في حاجة كدة الناس أعتقد مش واخده بالها منها ...
الواحد لما بيحدد مستوى و يكون قوي و لما يصل السعر له مرة كمان و يحصل إرتداد
من عنده بتحدد مستوى تاني , هو كويس أننا نعتمد على الأتنين بس الأصح و الأدق
الإعتماد على المستوى الرئيسي , أصل المستوى الثاني .
لو حد لاحظ هايلاقيه حصل دلوقت في الـ GBP AUD ... منطقة عرض على اليومي بتتوافق مع منطقة على ال4 ساعات
السعر وصل بالقرب منها و حصل إرتداد كون منطقة أخرى ... المنطقة الثانية دي السعر وصل لها أكثر من مرة
و لم يرتد بقوة , و أخر شمعة اللي هي الشمعة الحالية السعر لما وصل بالقرب منها إرتد ليرجع إلى المنطقة الثانية
التي تفرعت من الأولى أو الرئيسية .
خلاصة كلامي إنه لازم أي مستوى نحدده نشوف أصله فين علشان نبقى مركزين على أصله أكتر خاصة إذا كان قريب منه
و الكلام دة بيفرق أوي و بيفيد أوي في الترندات الأفقية ( التذبذب ) و مش بيبقى بنفس القوة
في الترندات الصاعدة و الهابطة بس بيبقى بردوا الواحد لازم يخالي باله و ياخد حذره .
أنا بس حبيت أقول على اللي لاحظته و أتمنى أنه يفيد الكل 