العفو يا أخي .
ياريت بس الناس تفهم هذه المستويات و تعرف تخرجها من على الشارت .
اللي يفهم هذه المستويات ولا هايبقى محتاج مؤشرات ولا توصيات ولا نيلة
المؤشرات هاتبقى مجرد عامل تأكيدي فقط و في حوالي 4 مؤشرات حلوين أوي
و ينفع إستخدامهم كتأكيد في هذه المستويات البولينجر و الاستوكاستك و RSI و CCI
الموضوع بسيط أوي بس الناس تحاول و تدرب على ديمو .
حدد الترند العام و شوف السعر فين و حدد المناطق القوية اللي فوق و تحت السعر
و هدفك يكون الفرص اللي مع الترند و خصوصاً المناطق اللي السعر وصل لها كأول مرة
شوف و بص على المنطقة و حدد قوتها و بص على أندكس كل عملة بتاع الزوج و أستنى
أشارة تأكيدية على الدخول و أتكل على الله و أدخل .
الموضوع بسيط و سهل جداااااااااااااااااااااااااااااااااااا بس الواحد يتدرب شوية و مش يعقد نفسه و يكبر الموضوع
و يملى الشارت خطوط طالعة و نازلة و مؤشرات يمين و شمال و يشتت نفسه 
في أكتر من موضوع يعرف المناطق دي و بيخرج الفرص , زي موضوع الأخ ماريو و الأخ أمير ...
الواحد يبص على الفرص اللي بيخرجوها و يشوفوا خرجوها أزاي و بناء على أية و يتابعوا و يشوفوا قوة الفرص
و قوة التحليل بهذه المناطق .
المثير في الموضوع المستويات دي كانت غير معروفة لغاية عام 2007 لما تم الكشف عن وجودها و العالم فرق
سر من أقوى أسرار الفوركس و التحليل الحقيقي و للأسف وصل لنا متأخر من كام سنة هههههههههههههههههه
قريب إن شاء الله هايتم ترجمة بعض الفيديوهات لمكتشف هذه المناطق و شخص أخر يعتبر من أشهر مستخدمي هذه الطريقة
و ربنا بقى يسهلها على الكل و الإفادة تعم على الجميع و الناس تفهم و تشوف حركة السعر بمنظور تاني أفضل و أوضح .