بسم الله الرحمن الرحيم ..
أحب أبدأ بالإيجابيات ربنا يجعلنا من الإيجابيين
- روح الجماعة .. أجمل ما في المنتدي من ايجابيات هو روح الجماعة اللي بشوفها من القائمين علي المنتدي .. إحساسك انك واحد من ضمن أسرة كل واحد فيها بيساعد التاني
- العطاء .. كل واحد في المنتدي من المحترفين بيحاول يساعدك من قلبه و بيديك خلاصة تجربته لسنين و بيتمنالك تنجح و تحقق أرباح زيه
- التقييم الشامل .. حيث تجد كل ما يخص شركات التداول بكل خصائصها و مميزاتها و عيوبها .. و التحذير من الشركات النصابة
- الريادة .. حيث أنه أول طريق لأي مبتدئ يكتب علي اليوتيوب ( دروس فوركس ) فيجد القناة الخاصة بالمنتدي و شرح الدكتور أسامة عادل و منه يتجه للمنتدي حتي يزداد علماً
- الانتشار .. يعني اف اكس ارابيا موجود علي تويتر و علي الفيسبوك وعلي اليوتيوب
- التحليلات الأسبوعية .. برغم انشغال الدكتور اليومين دول إلا إن التحليلات دي تعتبر مرجع في وقتها و لو تتابعها فعلاً تتعلم أكتر و كأنها tutorial علي الكورس المتكامل
- المركز المتقدم .. يعني في اللحظة اللي بكتب فيها الإيجابيات و السلبيات موقع اف اكس ارابيا هو رقم 495 أعلي موقع يتابعه المصريون (علماً انه مركز متقدم بالنسبة للمواقع المتخصصة)
نيجي بقي للسلبيات و هي بسيطة
- عدم انتظام الشرح .. أقصد في المنتدي أي حد بيحب يشرح معلومة بيشرحها بطريقة مختلفة تماماً عن أي حد .. أحياناً تلاقي الشرح وافي و أحياناً مستعجل و أحياناً الصور غير موجودة فلا يكون للموضوع النتيجة المرجوة
(اقتراح) : عمل شرح منظم بالرسوم التوضيحية للمؤشرات الهامة في مواضيع مغلقة بحيث تعتبر مرجع للمتعلمين الجدد مثلي
أشهدكم جميعاً أني أحبكم في الله ..