اف اكس ارابيا..الموقع الرائد فى تعليم فوركس Forex - معلومات قد تسمعها لأول مرة عن: كوكاكولا – ستارباكس

معلومات قد تسمعها لأول مرة عن: كوكاكولا – ستارباكس – ماكدونالدز

تعد كوكاكولا وستارباكس وماكدونالدز من أشهر العلامات التجارية على مستوى العالم، لهذا نستعرض لكم مجموعة من الحقائق والمعلومات التي قد تكون جديدة بالنسبة لكم، ومصدرها مجموعة كبيرة من البلوجات والمواقع الموثوقة كـ business insider – factslides – usa today:

كوكاكولا Coca Cola:
1- لو هاتشرب كل يوم إسم منتج واحد من منتجات كوكاكولا هاتحتاج 9 سنين لغاية لما تجربهم كلهم.

2- لو كل قطرة من اللي أنتجتهم كوكاكولا في حياتها اتحطت في أزايز كوكاكولا ال 200 ملم ووصلنا الأزايز ببعض بالطول هانوصل للقمر ونرجع 2000 مرة.

3- على مستوى العالم، كل بني آدم بيستهلك منتج كوكاكولا كل 4 أيام.

4- في سنة 2010 صرفت كوكاكولا على الإعلانات بمجموع اللي صرفته شركة آبل وميكروسوفت مجتمعين.

5- المواطن المكسيكي بيستهلك كوكاكولا بمجموع اللي بيستهلك البريطاني والأمريكي والهندي والصيني مجتمعين.

6- عشان تشرب كوكاكولا في كانز cans .. الشركة لوحدها بتستهلك 18% من اللي بتنتجه صناعة الألومنيوم الأمريكية.

http://www.popandroll.com/coke-art/C...4_1024x768.jpg

ستارباكس Starbucks:
7- منذ 1987 وحتى الآن؛ ستارباكس بتفتتح على مستوى العالم كل يوم فرعين.

8- في كاليفورنيا وتحديداً في Santa Fe Springs يوجد 560 كوفي-شوب لستارباكس في 25 ميل فقط!

9- الزبون التقليدي لستارباكس بيزور الفرع بمعدل 6 مرات في الشهر بينما العملاء اللي ليهم ولاء (20%) للبراند بيزوروه بمعدل 16 مرة في الشهر.

10- ستارباكس بتستهلك 2.3 بليون كوب ورقي Paper Cup كل سنة.

http://i.telegraph.co.uk/multimedia/...s_2719042b.jpg

ماكدونالدز McDonalds:
11- واحد من كل 8 عمال أمريكيين إشتغلوا في ماكدونالدز.

12- ماكدونالدز تفتح فرع جديد على مستوى العالم كل 14.5 ساعة.

13- 68 مليون شخص كل يوم بياكلوا من ماكدونالدز وده أكتر من مجموع سكان بريطانيا تقريباً.

14- ماكدونالدز مش أكبر سلسلة مطاعم على مستوى العالم. براند subway هو اللي كدة.

15- ماكدونالدز بتعمل في اليوم 75 مليون دولار!

16- في أكتر من 80 ألف شخص اتخرجوا من جامعة ماكدونالدز للهامبورجر بشهادة بكالوريوس في الهامبورجرولوجي.

http://a57.foxnews.com/global.fncsta....jpg?ve=1&tl=1