|
ورشة كيمو فوركس لاعادة احياء استراتيجية الترند المكسور بمكاسب اكبر 2020
السلام عليكم ازيكم يا جماعه النهارده باذن الله هنعمل اعادة احياء للاستراتجيية المهدور حقها الترند المكسور واللي بتقوم علي اهم واصدق حاجة في الفوركس اللي هو الترند اللي عمره ما هيموت ابدا ولا يقدم الاستراتجية هتكون زي ما هي اللي مكتوبة في النت ولكن هنلغي منها حاجات وهيكون فيها تطوير في تعاملها وكمان اهدافها هتبقي كبيرة وهشرح باذن الله كل حاجة اولا الورشة هنا هتكون سهلة جدا باذن الله لانها هتعتمد علي حاجات بسيطة وهي 1/الترند 2/الدعوم والمقاومات 3/تقاطع الموفنجات وهنتكلم عليها 4/ بعد وقرب السعر من الموفنجات 50 و 100 و 200 5/سحابة الايشموكو هيكون في تطوير دايما من خلال التعامل واي حاجة هتزيد الاستراتيجية نجاح هنعدل عليها في المشاركة الاولي هنا ان شاء الله بالنسبة للاستراتيجية انا مجربها كتير وسر نجاحها انه الترند القوي العالم كله مش هيختلف عليه وساعتها بتكون انت داخل صفقة فيها قوة لانه العالم كله معاك الدخول هيكون بالنسبة ليا علي حساب حقيقي واللي عايز يجربها ديمو برضه مفيش مشكلة والللي عايز يشتغل حقيقي معايا تمام لكن مع مراعاة ادارة راس المال اللي هنشرحها دلوقتي الفريمات المستخدمة ديلي فقط عشان نضمن قوة الصفقة باذن الله ادارة راس المال ايمانا بمبدأنا الدائم والمستمر بالوصول لافضل ادارة راس مال والتطوير فيها ادارة راس المال اللي هتبعها بداية من اول الاسبوع كالتالي باذن الله (وقريبا سيتم تعديل المشاركة الاولي بالشروط الاستراتيجية مكتملة وتظبيط الشرح اكتر +ادارة راس مال اللي هيتم شرحها دلوقتي +موضوع عن نفسية المتداول قريبا برضه) ورجاء تنفيذ ادارة راس مال سواء اللي هيتم ذكرها او حسب الطريقة اللي تقتنع بيها اول حاجة هنعتبر نفسنا في مسابقة مع السوق مكونة من صفقتين مبدائيا احنا دخولنا هيكون في الصفقة 4% من الحساب يعني كل 100$ اجمالي قيمة الستوب بتاعك 4$ يعني لو ميت نقطة ستوب يبقي النقطة ب 4 سنت وهكذا وطبعا الهدف الي الستوب 3:1 زي ما احنا شغالين في ورشة الترند المكسور هنا وهنقول ليه نسبة 4% دي عايزك بقي تشوف اللي ممكن يحصل مع كل صفقتين قويتين انت بتختارهم بعناية ومن غير استعجال صفقة رقم 1 لو خسارة نبقي خسرنا 4% من الحساب لو مكسب هنبقي كسبنا 12% من الحساب صفقة رقم 2 ودي الصفقة المهمة وهتكون بمجازفة ارباح الصفقة الاولي في حالة ربحها بدون الاقتراب من راس المال الاصلي يعني الصفقة هتكون ب 12% المكسب لو خسارة نبقي خسرنا 12% المكسب وراس مالنا زي ما هو لو مكسب هنبقي كسبنا 36% هنا الاجمالي 12% ربح الاولي + 36% ربح التانية = 48% (نصف الحساب) مكاسب خلصت المسابقة مع السوق كده شكرا ونرجع نحسب 4% من اول وجديد علي الرصيد الجديد وبرضه نبدا مسابقة مكونة من صفقتين جداد يعني من الاخرعندك اربع احتمالات 1/ يا اما تكسب نص حسابك (زي المثال السابق) 2/يا اما تطلع تعادل (مكسب الاولي وخسارة التانية اللي هي بالارباح فقط) 3/يا اما