[QUOTE=amirsaid;573047]
شكرًا بس يا ريت بلاش تهجم علي اي حد و العلم لم يكن تعقيد
و الرقمي ناجح و أنا تلميذ للأستاذ علي يوسف اتابعه وا تعلم منه
و اي معلومة حتي و لو صغيرة قد تكون قيمة
تحياتي لشخصك و يا ريت متزعلش مني بس حلوة كوكبي دي في كده بجد
====================
شكرا جزيلا استاذنا الجليل ..وصديقنا الفاضل
الأمير / امير
وان كان الراجل لم يخطئ فى مسألة التحليل الرقمى
لأن للاسف مايتداول فى الوطن العربى عن التحليل الرقمى
مجرد تطبيقات وبعضها مشكوك فى صحته ..
بل وصل للخزعبلات فى احيانا كثيرة
ولم يتناول احدا التحليل الرقمى .
ثم كان تحليل الكواكب وحركة النجوم
..وهو علم موجود
بالفعل ..وان كنت بصراحة شديدة
تابعته فترة واتجننت
احدى المرات اشتريت احدى الأسهم فى
البورصة المصرية
لقيت واحد قالى ..اوعى تشترى ..
فقلت له ..ليه ياريس
انا خلاص اشتريت ..
فنظر لى نظرة يقال انها استحقار
...ثم قال بثقة
كوكب زحل داخل على المشترى ...
فقلت له ..طيب وفيها
ايه كواكب مع بعض ..
فنظر لى وقال الشمس هتتعامد على
سهمك وهاينهار ..
ونظرت له مستعجبا يانهار مش فايت
بتتكلم بجد ..
وجريت على الشقة ..وقابلتنى زوجتى
..مالك فيه ايه
قلتلها مصيبة ..زحل داخل ع المشترى
..والشمس قررت
تتعامد على سهمى وتخرب بيتنا
..الكواكب بتحاربنا
ونظرت لى زوجتى ..ثم اتصلت بوالدتها
..وسمعتها تقول
لها بصوتا خافتا ايوة ياماما
زى مابقولك اتجنن
وكل شوية يطلع البلكونة يبص ع الشمس !!!
وجالى مغص شديد ..
ثم قلت هو انا قلقان اووى كدة ليه
انا هاترك الأسهم ديه اسبوع او شهر
مش فارقة
وبالفعل تركتهم اسبوع وكان اعلى ارتفاع
كان من نصيب
هذا السهم فى البورصة !!!