للاسف معظم التعليقات خايبه ومحبطه مفيهاش غير قله قليله زي تعليق الاستاذ امير عيسي وتعليق الاستاذ engcu90 .... اما باقي التعليقات فانا بجد مصدوم فيها انا بقول لكل واحد بيهاجم الشباب اللي في الميدان .... ياريت تراجع موقفك .... وتسال نفسك عن اللي انت بتقوله دا هل فعلا مقتنع بيه ولا ماشي مع الموجه وخلاص مش معقول ميكونش منظر الجثث الملقاه في الزباله دا مستفزكمش وحرك مشاعركم .... مش معقول البنات اللي اتسحلو علي وشهم في الشارع دا محركش فيكم نخوت الرجاله ..... ولا المصيبه متكونوش خدتو بالكم من الباشا اللي بينشن علي عيون الشباب ... اقولك علي حاجه يا برنس انت وهو اخطف رجلك لحد مشرحة زينهم اتفرج علي الجثث اللي هناك يمكن ساعتها تغير رايك .... انا مش بقول لحد ينزل الميدان ولا يشارك لان انا نفسي لا شاركت في الثورة ولا شاركت دلوقتى ... بس علي الاقل لو مش هتشارك متديش طاقه سلبيه للشباب اللي زي الورد دول