تطلع كسبان 8% (خسارة الاولي ثم الدخول عادي جدا التانية ب4% برضه لكن علي الرصيد الجديد بعد الخسارة طبعاوتكسب والمحصلة تبقي ربح 8%) 4/يا اما تخسر 8% خسارة الصفقتين كل واحدة 4% زي اي حد ما بيدخل بادارة راس مال ثابتة وعادية يعني ما اخليناش باي مبدا من مبادئ الادارة السليمة وفي التلت احتمالات الاولانيين يعتبر في صالحنا احنا بنطمح في هدف كبيييييييييير جدا مقابل مخاطرة ال 4% اول صفقة زي ما اي حد بيدخل صفقة بتتراوح من 2 الي 5% مميزات وشروط الطريقة دي كادارة راس مال 1/ مكاسب اسرع وممكن توصل لمكسب 50% من راس مالك في صفقتين بدون الاقتراب من راس مالك نهائيا ولا الوصول للمارجن كول لسبب بسيط ان كل اللي بيعوز يحقق مكساب ويدبل حسابه بيدخل بلوت عالي جدا في جميع صفقاته ونحط تحت جميع صفقاته الفين خط وبكده حسابه الاصلي هو اللي هيتمرجن انما احنا هنا مجازفتنا في صفقة واحدة بس وبالارباح فقط وباقي صفقاتك عادي ب 4% ودي اقل عدد من الصفقات للوصول الي ربح عالي بدون ما نيجي جنب الراس المال الاصلي وترجع تعيد من الاول تاني المسابقة 2/ شرط الطريقة دي انك تكون كسبان اول صفقة في المسابقة عشان تقدر تدخل بالارباح فقط لانك لو خسران اول صفقة 4% عادي جدا هتشوف راس مالك بقي كام بعد خسارة اول صفقة وتحسب 4% عليه وتدخل صفقتك التانية عادي جدا لان في حالة مكسبك للصفقة التانية انت هتعوض طبعا خسارة الاولي وعليها 8% ربح لكن هنا بقي مينفعش الصفقة اللي بعدها نجازف بالارباح والسبب بسيط انت المسابقة مكونة من صفقتين لازم تكسب الاولي والتانية وده شرط اساسي يجب الالتزام بيه انما لو دخلت التالتة بالارباح وخسرتها هتلاحظ انك فيه خسارة 4% موجودة في حسابك انما هدف المسابقة دي انك تطلع بعد كل مسابقة بمكسب او تعادل وترجع تبدا من جديد 3/ انا بحاول دايما اقلل عدد الصفقات عشان تقدر تبدا بعدها من جديد مع السوق ويكون في رصيد ارباح متراكم ولسبب تاني وان النفسية هتبقي افضل لما تدخل صفقة بارباحك مرة واحدة فقط وباقي صفقاتك بنسبة 4 % 4/ الطريقة دي مش بس سريعة ومربحة لا دنتا لو نسبة صفقاتك الربحانة 20% يعني صفقتين مكسب(ورا بعض ) و 8 خسارة اللي هو انت اكيد شغال غلط او عشوائي هتطلع كسبان برضه 8 صفقات خسروا 32% وصفقتين بس كسبوا 48% المحصلة مكسب 16% علي عكس الحالة العادية حتي لو انت ملتزم برضه بهدف تلت اضعاف زي ما بنقول وكسبت 2 من 10 برضه هتطلع خسران مع ان نفس نسبة الهدف للستوب ونفس عدد الصفقات الربحانة (خسارة 8 صفقات 32% ومكسب صفقتين 24%) المحصلة خسارة 8% لكن مجازفتك مرة واحدة بربح الصفقة الاولي فرق كتيييييييييير اسف جدا للاطالة بالتوفيق للجميع وانتظروا تحليل للباوندات خلال الاسبوع ده لو تم كسر الترندات عليه باذن الله |
رد: ورشة كيمو فوركس لاعادة احياء استراتيجية الترند المكسور بمكاسب اكبر 2020
