|
أسئلة مبتدأ فوركس
السلام عليكم ورحمة الله وبركاته
أنا لسه مبتدأ فوركس من كام يوم بس الحمد لله بتعلم بسرعة وفي نفس الوقت مش مستعجل ابدا على التداول وممكن استنى شهور اتعلم الأول انا متوسم فيكم خير أني ممكن اتقل عليكم في الأسئلة الي بتواجهني في فترة التعلم من وقت لأخر وجزاكم الله خير مقدما وأخيرا 1. وانا بتعلم كتير سمعت عن ان ممكن الواحد يكون عنده اكتر من حساب ولنفس الشركة طيب ايه الي يمنع اني افتح كذا حساب واكرر نفس الصفقات عليهم وبالتالي اضاعف من مكاسبي .. هل دا قانوني او طبيعي؟ 2. اشتركت ف البداية مع شركة XM "حاليا منتظر تأكيد المستندات" ومع الشرح عرفت عن شركات Market Maker وشركات ال STP وعرفت ان ال XM تبقى Market Maker هل فعلا ثبت تلاعبها في الأسعار او نصبت على متاجر في فلوس او هل هي فعلا بيتم التداول جواها فقط بدون التعامل مع البنوك وهل بترشحولي شركة أخرى ولا لأ؟ 3. د. أسامة عادل كان بيقول انه حرام من وجهة نظرة التعامل بالدهب او السلع كنا لا نملكها بس في نفس الوقت فسر اني معايا دولار وممكن اتعامل باليورو او أي عملة أخرى لانها نقط وبتتحول لأي عملة .. طيب ليه معتبرهاش بردو نقط وبتتحول لدهب او نفط او قمح بردو؟ 4.لاحظت اني بتعلم من فيديوهات من سنة 2011 هل أي استراتيجيات هتعلمها منها أصبحت قديمة او مش نافعة ويستحسن متعلمهاش واشوف احدث الاستراتيجيات على طول ولا مفيش استراتيجيات حديثة وقديمة ولازم اتعلم كله؟ انا عارف ان أسئلتي كتيرة بس يا رب حد يساعدني ويجاوبني وشكرا |
رد: أسئلة مبتدأ فوركس
وعليكم السلام ورحمه الله وبركاته اهلا وسهلا بك معنا اخى الفاضل فى بيتك الثانى ارابيا بالنسبة لاستفساراتك لا تحمل هم واسأل فى اى وقت كلنا هنا لمساعدتكم 1- اكتر من حساب وفى نفس الشركة قانونى انك تفتح نفس الصفقات بس ليه تفتح اكتر من حساب وانت ناوى تدخل نفس الصفقات ما انت ممكن تحط رأس مالك كله فى حساب واحد وتقوم بزياده اللوت منعا للتشت بين الحسابات 2-نحن نتعامل مع FXDD منذ اكثر من 6 سنوات والحمد لله الامور ماشيه تمام ولو حدث اى مشكله خارج عن ارادة الشركة تقوم الشركة بتعويض العميل طالما الخطأ منها 3-الافضل الابتعاد عن الذهب والسلع عموما وتقوم بتحليلها نظرا لان تحركاتها تؤثر على العملات فقط انا لست فى محل ان افتى لك بس قناعاتى ايضا انها حرام 4-التحليل الفنى والاساسى عمره ما يكون قديم تعلم من الفيديوهات وحاول ان تكون استراتيجيه التداول الخاصة بك بنفسك من التجربة والتعلم على الديمو لفترة طويلة ولا تستعجل فى وضع فلوس حقيقية الان خد وقتك فى التعلم ارجوا ان اكون افدتك ولا تتردد فى اى استفسار اخى الكريم تحياتى |
رد: أسئلة مبتدأ فوركس
اقتباس:
انا عندي كمان سؤالين: 1. انا دخلت الxm كونها بتدي بونص 30 دولار وانا كنت ناوي ابدأ بهم فعلا لأني مش ناوي اضيف فلوس من معايا واخاطر خصوصا لو في البداية .. حتى لو احترفت الديمو اظن الظروف النفسية المصاحبة للديمو تختلف كليا عن ظروف الحقيقي .. فهل في أي شركة spt بتدي بونص بردو ولا لأ؟ 2. في الفيديوهات دايما يقال ان اقل مبلغ للتداول وجني الأرباح 1000 دولار .. ودا مبلغ كبير جدا جدا بالنسبالي .. هل من الممكن ابدأ من ال30 دولار فعلا .. انا مش طماع ولا غرضي اكسب الف في يوم والكلام دا .. يعني اقصد لو مكسبي هيكون 5 دولار ف اليوم من ال30 دولار انا مستعد اتداول لشهور او اكتر علشان أكون منها ال1000 دولار او اكتر وابتدي ساعتها احس بالارباح .. سؤالي هل ممكن اني ابتدي ب 30 دولار ولا لازم مبالغ ضخمة؟ شكرا من جديد يا بشمهندس لردك عليه .. جزاك الله خيرا |
رد: أسئلة مبتدأ فوركس
بالنسبة الشركة xm هي شركة موثوقة وأنا اتعامل معهم
|
رد: أسئلة مبتدأ فوركس
قد تكون تعجلت في فتح حساب الآن .. اصبر يا أخي كي تفهم السوق جيداً
|
| الساعة الآن 06:12 PM |
Powered by vBulletin® Copyright ©2000 - 2024
جميع الحقوق محفوظة الى اف اكس ارابيا www.fx-arabia.com