السلام عليكم و رحمة الله وبركاته :
انا من الناس اللى متعرفش حاجة عن الفوركس غير اسمه و انه تجارة عملات ... وللامانة مش ناوى اعرف اكتر من كدة لانى سمعت انه بيحرق الدم و الاعصاب و الواحد مش ناقص.
المهم ... انا قدرت احوش مبلغ مش بطال من شغلى و قررت انى استثمره فى اى حاجة بدل ما هو محطووط فى البنك و كنت بدور على مجالات الاستثمار المجزية و المتاحة.... و قريت عن الفوركس و عرفت ان فيه شركات ممكن تدير الحساب للناس اللى زى حالتى و ميعرفوش حاجةفى مقابل انهم بياخدو نسبة من الربح.... بس للاسف قريت برضه ان النصب فى الحاجات دى كتير و ممكن فلوسى اللى تعبت فيها تضيع فى ثانية.
فبعد اذنكو عاوز اعرف .... هل فيه شركة محترمة (مش افراد)و موثوق فيها ممكن اشترك فيها و هى تديرلى فلوسى و اكون مطمن .... و هل بيبقى فيه اى ضمانات قانونية ولا لا
انا بالنسبالى مش مهم تكون نسبة الربح صغيرة بس اهم حاجة عندى هى ابقى مكمن على فلوسى و نسبة المخاطرة فيها تبقى قليلة اوى.
لو سمحتو اللى يقدر يفيدنى باى نصيحة او معلومة يبقى جزاه الله كل خير.... و شكرا