السلام عليكم دلوقتي معانا فرصة جديدة الفرصة دي للي حابب يفهم التحليل بداية من الفريم الشهري ويارب اقدر افيدكم الفرصة هي الباوند استرالي وهي مازالت لسه مكسرش الترند اولا الفريم الشهري لازم تحلل الشارت بداية من الشهري عشان تقدر تحدد انت دخولك مع الاتجاه العام الكبييييير ولا لا لان ده اتجاه صناع السوق ولازم تبقي معاه مش ضده وحاجة تانية لازم ترسم الدعوم والمقاومات بالمناطق مش خطوط لان المناطق بتكون ليها فاعلية واحترام اكتر هنلاحظ ان الفريم الشهري متكون عليه مثلث هابط وباين جدا ان الاتجاه العام هابط هنلاحظ لو ركزنا في الصورة القادمة وعملنا زوم ان شمعه الشهر اللي فات ارتدت من اكتر من حاجة عملت شمعه دوجي وارتدت من 1/منطقة مقاومة شهرية باللون الموف (طبعا نبدا نقول ان الترند الهابط انتهي علي الشهري وهنبدا ترند صاعد لو تم كسر الحد العلوي للمنطقة الموف اللي فوق الترند لان لو تلاحظوا دايما نقطة دخولنا مش بتكون كسر الترند فقط ولكن كسر اخر منطقة سعرية كونها الترند دي اللي بتكون منطقة التحويل فعلا يعني لو كسر االترند وبس بنستني التاكيد طبعا بكسر المنطقة) 2/ موفنج 200 وطبعا الموفنجات ال3 مهمين جدا وليهم احترامهم علي الشارت 3/الحد العلوي لمنطقة المقاومة الاسبوعية الخضرا المشتركة مع الشهري واللي هتبان اكتر المنطقة دي الصور الجاية https://www.fx-arabia.com/vb/uploade...1583195573.png https://www.fx-arabia.com/vb/uploade...1583195620.png هنلاحظ هنا في صورة الفريم الشهري الخط البني المرسوم ببساطة ده الحد السفلي لمنطقة الاسبوعية واكيد هيكون ده اقرب حاجة مستهدفة واحنا رسمناه عشان لما نشوف الفرصة علي فريمات اصغر نبقي عارفين احنا فين هنلاحظ في الصورة القادمة تكون ترند صاعد علي الديلي وده اللي احنا بنستناه معني كده انه ده ترند تصحيح للفريم الكبير لان بكسره هنقدر ندخل بيع مع الاتجاه الشهري والاسبوعي اللي حللناه مع العلم انه ممكن نكون داخلين علي ترند عكس الاتجاه العام ونستني كسر اخر منطقة كونها وندخل بعدها وبيجيب الهدف برضه لكن دايما بيكون الافضل تدخل مع الاتجاه الكبير وده كانك بتعوم مع التيار يعني لو كنت مش بتعوم كويس التيار هيزقك معاه لكن لو انت عكسه وصولك بيكون صعب لكن مش مستحيل هنلاحظ الخط البني اللي رسمناه موقعه كويس بالنسبة لينا لان لو تلاحظوا هو يعتبر مهم اوي علي الديلي ومع كسره هيكون عندنا اكتر من معطي كسر ترند وكسر منطقة اسبوعية وكسر موفنج 100 الاخضر بعد ما كسر موفنج 50 الاحمر طبعا ساعتها هنحط الموفنجات 9 و30 اكسبوننشال ونشوف تقاطعهم وهنرسم الفيبو للتاكيد ونشوف سحابة الايشموكو برضه كل ما يكون الكسر لاكتر من معطي السعر بيطير احنا يعتبر معانا الترند ده في انتظار كسره ولكن برضه يوجد ترند صاعد علي الاربع ساعات وده فريم قوي برضه ولكن الديلي اقوي انا ضفت الفريم ده لزيادة الفرص شوية لان الفرصة قليلة الي حد ما هنلاحظ تكون ترند صاعد اربع ارتكازات قوي الخطين اللي لونهم ارزق دول هي دي اخر منطقة سعرية كونها الترند وهنلاحظ احترام السعر ليها في اخر ارتكاز عمله لما يكسر المنطقة دي هيكون الهدف باذن الله موفنج 200 علي نفس الشارت وساعتها