اسئلة في الفوركس
 

السلام عليكم
اخواني الاحباء انا مبتدأ في الفوركس وأريد أن أسأل عدة أسئلة أرجو الاجابة ومعلش لو هطول عليكم
السؤال الاول :- لو أنا بتاجر على فريم ساعة يبقى المفرود احلل الويكلي ثم الدالي ثم الاربع ساعات ثم الساعة طيب بعد كدة أراقب السعر وتحركاته على فريم الساعة ولا ايه ؟

السؤال الثاني :- لما ارسم الترندات أوصل نقط الدعم ببعض ولا المقاومة ولا الاتنين ولا ده حسب اتجاه السعر ؟

السؤال الثالث :- يعني ايه برسم الترند اللي بيخدم السعر يعني القريب منه ولا ايه ؟

السؤال الرابع :- الترندات اللي اترسمت لو السعر كسر ترند منهم في اتجاه هابط انا هعمل صفقة بيع ولا هستنى لما يكسر كل الترندات وكذلك لو صاعد ؟

السؤال الخامس :- الفيبوناتشي انا دلوقتي مش عارف أبيع فين واشتري فين يعني مثلا لو السعر على مستوى 38 ونزل لخمسين في الحالة دي اعمل ايه ؟

السؤال السادس :- مؤشر موفنج افردج لما يعمل ايه اشتري او ابيع ؟

السؤال السابع :- رصيدي في شركة الوساطة لو كان مثلا 300 دولار ينفع ادخل صفقات بــ 200 دولار فقط واشيل 100 ولا مينفعش من غير ما اسحب يعني لو انا مثلا كسبت فلوس وعاوز احفظها علشان مخسرهاش مفيش حل غير السحب لأن السحب أصله بياخد وقت 3 ايام يعني معنى كدة أني هفضل 3 أيام متاجرش ومستني الفلوس تتبعت ولا ايه ؟

السؤال الثامن :- عاوز اثبت اعدادات الشارت بألوانها في الميتاتريدر لأن كل لما افتح عملة الالوان ترجع بأعداداتها الافتراضية ؟

السؤال التاسع :- احدد الاستوب لوز ازاي بأنهي اداه يعني في الميتاتريدر ولو عرفت الرقم انقله بالكتابة ولا بتكتب ازاي ؟

السؤال العاشر :- اقل مبلغ ينفع احطة في شركة fxdd وأبدأ اتاجر بيه كام ولو كان 100 دولار ينفع احط سعر النقطة بــ 20 سنت ولو ينفع الــ 20 سنت يكتبه ازاي في الميتاتريدر ؟ ويا ريت شرح طريقة الايداع والسحب .

اخر سؤال ممكن حد يديني اميل الدكتور اسامة عادل ؟

رد: اسئلة في الفوركس
 

[QUOTE=طرزان البرنس;251870]السلام عليكم
اخواني الاحباء انا مبتدأ في الفوركس وأريد أن أسأل عدة أسئلة أرجو الاجابة ومعلش لو هطول عليكم
السؤال الاول :- لو أنا بتاجر على فريم ساعة يبقى المفرود احلل الويكلي ثم الدالي ثم الاربع ساعات ثم الساعة طيب بعد كدة أراقب السعر وتحركاته على فريم الساعة ولا اي

شوف بنسبه لتحليل لكل واحد فيهم ليه دوره زمنيه يعني الساعه ليه دوره و 4 ساعات ليه دوره وكدا يعني انته يمكن تشتغل على اي واحد يناسبك وطبعا كل مكان ليفريم اكبر كل مكان اوضح وصافي اكتر ومفلتر اكتر بس عدد النقاط على الفريم الكبير بتزيد وبالتالي لازم لستوب يختلف والهدف يختلف والزمن يختلف

رد: اسئلة في الفوركس
 

السؤال الثاني :- لما ارسم الترندات أوصل نقط الدعم ببعض ولا المقاومة ولا الاتنين ولا ده حسب اتجاه السعر ؟

السؤال الثالث :- يعني ايه برسم الترند اللي بيخدم السعر يعني القريب منه ولا ايه ؟

السؤال الرابع :- الترندات اللي اترسمت لو السعر كسر ترند منهم في اتجاه هابط انا هعمل صفقة بيع ولا هستنى لما يكسر كل الترندات وكذلك لو صاعد


طبعا لو التراند طالع ترسم الخط على نقاط الدعم والتراند العام في اغلب الاحيان بيتكون من ثلاث خطوط الاول رئيسي والثاني ممكن تسميه خط الوسط والثالث بيسموها خطوط داخليه المهم عندك كسر خط لتراند الرئيسئ علشان تدخل عكس الاتجاه لو تم كسره والسؤال الاحلى انك تعرف ازاي الكسر تم فعلا بشكل صحيح ونهائي ميه بل ميه ولا لا علشان تقول ادخل عكس اتجاه السوق العام ولا لا بيخدم العر يعني الاتجاه العام للسوق يعني الخط الرئيسي الاول

