مشكلة سحب اموال من xm بخصوص فودافون كاش
 

كنت اودعت من حوالي شهر 19$ دولار فى حسابي فى xm

المهم وصلوا اليوم ل121$ طلبت سحب المبلغ لسكريل
لكن للاسف قاموا بارسال المبلغ على الكارت اللى استخدمته للايداع وهو كان من خدمة فودافون كاش الكارت الاونلاين اللى بيكون صالح لمدة يوم بحجة منع غسيل الاموال واعادة الاموال للمصدر

حد حصلت معاه المشكلة دى؟ وايه الحل ولا الفلوس راحت عليا؟؟؟

رد: مشكلة سحب اموال من xm بخصوص فودافون كاش
 

السلام عليكم
البنك الذي اودعت به هو الذي يمكنك سحب منه
مثلا اودعت عن طريق skrill فالسحب يكون فقط عن طريق skrill فقط , لا يمكنك السحب عن طريق بنك أخر

رد: مشكلة سحب اموال من xm بخصوص فودافون كاش
 

حاول اخي تغير طريقة السحب
بمعني انك يكون لديك تنويع في طرق السحب من حسابك بالشركة لانها اضمن طريقة
وانصحك ببنك اسكريل ونتلر اذا كنت تريد التعامل مع البنوك الاليكترونية

رد: مشكلة سحب اموال من xm بخصوص فودافون كاش
 

كارت فودافون لا يستقبل اموال هو للشراء فقط دى معلوماتى والله اعلم

عموما كلم فودافون وقلهم على المشكلة وهل البطاقة دى اصلا ينفع تستقبل اموال
لانها لو ماينفعش تستقبل يبقى الشركة اصلا ماينفعش ترسل عليها هيتم رفض العمليه



بس قبل مانظلم الشركة تأكد من خدمة عملاء فودافون يمكن هذه البطاقة تابعة للبنك بالاشتراك مغ فودافون
وساعتها ممكن يتم فتح حساب تلقائى فى البنك باسم صاحب البطاقة (طبعا ده مجرد احتمال)
كلم فودافون عشان توصل لحل

رد: مشكلة سحب اموال من xm بخصوص فودافون كاش
 

كنت بودع بسكريل زمان بس اما لقيت خدمة الدفع اونلاين من فودافون بتشتغل عادى مع شركات الفوركس قلت استخدمتها واخلص من استغلال الوسطاء -- وللاسف حتى لو تنويع فى الطرق للاسف الشرط بيقول ان الفيزا لها الاولوية .


بالفعل بس المفروض بيكون فى refund فى حالة اشتريت شىء وبعد اسبوع او اتنين قررت تلغى الشراء وتسترد المبلغ وطبعا مينفعش كارد اودعت بيه 19 دولار يتم سحب 121 دولار عليه فبالتالي الشركة وزعت المبلغ على كل ارقام الكروت اللى استخدمتها وفى كروت من شهر يوليو الماضى. بالمجمل 5 كروت
وطبعا الكروت دى كانت صالحة للاستخدام لمدة يوم ومش فاكر حاجة عنها.. طلبت الغاء السحب بس الشركة رفضت وقالت انهم بالفعل ارسله الاموال وده كان ردهم:
(

please keep in mind that in case a Card we refunded is blocked, inactive, cancelled or replaced you will still be able and receive your funds into your Bank Account linked with the said Card.

In the event your Bank Account linked with the said Card is closed, then your Bank will proceed as follows:
- Either they will credit your funds to your new Bank Account, provided that you hold one with them,
- Or they will give you the said funds in Cash.


Should you however not get to receive your funds within a period of ten working days, starting the withdrawal finalization, please let us know and we will request our payment provider for ARN numbers, which will help you locate your funds with the help of your Bank.

)


بحاول اتواصل مع فودافون ولو انى كاره لخدمة العملاء لانهم ساعات كتير مبيكونوش فاهمين حاجة وبيقولوا اى كلام عشان ينهوا المكالمة انا مش عارف فلوسي راحت فين بس هحاول ادور عليها ولو حصل ومعرفتش اتحصل عليها هبلغ هنا عشان الناس تاخد بالها من الموضوع ده ولو تحصلت عليها برضه هقول

رد: مشكلة سحب اموال من xm بخصوص فودافون كاش
 

الدعم بيتكلم على اساس ان البطاقة مربوطة بحساب بنكى

واى شركة وساطة بتسمح لك سحب اصل المبلغ على الفيزا اللى اودعت بيها

وتقدر تسحب الارباح باى وسيلة الشركة بتوفرها (بنوك الكترونية او تحويل بنكى)

الشركة اتصرفت من دماغها للاسف وبعت الفلوس على الفيزا



لا تتحدث مع دعم فودافون فى الموبايل ... روح فرع رئيسى

رد: مشكلة سحب اموال من xm بخصوص فودافون كاش
 

رد: مشكلة سحب اموال من xm بخصوص فودافون كاش
 

للاسف المفروض كانوا برفضوا طلب السحب على سكريل ويبلغونى انه الوسيلة الوحيدة للسحب هى الكروت اللى اودعت بيها بس للاسف بعتوها من نفسهم وزى مابيقولوا فى شروطهم ان الفيزا مقدمة على اى وسيلة اخرى. دى نقطة لازم الواحد ينتبه لها مع الشركة المتعامل معها. لان حتى فى شركة تانية كنت اتكلم مع الدعم بتاعها ان اى سحب فى خلال 60 يوم من اخر ايداع لازم يتم ارساله على نفس الوسيلة اللى استخدمت فى الايداع برضه تحت بند منع غسيل الاموال وخلافه



ياااه طمنتنى يا اخى اخيرا لقيت حد زيي --انا بتعامل مع xm بقالى فترة كبيرة وبصراحة تجربتى معهم كانت جيدة جدا بس للاسف طريقة تقديم الاولوية للكارت على باقي الطرق مش حلوة -- وخاصة انى مكنتش ناوى اصلا اسحب نهائيا بالوقت الحالي - والسبب الوحيد للسحب هو انه xm بيخصموا inactivity fees وبسبب انى مش هكون نشط الفترة القادمة قررت نقل حسابي لشركة تانية لانى عايز ابنى record لفترة طويلة على حساب واحد- يعنى مش عارف لو كنت فكرت اسحب المبلغ فى نص السنة الجاية كان الموقف هيبقي ايه-- طمنتنى وشكرا لك وبتمنى قريبا القيود المفروضة على التعامل مع شركات الفوركس تتشال ونقدر نتعامل بكروتنا العادية المرتبطة بحساب بنكى

رد: مشكلة سحب اموال من xm بخصوص فودافون كاش
 

رد: مشكلة سحب اموال من xm بخصوص فودافون كاش
 

الحمد الله الفلوس كلها لسة واصلة الان- الحمد الله وشكرا انك طمنتنى