انا ليا تجربه مع الشركه ديه اعتقد مميزتها عاديه جدا زى معظم الشركات ان السبريد ثابت 3 و 4 على العملات الاساسيه الدعم الفنى العربى اديلو درجه جيد جدا لكن العيوب بقى مش كتير بس الغلطه فى اى شركه بموته علطول الشركه للاسف البرنامج بتاعها بيقع ساعات كتير وده حصل معايا شخصيا السرفر وقع وكنت واخد اوردر ولسه هقفلو على ربح عشر نقط واللى حصل ان الاوردر متقفلش ليه السرفر وقع بتاع البرنامج والشركه مفيش دعم محدش موجود يادى النيله يعنى ايه رجع السرفر لاقيتنى شايل 30 نقطه سالب اللى عملتو بقى ان قفلت الاوردر بالسالب واستنيت لحد ما رد عليا الدعم وطبعا كأى مصرى 
متعصب ازاى ده يحصل من شركه المفروض انها محترمه وازاى وازاى كان ردهم حضرتك هنخلى المسؤل عن حسابك يكلمك وبالفعل ربع ساعه وكلمنى قولتلو المشكله قالى نص ساعه ويكون عندك الفرق وخد رقم الصفقه وفعلا بعد نص ساعه حطولى الخساره بتاعه الاوردر ده فى حسابى هو ده العيب الوحيد الصراحه اللى حصل منهم ان السرفر بتاع البرنامج وقع وده حصل معايا مره وعلى فكره تجربتى بقالها شهر ونص معاهم ومعلومه صغيره سعات مش ديما البرنامج بيعلق تقريبا ثوانى كده النت يفصل ويرجع فيه بسرعه متخدش بالك منها الا لو انت محترف نت يعنى وبقالك كتير عليه لكن مش مؤذيه اوى الفرق بيبقى نقطه او اتنين يعنى سواء مكسب او سالب ده كل اللى حصل بالتفصيل معلش طولت بس علشان لو حد ممكن يستفيد من الكلام ده