القصة سهلة ...والحكاية بسيطة ..طالما انت فى الإتجاه الصحيح
تخيل سعادتك انك دخلت الباوند دولار على اعلى سعر الأيام الماضية
مثلا ب 16484 ياخبر ...ايوة انت اشتريته على اعلى سعر
بس عامل ادارة رأس مال كويسة ..
ودخلت مثلا بعقد ميكرو 10 سنت لكل نقطة فى حساب 1000 دولار
هووووب الزوج نزل ل 16430 اشتريت عقد تانى
هوووب نزل ل 16380 اشتريت عقد ثالث
نزل ل 16330 اشتريت عقد رابع وبطلت تدخل هنا الورشة وقعدت تشتم فى سرك
وعلقت اوامر كل لما ينزل 50 نقطة اشتروا عقد ميكرو لما نشوف آخرتها مع على يوسف
* تفتكر انت هاتخسر ؟؟؟
انت مش محتاج تتابع شاشة الأسعار ...وهتلاقى نفسك بتكسب
مش مهم مكسب قليل ولا كتير المهم بتكسب ..
هو زوج الباوند دولار مش قلنا عليه وهو مرمى قرب ال 15800
وكانت الدنيا عمالة تبيع ...والحق ياجدع ..ده كسر رأس وكتفين
لأ استنى كدة ده الكتف اليمين لسه مااكتملش ...
طب بص كدة ديه شمعة الرجل المشنوق.
..استنى استنى نشوف موجات الحاج اليوت
ياحبيبى مستعجل على ايه مش نشوف الآر اس آى ...
ويروح لازقلك 50 مؤشر ع الشارت ..تبص فيهم وتسأله وانت مذهولا
ديه خريطة ايه ديه ياحاج ...يقولك ديه احد نظرياتى بعد 20 سنة خسارة !!!
تحاول تفهم حاجة ..مش قادر
تسأله طيب ده طالع ولا نازل ...يبصلك بأستحقار شديد
ويروح حاطط مؤشر رقم 51 ع الشارت فتقوله متظاهرا بالفهم
الله يكرمك يااستاذنا اهو كدة وضحت الصورة ...
وترجع البيت وانت عندك يقين ان لو الفوركس بالشكل ده
يبقى أكيد محدش بيكسب
مع ان الفوركس سهل للغاية ..قناة وبيتحرك فيها السعر
وسعادتك بتشترى او بتبيع ...مع ادارة رأس مال جيدة
ديه كل الحكاية ببساطة ...