لسلام عليكم و رحمة الله
وعليكم السلام ورحمة الله وبركاته
بجد يا اخوانا انا مش مصدق ان فى فعلا تجمع من العرب بيتعاملوا مع بعض فى الفوركس بالجمال ده حاجه تفرح بجد
اعرفكم بنفسى ..... اخوكو عمرو مصرى و مقيم فى دبى
اهلا يا بلديات منور الدنيا كلاتها
لفيت ما خليت فى منتديات الفوركس شرقى و غربى بس بجد جو يشجع زى ده انا ماشوفتش بجد ربنا يحميكو كلكم
نيجى بئا لاهم حاجه "الف الف الف مليووووووووووووون شكر " لابو يوسف الراجل السكره اللى جمعنا كلنا حواليه و مبخلش علينا بعلمه ولا بوقته ولا بمجهوده و انشاء الله كل دا هيكون فى ميزان حسناته انشاء الله
تسلم على الكلام الجميل ده وربنا يسعدنا كلنا يارب
و انا بينى و بين نفسى بصراحه -بعد اذنه طبعا- سميته الزعيم لانه فعلا زعيم و بلا منازع .............. بس ليا عند طلب يا ابو يوسف من حبى فيك
احنا كلنا مستنيين توجيهاتك و نصايحك بس و النبى بلاش موضوع الطلعه الجويه دا اصل كلمة "الطلعه الجويه "دى ذكرياتها مع المصريين مش تمام و بتفكرنا بحاجات عاوزين ننساها
خلاص هنسمي المرحله الثانيه ( وداعا للخسائر )
و بعدين حد يشم خبر نلاقى بتوع التحرير هاجمين علينا و و يطلعلنا حد يقول "الشعب يريد مصادرة الربيع" و نروح فى ابو نكله
اقترح اى اسم تانى للمشروع المنتظر بس بلاش الطلعه الجويه دى
خلاص يا جميل الأسم أتثبت وننتظر مرحلة ( وداعا للخسائر )
تسلم تسلم تسلم يا راجل يا سكره
الله يعزك ويراضيك