انت عارف ايه ده ؟
ده اسرع حيوان على الاطلاق , صقر الباز
طبعا دماغك هتودي و تجيب و تقولي لا الفهد اسرع , اقولك الفهد سرعته 120 كيلو متر في الساعه , انما صقر الباز بيوصل لسرعه 320 كيلو متر في الساعه .
ازاي ؟!
اقولك انا ازاي , اولا هو بيحدد مكان فرسته و بعدين بيطير لمستوى عالي جدا , و بينزل عليها بشكل شبة عمودي , من الاخر بيعمل سقوط حر , و من الجدير بالذكر ان الضغط اللي بيتعرضه الصقر في السقوط الحر كافي انه يفجر رئته , لكن منقارة مصمم بطريقه بتشتت الهوا و هو بيتنفس , سبحان الله .
و من الصفات المميزة لصقر الباز انه بيقدر يشوف بالاشعه الفوق بنفسجية , و بكده بيقدر يحدد مكان الفرائس الصغيرة حتى لو كانت مستخبية بين الاعشاب .