عايز احترف الفوركس وافهمه بس حاسه صعب اوي
 

السلام عليكم ورحمة الله وبركاته :
بجد تحية لاكبر منتدي حاسة قريب ليا ف كل حاجة حتي ف المنتديات الترفيهية واللي بجد بحسه من اكتر المنتديات اللي تحس الناس فيها اخوة مع بعضهم

بس انا كان ليا استفسار انا بجد بتخنق م الفوركس مستصعبه مع اني نفسي ادخل فيه واحاول امشي فيه بس كل ما احاول افهم شوية حاجة مفهمهاش اتعقد واطلع برة خالص واروح قافل الدنيا ومفهمش حاجة ف الاخر وحاسس ان الموضوع بذاته حاجة صعبة اوي
وحضرت اخر اجتماع وبجد ناس محترمة جدا فعلا استاذ اسامة واستاذ احمد صلاح واستاذ محمد عمر وكلهم ناس ليهم الشكر الصراحة بس برضو حاسس ان الموضوع صعب لاني مفهمتش حاجة وفين وفين كل ما احاول ادخل ف الموضوع تاني او احاول افهمه

وسلامي ليكوا جميعوا واسف للاطالة وشكرا ...

رد: عايز احترف الفوركس وافهمه بس حاسه صعب اوي
 

مر حبا بك اخي
تابع معنا هذه الورشه و يارب تستفيد
اؤمن بعدم عشوائية الحركه(اسرار الفوركس) - الصفحة 52

رد: عايز احترف الفوركس وافهمه بس حاسه صعب اوي
 

رد: عايز احترف الفوركس وافهمه بس حاسه صعب اوي
 

بص يا اخى ادرس التحليل الفنى من اوله لاخره و ابدا تحاليلك و لو خسرت مش مهم و حاول تانى و نصيحه منى اقراء الاخبار لان ممكن تبقى تحاليلك تمام و تيجى اخبار تضرب بتحاليلك عرض الحائط

رد: عايز احترف الفوركس وافهمه بس حاسه صعب اوي
 

والله يا جماعة انا شاكر جدا لان ف كام ساعة ردوا عليا تلاتة وده دليل ان ده منتدي محترم
بس مع احترامي ليكوا وخصوصا استاذ باسم : يعني انا دلوقت مش فاهم ادخل ازاي واحلل منين واجيب اخبار ازاي مش فاهم اي حاجة خالص بجد
ومتشكر ع المساعدة والتعب والمجهود ... وكل عام والدنيا كلها وبالاخص المنتدي كله بخييييييير

رد: عايز احترف الفوركس وافهمه بس حاسه صعب اوي
 

بص يا معلم هنمشى معاك وحده وحده اول حاجه انت تشوف فيديوهات دكتور اسامه و هى كتير اه بس معلش و لو مش عندك وقت فى كتاب عمله الدكتور اسامه تحفه و ملخص فيه كل حاجه و الكتاب صغير مش كبير و ده الرابط بتاعه http://www.fx-arabia.com/vb/showthread.php?t=3800 و لو قبلتك اى مشكه ممكن تسال هنا http://www.fx-arabia.com/vb/showthread.php?t=1150 و 100 واحد هيرد عليك ده غير ان فى ناس كتير فى المنتدى ملخصين الفوركس جدا اما بخصوص الاخبار ده تحليل لوحده اسمه التحليل الاساسى و ده بردو مشروح بالتفصبل فى فيديوهات دكتور اسامه على اليوتيوب و خد بالك لما تبدا تتاجر فى الفوركس هتحط عينك على زوج نقول مثلا اليورو دولار و تبدا تعمل التحليل الفنى و ده معناه انك ترسم ترند و تشوف القمم و الدعوم و القنوات و القيبو و معرفش لو انت سمعت عن الحجات دى او لا بس هتلقيها بردو فى الكتاب بتاع دكتور اسامه و كمان موجوده فى فيديوهاته و كل الحجات دى اسمها تحليل فنى يعنى انت تعمل تحاليلك و بعد كده فى موقع هتخش عليه تشوف ايه الاخبار عن الزوج الى انت بتعمل تحاليل عليه شوف فى اخبار حلوه ولا وحشه لو حلوه السعر هيطلع لو وحشه معناها هبوط ده طبعا كلام مش هتفهمه غير لما تقرا الكتاب او تشوف الفيدوهات احسن و عندك فى المنتدى هنا مليون طريقه تعلمك الفوركس و لعلمك ده احسن منتدى يهتم بالاعضاء بتوعوا و يحاول يفيدهم باى طريقه و انا كتبتلك النصائح دى عشان تقرائها لما تتعلم الفوركس انشاء الله و بالمناسبه فى كورس (ويبنار ) عمله دكتور اسامه طول شهر رمضان اعرف مواعيده و تبعه و ان شاء الله اخر رمضان هتبقى خبير فوركس كل الى عليك تابع الياهو و الموقع هيبعتلك رساله لحضور الويبنار قبلها ب ساعه ولا حاجه و من غير فلوس و فيه جوايز كمان لما تحل الامتحنات بقيمه 100 دولار للفائز
تقبل مرورى
تحياتى,,

رد: عايز احترف الفوركس وافهمه بس حاسه صعب اوي
 

هو اكيد صعب ومن يقول لك سهل فهو مليونيير .
اما من يقول لك سهل وهو فقير فهو مديونير .:1 (89)::1 (89)::1 (89)::1 (89)::1 (89)::1 (89)::1 (89)::1 (89):

رد: عايز احترف الفوركس وافهمه بس حاسه صعب اوي