بص يا علاء هاديلك مثال بسيط
لو انت ماشى فى طريق سريع دولى محدد المعالم هتركب العربية بتاعتك وتمشى باقصى سرعة
وانت مغمض عنيك وممكن تشغل القيادة الالية وتنام براحتك ههههههههههه
اما لو حبيت تمشى فى طرق مختصرة من وجهو نظرك بين الصحارى والجبال والهضاب
هتعمل اية؟
هو اينعم فية مغامرة ومفاجأت منها السار ومنها المرعب وممكن تصل اسرع ولكن محفوف
بالمخاطرة
هوة دة نفس الكلام فى الفوركس
يعنى القاع اللى حضرتك بتشتغل علية دة عبارة عن طريق ضيق وبة عدة تعاريج ومطبات
هاقولك لية بقى هات القمة الحقيقية لليورو دولار عند 14245 على فريم الساعة
هتلاقى نفسك الان فى منطقة التمحور للزاوية 360 وطبعا عارفين ان منطقة التمحور
يدور حولها السعر صعودا وهبوطا اكثر من مرة فعشان كدة تلازم تلاقى تذبذب
طيب امال فين الطريق السريع الواضح والصريح؟
بردو من نفس القمة 14245 لكن على فريم الدايلى
سنجد ان الزوج هبط مباشرة الى الزاوية 144 وبدأ فى الارتداد
والارتداد غالبا مايكون الى حدود الزاوية 72
طيب هبط فى 3 شمعات ونصف( دايلى )
يبقى التوقع انة هيرتد الى الزاوية 72 فى 7 شمعات دايلى
يبقى الدخول الصحيح هو البيع وليس الشراء
يعنى القاع اللى جبتة حضرتك غير حقيقى لا يعتد بة بالرغم انة ممكن ان يكمل دورة صاعدة على
فريم الساعة ولكن يجب ان يكون لديك خطة عمل واضحة عشان ماتوهشى بين الطرقات الضيقة
يبقى الدخول يكون بيع من عند الزاوية 72 ان وصلها عند السعر 13944
والهدف هو 13353 ان شاء الله انظر الى الهدف كام نقطة؟ تقريبا 600 نقطة
طيب لو كسر 13944بشمعتين دايلى يعنى ضرب ستوب البيع
هنا هترجع بقى الى القاع الحقيقى ايضا على فريم الدايلى عند 13145
هتلاقى ان الزوج يتحرك على شكل رباعى واحترام متناهى للزوايا 90 و180 و270
يبقى هتعكس صفقاتك وتصبح شراء وهدفك سيكون 14255 ثم 14635
وهتلاقى هدفك ايضا لن يقل عن 600 نقطة ان شاء الله بالرغم انك واخد الاتجاة فى نصف الطريق
يعنى بالاختصار طريق سريع دولى رايح جاى هو طويل شوية بس مؤكد الوصول باذن الله
عكس الطرق الضيقة والتى ممكن ان تصل منها بسرعة ولكن ايضا ممكن تتوة بسرعة ايضا يعنى
(مارجن والعياذ بالله)
ارجو ان اكون قد اجبتك بشئ من التفصيل
وبالتوفيق ان شاء الله