بما ان الارقام خماسية يبقى النقطة تتحسب من تانى خانة على اليمين
بمثال:
يعنى لو السعر 0.94000 وبعدين بقى 0.94010
يبقى كده السعر ارتفع نقطة واحدة فقط
والخانة الاخيرة دى اللى هى اول واحدة على اليمين بتعد اجزاء النقطة بمعنى
لو السعر 0.94000 وارتفع ل 0.94015
يبقى كده السعر ارتفع 1 نقطة ونصف .
انت لما دخلت الصفقة من 0.97645
وقفلت على 0.97628
معنى كده ان السعر نزل 1.7 نقطة وليس 17 نقطة
وانت خرجت خسران لان الاسبريد على العملة دى اكيد اعلى من 1.7 نقطة . ممكن يكون 3 نقاط مثلا .
مثال تانى . لو سعر اليورو دولار
1.30000 وارتفع ل 1.30012
يبقى كده السعر ارتفع بمقدار 1.2 نقطة وليس 12 نقطة
يبقى انت ممكن تتجاهل الخانة الاولى من على اليمين وتبدأ العد من اول الخانة الثانية من اليمين بردوا
يا رب اكون فهمتك صح وقدرت اجاوب عليك.