[Ultimate]

انا لى تجربه معهم .. هحكيلهكم

كان فى ندوة مجانا هينشرح فيها شوية مبادئ وكمان استراتيجية بولينجر باند وكمان شوية كلام فارغ مش فاكره.
اليوم ده انا كنت مشغول وكان عندى محاضرة مهمة ضحيت بيها وروحت الندوة قولت نستفيد بحاجة مهمة ,

روحت المفروض نبدا الساعة 5 مساءا وتنتهى 8
ويا حلاااااوة . فضلنا مستنين اكتر من نصف ساعة عقبال ما الحاج اللطيف الظريف يحن علينا وعلى الغلابة اللى جاية من اخر الدنيا ويدخل القاعة اللى هى اساسا مترين فى مترين

المهم , دخلنا الحاج وبدا كلامه بنفسية الحاج المضارب وشوية كلام فارغ بردوا ملوش عوزة وسبنا ومشى وخلى واحد من شركة اف اكس سلوشن يتكلم معانا
كلمنا عن شركته , والمميزات اللى هى اساسا موجودة فى اى شركة بير سلم

وبعدين اتكلم عن الفوركس من جوه يعنى بدا يقول تعالوا ناخد عملة مش عارف ايه ونشوف سعرها وناخد عملها عكسها ونشوف لما نضرب ونجمع ونقسم ونطرح السعر من بعضه ايه اللى هيحصل
شوية والناس بدات تتخنق بعد ما كانت القاعة مليانة ناس

بدات الناس تمشى واحدة ووراه عشرين

شوية ولقينا واحده اتجرات وقالتله احنا مش عارفين يعنى ايه سعر صرف وانت بتتكلم فى العملات واسعارها
راح قالها ايه : سعر الصرف زى مانا بروح لشركة صرافة واقول للراجل انا عايز عملة وباخدها بفلوس وسعر وهو ده سعر الصرف

الواحد كان هيشد فى حواجبه , واللى زاد وغطى كان بيقولنا انك ممكن تدخل 10 صفقات بدون النظر على الشارت بمخاطرة 10% فى كل صفقة واكيد كله مش هيخسر
وممكن 7 يكسبوا وبكده يبقى حققت ربح

طيب محاضر مين اللى ينصح بحاجة او يقولها عموما زى كده

انا لسه متصلين بيا من كام يوم بيقولولى لو عايز تشترك معانا فى الدورة اليوم واحد دى تقريبا ب 300 جنيه قولتلهم افكر
قالولى هنتصل بيك يوم الخميس اللى فات يعنى , وانا عملت عبيط ومردتش

عالم مستفزة

[Ultimate]

انا لى تجربه معهم .. هحكيلهكم

كان فى ندوة مجانا هينشرح فيها شوية مبادئ وكمان استراتيجية بولينجر باند وكمان شوية كلام فارغ مش فاكره.
اليوم ده انا كنت مشغول وكان عندى محاضرة مهمة ضحيت بيها وروحت الندوة قولت نستفيد بحاجة مهمة ,

روحت المفروض نبدا الساعة 5 مساءا وتنتهى 8
ويا حلاااااوة . فضلنا مستنين اكتر من نصف ساعة عقبال ما الحاج اللطيف الظريف يحن علينا وعلى الغلابة اللى جاية من اخر الدنيا ويدخل القاعة اللى هى اساسا مترين فى مترين

المهم , دخلنا الحاج وبدا كلامه بنفسية الحاج المضارب وشوية كلام فارغ بردوا ملوش عوزة وسبنا ومشى وخلى واحد من شركة اف اكس سلوشن يتكلم معانا
كلمنا عن شركته , والمميزات اللى هى اساسا موجودة فى اى شركة بير سلم

وبعدين اتكلم عن الفوركس من جوه يعنى بدا يقول تعالوا ناخد عملة مش عارف ايه ونشوف سعرها وناخد عملها عكسها ونشوف لما نضرب ونجمع ونقسم ونطرح السعر من بعضه ايه اللى هيحصل
شوية والناس بدات تتخنق بعد ما كانت القاعة مليانة ناس

بدات الناس تمشى واحدة ووراه عشرين

شوية ولقينا واحده اتجرات وقالتله احنا مش عارفين يعنى ايه سعر صرف وانت بتتكلم فى العملات واسعارها
راح قالها ايه : سعر الصرف زى مانا بروح لشركة صرافة واقول للراجل انا عايز عملة وباخدها بفلوس وسعر وهو ده سعر الصرف

الواحد كان هيشد فى حواجبه , واللى زاد وغطى كان بيقولنا انك ممكن تدخل 10 صفقات بدون النظر على الشارت بمخاطرة 10% فى كل صفقة واكيد كله مش هيخسر
وممكن 7 يكسبوا وبكده يبقى حققت ربح

طيب محاضر مين اللى ينصح بحاجة او يقولها عموما زى كده

انا لسه متصلين بيا من كام يوم بيقولولى لو عايز تشترك معانا فى الدورة اليوم واحد دى تقريبا ب 300 جنيه قولتلهم افكر
قالولى هنتصل بيك يوم الخميس اللى فات يعنى , وانا عملت عبيط ومردتش

عالم مستفزة