذى قام بنشر الخبر للإستعلام عن الخبر. وكان قد نشر أن نقيب شرطة يدعى عبدالرحمن منصور النشار، من قوات الأمن المركزي قد اتهم مجموعة من ضباط الشرطة بإصدار بطاقات رقم قومي لأمناء شرطة وعساكر أمن مركزي للسماح لهم بالتصويت في الجولة الأولى من الإنتخابات الرئاسية. وتقدم الضابط ببلاغ للنائب العام ذكر فيه أن البطاقات الجديدة تُستبدل فيها مهنة العساكر والضباط، ليكون بمقدورهم التواجد وسط الناخبين والتصويت للفريق أحمد شفيق دون ملاحظة المندوبين والقضاة . وأرفق الضابط مع البلاغ صورا من البطاقات القديمة للعساكر والضباط وصور للبطاقات الحديثة، بالإضافة إلى صور لكشوف من دفاتر السجل المدني تثبت استخراج 900 ألف بطاقة من محافظة الجيزة. وكان د.سمير صبرى المحامى قد توجه للنيابة للإستعلام عن مدى صدق الخبر من عدمه . شاهد المحتوى الأصلي علي بوابة الفجر الاليكترونية - مفاجأة : لاوجود للبلاغ المقدم بإتهام 900ألف عسكرى بتزوير البطاقات الإنتخابية |
رد: الى من يحب ... مصر
"ناسا" تنفي عمل "مرسي" بالوكالة وتؤكد اشتراطها الجنسية الأمريكية
|
رد: الى من يحب ... مصر
على فكرة يا جماعه دكتور محمد مرسى بالامس ليه لقاء مشترك رائع وكان يذاع على سبع قنوات محترمه ومنهم قناة الرحمه والناس ومصر 25 وصرح دكتور محمد مرسى انه لم يعمل بوكاله ناسا هذا فقط للعلم |
رد: الى من يحب ... مصر
|
رد: الى من يحب ... مصر
يا جدعان انا مش عارف الناس اللي بتقارن شفيق ب مرسي بيعملوا المقارنه علي اي اساس ؟
انا واحد انتخبت ابو الفتوح في المرحلة الاولي و عارف ان الاخوان غلطوا كتير و عملوا خلال الفترة اللي فاتت اخطاء بس عملوا ايه اخطااااااااااااااااااااااااااااااااااااااااااااااا ءءء مش خطااااااااااااااااااااااااااااااااااااا يا واخدين بالكم و بعدين انا ليا ناس صحابي كتير من حملو حمدين في اسكندريو و صوتهم لمرسي و عجباني وجهة نظرهم دلوقتي لو مرسي فاز معروف ان في تيرات معارضة كتير مستنياه لو عمل حاجه غلط الشعب اللي لو حس ان الراجل دا مش تمام علي طول علي الميادين و انا واحد منهم الاعلام اللي من دلوقتي شغال لشفيق الله ينور حستلموا استلامه حلوه الجيش اللي اكيد نفسه راجل عسكري هو اللي يمسك يعني لو الشعب مش حيكون راضي عنو بعد كده سهل يتشال . تعالي بقي علي شفيق معاه الشرطة و الاعلام و الجيش و رجال الاعمال و اصحاب المصالح في عهد مبارك و رؤساء امن الدولة ( اللي لسه واخدين براءه ) ماشي حنعمل ثورة تانية و نشيل النظام تاني بس البلد حتبقي عاملة ازاي كام واحد حيموت تاني غير شهدائنا اللي ماتوا اكيد مش حينفع نشيلوا بسهولة ببساطة عشان اللي حيتكلم حيقولوا الشعب هو االي اخترني و دي ارادة الصندوق و الله انا ولا اخوان و لا حاجه بس بجد اللي يقلب في التليفزيون ساعة بس علي القنوات يلاحظ ان في افترا جامد اوي و توجيه واضح جدا لشفيق . مينفعش اقارن او اقول لأ انا حقاطع صوتي لمحمد مرسي |
رد: الى من يحب ... مصر
رايى فى الاخوان انهم للأسف بيتعرضوا لحملة قذرة من الأعلام وبشراسة وفعلا بتقدر كل يوم تسئ لهم وبتضعهم بشكل العدو الخطير على الشعب المصرى
وللأسف الأخوان بجدهم انظلموا فى عصر المخلوع وايضا مستمر الظلم لهم فى عصر الثورة بالأفتراءات والكذب ووضعهم موقف العدو وعلى فكرة انا مش اخوانى وبهاجم الأخوان فى مواقفهم وسياستهم اللى فى كتير من الأحيان مش بتعجبنى لكن ده مايمنعنيش ابدا من كلمة الحق. لعبة السياسة دايما لها قواعد وبتلعب فيه المصالح ورؤية كل واحد بطريقة مختلفة وده طبيعى لكن للأسف النخب السياسية عندهم عقم فظيع فى المجال او المصالح بتعمى العقول والقلوب وتخليك تلعب باى سلاح تملكه حتى لو كان كذب وافترى واعتقد من قمة السفه ان اشبه الأخوان او اضعه فى وجهه مقارنة مع النظام السابق الفاسد القاتل المجرم السفاح السارق والناهب والممرض وكل صفات الاجرام فيه وبجد بستعجب جدا ان فيه حد انتخب اللى اسمه شفيق ده بجد بيعرفنى بقيمة الحكمة اللى تقول الجاهل عدو نفسه وفى رايى اى حد انتخب شفيق هو يأما منتفع من النظام السابق وهو ظالم زيهم ومشارك لهم فى الفساد يأما مغفل مش فاهم حاجة ياجاهل مش عارف اللى ينفعه من اللى يضره ياعبد للذل والهوان وعمره مهيقدر يطلع بره الدايرة دى وربنا يخليلنا امثال العوكش وانثاه |
رد: الى من يحب ... مصر
الحل الوحيد لحسم هذا الجدال معجزة من عند الله سبحانة وتعالى ويتم عزل الأثنين اي نوع من انواع العزل سياسي عزل حياتي اهو عزل و السلام نخلص منهم دفعة واحدة
وبعدين نعمل الدستور الأول و بعد كدا مش مهم مين يكون الرئيس حتى لو كان عم عبدو الحلاق مفيش مشكلة طالما في دستور و كل واحد عارف حقة فين .............. واكثر ما يحزني ان كلاهما لايستحق عناء ما نكتب ولا عناء ما نقراء |
رد: الى من يحب ... مصر
بدون تعليق مع كامل احترامى وتقديرى لجميع اخوانى المؤيدين لحمدين صباحى http://www.youtube.com/watch?v=JOVi5...feature=relmfu |
رد: الى من يحب ... مصر
شباب التورة كان من ضمن كلامهم
عايزين ريس يكون شباب اي في الاربعينات من عمره الان اعمار المرشحين فوق الستينات والسبعينات لماذا مصر بدون رئيس وقد مضي علي الثورة سنة ونصف ؟ كيف تهدأ الامور في مصر؟ |
| الساعة الآن 05:53 AM |
Powered by vBulletin® Copyright ©2000 - 2024
جميع الحقوق محفوظة الى اف اكس ارابيا www.fx-arabia.com