ياجماعة انا فى الفوركس بقالى اكتر من سنتين
من الاخر كدة اللى بيقدر يتجنب الطمع هو اللى هايقدر يكمل والناس اللى عندها قناعة فى الربح القليل هى اللى هاتكمل
الناس اللى بتقول ان الفوركس خراب بيوت لازم اختلف معاهم واقولهم انت اللى خربت بيتك بنفسك
اية اللى يخلى واحد حسابة 1000 دولار مثلا يدخل النقطة ب10 دولار ولا حتى 5 دولار ولا حتى بـ دولار
واول ماتخسر تقول الله يخرب بيت الفوركس
لا معلش ياصاحبى انتى اللى طماع و نفسك تبقى مليونير فى اسرع وقت
تخيل معايا لو انت جاهل فى الفوركس ومتعرفش اية الفوركس دة اصلا وحسابك 1000 دولار ودخلت النقطة بـ10 سنت
عارف علشان تخسر حسابك دة , محتاج السعر يعكس عليك قد اية ؟
10000 نقطة
ايوة عشر الاف نقطة
يعنى من الاخر ابقى قابلنى لو خسرت
بس طبعا كلنا مش بنعترف بالكلام دة وانا واحد منكم طبعا
وكلنا بندخل النقطة بأرقام غريبة ونخسر
فا طبعا الشيطان مش بيسيبك يقولك لازم تعوض
تروح داخل تانى لحد ماتلاقى حسابك الجميل بقى فية صفر منور تحت
والله ياجماعة سر الفوركس هو البعد عن الطمع