|
ازومي: اليابان تدخلت في سوق الصرف الاجنبي لوقف ارتفاع الين
http://ara.reuters.com/resources/r/?...-JAPAN-FIN-MZ3
طوكيو (رويترز) - قال وزير المالية الياباني جون ازومي ان اليابان تدخلت من جانب واحد في سوق الصرف الاجنبي لاضعاف الين بعد ان ارتفع الى مستوى قياسي جديد امام الدولار يوم الاثنين . ويأتي تدخل طوكيو في السوق وهو الثاني خلال اقل من ثلاثة اشهر في اعقاب تحذيرات متكررة من جانب صناع السياسة من انهم مستعدون للتحرك للحيلولة دون ان يتسبب ارتفاع الين في الحاق الضرر بثالث اكبر اقتصاد في العالم. وارتفع الدولار اكثر من ثلاثة في المئة امام الين الى 78.55 مقابل 75.65 ين ومستوى قياسي منخفض بلغ 75.31 ين والذي وصل اليه في وقت سابق اليوم الاثنين . وقال ازومي في مؤتمر صحفي ان التدخل المنفرد بدأ في الساعة 10.25 بالتوقيت المحلي (0125 بتوقيت جرينتش). وامتنع ازومي عن التعليق على حجم بيع الين ولكنه اضاف ان طوكيو ستواصل التدخل الى ان تقتنع بالنتائج. وكان ازومي قد قال للصحفيين في وقت سابق انه مستعد لاتخاذ"اجراءات حازمة" ووصف احدث تحركات للعملات بانها مضاربة. وقال انه لا يوجد سبب محدد وراء ارتفاع الين الى احدث مستوى قياسي له امام الدولار. |
رد: ازومي: اليابان تدخلت في سوق الصرف الاجنبي لوقف ارتفاع الين
انا مش فاهم ازاي اليابان بتتدخل عشان اضعاف الين؟؟ممكن تشرحلي ياغالي وليك لايك:1 (27):
|
رد: ازومي: اليابان تدخلت في سوق الصرف الاجنبي لوقف ارتفاع الين
اقتباس:
دلوقتى كبار المحافظ والحكومات والمستثمرين عايزين عملات مضمونه عشان يضخوا فيها استثمارتهم وتكون ملاذ أمن ,, وطبعا حاليا بعد مشاكل الديون بتاعت اورربا وامريكا , فالمستثمرين دول بيضخوا استثمارتهم فـ الاتى : الدهب , الين اليابانى , الفرنك السويسرى تعالى بقه نشوف لما كل المستثمرين يشتروا الين اليابانى هايحصل ايه ؟؟ هاتزيد قيمه العمله بشكل كبير ومتضخم زى ما احنا شايفين كدا ودايما طريق الين اليابانى صاعد صاعد صاعد ,, طيب دا بقه مدايق الحكومه اليابانيه فـ ايه ؟؟ بص ياسيدى طبعا اليابان من اكبر اقتصاديات العالم وتعتبر من أكبر الدول ايضا المصدره وطبعا صادرتها دى هيا ال بتعمل للفائض ف الميزان التجارى وبالتالى بيزيد النمو بتاع اليابان ,, برده هفهمالك اكتر بيضر الصادرات ازاى ؟؟؟ دلوقتى لو انته مستورد وكنت مثلا بتستورد سيارات من اليابان وكانت السياره ال بتستوردها قيمتها 100 ألف ين يابانى ,, ودلوقتى بتشتريها بـ 150 ألف ين ياباانى لان قيمه العمله كل يوم بتزيد وبالتالى قيمه الصادرات بتزيد فالمستورد دا هيبدأ يدور على بلاد تانيه يشترى منها السيارات دى بسعر حلو وبالتالى بيبدأ يروح لكوريا او الصين مثلا ,, وبكده الصادرات بتاعت اليابان هاتقل لما الناس تبدأ تبعد عنها لتضخم عملتها ,, تقوم تعمل ايه بقه الحكومه ف العمله ؟؟ تعمل على اضعاف العمله ,, عشان تستفيد بالميزه التنافسيه لموضوع الصادرات دا ,, بس كدا فعشان كدا هما عايزين يضعفوا العمله بتاعتهم ------------------------------------------------------------------------ فهمت حاجه ياكيمو من الشرح دا ؟؟؟ ويبقه الخلاصه الين عمله متضخمه السعر >>> هاتقلل الصادرات لان اسعارها هاتضخم >>> لايرضى هاذا الحكومه اليابانيه >>> يعملو ايه بقه يضعفوا من العمله عشان يزيد الاقبال على الصادرات وهوه دا شغلهم الشاغل . يارب أكون وضحت فكره مافعله البنك المركزى اليابانى ف السوق اليوم |
رد: ازومي: اليابان تدخلت في سوق الصرف الاجنبي لوقف ارتفاع الين
يا نهار ابيض اليابان دي جامدة أوي و قادرة بصراحة يعني احنا بنعمل المستحيل عشان نرفع قيمة العملة بتاعتنا و مش عارفين و اليابان نفسها و حلمها ان عملتها تنخفض شوية اية الجمال دا فرق شاسع بصراحة بينا و بينهم |
رد: ازومي: اليابان تدخلت في سوق الصرف الاجنبي لوقف ارتفاع الين
اقتباس:
شرح عشرة علي عشرة ياباشا واحلي لايك بس عندي سؤال تاني ازاي المحللين بيتوقعو تدخل البنك المركزي؟امتي بالظبط يعني |
رد: ازومي: اليابان تدخلت في سوق الصرف الاجنبي لوقف ارتفاع الين
اقتباس:
المحللين مش بيتوقعوا دا ياكيموا ,, ولكن البنك المركزى اليابانى هوه ال دايما بيصرح انه هايتدخل ف سوق الصرف للتحكم ف ارتفاع اسعار الين ,, وفــ يوم معين مثلا تلاقى خبر نزل ويقول انه بالفعل تم ضخ عملات بقيمه كذا كذا وبناء عليه بتتأثر سعر الصرف ,, |
| الساعة الآن 03:50 PM |
Powered by vBulletin® Copyright ©2000 - 2024
جميع الحقوق محفوظة الى اف اكس ارابيا www.fx-arabia.com