كورس تعليمي بالفيديو للغة البرمجة MQL4. الفصل الاول : مبادي و مفاهيم و اساسيات
 

سلام عليكم

ده ان شاء الله هتكون بداية سلسة فيديوهات الفصل الاول للغة برمجة ال MQL4 و الي تقدر بيها تعمل بنفسك اكسبرتات و مؤشرات و تستفاد بها حتي في دراسة الاستراتيجيات و اكثر بكثير.

ان شاء الله ناويين كمان فيما بعد التالي :

1) عمل كورس للمبتدئين في الفوركس و كله بالفيديو هو كمان
2) مناقشة بعض الاستراتيجيات و المؤشرات و الاكسبرتات الي تم تجربتها من الاعضاء و لاقت نجاح و ايضا شاملة شرح بالفيديو
3)كمان علي استعداد اني اعمل كورسات بشكل مباشر و حي مع الاعضاء عن البرمجة او للمبتدئين في الفوركس و كله مجانا

---------------------------

الاسلوب الي هنشتغل بيه في الكورس بتاعنا ان شاء الله هو ان كل يومين تلاتة هنزل فيديو جديد بحيث ندي فرصة للاعضاء الكرام يشوفوا الفيديو و يجربوا الكود بنفسهم و تجهيز اي استفسارت او مقترحات و عرضها هنا في الموضوع بحيث اننا نناقشها مع بعض او اني اتكلم عن المشاكل الي واجهت الاعضاء في الفيديو القادم.

---------------------------

اتفضلوا الفيديو الاولاني و يشمل :

1) تعريف ال Function و ال Variable و كيفية التفرقة بينهم
2) ازاي تعمل call function علي مستويات متعددة
3) كيفية عرض ناتج ال Function علي الشارت
4) كيفية وضع بعض الخيارت للمستخدم للتعديل عليها من خلال خيارت الموئر او الاكسبرت اثناء وضعه علي الشارت
5) شرح بسيط لل Debugger


- YouTube

-------------------------

بعتذر مقدما لان للاسف الصوت طلع مش عالي برده رغم اني عليت الميك من عندي. هحاول احل المشكلة ان شاء الله في اقرب فرصة.

في انتظار اي تعليقات او مفترحات او المشاكل الي قابلتكم.

----------------------

تنبيه هااااااااااام : لو عاوز فعلا تفهم البرمجة و تكون شاطر فيها و تعمل مؤئرات و اكسبرتات باحتراف لازم لازم لازم تطبق الكلام الي بنشرحه في الفيديو بايدك و ما تعتمدش علي السمع و الفهم بس. حاول تفهم الفكرة العامة و الخطوات المطلوبة و بعدين تقفل الفيديو و تعمل الكود من اول و جديد بنفسك. حاول كمان تجرب طرق تانية لعمل الكود و هكذا.

رد: كورس تعليمي بالفيديو للغة البرمجة MQL4. الفصل الاول : مبادي و مفاهيم و اساسيات
 

هاشوف الفيديو الاول وبعدين ادوش حضرتك بالاسئلة ان شاء الله

رد: كورس تعليمي بالفيديو للغة البرمجة MQL4. الفصل الاول : مبادي و مفاهيم و اساسيات
 

بتعذر عن التاخير في تضحير فيديو الدرس الثاني في الفصل لكن العيد و الزيارات بقي كل سنة و حضراتكم طيبين

ان شاء الله انزل الدرس الثالث وهو اخر درس في الفصل الاول النهارده او بكرة عشان نخلص و ندخل في الجد بقي مع الفصل الثاني:



- YouTube

----------------------

في الدرس الثاني بنتكلم عن :

1) الفرق بين ال Function و ال Variable

2) ازاي تعمل Declare - Assignment - Change لل Variable

2) ايه هي Data Types و انواعها و مهمة كل واحدة فيهم و امتي نستخدمهم في الكود

3) بعض انواع ال Data Type الي تمت اضافتها حديثا في ال MQL4 بعد التغيير

4) أتكلمنا عن DateTime - TimeLocal - TimeToStr و الفرق في طريقة عرضهم قبل التعديل في MQL4 و بعده

5) الفرق بين Comment - Print

6) ايه هي On Timer و ازاي نستخدمها و الفرق بينها و بين On Calculate

7) ازاي تحدد لون اي حاجة عاوز ترسمها عالشارت

8) الفرق بين bool و باقي ال Date Types ازاي نقدر نستخدمه في عمل شرط علي سبيل المثال لفتح صفقة اذا كان عندك عدد معين من الصفقات اصلا مفتوحة من عدمه

9) ما هو ال String و ازاي نكتب علي الشارت بتنسيق و اسلوب مميز

-------------------------

حاولت اكبر الصورة علي اد ما اقدر لكن كان في ناس اشتكت ان الصورة صغيرة و مش شايفين كويس

------------------------

او في اي شئ مش مفهوم او اي اقتراح او تعليق انا تحت امركم

رد: كورس تعليمي بالفيديو للغة البرمجة MQL4. الفصل الاول : مبادي و مفاهيم و اساسيات
 

رد: كورس تعليمي بالفيديو للغة البرمجة MQL4. الفصل الاول : مبادي و مفاهيم و اساسيات
 

الفيديو الاول للاسف الصوت والصورة مش تمام
وياريت يكون الفيديويهات منسقه وتراعى ان يكون الشرح
بسيط ومن البدايه وبالتوفيق
ومتابع مع حضرتك

رد: كورس تعليمي بالفيديو للغة البرمجة MQL4. الفصل الاول : مبادي و مفاهيم و اساسيات
 

شرح حضرتك فى الفيديو الثانى جميل وسهل وفى نية صادقة لافادة الناس وتعليمهم - ان شاء الله مزيد من الفائدة فى الفيديوهات القادمة

همسة بسيطة ارجو عمل "زووم ان" حتى تتضح اكتر الاكواد المكتوبة

اقترح على حضرتك تقسيم الدوال الى موضوعات ونتناول دوال كل موضوع بالتفصيل يعنى دوال الرسم ممكن نتناولها مع بعضها بالتفصيل و هكذا

جزاك الله خير وزادك علما وتوفيقا

رد: كورس تعليمي بالفيديو للغة البرمجة MQL4. الفصل الاول : مبادي و مفاهيم و اساسيات
 

شكرا للردود و انا للاسف كان بقالي سنتين تلاتة ما نزلتش اي شروحات جديدة بالفيديو و لسة ما بقتش 100% فيه بس بحاول كل مرة احسن حاجة معينة.

و فعلا انا ان شاء الله ناوي اني اقصم لحاجات اصغر و اقصر و هراعي النقطة ده في ما هو قادم.