السلام عليكم استاذ اسلام
لي تعليق علي الطريقة التالتة
انا قريت المشاركة دي بتاعتك اللي حضرتك شرحت فيها الطريقة
اف اكس ارابيا..الموقع الرائد فى تعليم فوركس Forex - عرض مشاركة واحدة - اتريد 50% شهريا . بهدوء . اتفضل طريقتى الخاصه على حسابتى الحقيقيه
و لقيت ان الطريقة التالتة هي تقريبا الطريقة الاولي بس مع تغيير الموني منجمنت
و هنا لي بعض التعليقات
1- حضرتك قلت ((( هذه الخطه فى اداره راس المال ليست لى وانما من باب الامانه هى لاخونا 10 بيبس وهو شرحها فى اكثر من منتدى منذ زمن بعيد .. وللعلم هذه الخطه اتبعها احد الاخوه وحقق 600 الف دولار خلال شهرين ونصف من راس مال 5000 الاف دولار ))
لو حضرتك اخدت بالك من موضوع الاخ 10 بيبس في منتدي الجيران هتلاقي انه في اول موضوعه ذكر ان الطريقة دي هي محاولة منه لتفسير طريقتي اللي انا ذكرت نبذة عنها في احد المواضيع و لكن كنت رافض اشرحها لاسباب معينة فهو قعد يفكر و يحلل الشروط اللي انا كنت حاططها و وصل لطريقته دي
انا بقول الكلام ده لحضرتك ليه : عشان بس فقط تعرف اني فاهم الموني منجمنت دي كويس و ده اللي هوضحهولك في النقاط القادمة
2- (( هبسطها شويه .. احنا قلنا علشان نطبق طريقه اخونا 10 بيبس لازم يكون عندنا الهدف ضعف الاستوب وفى حاالتنا احنا الهدف بيساوى الاستوب . يبقى المفروض نربح صفقتين ورابعض ساعتها لو انتى ربحت صفقتين ورا بعض اصبح الهدف ثلاث اضعاف الاستوب . يعنى نقدر نقول ان كل صفقتين فى طريقتنا تساوى صفقه عند اخونا 10 بيبس .. يعنى ممكن تعتبر ان
كل صفقتين رابحتين تسمى مرحله او خطوه للاعلى .. وكل صفقتين خاسرتين تعنى خطوه واحده خاسره للخلف )))
معلش انا اسف و لكن الجزء المظلل بالاحمر خطأ
لو كان التارجت ضعف الستوب فان صفقة واحدة ناجحة = صفقة واحدة خاسرة = خطوة واحدة ( سواء لاسفل او لاعلي )
اما في حالة حضرتك التارجت يساوي الستوب فهذا معناه ان
صفقتين ناجحتين = صفقة خاسرة = خطوة واحدة سواء لاسفل او لاعلي
ازاي ؟؟؟؟
اول صفقة اللوت 10 سنت و كسبنا دولار تاني صفقة 10 سنت و كسبنا دولار ثالث صفقة 20 سنت لو خسرت يبقي خسرنا 2 دولار
يعني معني كدة لو اناعايز ادبل الاكونت محتاج 18 صفقة متتالية ناجحة للوصول من 1 دولار الي 1000 دولار و كل صفقة تارجت يساوي الستوب و لو جت صفقات خاسرة في النص هاحتاج زيادة علي ال18 صفقة صفقتين ناجحين لتعويض اي صفقة خاسرة
و ادي مثال بالارقام لكيفية التدبيل
ملحوظة كل مرحلة عبارة عن صفقتين متتاليتين التارجت يساوي الستوب
المرحلة رقم 1 ربحنا 2 دولار
المرحلة رقم 2 ربحنا 4 دولار
المرحلة رقم 3 ربحنا 8 دولار
المرحلة رقم 4 ربحنا 16 دولار
المرحلة رقم 5 ربحنا 32 دولار
المرحلة رقم 6 ربحنا 64 دولار
المرحلة رقم 7 ربحنا 128 دولار
المرحلة رقم 8 ربحنا 256 دولار
المرحلة رقم 9 ربحنا 512 دولار
و يكون اجمالي الارباح حوالي 1000 دولار
3- (((( النتيجه .. اعلم اخى ان السوق دائم التغير وليس على نفس الوتيره . وانتى تدخل 10 صفقات يوميا اذا صادفك فقت ساعتين تختلف عن امس فى خلال 9 مراحل سوف تكون حصلت على تدبيله كامله او تدبيله ونصف ومعوض جميع الخسائر .. ولبس هناك اى مشكله ان تتشابه فى يوم ما او يومين متتالين داخل ال9 مراحل .. )))))
هنا النقطة دي مهمة
حضرتك اصلا بنيت الطريقة الاولي علي اساس عشوائية السوق عشان كدة كنت بتستعمل نظام المضاعفات
و لكن عشان تربح بالموني منجمنت بتاعت الطريقة التالتة ان بتفترض ان السوق هيمشي بانتظام كل يوم عكس اليوم اللي قبله في نفس الساعة بنفس عدد النقاط لمدة 18 يوم متتالين
و حضرتك زكرت في اول الموضوع و ايضا في اول شرح الطريقة التالتة انك شايف انه من الصعب جدا ان السوق يكرر نفسه بانتظام لمدة ثلاث او اربع ايام متتالية فما بالك ب 18 يوم
مثال
الساعة عشرة صباحا النهاردة انا اشتريت و كسبت
و اليوم التالي الساعة عشرة صباحا بعت و كسبت
و اليوم التالي الساعة عشرة صباحا اشتريت و كسبت
و اليوم التالي الساعة عشرة صباحا بعت و كسبت
و اليوم التالي الساعة عشرة صباحا اشتريت و كسبت
و اليوم التالي الساعة عشرة صباحا بعت و كسبت
و اليوم التالي الساعة عشرة صباحا اشتريت و كسبت
و اليوم التالي الساعة عشرة صباحا بعت و كسبت
و اليوم التالي الساعة عشرة صباحا اشتريت و كسبت
و اليوم التالي الساعة عشرة صباحا بعت و كسبت
و اليوم التالي الساعة عشرة صباحا اشتريت و كسبت
و اليوم التالي الساعة عشرة صباحا بعت و كسبت
و اليوم التالي الساعة عشرة صباحا اشتريت و كسبت
و اليوم التالي الساعة عشرة صباحا بعت و كسبت
و اليوم التالي الساعة عشرة صباحا اشتريت و كسبت
و اليوم التالي الساعة عشرة صباحا بعت و كسبت
و اليوم التالي الساعة عشرة صباحا اشتريت و كسبت
و اليوم التالي الساعة عشرة صباحا بعت و كسبت
و اليوم التالي الساعة عشرة صباحا اشتريت و كسبت
طبعا لازم كله ورا بعضه بنفس النظام و الترتيب
ارجو حضرتك ما تزعلش من نقدي ده نقد بناء للوصول للافضل و انا بصراحة ما علقتش الا لما عجبني طريقتك و طريقة تفكيرك
و السلام عليكم و رحمة الله