من أهم الأشياء التي يجب أن نأخذها في الأعتبار هو تحليل العملة نفسها
يعني لو بشنتغل على اليورو دولار نشوف أندكس اليورو و أندكس الدولار
مثال بسيط :
زوج اليورو دولار في إتجاه هابط و قدمنا فرصة بيع بعد الإرتداد من منطقة طلب
نذهب لعملة اليورو و نرى هل هي في إتجاه هابط أم لا ؟ ولو في إتجاه هابط
هل هناك منطقة طلب قوية على فريم اليومي أو الأسبوعي قد تعيق الحركة أم لا ؟
نفس الكلام نعمله مع الدولار , نشوف هل هو في إتجاه صاعد أم لا ؟
هل يوجد منطقة عرض أمامه قد تجعله يهبط أم لا ؟
التحليل دة مهم جداً علشان نقلل فرص الدخول الخاطئة و يكون تحليلنا صحيح .
كمان نصيحة : بلاش الطمع و بلاش الدخول في أي صفقة و بلاش تحدد أي منطقة و خلاص
حاول تشوف المناطق القوية جداً القريبة من السعر أعلاه و أسفله و حددها
و حاول الربط بين الفريمات الأسبوعي و اليومي ولو حابب تشتغل على الأربع ساعات اوك .
بلاش التسرع و الدخول فوراً في الصفقة حاول تشوف حركة سعرية أو شيء بيدل على أن
السعر بدأ يرتد فعلاً علشان تلحق تركب الموجة و تدخل الصفقة و تاخد ربح كويس , و بلاش الطمع .
مشكلتنا كعرب اننا بنحب الطمع , عايزين نقط كتير و خلاص و عايزين فرص دخول كتير و خلاص
و عمالين نحط مؤشرات كتير و نخترع في الفوركس و الحكاية أصلاً مش مستاهلة كدة خالص !!
بالتوفيق للجميع إن شاء الله .