السلام عليكم اخ
محمد ... اتمنى تكون فى تمام الصحة والعافية ,,, لو انت شايف ان الموضوع صعب عليك فاعرف انك فى الطريق الصح ودا لأنك لسه فى بداية التعلم فلازم تلاقى الموضوع صعب زى كل الناس المحترفين برضو كان صعب عليهم الفوركس فى الاول ,,,
الموضوع دا هيحاول ينظم لك عالم الفوركس وازاى تبدا فى التعلم وتبدأ منين ,,,
مـن أيـن ابـدأ تعليم الفوركس Forex ؟!!
http://fx-arabia.com/vb/showthread.php?t=29511
هيسهل عليك الموضوع بعض الشئ ,,,
ودى بعض النصائح من خلال تجربتى فى التعلم وأنا حاسس انى فى تحسن مستمر ,,
> ابدأ بدروات الدكتور أسامة عادل لعامى 2011 و 2012 هتلاقى فيهم معلومات بسيطة جدا وفى نفس الوقت ليها قيمة ومشروحة بشكل واضح .
> حاول انك تطبق كل حاجة بتتعلمها على الشارت لان التطبيق هو الأساس فى اكتساب اى مهارة .
> افتح حساب تجريبى وحاول تفتح عليه صفقات بناء على المعلومات الى اخدتها من الدورتين . هتلاقى نفسك فعلا عرفت تعمل توصية ومن الممكن تحقق الهدف كمان .
> بعد ما تخلص الدورتين هتلاقى نفسك بقى معاك أساس قوى فى الفوركس تقدر تعتمد عليه وتحاول تطورة بنفسك من خلال الاطلاع المستمر على الشروحات الموجودة فى المنتدى هنا او فى المنتديات العربية او من خلال اليوتيوب .
> حاول انك تتناقش مع الاعضاء فى المنتدى هنا علشان المناقشة تعتبر طريقة تعليمية جيدة جدا .
وأخيرا ,, لازم تعرف ان النجاح مش هيجى بالساهل فلازم انت تجتهد علشان توصل لنجاح دا ,, ودى مجرد نصائح نفعت معايا أنا بس ممكن متبقاش مناسبة ليك فلازم تشوف الطريقة الى انت فعلا شايف انك بتتعلم منها كويس ,, ولازم تسهل على نفسك الموضوع ومتخلوش معقد وانك عايز تتعلم كل حاجة مرة واحدة هتلافى نفسك فى الاخر مفيش اى نتيجة إيجابيه والمعلومات هتبقى متداخله مع بعضها .
والسلام عليكم ,,,,