السلام عليكم .. اهلاً باحبائى فى المنتدى اولاً اعتذر عن التأخير فى الدرس لظروف طارئة .. واكرر مرة اخرى اسفى سنأكمل ان شاء الله شرح اول الادوات وهى الايشيموكو وان شاء الله سننتهى منه اليوم قولوا ياااااارب هنشرح دلوقتى عنصر هام جدا فى الايشيموكو ... الكيجن سين الخط اللى باللوان الازرق لو انت شغال بالاعددات الافتراضية سنتعرف على اهمية هذا الخط وكيفية استخدامة فى المتاجرة .. نبدأ اولا هذا الخط الهام يكون فى صورتين 1- وضع مستوى افقى 2- وضع مائل نشوف الشارت مع بعض طيب كل حالة وليها طريقة فى التعامل 1- لو الكيجن فى الحالة المستوية نعرف ان كلما اقترب السعر منه كلما زاد احتمال الارتداد مرة اخرى 2- لو الكيجن فى الحالة المائلة نتوقع اختراق السعر له بسهولة ملاحظة: لو السعر كسر الكيجن من المنطقة المستوية .. نتوقع انطلاق السعر بقوة لانه يعتبر مستوى مقاومة او دعم قوى جدا جدا كيف نستخدم الكيجن سين اول حاجة لازم نعرفها ان قوة النظام فى كل عناصرة .. يعنى منقدرش نعتمد على عنصر واحد فى التحليل طيب دلوقتى هنعمل اية مع الكيجن .. مستوى دعم ومقاومة بكل بساطة شوفوا الشارت ده من الواضح قوة الكيجن كمستوى دعم ومقاومة ... هدفنا ان شاء الله اننا لما نشوف شارت زى ده منتخضش ولا نقول ده صعب اوى ونعيط الفكرة فى البساطة .. كلما فكرت فى الموضوع ببساطة اكتر كلما وضحت الامور فاضل حاجة واحدة فى النظام وهى الشنكو سبان .. بس المهم دلوقتى ان الناس تحط الثلاث عناصر اللى شرحناهم وتحاول تطبق اللى قلناه علشان الكلام يتفهم على الاخر .. بالتوفيق يتبع ,,