1-ياريت ترفق الصورة مره اخرى بواسطه مركز رفع الملفات لاننا مش شايفين حاجة
2-واضح ان كل الخلط اللى حضرتك فيه سببه ان حضرتك مخدتش بالك من حاجه صغيرة اوى وهى ان منصة دى دى تستخدم خمس ارقام عشرية مش 4 وده لتكون اكثر دقة ولتخفيض السبريد يعنى مثلا سعر اليورو دولار 1.45451 وليس 1.4545
وتعالى نستعرض المشكلات الثلاث مرة اخرى,
المشكلة الاولى: طبعا انا مش شايف الصورة فانا بتخبط فى الظلام لكن من الواضح ان حضرتك لم تفتح اوردر بعقد 0.5 وانما سهوا فتحت عقد ب 0.05 يعنى 5 عقود ميكرو
وطبعا انا معرفش اى لوت قيمة النقطة فيه 5 دولار غير الفضة لكن انا اخمن ان حضرتك تاجرت على عملة اخرى وقيمة البيب فيها قريب من 1 دولار للعقد الصغر و 10 سنت للميكرو
وبما ان حضرتك فاتح 5 عقود مايكرو يعنى البيب بالنسبة ليك يساوى 50 سنت"او 55سنت لو كانت العملة هى الين اليابانى"
حضرتك بتقول انك محقق 34 نقطة وبما ان المنصة تعمل بخمس ارقام عشرية كما ذكرت لك فهذا يعنى انك محقق فعليا 3.4 بيب وليس 34
3.4بيب*55 سنت=1.87 دولار
ولو ترفق لنا الصورة هتوضح المسألة اكتر
المشكلة الثانية:واضحة وبسيطة ..لازم تحط البروفيت على بعد 4 بيب على الاقل,وهو ما يعنى 40 نقطة على اساس الخمس ارقام العشرية وحضرتك تصورت انها 40 بيب
المشكلة الثالثة:بصراحه لم اقابلها من قبل ولم تحدث لى على الديمو ولا الحقيقى لكن يبدو ان السعر كان قريب لدرجة ان الفارق اقل من بيب واحد"10 نقاط بالفورمة اللى اتفقنا عليها"..بصراحه معنديش اجابة واضحة على الجزئية دى