السلام عليكم ورحمه الله وبركاته
اللهم صلى وسلم وبارك على سيدنا محمد وعلى اله وصحبه اجمعين
تحيه من القلب لكل الاخوه
كنت ناوى افتح موضوع جديد للتطبيق الجديد للنظريه . ولكن اعتقد ان مدام الموضوع متعلق بنفس النظريه خلينا نناقشها هنا فى نفس الموضوع ونبقى نعدل او نعمل تلخيص ونحطه فى بدايه الصفحه . صراحته اكثر ما يزعجنى هو عناء البعض فى قراه طيات الصفحات . واتعمد اكتب كل شى عن الموضوع فى الصفحه الاولى بعيدا عن التشويق والاثاره وغيره . ولكن هذا استثناء ان اكتب باقى موضوع فى طيات الصفحات ولكن ان شاء الله نطلب من اخونا معاز او او بشار المشرفين يعدولو اول مشاركه ونحط فيها الملخص ..
علشان ابسط الفكره خلينا نبدا واحده واحده . بس بالله عليكم المواضيع دى مش تتقرى وانت مستعجل ولا فى صفقه مفتوحه ولا مستنى الشاى يغلى
يعنى انا بحاول ابسط على قدر استطاعتى علشان مش بقدر اتابع وارد على الاستفسارت .
نسمى بسم الله ونتوكل على الله
تخيل ان فى اربع حسابات . يمتلكهم اربع اشخاص وهنسمى الحسابات دى حساب رقم 1 وحساب رقم 2 وحساب رقم 3 وحساب رقم 4 . الاربع اشخاص اتفقو انهم يدخلو كل يوم فى نفس الوقت الساعه 10 صباحا صفقه والساعه خمسه مساء صفقه وكل واحد ليه دور محدد سابقا لا يحيد عنه وقسمو الادوار كالتالى
حساب رقم 1 عليه ان يدخل صفقه شراء الساعه 10 صباحا واذا خسرت لا يدخل الساعه خمسه مساء واذا ربحت يدخل صفقه شراء الساعه 5 مساء بلوت ضعف لوت الساعه 10 صباحا
حساب رقم 2 عليه ان يدخل صفقه شراء لساعه 10 صباحا واذا خسرت لا يدخل الساعه خمسه مساء واذا ربحت يدخل صفقه بيع الساعه 5 مساء بلوت ضعف لوت الساعه 10 صباحا
حساب رقم 3 عليه ان يدخل صفقه بيع الساعه 10 صباحا واذا خسرت لا يدخل الساعه خمسه مساء واذا ربحت يدخل صفقه بيع الساعه 5 مساء بلوت ضعف لوت الساعه 10 صباحا
حساب رقم 4 عليه ان يدخل صفقه بيع الساعه 10 صباحا واذا خسرت لا يدخل الساعه خمسه مساء واذا ربحت يدخل صفقه شراء الساعه 5 مساء بلوت ضعف لوت الساعه 10 صباحا
براحه كدا واقراء وافهم الخطه اللى اتفقو عليها الاربع اشخاص
طيب دلوقتى الاربع اشخاص بيدخلو فى نفس التوقيت بنفس الثانيه على نفس البروكر بنفس السعر بنفس الاستوب لوس وبنفس التاك بروفت وكل واحد بالطريقه المحده اللى اتفقو عليها اللى ذكرنها
الحساب اللى صفقاته تخسر الساعه 10 صباح كدا خلاص اليوم بالنسابه انتهى ويبدى من بكره يوم جديد واللى صفقته تكسب الساعه 10 يدخل بلوت مضاعف الساعه خمسه كما وضحنا فى الخطه اللى اتفقو عليها فى الاعلى
طيب الصفقه اللى تربح الساعه 10 والساعه خمسه تبتدى تانى يوم بنفس اللوت الابتدائى مثلا 10 سنت لكل 2000 دولار والصفقه اللى تخسر تانى يوم تدخل بنفس اللوت +نصف اللوت اللى خسرته امس يعنى لو دخلت ب10 سنت وخسرت تانى يوم تدخل ب15 سنت . ثم 22.5 سنت ثم 33.75 سنت . يعنى مضاعفات نصفيه . (( المضاعفات النصفيه هيا اللى بيكون عندك الهدف ضعف الاستوب ولما تخسر بتدخل بلوت بحيث تكسب نفس البروفت وتعوض خساره الصفقه السابقه)
بالعقل وبجميع الفرضيات ومهما السوق عمل هناك احتمال واحد فقط لا يوجد غيره اطلاقا . ان حساب واحد سوف يربح والثلاث حسابت الاخرى سوف تخسر الحساب الذى سوف يربح سوف يكون ربحه 3 اضعاف يعنى بالزبط يعتبر التاكبروفت 3 اضعف الاستوب
دلوقتى لو النهرده الحساب طلع الساعه 10 وطلع الساعه خمسه هل بكره هيطلع الساعه 10 ويطلع الساعه خمسه ولو دا حصل هل هيحصل تالت ورابع وخامس يوم ""الشارت امامك جرب وشوف""
الطبيعى ان فى حساب كل يوم هيربح مره النهرده حساب رقم 1 بكره حساب 2 بعده حساب 3 بعده وبعده حساب 4 وهكذا . الحساب اللى هيكسب مبروك عليه ويتقبل خساره بكره والحساب اللى خسر بكره هيربح لامحاله لان دا حال السوق . طبعا كل ما تخسر ايام ورا بعض اكتر كل ما يكون مكسبك اكبر . وطبعا انتى داخل مضاعفات نصفيه يعنى امان لان اللوت مش بيكبر بسرعه . وعندك الهدف 3 اضعفا الاستوب لوس يعنى اشطه .
ايه رايك بقى فى الاتفاق بتاع الاربع صحاب دول مريحين بالهم وبيكسبو ولا موشرات ولا فنى ولا غيره
نيجى بقى لاهم حاجه . انا شرحت الطريقه بمثال لاربع اشخاص . انتى بقى تعمل اللى بيعملوه الاربع اشخاص على حسابك انتى . تتعامل بالاربع حسابت فى حساب واحد .. هتقلى كدا هيدج ايوه هيدج بس خليك ذكى مش تفتح اربع صفقات فى نفس الوقت وتخسر اسبريد يعنى لو عندك مثلا صفقتين بيع بلوت 80 سنت وصفقتين شراء بلوت 30 سنت . تبقى تفتح صفقه بيع بلوت 50 سنت . كانك بالزبط فتحت بيع ب80 وشراء ب30
بالنسبه لحجم اللوت مفتوح كل واحد وطريقته
فاضل فقط حاجه اخيره هترفع نسبه الامان بنسبه كبيره جدا هبقى اشرحها ان شاء الله فى اقرب وقت . لكن حتى لو اتعاملت كما ذكرت هنا انتى فى امان ..اما الباقى فقط مذيد من الامان لا اكثر
بتمنى التوفقيق للجميع ارجو ان اكون وفقت فى الشرح .
واختم بقناعتى وهى ان الرياضيات تستطيع ان تجعل الفوركس راكعا اسفل قدميك