ممكن انك تروح على المنتدى التعليمي قسم الفيديو وتختار من البدايه حتى الاحتراف وتشوف طرق رسم خطوط التراند

رد: اسئلة في الفوركس
 

السؤال الخامس :- الفيبوناتشي انا دلوقتي مش عارف أبيع فين واشتري فين يعني مثلا

لو السعر على مستوى 38 ونزل لخمسين في الحالة دي اعمل ايه ؟

صديقي العزيز نسب فيبوناتشي اول مستوى 23 وبعديه 38 وبعديه 50 وبعديه المستويات الاخرى اول مستوى للارتداد بنفس اتجاه السوق هو 23 لو مرتدش من عنده من اول ما يلمسه حتكون قوة الارتداد من 38 اقوى بكثير طبعا بنفس اتجاه السوق او اتجاه الموجه يل انته راسم ليها الفيبوناتشي موضوع فيبوناتشي يطول وفي كتب بل منتدى التعليمي تتكلم بشكل مطول عنه وعن طرق رسمه لانه مش حيكفي نكتب عنه بس سطرين فانته لازم تعتمد على نفسك بتعلم و عندك المنتدى التعليمي قسم الكتب حيساعدك كتير بصراحه

رد: اسئلة في الفوركس
 

السؤال السادس :- مؤشر موفنج افردج لما يعمل ايه اشتري او ابيع ؟


اول حاجه لازم تعرف الخطوط يل حتعتمد عليها ارقامها كام 50 ولا 100 ولا كام المتعارف عليه عند المحللين الفنيين هو 20 و 50 و200 طبعا ممكن تستخدم واحد لوحده يعني لو خط 200 بس لوحده حتكون الاستراتيجيه بتقول طول ما انه السعر فوق الخط تشتري وطول ما انه السعر تحت الخط تبيع انا عن نفسي لا اعتمد على المؤشرات ولكل شيخ طريقته انا حبيت اساعدك في فهم الموضوع بس والطريقه التانيه لستخدام الموفينج هيه انه الصغير يقطع الكبير ويتحدد ليك الاتجاه يعني لو خط 20 قطع خط 200 لفوق السوق حيكون طالع والعكس صحيح وفي تجار بيصبروا حتى يقطع خط 20 خط50 وخط 50 يقطع 200 وكل الصغير يبقى فوق الكبير بيدخلو السوق بنفس اتجاه الفطع

رد: اسئلة في الفوركس
 

السؤال السابع :- رصيدي في شركة الوساطة لو كان مثلا 300 دولار ينفع ادخل صفقات بــ 200 دولار فقط واشيل 100 ولا مينفعش من غير ما اسحب يعني لو انا مثلا كسبت فلوس وعاوز احفظها علشان مخسرهاش مفيش حل غير السحب لأن السحب أصله بياخد وقت 3 ايام يعني معنى كدة أني هفضل 3 أيام متاجرش ومستني الفلوس تتبعت ولا ايه

طبعا لازم تسأل شركة الوساطه بتاعتك علشان تعرفك المارجن بتاعك كام والمبلغ المحجوز عندهم كام والرافعه كام كل ده بيختلف من شركة وساطه لشركه اخرى
بنسبه لسحب برضه بيعتمد على نظام الشركه اخي الكريم لازم تسأل شركة الوساطه

رد: اسئلة في الفوركس
 

السؤال الثامن :- عاوز اثبت اعدادات الشارت بألوانها في الميتاتريدر لأن كل لما افتح عملة الالوان ترجع بأعداداتها الافتراضية ؟

السؤال التاسع :- احدد الاستوب لوز ازاي بأنهي اداه يعني في الميتاتريدر ولو عرفت الرقم انقله بالكتابة ولا بتكتب ازاي ؟

السؤال العاشر :- اقل مبلغ ينفع احطة في شركة fxdd وأبدأ اتاجر بيه كام ولو كان 100 دولار ينفع احط سعر النقطة بــ 20 سنت ولو ينفع الــ 20 سنت يكتبه ازاي في الميتاتريدر ؟ ويا ريت شرح طريقة الايداع والسحب .


وباقي كل الأسئله ديه يجاوبوك عليها الاخوه انا حاولت المساعده بما اعرف

رد: اسئلة في الفوركس
 

السلام عليكم
اسالة كتيرة بس مفيده و استفدنا من الاجوبة جدا
استغفر الله
شكرا