سمع هوووووووس
وسع يا جدع
صلي ع رسول الله معايا اللبان واللي مبانش ومعايا فلاية تطلع ميت املاية
اضحكوا شوية يا سخاري مش سخرية واحدة ( سخاري القدر )
بأختصار انا هنا لأقول كلمة حق والله ع ما اقول شهيد
نادر ياما كان ليه الفضل عليا كبير وعلينا جميعا وهتكلم عن نفسي انا عموما
نادر انا اتعلمت منه يعني ايه حلاوة الفوركس الربح والشارتات الجميلة المنورة اللي تفتح النفس
مكنتش بكسب خالص قبل كدا بس معاه وبطرقه بقيت الحمد لله بكسب
اه فيه سقطات ونسيات لكن الراجل والله والله والله بيعمل اللي عليه بيدخل المنتدي ومبيلاقيش تفاعل في الورش وبيحط شارتات وبينزل تحليلات
انا خسرت اه ف مرة بس كان بغباء مني عشان محطتش استوبات واعتمد ع الأغلاقات وديه حاليا بحاول اعالجها لكن والله الراجل مثال ف الشرف والأحترام والتفاني ف عمله
يا ابو العبد نحن هنا اخوة. يكفي اقولك انا نادر ده طلعت عينه اد ايه عشان يفهمني الدنيا والشرح ويشرحلي مرة واتنين وتلاتة وعشرة كمان
وكان بيقول ع صفقات بتخسر وبيقول ع صفقات بتكسب
احيانا بتحصل منه سقطات غصب عنه زي مثلا ندخل صفقة هوا ميدخلهاش ونخسر او العكس بس ده لأنه مش فاضي ومش معلش ب صريح العبارة بالمصري
خلفنا ونسينا . هوا مش ابونا ف المجال ده هوا استاذنا ومعلمنا ياما علمنا حاجات كتير واكيد مش هيلاحق علينا وع المنتدي والورش والتحليلات وشغله وشغله ف الفوركس وبيته ومراته وعياله
ع ايه كل ده . الراجل ده بيعمل لوجه الله تعالي وانا حضرته
ومع احترامي ليك اخي ابو العبد شايف نفسك مش مرتاح اخرج من الورش ديه وتداول بطريقتك وبأسلوبك وعيش مع نفسك ف اي طريقة تانية . ف النهاية كل واحد ينام ع الجنب اللي يريحه هوا مقالكش انا هاخد نسبة م الربح وف الخسارة معرفكوش ولا مثلا هاتوا فلوس واديرلكوا حسابات تخسر تكسب مش قصتي
الراجل بينزل حاجات اللي عايز يمشي عليها اهلا وسهل مش عايز براحتك متدخلش هنا تاني فلوسك خايف عليها وف حسابك محدش قال تتاجر بالطريقة يا سيدي
نادر مش كل وقت هيدخل يقول قدموا الأستوب حطوا بروفيت اعملوا كذا متعملوش كذا يكفي وبكفااااااية اوي ان الراجل بيستحمل هنا الصغير قبل الكبير ف اي استفسار بيتوجله
ف النهاية واخيرا وليس بأخر . يعلم الله ان عندي امتحانات وانا ولا بتاجر ولا بتنيل ولكن من حبي للورش بدخل اشوفها يوميا وحبي لأرابيا بصفة عامة ونادر بصفة خاصة ويعلم الله ان الوقت اللي كنت هكتب فيه المقالة ديه كلها كان افيدلي لو ذاكرتلي كلمتين واعدت فهمتهم بدل المقالة الكبيرة ديه كلها بس كان لازم ارد لراجل ليه فضل كبير اوي عليا غيبته سواء موجود او مش موجود
ف النهاية والفقرة ديه ليك يا نادر . كمل متابعتك وشغلك عادي ومتحسش لا بألم ولا بحسرة يعلم ربي اد ايه انا بعزك وأكن لك كل التقدير والأحترام
والسلام حسن الختام
اعتقد ديه اكبر مشاركة ليا ف المنتدي كله اصلا
