اقسم بالله أنا دخلت الشركة دى وهقولكو باختصار شديد على عيبوها ومش هقول المميزات لأنى مفيش مميزات
1-السبريد عالى جدا بالنسبة للصفقات الصغيرة ودة بيخليك تحقق ربح بصعوبة فى كل صفقة
2-الشركة معندهاش مصداقية عشان فى واحدة اسمها نور كانت بتكلمنى قبل مافتح الحساب كل يوم لمدة نص ساعة تسألنى انت جاهز تدخل معانا ولا لسة لدرجة انى زهقت المهم كانت بتقولى هتاخد تدريب كامل ببلاش وسألتها قلتلها التدريب شامل كل حاجة والمؤشرات والكلام ده كله قالتلى أة وطبعا لما دخلت ولا فيه تدريب ولا حاجة و اتصل بيا واحد بسأله على موضوع التدريب قالى انت أخدت التدريب قلتله فين ده انا مخدتش حاجة قالى مش انت فتحت الأكونت وعرفت ازاى تداول !! قلتله أه .. راح قالى هو ده التدريب مش عارف اقول ايه المهم قعدت أناهد معاه ومدانيش حاجة مفيدة.
اللى اسمها نور دى قالتلى هحطلك 10$ بونس بمناسبة الشهر الكريم وفات شهر ولا حطتلى أى حاجة ولما سألتها على البونس قالتلى من عينيا و راحت عملت حركة من شيم النصابين والله حطتلى ال10$ ووقفتهوملى بحيث انى متداولش بيهم المهم بعتلها ايميل قلتلها الكلام ده مردتش عليا و لغاية وقتنا هذا مش راضية ترد كل ده و مبقاليش شهر معاهم ولسة داخل أومال لو كنت حققت ربح وطلبت الفلوس كانو عملوا ايه !!!
وبكرر تانى أقسم بالله الكلام ده حصل معايا شخصيا وانا بحلف وأنا صايم وحسبى الله ونعم الوكيل فى دى شركة