الطمع
خاطرة رقم " 4 "
من اكبر المشاكل اللي بتواجهنا في السوق وهي الطمع تلاقي الواحد تحليله ولا أروع ولكن عند دخول الصفقة تلاقيه بقى سلم نفسه لنفسه والعامل النفسي اشتغل ونور اخضر جواه وتلاقيه بيقول انا واثق ان الفرصة دي هتجيب الهدف علشان كده هدخل بعقد كبير ويا عيني على الغلبان ميعرفش انه بيتعامل مع احتمالات يعني زي ما ممكن تتحقق ممكن كمان لأ بغض النظر عن النسب .. وتلاقي الغلبان خسر حسابه في 3 أو 4 صفقات وساعات أقل كمان ده علشان معرفش يتعامل مع السوق بذكاء لأنه لو عرف القاعده اللي بتقول
" إدارة رأس المال هي البقاء في السوق لأطول فترة ممكنة "
كان هيستريح .
طيب واحد سامعه بيقول يا مصطفى ازاي بيحلل كويس والصفقة خسرت ... هقوله هو صاحبنا ده لازم تحليله يطلع صح كل مرة ؟!! طيب ما هو ممكن يحصل حاجة في السوق تخلي الحركة عشوائية صح ؟!
طيب هترد وتقول طيب انا ايه ذنبي في الكلام ده !!
هقولك ماهو انت لو فعلا عرفت القاعده اللي فوق هتخسر الصفقة دي بس هتكسب اللي بعدها لأنك مازلت في السوق .. عارف انت المثل اللي بيقولك متحطش البيض كله في سلة واحدة ؟!
اهو هو ده المثل اللي ينفع في حالتك دي ..
" لا تنسى إذا اعجبتك الخاطرة اضغط على زر like اسفل المشاركة "