يا حبيبي
باك تست ايه الي تتحدث عنه ؟ الباك تست تضييع للوقت أخي .
أحنا شغالين رينكو بقالنا شهرين وعارفين ايه ينفع معاه وايه مينفعشي
جربنا الدخول كل بوكس وبوكسين وثلاثه واربعه وفشلت .
لازم فلاتر وفكره جديده تضاف للأكسبرت مع الفلتر القوي .
وفكرة الدخول كل بوكسين فقط لوحدها بدون فلاتر معينه فاشله
هي كلمة فاشله بتزعل ؟ فيها أهانه لأحلامنا وطموحاتنا ؟
ابدا فاشله يعني بلاش نتربس دماغنا فيها
وقلت ان فكرة بدوي محتاجه فلاتر خاصه
هو احنا كتبنا معاها عقد شراكه او هناسب الي اخترعها عشان ندافع عنها وخلاص ؟
الطريقه الناجحه كلنا شغالين نطورها للأفضل والطريقه الغير ناجحه بنضيع وقت ووقت المبرمج فيها ليه ؟
بدوي جاب أستراتيجيه كويسه ولكت الموقع الأجنبي الي جاب منه الأستراتيجيه موقع زيه زي اي منتدى وشكل الأستراتيجيه على الشارت حلوه وهو جاب فرص يوم واحد فقط وعملها صوره وكتب عليها مجموع الربح وده شغل مش صح مش هقول فاشل عشان محدش يزعل
ولكنه فاشل برده .
هتمشوا في مشوار مسدود مرحب بيكم كلكم
بس معانا مبرمج غايه في الأحتراف والأحترام , حرام عليكم تضيعوا وقته على الفاضي
لو الساحر فاشله هقول عليها فاشله
ومش هكون السبب في فشلها لأني أخترعتها
ولكن هقول فاشله لو انها لم تنجح عملي .
وأستراتيجية كل بوكسين لو ناجحه هقول ناجحه
ولكنها لم تنجح عمليا .
جربوا براحتكم ولما تخلصوا تجارب قلولي .
وفكرة الموفنج كفلتر بداية التفكير الصحيح
الله يفتح عليك
أمل أيه يا حبي ؟
عايز تعييش في وهم ؟
حاضر من عيني
الفكره قويه وتحقق ملايين
وأنا حققت منها الاف النقاط ديمو
ولو زبط الأكسبرت الدخول كل بوكسين هيبقى قمبله
ايه رأيك كده ؟ أديتك الأمل الي طلبته .
بس انت عندي غالي وعايزلك والله الخير
عايزك تمشي في طريق صحيح نهايته مكسب وأرباح وليس العكس .
ومش معنى فاشله اننا هنتوقف عن المحاولات
ولكننا مستمرين ولكن بفكر جديد مختلف عن الي سبقه لا أكثر ولا أقل .
أنا اشتغلت على الساحر وحققت نتائج قويه
ولم افكر في عمل أكسبرت لها
لأن تنفيذ أكسبرت للساحر مش هيكون سهل عايز شغل معين
لأني افلتر الساحر فلاتر يدويه بالنظر بعيني .
خلينا نركز مع بدوي من فضلكم
فكرة أستراتيجية بدوي محتاجه زي ما قلت فلتر قوي وذكي وهنشتغل مع الدخول كل بوكسين زي ما بدوي قال ولكن نشوف ما هي افضل فكره وما هو افضل فلتر يتم اضافتهم لأستراتيجية بدوي , عشان يبقى فيه جدوى من المحاولات .
الماجيك نمبر مجرد اي رقم مختلف لكل زوج
وانت صح بتغير الرقم لكل زوج فقط
بسيطه وسهله بتغير الرقم في الأعدادات
يعني مثلا الماجيك نمبر الأصلي هو 2365
اليورودولار هياخد الرقم الأصلي 2365
الباوند دولار هياخد رقم 23651
اليوروين هياخد رقم 23652
الأسترليني هياخد رقم 23653
الكندي هياخد رقم 23654
وهكذا .........
أصبح كل زوج له رقم ماجيك خاص بيه هو فقط , عشان يبقى الأكسبرت عارف صفقاته على الزوج الواحد ولا يتلغبط بصفقات ازواج أخرى تحمل نفس الماجيك نمبر .