أخي طارق.. المعنى أنك لو معك 1000 دولار تدخل بحجم عقد يربح 2 دولار لكل نقطة (أي عقدين مصغرين أو 2 ميني لوت أو 0.2 ستاندرد لوت أو 20,000 وحدة عملة)
حق معك.. الخروج من الصفقة المتعثرة صعب جدا بس أنا برأيي حتى بالسكالبينج لازم يكون في ستوب لوز لأن العقد بكون كبير نوعا ما وممكن يدمر الحساب بسهولة لو انعكس السعر بشكل كبير بالإضافة الى أن الجلوس أمام الشارت ومراقبة السعر متعب للأعصاب ومضيع للوقت انا بستخدم نوع من أنواع الستوب لوس اسمو trailing stop loss dynamic وهادا بيلحق السعر اذا ماشي باتجاه الهدف ويتوقف عند انعكاس السعر باتجاه الستوب, وهو فعال جدا في تقليل الخسارة بس هادا مو موجود بالميتا تريدر, انا بستخدم محطة التداول لشركة إف إكس سي إم.. بس أهم شي بالموضوع إدارة رأس المال والدخول بحجم عقد صغير نسبيا حتى بالسكالبينج وحساب الحد الأعلى للخسارة التي يمكن أن تتحملها والدخول بعقد يوافق ذلك
طيب ممكن وضع الفرص المحتملة حتى لو لم تتحقق أغلبها بس بتخلي المتاجر يركز عليها ويدخل لما بتتحقق أو ما يدخل اذا اتغير الإتجاه قبل الوصول الى نقطة القوة.. وممكن تكون ورشة مفتوحة للجميع أي شخص بلاقي فرصة محتملة يدخل ويحطها بدون تحديد نقطة الدخول بدقة يعني ممكن يكتب ( فرصة بيع على زوج يورو/دولار فريم النصف ساعة تقاطع خط ترند هابط مع موفينج 55 مثلا) واذا وصل السعر للنقطة المطلوبة ممكن يحطها على شكل توصية .