هنحدد المنطقة السعرية اللي حوالين موفنج 200 وووارد جدا جدا يكمل هبوط الي الترند الصاعد بتاع الديلي ومعاه الخط البني لو تفتكروا اللي رسمناه في بداية التحليل هو ده اللي اسمه ربط الفريمات عشان تعرف الشارت عايز ايه لازم تبدا الخيط من اوله هنلاحظ برضه لو رسمنا الفيبو علي الموجة هنلاقي فيبو 38 داخل المنطقة يعني هيتكسر مع المنطقة وده معطي كمان طبعا قريب هضيف تحليل الاندكسات لانه مهم جدا وحاليا اندكس الباوند في هبوط كبير وده بيكون معطي مهم برضه كل ما تلاقي معطيات اكتر وتخبي الستوب لوس وراهم فكده بتحطه في منطقة امان الفرصة دي قيد التنفيذ في انتظار الكسر او الارتداد وتبقي الفرصة معلقة في النهاية التحليل ما هو الا اجتهاد شخصي وارجو اي حد هيدخل صفقات مراعاة ادارة راس المال وسيتم بداية من اليوم في كل مشاركة وضع لينك موضوع ادارة راس المال وتدبيل الحساب باقل مجازفة ممكنة من الرصيد وسيتم وضع تقارير للصفقات باذن الله |
رد: ورشة كيمو فوركس لاعادة احياء استراتيجية الترند المكسور بمكاسب اكبر 2020
اقتباس:
تم كسر الترند بالفعل وطلع عمل اعادة ختبار وهبط بالفعل حوالي 200 نقطة ولكن لم يتم دخول الصفقة دي والسبب ان الكسر كان بديل كبير بصراحة رد السعر علي الرغم من توافر كافة الشروط لانك لازم تحس انك داخل صفقة قوية حتي في شكل شمعه الكسر ولكن خيرها في خيرها طبعا اوعي تزعل علي صفقة راحت وعامة لسه مازال فرصة ترند الديلي وفيه اكتر من ترند متكون سيتم عرضه قريبا باذن الله بالتوفيق للجميع |
رد: ورشة كيمو فوركس لاعادة احياء استراتيجية الترند المكسور بمكاسب اكبر 2020
السلام عليكم ازيكم يا جماعه طبعا انا كنت موقف تداول في الاسبوع الماضي لان السوق كان بيمر بحالة معجنة فظيعة طبعا زي منتوا شفتوا وطبعا مكنش فيه اي نوع من انواع احترام التحليل الفني بالنسبة لحسابي الخاص انا سحبت كل اللي فيه وبتداول حاليا بطريقة اني اشحن حسابي بقيمة صفقتين تلاتة اللي مخطط دخولهم حسب اي خطة ادارة راس المال من اللي قلناها في الموضوع ده https://www.fx-arabia.net/vb/showthread.php?t=63272 ودي نصيحة مني كده كده انت مش هتتداول في صفقة واحدة ب100% من حسابك يبقي متحطش فلوسك كلها في الحساب اسحب كله وسيب بس قيمة صفقتين تلاتة كسبتهم خير وبركة خسرتهم اشحن تاني مفيش مشكلة عشان تبقي فلوسك في ايدك مفيش حاجة مضمونة تماما في العالم حاليا بمعني ضارب في الفوركس عادي متسيبوش ومتضيعش مجهودك لكن فلوسك تكون في جيبك وتدفع تمن صفقتك بس كانك بتحجز تذكرة قطر بتدفع تمن الرحلة فقط مش تمن عشرين رحلة انت مش ضامن الدنيا عامة دي نصيحة اخوية هتخلي فلوسك في امان علي الاقل الفترة اللي احنا فيها حاليا باذن الله اي فرصة تكون قوية هنعرضها هنا باذن الله ونحللها كالعادة وربنا ييسر لينا الخير في اموالنا وصحتنا ويبعد عنا الوباء بالتوفيق للجميع |
| الساعة الآن 06:50 PM |
Powered by vBulletin® Copyright ©2000 - 2024
جميع الحقوق محفوظة الى اف اكس ارابيا www.fx-arabia.com