سنة 2006 اتخرجت واشتغلت شغل حر ومليش اطلاقا فى السياسه
اختلطت بالناس اشكال والوان وبدئت افهم مشكلة الشعب المصرى وبدئت اكون مؤيده لنظام مبارك بنسبه مش بطاله
من 2010 الى الان بستمع لاحاديث وبشوف حقائق وبكتشف شخصيات على حقيقتها خلتنى مؤيده لمبارك بنسبة مليون الميه ..حتى اللى كنت معترضه عليه فى سياسات مبارك بدئت اشوف انه كان صح جدااا فيها
متاكده ان الشعب المصرى بعد 10 سنين من دلوقت سواء حكموا خلالها الاخوان او الجيش او الليبراليين او غيرهم ..هيتمنى ان اللى حصل من يوم 25 يناير 2011 يبقى مجرد كابوس ...وبرده هتفضل البلد من سئ لاسوء طول مالشعب فيه افة ترك العمل والاستماع للاشاعات والاكاذيب وقلنا وقالوا ومحاولة تشويه كل شئ عشان ميبقاش حد احسن من حد ..وطول م90% من الشعب المصرى يبحث عن وظيفه على مكتب وينكسف من شغل الصنايعيه والانتاج