قبل ما أعلق أنا الأن فى نفس موقف الأخ صاحب المشكلة عشان ماحدش يفكر انى الناصح الأمين
والكلام الى هاقوله والى كلنا عارفينه انا مش بعمل به دائما للأسف
لكنى أرى ارباحا فقط عندما اعمل به ولكنه الشيطان شوية وترجع ريما لعادتها القديمة ويهل عليا الضيف الرذل
والهى ياجماعة مالقيت فى الفوركس احسن من قتل العجلة و الطمع بسكين الصبر والارتضاءءءءءءءءءءءءءءءءءءءءءءءءءءءءءءءءءءءءءءءءءء ءءءءءءءءءء
وانت اودام الشاشة لازم تمسك فى ايدك سكنتين
واحدة بتاعة الارتضاااء تغز بيها الطمع فى الجمب اليمين التانية بتاعة الصبر تغز بيها الاستعجال فى الجمب الشمال
والارتضاء ياعزيزى يكون بالخسارة قبل المكسب
والصبر يكون فى التمهل عند دخول الصفقة قبل انا يكون وانت خاسر داخل الصفقة
اعلم انك عندما تعطى امرا سواء بيع او شراء فانت سمحت للاخرين بالدخول الى حسابك واخذ اموالك فلابد من التمهل جيدا
نعم اقطع خسارتك وتذكر دائما ان كل يوم هناك فرص كثيرة جدا و انك قادر على تعويض هذه الخسارة ولاتدعها تتضخم وتتفحل و تحكم بها قبل ان تتحكم بك
من غير هذه الأسلحة فتأكد أنك فى الفوركس أعزل تماما وفريسة سهلة المنال فى هذا السوق اللعين ذو الرافعة المالية التى دائما وأبدا تعمل ضدك ان لم تحسن التعامل معها
للأسف السوق اعطاك 50% فى يومين ياريت كان خد منك 10 ولا 20% علشان تتعلم بدرى بدرى ولكنه سى السيد فوركس لابد لك ان تتأكد انك أخطأت ونتعلم دائما من أخطائنا
ممكن تعوض انشالله لكن امامك مشوار من الارادة والمثابرة والجدية والالتزام والصبر والارتضاء
ممكن تلتزم فترة ولكن المداومة على الالتزام واحترامك لمبادئك هى سر النجاح
يعنى بعمل 50-100 دولار شبه يوميا عملتها بقفل الشاشة خلاص واشوف حياتى خسرت 50-100-150-200 دولار مش مهم برده بقفل الشاشة واقوم اشوف حياتى الايام جية كتير والفوركس مش هيطير بس حسابى ممكن يطير
الهيدج ممكن تستعمله فى الضرورة القصوى اهو تكسب وقت قبل حسابك مايطير تعيد التفكير ولما تخرج من الهيدج الكامل اخرج على مراحل لأنك اذا خرجت مرة واحدة بترجع لنفس النقطة وبتوصل لنفس النتيجة وكأنك يابو زيد ماغزيت